قبل ست ساعات بهنجر كبير، بمكان بين الأسكندريه ومرسى مطروح. كان لقاء الشياطين.. الخمس
فابيو.. چاكلين.. هاشم… نجيب الكفراوى، وهنالك
قائد مرتزقه لكن يجلس بعيد عنهم قليلاً ومعه مجموعه من ضخام الهيئه الجثمانيه ولزيادة براعتهم ملتحون بذقون كبيره، جالسون تمهيداً لأخذ تعليمات إحدى هجماتهم الإرهابيه.
بينما على تلك الطاوله كان لقاء الرباعى هاشم وچاكلين ونجيب وفابيو الذى تحدث:
إذن رفعت مازال يعمل بمنصبه القديم بين رجال الشرطه البحريه كانت خدعه منه ومن الشرطه إذن لابد من قصاص جيد لخداعنا.
تحدث هاشم بفحيح أفاعى:سبق وقولت إنى مش مصدق إن رفعت يسيب البحريه بسهوله هو من صُغره كان هدف حياته يكون قبطان فى البحر أنا فاكر كويس رضوان والده حاول زمان أنه يقنعه يدرس طب بيطرى علشان الخيول، رغم انه كان عنده عشق لتربية الخيل لكن وقتها إختار البحريه ورضوان إستسلم له، فجأه كده هيسيب حلم حياته وهينهيه بسهوله كده… رفعت خداعنا فعلاً
نظر فابيو. ل نجيب الصامت وقال: أين صوتك نجيب منذ أن جلسنا لم أسمع صوتك.
تنحنح نجيب يقول: أنا بقول تصفية رفعت ممكن تسبب دوشه كبيره أحنا فى غنى عنها دلوقتي.
ردهاشم: أى دوشه كبيره ، أنت مفكر إنك ممكن تكسب الإنتخابات لو رفعت فضل عايش، رفعت ظهر بوضوح أنه مع المنافس لك، موت رفعت دلوقتي فرصه كبيره لك، المنافس التانى مالوش شعبيه وسط الدايره، دعم رفعت له هيكسبه الإنتخابات من الجوله الأولى..وأعتقد إنك بعتت مرسال وسيط بينك وبين رفعت وجالك الرد بعدها لما أعلن شبه دعمه للمنافس بتاعك ، ومتنساش إنك زمان شاركت فى حرق سرايا الزهار لنفس السبب، أنا متأكد رفعت هيساعد المنافس اللى ضدك لسبب واحد، رفعت بعد ما يننهى مدة خدمته فى البحريه وده متوقع قريب جداً، عالفتره الأنتخابيه الجايه هيكون وصل لسن الترشيح للبرلمان ويبقى منافس لك ووقتها إنسى كرسى البرلمان اللى بتجهزه لابنك من بعدك، كلنا هدفنا ومصلحتنا تصفية رفعت.
صمت نجيب كان رد بقبول حديث هاشم الذى نظر ل چاكلين وتبسم بظفر.
تبسم فابيو أيضاً وقال: وماذا عن زوجة رفعت؟
رد نجيب: مراته شخصيتها قويه جداً والبلد كلها بتعمل لها إحترام كبير ومش السبب فيه إنها زوجة رفعت الزهار، السبب فيه هى نفسها قريبه من الناس وبتقدم مساعدات طبيه لأهل البلد مجانيه،
دى فى فتره صغيره بقى فى الوحده غرفة غسيل كلى وبنك دم،غير أوضة عمليات كبيره تشبه أوض عمليات مستشفيات كبيره وخاصه وده بسببنا أخدت مننا تبرعات بسهوله.
سخرت چاكلين قائله: إذن تعتقد نفسها مثل روبين هود لكن تستحق الموت مع ذالك الحقير رفعت.
تبسم فابيو بإنتشاء يود الظفر بتلك الطبيبه قال:
حسناً لقدإتقفنا اليوم سيكون القصاص من رفعت الزهار.
بالفعل إتحدت شياطين الإنس على هدف واحد
إبادة… رفعت الزهار.
لكن بعد قليل ذهب فابيو وقام
بوضع صوره أمام قائد مجموعة المرتزقه قائلاً:
أريد تلك المرأه حيه دون خدش….. لكن تتنفس فقط
فهمت مقصدى
أماء له قائد المرتزقه بفهم قائلاً: تريدها أسيره أم سابيه.
رد فابيو: وهل هناك فرق، لكن لا يهمهك ذالك كل ما أريده أن تأتوا بها الي… إحذر الأ يُصيبها أى مكروه.
تبسم قائد المرتزقه بثقه: تأكد ستدفئ تلك المرأه مخدعك بنهاية الليله.
تبسم فابيو: أتمنى ذالك وقتها ستكون جائزتك كبيره.
رد قائد المرتزقه: إذن جهز الجائزه من الآن، لكن كم أود أن أنهى حياة هذان الوغدان اللذان يجلسان هناك أولاً، لا أشعر بإتجاههم بأي ألفه.
تبسم فابيو: سيحدث لكن ليس الآن مازال لديا منهم بعض الأعمال قبل أن آمرك بتصفيتهم وإلقاء جثثهم لكلاب الحراسه الخاصه بيك، ولكن ماذا عن المرآه.
غمز قائد المرتزقه قائلاً: جمالها فتاك يُلهب النفس، كما ستفعل بصاحبة تلك الصوره سأفعل بها، ستكون جزءً من مكافأتى كم أهوى نوعية تلك المرآه
ــــــــــــــــــــــــــــــــــــــــــــــــــــــــــــ…..
بالأسكندريه قبل ساعتين ونصف تقريباً
إتصال هاتفى
رد عليه محمود بصدمه: يعنى أيه فابيو خرج من المستشفى بدون ما حد من المراقبه ما يشوفه، كان لابس طاقية الأخفا ولا إتحول لشبح، دى مصيبه متأكد إحنا كده وقعنا فى خدعه بس كان هدفه أيه من وراء أنه يدخل المستشفى وبعدها يهرب منها من غير ما نلاحظ هروبه…..؟
توقف محمود يُفكر لثوانى ثم قال بإستنتاج: رفعت…
فابيو هدفه رفعت… رفعت لازم ياخد حذره، إقفل إنت دلوقتى.
أغلق محمود هاتفه وخرج سريعاً من مكتبه وتوجه الى مكتب القائد ودخل بعد أن أذن له قدم تحيه عسكريه لقائده قائلاً: مصيبه يا أفندم للآسف فقدنا آثر فابيو بعد ما غفل المراقبه اللى كانت عالمستشفى اللى كان فيها.
تعجب القاىد قائلاً: يعنى حكايه تسممه كانت فخ منه، طب ومراقبتكم اللى كانت على چاكلين وهاشم الزهار ونجيب الكفراوى.
تحدث محمود بآسف: چاكلين وهاشم معرفش يا أفندم إحنا مراقبين الڤيلا اللى كانوا فيها، وممكن يكونوا خرجوا مقدرش أتأكد بوجودهم جواها غير لو هجمت عالڤيلا ومعنديش سبب أنى أهجم عالڤيلا، ونجيب الكفراوى نفسه ميعرفش إنه إنكشف لينا، فالبتأكيد عنده حريه فى الحركه غير أنه ممكن بسهوله يهرب من المراقبه له ممكن يخرج عربية الحراسه وعربيه تانيه ويوهم اللى قدامه إنه خرج ويخرج هو بعربيه عاديه… أنا عندى شك شبه يقين يا أفندم بهدف المجموعه دى، رفعت كان معايا على إتصال قبل ساعات وقالى إن نجيب الكفراوى زارهُ فى السرايا إمبارح وطلب منه مساعدته له فى الإنتخابات بس رفعت قفل فى وشه الطريق وكمان طلب منه تسليم هاشم الزهار له مقابل إن يساعده قصاد المرشح التانى، اللى دعم رفعت له بسهوله يكسبه الإنتخابات.
نهض القائد قائلاً: معنى اللى بتقوله أيه… يعنى هدفهم رفعت.
رد محمود: ده توقعى يا أفندم، رفعت هدفهم لكذا سبب عندهم، أولاً الإنتقام بعد مصادرة العمليه الاخيره لهم، متأكد هاشم قبل ما يهرب ممكن يكون شاف رفعت وأكيد عرف إنه مسابش الخدمه فى البحريه.
ثانياً فابيو إحنا عارفين إنه على عداوه مع رفعت بسبب إن رفعت كان هو اللى صفى والد فابيو فى أحد العمليات مشاركه بينا وبين البحريه اليونانيه.
تحدث القائد:إتصل على رفعت حذره
فتح محمود هاتفه يتصل على رفعت لكن يعطى خارج النطاق،نظر للقائد قائلاً: موبايل رفعت بيدى خارج النطاق… هتصل عالتليفون الارضى.
إتصل محمود عالهاتف الارضى لكن أعطى له أن الهاتف مفصول من الخدمه.
نظر محمود للقائد: كمان التليفون الارضى مفصول من الخدمه.
رد القائد بيقين هو الآخر:بكده يبقى رفعت هو هدفهم،بسرعه بلغ مديرية الآمن التابع لها الزهار،لازم تتدخل…فابيو قدر يوهمنا ووقعنا فى فخ كبير،رفعت هدف كبير بالنسبه له أزاى مفكرناش فى كده،هجومه على رفعت رد كبير،ولأن هيبقى له أكتر من تفسير
الأول تصفية رفعت إنتقام زي ما بتقول،وكمان الهدف التانى زعزعة الآمن العام متنساش إن رفعت ضابط بحريه حتى لو كان سابق فهو من رجال الدوله وهتتحسب إنها عمليه إرهابيه،والشرقيه من المحافظات الهاديه،لو حصل فيها هجوم إرهابى معناه كبير إن مصر مش آمنه،فابيو فعلاً بركان.
تحدث محمود:فعلاً يا أفندم أنا هتصل على مديرية الآمن،وكمان رامى أخو رفعت هنا فى إسكندريه هتصل عليه وأقوله يمكن يقدر يساعدنا فى الوصول لرفعت بأى طريقه.
رد القائد:تمام إتصرف بسرعه أكيد الهجوم على رفعت هيكون النهارده.
رفع محمود يدهُ يؤدى التحيه العسكريه للقائد قائلاً:تمام يا أفندم انا هتصرف بسرعه وربنا يستر.
بالفعل خرج محمود سريعاً من غرفة القائد يستمع الى رنين هاتفه حتى أتاه الرد بمزح:
حظابط محمود من زمان والله مشاغبتش فى حد.
رد محمود:مش وقت هزار يا رامى…رفعت فى خطر.
تخدث رامى بلهفه ورجفه:بتقول أيه…أيه اللى جرى ل رفعت؟
رد محمود:رفعت هدف لمجرم عاوز ينتقم سواء من الشرطه أو من رفعت نفسه،إسمعنى،خطوط الموبيلات تقريباً مفيش شبكات شغاله فى الزهار كلها،ومش عارف كمان الخطوط الأرضيه كده أو لأ،بس انا بتصل على رفعت عالتليفون الارضى بيدى مفصول من الخدمه،دلوقتي مفيش طريقه نتواصل بيها برفعت نحظرهُ يتصرف قبل ما أوصل لعنده.
رد رامى: انا كمان هروح الزهار بنفسى دلوقتي وهحاول أتصرف،بس خليك معايا على تواصل.
رد محمود:تمام…ربنا يستر.
أغلق رامى الهاتف يشعر بتوهه وخوف،على رفعت…رفعت ليس فقط أخيه الآكبر،بل هو كل شئ بحياته لم ينسى يوم أن أنقذه من الحريق،ربما أختلف معاه بأمر ما ربما لم يكن يستحق كل رد الفعل هذا،الآن فكر يا رامى…رفعت بخطر.
فكر رامى سريعاً وقال:وسيم.
بالفعل قام بالأتصال على هاتف وسيم…خارج التغطيه..إذن هو بالزهار أغلق الخط وقام بالإتصال على هاتف منزل هاشم الزهار الارضى وهو يتمنى أن لا يكون هاشم بالمنزل،وقد كان.
ردت إحدى الخادمات عليه تحدث لها سريعاً:عاوز أتكلم مع الدكتور وسيم.
ردت الخادمه:الدكتور وسيم مش فى البيت.
تحير رامى قائلاً:مدام مهره،قولى لها رامى،بسرعه.
بالفعل ثوانى كانت مهره ترد على رامى من غرفتها.
تحدث رامى سريعاً: فين وسيم يا عمتى محتاج له ضرورى.
ردت مهره:وسيم بقاله فتره مش بيبات هنا فى البيت بيروح ينام فى بيت وحيد الشامى،عاوزه ليه؟
رد رامى: عاوزه فى آمر خاص ممكن تبعتى له أى حد بسرعه وخليه يرجع يكلمنى من أى تليفون أرضى،واضح إن شبكات الموبايل فى الزهار واقعه.
تعجبت مهره قائله:خير عاوزه فى ايه ومال صوتك ملهوف كده ليه؟
رد رامى:مفيش يا عمتى من فضلك محتاج وسيم يكلمنى بسرعه هقفل دلوقتي.
إستغربت مهره،وشعرت بحدوث شئ سئ ،نهضت سريعاً من على فراشها،وأبدلت ملابسها سريعاً وفى ظرف دقائق كانت بمنزل والد وسيم فتحت بتلك المفاتيح التى معها،ودخلت الى غرفة النوم
وجدت وسيم نائم أيقظته بهدوء قليلا.
لكن إستيقظ وسيم بفزع قائلاً:ماما خير،أيه اللى جابك هنا دلوقتى.
ردت مهره:خير يا وسيم قوم البس هدومك بسرعه وانا هستناك بره.
خرجت مهره خارج الغرفه،فى لحظات خرج وسيم يرتدى جزء من ثيابه ويكمل إرتداء باقى ملابسه وقال:خير يا ماما.
ردت مهره:يارب خير أنا معرفش رامى اتصل عليا عالتليفون الارضى وبيقولى شبكه الموبايل واقعه وهو عاوزك تتصل عليه بسرعه من أى تليفون أرضى،يلا بسرعه،نبرة صوته كانت تخوف.
دخل الخوف لقلب وسيم وفتح هاتفه..بالفعل لايوجد شبكه،تعجب،وقال:يلا بينا بسرعه أنا كمان قلقت.
بالفعل فى دقائق كانوا بمنزل هاشم الزهار…طلب وسيم هاتف رامى
الذى رد سريعاً يقول:وسيم رفعت.
تحدث وسيم قائلاً:ماله رفعت ومال صوتك ملهوف كده ليه.
رد رامى:بلاش تقاطعنى…رفعت بخطر إنت فى الزهار إلحقه أنا فى السكه وجاى قدامى أقل من ساعه وهوصل،لازم حد يلحقه بسرعه ويحذرهُ.
إرتجف وسيم قائلاً:بتقول إيه وأيه الخطر اللى رفعت فيه؟
رد رامى:مش وقت شرح بقولك حاول بسرعه تروح تحذره يطلع من السرايا يلا أنا قربت أوصل.
أغلق وسيم الهاتف، لم ينتظر وسيم أن يضع سماعة الهاتف بمكانها ونظر الى مهره قائلاً: فى هنا سلاح أكيد قوليلى هو فين مكانه بسرعه.
إرتجفت مهره قائله: سلاح ليه فى أيه وماله رفعت سمعتك بتتكلم مع رامى عنه.
رد وسيم:مش وقته يا ماما…بسرعه فين السلاح اللى هنا خلينى ألحق أروح للسرايا.
ذهبت مهره الى غرفة المكتب وفتحت إحدى الخزائن وأخرجت منها سلاح،لكن وقع بصر وسيم على سلاح آخر،فقام بأخده هو الآخر وآخذ بعض الذخيره الموجوده بالخزنه وغادر دون أن يلتفت لنداء مهره المرتعبه.
بالفعل ما هى الادقاىق وكان وسيم أمام سرايا رفعت لكن كان هناك ما صدمه،سيارتان دفع رباعى وهنالك سياره أخرى كبيره تشبه سيارة ترحيلات السجون وكذالك أصوات لإطلاق الرصاص من داخل السرايا ،للحظه توقف عقلهُ، لكن هو الآن أمام خيار واحد
… هو الأخوه الحقيقيه… رفعت كان بالنسبه له أخ أكبر دائماً، ربما حدث خلاف، لكن أخوة… لا مكان للخوف الآن، عليه المغامره هو الآخر، بالفعل تسحب من خلف السرايا وذهب الى ذالك الباب المعدنى الصغير إنصدم حين رآه شبه مفتوح، إذن هؤلاء المرتزقه تمكنوا من الدخول الى السرايا عن طريق هذا الباب الصغير، بدون تفكير، إنحنى ودخل من ذالك الباب، حين دخل كانت السرايا معتمه بعض الانوار الحمراء فقط هى من تضئ بالمكان وما كانت الإ أنوار أسلحة هؤلاء المرتزقه ، اللذين يتشابكون مع الحرس الموجود بالسرايا، والذى بدأو يتساقطون أمام هؤلاء المرتزقه، كادت رصاصه أن تُصيبه لكن القدر أنجاه منها، حين إبتعد خطوات، وتخبئ خلف ذالك الحوض المائى الكبير الخاص بإستحمام الخيل، نظر نحو إستطبلات الخيل هنالك مرتزقه على وجوههم النصر وهو يحسبون الغنائم فيبدوا أنهم مرتزقه لُعناء… لكن وسيم لا يهمه الخيول، تذهب الى الججيم… رفعت هو ما يهمه الآن.
حاول وسيم التخفى من أمام هولاء المرتزقه وبالفعل إقترب من الدخول من السرايا، لكن كانت الأبواب عليها أوغاد، شت عقل وسيم، وهو يسمع لأصوات الرصاص من داخل مبنى السرايا نفسها، رفعت… ماذا حل به ماذا فعل الأوغاد، لكن لا إستسلام، سيجازف حتى إن لقى حتفه هو الآخر، بالفعل تسرب الى أحد الابواب بالسرايا كان وغداً واحداً يقف، صاوب وسيم على رأسه، ليقع صريع بعدها، أزاح جثته قليلاً وأخذ سلاحهُ الناري ثم دخل الى الداخل يتسحب هو الآخر، هو الآن بداخل السرايا عليه السير بحذر أكثر.
بينما رفعت بعد أن قام بأغلاق تلك الحائط على زينب توجه الى غرفة نومه مره أخرى وفتح إحدى الخزائن وأخرج منها سلاح نارى آلى مثل أسلحة القناصه ووضع ذالك النصل الأبيض أيضاً بجيبه وكاد أن يرتدى درعهُ الواقى،لكن صوت الرصاص يقترب يبدوا ان الأوغاد دخلوا الى مبنى السرايا،وضع الدرع على صدره دون إحكامه جيداً،وأخذ ذخيره معه وتوجه الى سلم السرايا الداخلى،وقف خلف حائط رأى إنعكاس ذالك الشعاع الأحمر الصاعد على السلم وقف يترقب إقتراب ذالك الوغد، الى أن فجائهُ امامه فقام بقنصه وإتخذ من جسدهُ درع واقى له، فى مقابلته لهجوم وغد آخر إستطاع رفعت النيل منه أيضاً وقام بالنزول من على سلم السرايا، واجه وغد آخر،تحدث عقل رفعت فى ذالك الوقت:يبدوا أن من يريدون إبادته اليوم قد تواصوا به،فهنالك الكثير من المرتزقه الأوغاد،كان بمعركه ضاريه بها وحيد الى الآن،لكن إنقلبت الموازين بعد صوت سرينة الشرطه التى آتت…أيقن رفعت أن الشرطه آتت بعد سماع صوت إطلاق الرصاص لكن الحقيقه كانت غير ذالك
فمن آتت بالشرطه الى المنزل كانت
مهره
التى تعقبت وسيم حين خرج ورأت تلك السيارات واقفه أمام سرايا الزهار وقبل أن تحذر وسيم من الدخول،كان قد دخل بالفعل للسرايا للحظه شاور عقلها أن تدخل خلفه وتلقى ما تلقى،لكن عادت تفكر وقالت النقطه….بالفعل ذهبت مُسرعه الى ذالك القسم الذى بالبلده ودخلت مباشرةً الى غرفة الضابط تلهث قائله بنهجان:
ولادى،بخطر إلحقوقوا ولادى التلاته.
وقف الضابط يُشبه عليها قليلاً وقال:ولادك مين يا مدام….؟
ردت مهره:أنا مهره الزهار…ولادى فى سرايا رفعت الزهار فى مجرمين دخلوا للسرايا وبيضربوا نار جواها وجوه السرايا ولادى….رفعت ووسيم والدكتوره زينب،لازم تلحقهم قبل المجرمين ما يضروهم.
تحدث الضابط قائلاً:بتقولى ايه يا مدام يعنى أيه ضرب نار جوه السرايا مش يمكن….
قبل أن يكمل الضابط الرد على مهره كان يدخل أحد العساكر بتلك الإشاره الى الضابط قائلاً:يا افندم فى عسكرى زميل من المركز عاوز يقابلك.
سمح الضابط للعسكرى الآخر بالدخول.
دخل العسكري الآخر بيده ورقه مختومه قائلاً:أنا جاى باشاره من المركز وصلنا أن فى هجوم هيحصل على سرايا الزهار ولازم ننزل بقوه كبيره وبالفعل إحنا نزلنا والقوه زمانها على وصول لسرايا رفعت الزهار،بس ده آمر بمساعدتكم للقوه دى فى التصدى للإرهابيين.
شعرت مهره الواقفه بالراحه قليلاً لكن مازال قلبها يخفق بسرعه كبيره.
تحدث الضابط بأمر لأحد العساكر:حضرلى القوه حالاً.
ذهب العسكرى يجمع القوه لكن نظر الضابط للعسكرى المُرسل قائلاً: طب ليه أنا مجاليش إشاره مباشره من المركز.
رد العسكرى: شبكات الموبيلات إتعطلت عن الزهار كلها وكمان تليفون القسم ده مش بيرد بيدى خارج الخدمه.
تعجب الضابط وبالفعل أمسك الهاتف الأرضى، ليس به حراره، وفتح جواله الشخصى لم يلتقط أى شبكه.
فقال: واضح إنه كمين مدبر كويس.
تعجبت مهره كيف كان بهاتف منزلها الارضى حراره وهنا لا، إذن كما قال الضابط كمين مدبر… تضرعت الى الله أن يلطف بهؤلاء الثلاث الموجودين الآن بالسرايا.
بعد قليل كانت سيارات الشرطه سواء الآتيه من المركز أو ذالك الدعم من قسم شرطة البلده والتى كانت معهم مهره،
كانوا يدخلون من بوابة السرايا بعد أن دخل بعض عناصر الشرطه الى داخل السرايا وإشتبكوا مع بعض المرتزقه اللذين تفاجئوا بمجئ الشرطه السريع،تساقط بعض المرتزقه سهل على القوة العسكريه التمكن من خارج مبنى السرايا وفتحوا الابواب امام باقى القوات للدخول ليتعاملوا مع باقى هؤلاء المرتزقه،دخلت معهم مهره،لكن أوقفها الضابط قائلاً:من فضلك يا مدام مش مسموح بدخولك،إدعى لينا وإحنا واللى فى السرايا،دخولك نقطة ضعف.
رغم فزع مهره لكن وقفت بعيد عن الاشتباك تدعى وتتضرع الى أن رآت سيارة رامى شعرت بخوف أكبر ها هو جاء الرابع، لا تعلم ماذا حدث بالثلاث الآخرين ليأتى الرابع الذى أوقف سيارته ونزل يُشهر سلاحه هو الآخر، لكن أثناء دخوله تفاجئ بمهره واقفه، إقترب منها قائلاً: عمتى مهره …
ردت مهره: ربنا يلطف وسيم جوه وزينب ورفعت معرفش حصل لهم أيه، قلبى مش مطمن.
قبل أن يرد رامى كان قد وصل محمود هو الآخر
لم يرد رامى ودخل خلف محمود الى السرايا.
بينما بداخل السرايا، كان الرصاص يتطاير عشوائى، مجموعه من المرتزقه تطارد رجلا واحد هكذا خُيل لهم، لكن بالحقيقة كانا إثنان،
يتخفيان بين أركان السرايا اللذان يعرفان كل شبر بها وذالك ما ساعدهم حتى الآن، لكن فجأه عادت الانوار للسرايا، تكشف المكان مما سهل على هؤلاء المرتزقه الجبناء رؤية المكان، ذهب أحد المرتزقه بعد أن رأى مكان تخفى رفعت، ذهب يسير كالثعلب المكار بعد أن أوقف ضرب الرصاص يوهم رفعت أنه قد أنهى المعركه لصالحه،رغم أن رفعت رجل عسكري ويعلم إنها بالتأكيد خدعه من الخِصم الجبان،لكن عليه المجازفه،فسلاحه لم يتبقى منه سوا بضع رصاصات،الآن أمام خيار واحد أن يتقدم هو بخطوه إتجاه ذالك الوغد،لكن فى ذالك الوقت لسوء حظ رفعت كان الدرع الواقى الذى علي صدره قد إنزاح كثيراً بسبب كثرة الحركه وأيضاً عدم تثبيته جيداً
سار رفعت بخطوات حذره يخرج من ذالك المكان المُختبئ به،الى أن أصبح قريب ذالك الوغد بالفعل هجم الوغد لكن كانت رصاصه كافيه بأخذ روحه، حين كانت الرصاصه من رامى الذى دخل الى السرايا، لكن رامى هو الآخر بمرمى سلاح أحد المرتزقه لكن سوء حظ الآخر وجود وسيم الذى إقتنصه،لكن هنالك فئه أخرى من المرتزقه وكذالك قائدهم ووجود الثلاث بمكان قريب من بعضهم قد يجعلهم هدف سهل،لهؤلاء الأوغاد اللذين اصبحوا محاصرين بين الثلاث أخوه وبين الشرطه،فكر قائد المرتزقه بنفسه فقط لكن اوهم هؤلاء الأغبياء اللذين كانوا معه وقال:
الشهاده فى سبيل الله تناديكم يا جنود الله، إلتفوا حولى لمواجهة أعداء الله.
بالفعل اصحاب العقول المُغيبه إلتفوا حوله
وكان الثلاث أخوه بالمكان نفسه،
دخل قائد المرتزقه وحوله أربع من الاوغاد يحمونه،بالفعل كان رصاصهم يتطاير بالمكان يكسر أى شئ،إ رصاص
سلاح رفعت وكذالك وسيم ورامى هو الآخر بدأت ذخيرة أسلحتهم تنفذ،الشرطه بالخلف،والاوغاد بالمنتصف،لكن الأقرب للموت هم الثلاث أخوه،
جازف رفعت بنفسه وخرج من خلف مخبئه يرفع سلاحهُ يضرب بعشوائيه، إقتنص أحد المرتزقه ، لكن رصاص الغدر أصابه برصاصه وأخرى وأخرى وها هى الثالثه ثلاث رصاصات بالصدر،
إنخلع رامى ووسيم اللذان خرج من اماكنهم فلا شئ الآن يستدعى الإختباء، بالفعل بعشوائيه بدأ الاثنان بإطلاق الرصاص، ساعدهم فى ذالك تلك القوات التى دخلت الى المكان لكن رفعت الذى تهاوى جسده على الارض وجلس خلف أخد الجدران، لاحظ قائد المرتزقه يركز بسلاحه على رأس وسيم، ذالك الوغد ظن أنه نال من رفعت وقتله، لكن قد تصاوب الفارس لكن السلاح مازال بيده لم يسقط، ولن يسقط قبل أن يُنهى حياة ذالك الوغد، بالفعل قبل أن تخرج رصاصة الوغد من سلاحه وتقتل وسيم، كان جسد ذالك الوغد يتهاوى مدرج فى الدماء التى تسيل من منتصف رأسهُ،لكن وسيم لم يفلت من رصاصة الوغد،لكن بدل أن تصيبه فى مقتل أصابت عضد إحدى يديه….مع سقوط قائد المرتزقه قتيلاً
دخل رجال الشرطه برفقة محمود الذى ذهب سريعاً لمكان جلوس رفعت خلف الحائط وقال له:رفعت.
تحدث رفعت بخفوت وآلم: رامى وسيم
توجه الإثنان له سريعاً وجثيا الى جواره.
تحدث رفعت وهو يلفظ أنفاسه: رامى… زينب فى المخبأ القديم بتاعنا، إطلع إفتح لها.
دمعه نزلت من عين رامى وحاول حمل رفعت يقول: مش هسيبك يا رفعت، خلينا نروح للمستشفى بسرعه.
رد رفعت: بقولك إطلع إفتح لزينب، أنا معايا وسيم ومحمود هياخدونى للوحده أنا وعدت زينب إنك تخرجها من السرايا سليمه، نفذ وعدى لها،رجاءً وهاتها للوحده الصحيه هتلاقينى هناك.
إمتثل رامى ل رفعت وتركه مع محمود ووسيم،الذى تدمعت عينه وقال:خلينا ناخد رفعت بسرعه للمستشفى مش فى أسعاف مع القوه اللى جت من الشرطه
بالفعل لحظات كان رفعت بداخل،سيارة الإسعاف،لكن طلب من محمود ووسيم أن يأخذنه الى الوحده الصحيه.. قائلاً:
زينب هتجى لهناك.
بينما بتلك الغرفه المحبوسه بها زينب جلست أرضاً تبكى تشعر بآلم حارق بصدرها مع صوت كل رصاصه تسمعها،جثت على ركبتبها ووضعت يديها على أذنيها كأنها تصمهما لا تريد سماع المزيد،تتخيل صوره واحده امام عيناها،رفعت قد إنتهى كيف سينجو وهو وحيد ،لكن عاد لها الأمل حين سمعت صوت سرينة الشرطه،لكن ذالك الأمل واهى كيف سينجو رفعت بعد كل هذا الأصوات المُخيفه.
ليته تركها تواجه معه نفس المصير لما حبسها وخرج وحيد،لما لم يبقى معها أو أخذها معه،الشيطان يلعب بها،رفعت قُتل فجأه صمت صوت الرصاص….إعترفت قائله:بحبك يا رفعت.
فاقت زينب على صوت فتح الباب وصوت رامى يقول: ورفعت كمان بيحبك ومحتاج ليكى خلينا نلحقه بسرعه.
نهضت زينب سريعاً وقالت بلهفه:رامى…رفعت قالى إنك هتيجى وتطلعنى،بس…قولى إن رفعت عايش.
رد رامى: رفعت لحد ما طلعتلك سيبته عايش،بس…
تحدثت زينب بلهفه: بس أيه إتصاب، خلينى أنزل له بسرعه… يلا
بالفعل نزلت زينب الى أسفل السرايا،أثار تدمير الرصاص بكل مكان
لكن وجدت مهره فقط تقف تبكى.
إقتربت زينب من مهره قائله: رفعت فين؟
رد رامى: أكيد وسيم ومحمود خدوه للوحده خلونا نلحقه بسرعه
بالفعل بعد دقائق كانت تجرى زينب بممر الوحده ودخلت مباشرة الى غرفة العمليات…
كان رفعت ممدد على فراش العمليات مدرج بدماؤه التى تسيل ومعه إثنان من الأطباء وبعض الممرضين.
إقتربت منه بلهفه قائله: رفعت.
نظر لها رفعت ورسم بسمه راحه قائلاً: وفيت بوعدى ليكى يا دكتوره رامى…..
وضعت زينب يدها على فم رفعت قائله: بلاش تتكلم ، أنا عاوزاك توعدنى وعد تانى، إنك هتعيش يا رفعت.
رد رفعت:مش بأيدى يا دكتوره…ده بأيد القدر.
ردت زينب:قاوم يا رفعت،لو كنت غاليه عليك وعاوزنى أسامحك زى ما طلبت منى قبل ما تقفل عليا وتخرج من الاوضه.
رد رفعت:إنتى أغلى شئ عندى يا زينب أنا…..
إبتلع رفعت ريقهُ وحاول التحدث…لكن ذالك الجهاز الذى كان موضوع بيد رفعت يجث نبض الحياه بداخل جسده قد قام بالتصفير.
ذُهل عقل زينب وضربت بيدها على صدر رفعت قائله:
إنت أيه مش قادر تكمل مره وتقول كلمه بحبك،بس أنا بحبك يا همجى ومش هسمحلك تموت قبل ما تعترف بلسانك إنك بتحبني .
قالت زينب هذا وإستقوت قائله:هاتلى الصاعق الطبى بسرعه.
أعطى لها أحد الممرضين ذالك الصاعق،وقام بتشغيله سريعاً
صعقت زينب رفعت مره وإثنان،لكن لا جدوى،قالت للممرض إرفع الڤولت أعلى،ثم اعلى
صعقت زينب رفعت أكتر من مره كانت عيناها مُعلقه بشاشة جهاز النبضات،ليست عيناها فقط بل قلبها وعقلها وكل ذره بجسدها وقبل كل ذالك كانت روحها
تحدث أحد الاطباء ببسمه قائلاً: النبض رجع يا دكتوره.
تنهدت زينب تشعر كآن روحها هى من رُدت لها وقالت: بسرعه جهزوا المريض للعمليه على ما أعقم أيدى.
ما هى الا لحظات وبدأت زينب بمسك المشرط الطبى بيدها التى لم تهتز،لكن اثناء العمليه تحدثت إحدى الممرضات التى دخلت للغرفه بكيس دم قائله:
دكتوره فصيلة دم رفعت بيه تقريبا خلصت من المستشفى هنعمل أيه ده آخر كيس دم موجود من الفصيله دى فى بنك الدم.
نظرت زينب للموجودين حولها وقالت: مين منكم نفس الفصيله، أنا من نفس الفصيله بس مينفعش أتبرع له بدمى، أعتقد….
قبل أن تكمل زينب طلبها من الموجودين بغرفة العمليات، وجدت باب غرفة العمليات يفتح ودخل رامى ينزع عن جسده قميصه قائلاً: أنا ورفعت نفس فصيلة الدم خدى كل اللى محتاجاه منى، حتى لو دمى كله إتصفى، بس رفعت لازم يعيش يا زينب.
تبسمت زينب بتصميم وأمل قائله: هيعيش يا رامى.
بينما ذالك الممدد أمامهم حين توقف نبضه منذ قليل كان بعالم آخر، يرى ذكرى الماضى أمامهُ
فلاشــــــــ….. ـــــــباك
كان ذالك اليوم يوم أجازته من الأكاديميه، لا يعلم أكان من حُسن الحظ أم سوء حظه تأخيرهُ مع زملاؤه بالأسكندريه، وصل الى الزهار فى حوالى الثانيه عشر منتصف الليل، ليرى السرايا تشتعل بالنيران
دخل سريعاً وصعد وسط النيران يتجنبها قابل والداته التى تحاول إطفاء تلك النيران التى تشتعل بملابس رامى بيديها التى إحترقت من النيران نظرت لرفعت وقالت برجفه ولهفه قائله: خد رامى بسرعه وأخرج بيه من النيران يا رفعت، حاذر من النار.
مسك رفعت يد رامى وقال: وانتى يا ماما تعالى معانا.
ردت والداته: بسرعه خد أخوك وخرجه من النيران دى النار مسكت تانى فيه، أنا هروح أجيب رحمه من أوضتها وأجيب بابا ونحصلكم، بس أخرج بأخوك دلوقتي بسرعه.
حمل رفعت رامى فوق كتفه وخرج من السرايا ووضعه بحديقة السرايا، وقام برمى بعض الرمال عليه، الى أن إنطفئت تلك النيران قال ل رامى، أستنانى هنا هجيب ماما وبابا ورحمه.
ظل رامى مكانه بحديقة المنزل يبكى ليس فقط من ألم الحريق بجسده بل يبكى بُكاء طفل يشعر بحريق فقد الأهل، فالنيران بدأت تزيد حين أتى العمال بالمياه يحاولون إطفائها، كانت حين تُسكب المياه تشتد الحريق، غابت سيارات الأطفاء، الى أن آتت متأخره
دخل رفعت الى داخل السرايا وصعد مره أخرى، تجنب من النيران، لكن النيران أصبحت أقوى، هى نيران من جُهنم، ذهب الى ذالك الممر عيناه تبحث عن ذويه، غرفة أخته الباب لم يعد له مكان، رأها تشتعل والنيران تمنعه من الدخول الى الغرفه، كلما حاول الدخول للغرفه كان شئ يجذبه للخلف مره أخرى، الى أن سمع صوت والداته تستغيث به قائله: أطلع بره النيران يا رفعت، نظر لوالداته هى الأخرى بالغرفه مع والداه الذى إلتهمته النيران حين حاول الاثنان إنقاذ أخته، لكن النيران إلتهمت الثلاث، ذابت أجسادهم أمامه كالشمع الذى يذوب بسبب فتيل رفيع، كانوا يذبون بين النيران وهو غير قادر على إنقاذهم، تمنى أن يحترق معهم ويذوب مثلهم، لكن لا يعلم أن القدر أرسل له رجال المطافئ وبدأت تتعامل مع النيران وتطفئها لكن آتت متأخره مثلهُ، لا يعلم من سحبه وقتها من تلك النيران وخرج به الى فناء السرايا، لم يفيق الا على يد من إحتضنه قائلاً بدموع ووجع: بابا.. ماما… رحمه، فين يا رفعت قولت هتدخل تحيبهم، ليه سيبتهم يا رفعت ياريتك سيبتنى معاهم…
إحتضن رفعت أخيه قائلاً بدموع تحجرت فى مقلتيه: ياريتنى كمان كنت معاهم يا رامى.
بكى رامى بحرقه يضم جسد أخاه كذالك رفعت فعل، فالأسره الصغيره التى كان الجميع يحسد رضوان عليها ذاب أكثر من نصفها فى نيران حارقه… تحدث عقل رفعت: لما تأخر فى العوده، ليته عاد باكراً ربما كان أنقذهم، أو ربما كان إحترق معهم، لما أعطاه القدر اليوم فرصه أخرى للحياه … ليحيى بقلب مُحترق
ذُهل عقله وهو يرى النيران فى السرايا بدأت تنتطفئ بعد أن آتت المطافئ، كيف قبل ذالك لم تنطفئ حين حاول العمال بالسرايا والاستطبل إطفاء الحريق بالمياه، كانت تتوهج أكثر، كل شئ تساوى بالرماد السرايا عباره عن جدران سوداء خاويه.
لكن فجأه إشتعلت النيران مره أخرى، ترك رفعت رامى وذهب يتوجه الى داخل النيران، لكن قبل أن يضع ساقهُ بين النيران، سمع صوت خلفه يقول: لأ يا رفعت.
نظر خلفه رأى دخان كثيف وفتاه تخترق الدخان الكثيف بيدها دلو ومسكت بيدهُ قائله: مش هسمحلك تدخل للنيران تانى يا رفعت.
نظر رفعت لتلك اليد التى إحتوت معصم يدهُ ثم رفع وجهه ينظر الى وجه تلك الفتاه…
تعجب كثيراً يقول: زينب!
ردت زينب: أيوا أنا الشجره الطيبه يا رفعت
قالت هذا وألقت ذالك الدلو الذى بيدها على وجهه، ليعود فى تلك اللحظه الى الحياه مره أخرى، بسبب تلك اليد التى سحبته من تلك النيران ترميه بمياه تُهدأ من حريق صدرهُ المشتعل بتلك الرصاصات.
…………… ـــــــــــــــــــــــــــــــــــــــــــــــــــــــــــــــ
الشعله الثانيه والثلاثون
ــــــــــــــــــــــــــــــــــــــــــــ
بالوحده الصحيه،
إنتهى أحد الأطباء من تضميد ذراع وسيم
خرج وسيم من الغرفه وتوجه مباشرةً الى مكان غرفة العمليات.
بينما أمام ممر غرفة العمليات
كانت تجلس مُهره يرتجف قلبها،تدعوا أن ينجوا رفعت عيناها إختفى لونها أصبحت لون الدماء … تفاجئت بمن يجثوا أمامها ومد يدهُ ويمسك يدها.
نظرت الى من يمُسك يدها وقالت ببكاء: نعمان… عرفت منين؟
رد نعمان: البلد كلها صحيت على صوت الرصاص يا مهره ولما روحت للسرايا لقيت الشرطه منتشره بالمكان حتى فرضوا حظر تجول بس مهمنيش وقولت لازم أكون جانبك… وكمان الشرطه هنا فى الوحده.
بكت مهره قائله:رفعت إتصاب فى صدرهُ وحالته خطر ورامى دخل أوضة العمليات يتبرع له بدم، وكمان وسيم إنصاب فى دراعه
غص قلب نعمان وربت على يد مهره قائلاً: تفائلى بالخير يا مهره وإدعى لهم يا مهره وقولى يارب.
ردت مهره: يارب.
فى ذالك الأثناء وصل وسيم إندهش حين رأى نعمان جاثياً أمام مهره يمسك يدها.
تحدث قائلاً: فين رامى… محدش طلع من العمليات.
سحبت مهره يدها من يدي نعمان وقالت: رامى دخل يتبرع ل رفعت بالدم الممرضه كانت طلعت من شويه تاخد كيس دم وقالت لينا إن فى أزمه فى الدم وقالت لسه العمليه شغاله وإنت عامل أيه.
رد وسيم: أنا الحمد لله كويس الدكتور طلع الرصاصه من دراعى والجرح مش كبير.
تنهدت مهره براحه قليلاً قائله: يارب عقبال ما أطمن على رفعت.
رد وسيم: خير إنشاء الله طالما العمليه غابت كده يبقى رفعت هيقاوم إنشاء الله.
نهض نعمان وجلس جوار مهره، نظر له قائلاً:يارب خير…رفعت بيفكرنى بالمرحوم رضوان كان فى نفس قوتك وشجعاته كده.
ردت مهره بحسره: رضوان كان فعلاً بنفس خصال رفعت بس للأسف مات فى حريق مُشابه للهجوم اللى حصل النهارده.
حل الصمت على المكان والإنتظار أصعب شئ، والفِكر يتراقص به الشيطان بين لحظه وأخرى هنالك إحتمالان، إما الخروج وإعلان نجاة رفعت، أو الإحتمال القاهر…. موت رفعت.
نهت مهره ذالك الإحتمال عن تفكيرها، فى ذالك الوقت خرج رامى من غرفة العمليات،يُغلق أزرار قميصه، يبدوا على وجهه الشحوب
والشعور بالدوخان.
نهض نعمان سريعاً وتوجه له وقام بسنده الى ان جلس على أحد المقاعد وقال: لازم تعلق محلول بسرعه، قوم معايا.
رد رامى بدوخان: أنا كويس، بس منظر رفعت وهو نايم على سرير أوضة العمليات هو اللى تاعبنى.
رد وسيم بآلم: بلاش عناد تعالى معايا إنت لازم تعوض الدم اللى إتبرعت بيه بسرعه.
رد رامى: قولتلك أنا كويس مالوش لازمه شويه وهبقى كويس أنا مش هتحرك من هنا قبل ما رفعت يطلع من أوضة العمليات.
سالت دموع مهره بحُزن… أمامها الثلاث فرسان مُصابون كل منهم يقاوم بكذب
فقالت هقوم أجيب عصير،لازم يشرب سوايل تعوض الدم اللى أخدوه .
تحدث نعمان خليكى يا مهره أنا هجيبله العصير وأرجع بسرعه.
بالفعل ما هى الإ دقائق، كان يعود بأكثر من علبه كارتونيه صغيره
أعطاها لرامى قائلاً: حاول تشرب أى عصير، وشك بدأ لونه يزرق بلاش عناد.
إمتثل رامى لطلب نعمان هو بالفعل بدأ يشعر بالضعف وخاف أن يغيب عن الوعى، ربما بعض رشفات العصير تُعيد له بعض الطاقه الذى يحتاجها الآن.
بعد وقت ليس بقليل.
بداخل غرفة العمليات.
إنتهت زينب من إخراج تلك الرصاصات من صدر رفعت وقامت بتقطيب مكانها، قامت بوضع ضماد كبير على صدرهُ.
رفعت وجهها نظرت لوجه رفعت النائم… شعرت بنغزه قويه فى قلبها حقاً كان يستفزها وتقوم بالدعاء عليه، لكن فى تلك اللحظه ندمت كثيراً ليتها ما دعت عليه، كل ما تتمناه الآن أن يعود يفتح عيناه ويعود لإستفزازها سواء كان بالفعل أو القول… لكن هو بسبات عميق يصارع الموت… ربما مازال معه بمعركه دائره.
خرجت زينب من غرفة العمليات تشعر بإرهاق وإنهاك كبير.
نهض رامى ومهره ووسيم وكذالك نعمان..
تحدثت مهره: رفعت.
ردت زينب: رفعت هيطلع على العنايه المركزه.
ردت مهره:يعنى أيه،حياة رفعت لسه فى خطر.
صمتت زينب أثناء خروج رفعت من غرفة العمليات الى غرفة العنايه المركزه.
نظرت مهره بدموع الى رفعت،التى دخلت خلفه الى غرفة العنايه
نظرت لزينب التى تضع عليه بعض الأجهزه الخاصه والمجثات الحيويه.
بعد قليل دخلت زينب الى مكتبها بالوحده…شعرت بدوخه كبيره كادت تقع لكن سندها نعمان الذى ذهب خلفها قائلاً:مالك يا دكتوره.
ردت زينب:أنا كويسه..شوية إرهاق
رد نعمان:قوليلى حقيقة وضع رفعت.
ردت زينب:بتمنى ميحصلش مضاعفات على حالته.
رد نعمان بدعاء:ربنا يلطف بيه وبينا،رغم أنى متعاملتش معاه قبل كده بس حاسس إنه زيي إبنى بتمنى ربنا يشفيه.
ردت زينب قائله:إنت حكايتك أيه مع عيلة الزهار.
رد نعمان:حكايتى معاهم نفس حكايتك يا دكتوره عاشق،زى ما أنتى عاشقه رفعت،أنا كمان عاشق مهره،ومش بس عاشقها كانت فى يوم مراتى وأم أبنى اللى لو كان عاش كان هيبقى أخوكى فى الرضاعه يعنى إنتى زي بنتى …وسمعت إن عندك السكر وجبت ليكى ده.
رغم إندهاش زينب لكن نظرت ليد نعمان…تبسمت بغصه قائله:
بونبونى…نفس النوع اللى كان بيجيبهولى رفعت الهمــــــــــــ….
قطعت زينب الكلمه.
تبسم نعمان يقول:رفعت هيقاوم وهيرجع صدقيني….العشق هو أكبر هدف للمقاومه وقدامك المثال الحي…أنا…أنا اللى رجعنى تانى لهنا هو العشق.
…….ــــــــــــــــــــــــــــــــــــــــــــــــــ
إنتهت تلك الليله
مع سطوع شمس جديده.
بالأسكندريه،،،بذالك الهنجر كان الأوغاد الأربع فى إنتظار الخبر السعيد…لكن خاب ظنهم،إنقلب المُخطط،هاهى القنوات الفضائيه،تبث أخبار عن سقوط خليه إرهابيه بالشرقيه
الشرف والزهو للشرطه المصريه…تمكنت من القضاء على خليه إرهابيه كانت تستهدف واحداً من كبار شخصيات المحافظه..ليس هذا فقط بل وكان أحد رجال شرطة البحريه المصريه، الشرطه كان لديها علم بتحركات الخليه مسبقاً وسمحت لها بدخول تلك السرايا الحصينه، تم القضاء على الخليه بالكامل والقبض على بعض العناصر، الضحايا من الشرطه قلائل بين إصابات خطيره وإصابات عاديه، حتى من كانوا بالسرايا، بخير، وهنالك صوره لخروج صاحب السرايا وزوجته من السرايا أحياء وبلا إصابات.
كانت صدمه مدويه لهم ذالك الخبر
نهض هاشم يقول بصاعقه: إزاى ده حصل؟
رد فابيو: لا أعلم… الخبر يقول أن الشرطه كانت على عِلم بالخليه الإرهابيه.
نظر نجيب قائلاً: نجاة رفعت مصيبه وحطت علينا كلنا، رفعت قدر يخدعنا، أنا قولت إزاى قدر المرتزقه دخول السرايا، بس كان فخ من رفعت زى ما وهمنا قبل كده إنك ساب الخدمه فى البحريه.
رد هاشم: اللى يسمعك يقول ندمان، إحنا هنا بعيد.
رد نجيب: إنت مش سامع الخبر بيقول أيه؟ الشرطه كانت راصده تحركات المجموعه دى.
رد فابيو:هذا كذب من الشرطه…الشرطه تود إظهار نفسها بزهو أمام الشعب،هنالك خطبٍ ما أعد سماع الخبر على الهاتف سترى،من يخرج جوار زوجة رفعت…ليس رفعت…لدي شك فى ذالك هذا فخ جديد لابد أن نحذر.
تحدثت چاكلين:بالفعل هذا صحيح إنظروا معى بالهاتف.
رد نجيب: وهنحذر إزاى؟
رد فابيو: أنا سأعود اليوم لليونان، كذالك أنت تعود الى عملك، كذالك هاشم يعود الى قريته.
رد هاشم وهو ينظر الى چاكلين التى سبقت وقالت: أنا سأبقى هنا بالأسكندريه لبضع أيام.
كذالك قال هاشم: وأنا مش عاوز ارجع للزهار لو بإيديا كنت حرقتها كلها وإرتاحت.
تبسم فابيو يقول: حسناً على راحتكم إفعلوا، لابد من مراوغه قليلاً، وعندي باليونان بعض الاعمال المؤجله سأعود بسببها لكن سأعود لهنا مره أخرى فى أقرب وقت.
نظر هاشم له يري بعيناه تلك الحسره، هو يعتقد أنه لا يفهمه هو الآخر عيناه على زوجة رفعت، قرأ ذالك بعيناه وتأكد من ذالك حين إختلس السمع وسمعه وهو يعطى أمراً لقائد المرتزقه بالحفاظ على حياة زوجة رفعت، هذا ما جعله يشعر براحه قليلاً… فابيو ما كان سيحصل على زينب قبلهُ.
….. ـــــــــــــــــــــــــــــــــــــــــــــــــــــــــــــــ
بالوحده الصحيه.
بمكتب زينب.
كانت زينب تضع يديها و رأسها فوقهم على المكتب، ليست نائمه لكن تشعر بإنهاك وأرهاق غير ذالك الوجع الذى يفتك بقلبها
تفاجئت بدخول والدايها عليها المكتب
متلهفان.
إقتربت والداتها منها قائله:زينب إنتى بخير.
رفعت زينب رأسها وقالت:أنا بخير يا ماما إطمنى…توقعت مجيك إنتى وبابا أكيد الخبر إنتشر عالقنوات فى مواقع النت المختلفه
تدمعت عين زينب وقالت:
أنا بخير يا ماما رفعت هو اللى إصابته خطيره.
إحتضنت هاله زينب التى نهضت قائله:هيبقى بخير ياروحى تفائلى.
ردت زينب:يارب يا ماما أدعى له.
رد مجد الذى دخل خلفهم قائلاً بإندهاش:زينب أختى عنيها مدمعه،لأ مش مصدق ومدمعه علشان مين علشان رفعت اللى بتقول عليه همجى،صحيح الحب بيذل الأشرار يا جدعان.
تبسمت زينب رغم شعور قلبها الذى يتوجع.
تحدث صفوت:مش وقت هزار يا مجد..إدعى ل رفعت ربنا يلطف بيه قولى لينا حالته أيه دلوقتي.
ردت زينب بغصوص:أنا مقدرش أحدد حالته قبل يومين ،رفعت يعتبر فى غيبوبه إجباريه مننا هو هيفضل تحت تآثير مخدر عام لمدة يومين عالأقل،لأن الإصابه كانت قريبه من الرئه جداً وبسببها فى أزمه فى التنفس الطبيعى…وكمان لو وقفت المخدر دلوقتي وفوقته ممكن جسمه ينتكس بسبب الدم الكتير اللى نزفهُ …المخدر يعتبر زى علاج له بس
خايفه من رد فعل جسم رفعت بعد ما نشيل عنه المخدر ده،ممكن يفضل فى غيبوبه إختياريه منه هو .
ردت هاله:ربنا يشفيه
حاولت هاله التخفيف عن زينب وقالت:بس مش ده الهمجى اللى كنت بتضايقى من حركاته الهمجيه أهو هترتاحى من همجيته شويه.
صمتت زينب.
رد مجد:لأ ما هو على رأى المثل،لا بحبك ولا بقدر على بعدك،بس والله رفعت هو اللى هيرتاح من لسان زوزى.. وهو فى الغيبوبه تلاقيه بيحلم بالحور العين…مش صبى البواب.
بأقسى المواقف قد تكون بسمه تشُق شفتاك قد تعطى لك أمل كبير.
…..ـــــــــــــــــــــــــــــــــــــــــ
عصراً بمنزل نعمان.
دخل رامى… إستقبله نعمان بترحيب وسأله عن رفعت هل هنالك جديد.
رد رامى: لأ زينب قالت رفعت تحت تأثير مخدر هيستمر معاه لوقت، أنا جاى علشان أشكرك إنك روحت لإسكندريه وجبت مروه وجدتى هما فين.
رد نعمان: مروه والست إنعام دخلوا يستريحوا شويه… ومعملتش حاجه أستحق الشكر عليها… مروه زى بنتى والحاجه إنعام من ريحة الغالين… والداك رضوان الزهار كان زمان له فضل عليا لما إنطردت من الشغل فى بيت همام الزهار خدنى شويه أشتغل عنده جناينى وهو اللى وظفنى فى الحكومه بعدها وقالى الوظيفه دى هتعملى كيان كبير عالاقل مش هكون بشتغل عند حد يذلنى وقت ما يحب.
رد رامى: أنا هاخد مروه وجدتى وفى عندنا شقه هنا فى الشرقيه قريبه من الزهار هنعيش فيها على ما ترميمات السرايا تنتهى.
رد نعمان بعتب: طب ليه يا إبنى مش عاوزنى أرد جزء من جميل والدك رضوان الزهار الله يرحمه،أنا هسيب لك البيت كله تعيش فيه مع الست إنعام ومروه.
شعر رامى بالحرج وقبل أن يرد..خرحت مروه تنظر بشوق ولهفه ودت لو قطعت الخطوات بينها وبين رامى وقامت بحضنه تشعر بنبضات قلبه،تخبره كيف مر عليها الوقت منذ أن رأت ذالك الڤيديو على أحد المواقع الإخباريه، لم يهدأ قلبها الإ حين رأت نعمان أمامها بالأسكندريه وطمئنها وطلب منها العوده معه،
وجدها مستعده لذالك ليست هى فقط، إنعام هى الآخرى آتت معهم رغم عدم عِلمها بما حدث لرفعت ولا بذالك الهجوم الذى حصل على السرايا، حتى أنها طوال الطريق كانت نائمه وحتى حين دخلوا الى منزل نعمان، طلب من نعمان أن يدلها على غرفة النوم تشعر بالارهاق وتود الراحه، دخلت معها مروه، كانت تخشى أن تخبرها بما سمعته من خالها حول حالة رفعت، لكن أنعام حتى لم تبدل ملابسها وتمددت على الفراش سُرعان ما نامت بعدها.
بينما رامى وقع بصره على مروه لاحظ إحمرار عينيها كم أراد أن تأخذه بحضنها يشكى لها خوفه على أخيه يريد منها كلمة إطمئنان فقط…لكن
تحدث نعمان:تعالى يا مروه شوفى جوزك عاوز ياخدك إنتى والست إنعام تروحوا تعيشوا فى شقه فى الشرقيه،وبيتى موجود.
ردت مروه:هنا زى شقة الشرقيه وكمان خالى مش غريب.
تبسم نعمان وقال:أنتم ولادى عندى كم مشوار هروحهم وبعدها هفوت عالوحده أطمن على رفعت.
غادر نعمان وترك رامى ومروه.
نظرات العيون تبوح بالشوق واللهفه،لكن حديث اللسان كان مقتضباً حين قالت مروه:رفعت عامل أيه دلوقتي؟
رد رامى بآلم:زينب بتقول رفعت مش هيفوق قبل يومين..إصابته خطيره.
ردت مروه:ربنا يشفيه.
نظر رامى لها وقال بعتاب:رفعت بس اللى هتسألى عنه وأنا…؟
ردت مروه:وإنت أيه إنت واقف قدامى كويس وبخير أهو.
نظر لها رامى قائلاً:لأ أنا مش كويس يا مروه…بس طالما إنتى شايفه كده تمام…أنا هبقى مع وسيم فى بيت باباه وأنتى خليكى هنا فى بيت خالك على ما تخلص ترميمات السرايا و خلي جدتى معاكى خدى بالك منها،وأى حاجه تحتاجوها إتصلى عليا أنا لازم أرجع للوحده من تانى.
صمتت مروه.
بينما إستدار رامى كى يغادر…شعرت مروه بغصه
وقبل أن تُخطى رامى قدماه خارج باب الغرفه نادت عليه مروه بخطوات سريعه كانت تتجه إليه تحتضنه بقوه.
تبسم رامى ولف يديه حولها يحتضنها بقوه.
عادت مروه ونظرت لرامى قائله: متأكده رفعت هيبقى كويس رفعت هيرجع أقوى.
تنهد رامي بأمل يقول:يارب…لازم امشى خلى بالك من جدتى.
تبسمت مروه قائله:متقلقش عليها.
حضنها رامى وكذالك هى حضتنه وقامت بتقبيل وجنته
بينما تحدث رامى: صدقينى بحبك يا مروه لينا قاعده مع بعض بس الوضع اللى إحنا فيه يمر بسلام.
ردت مروه:هيمر يا رامى صدقنى ورفعت هيقوم بالسلامه.
……..ـــــــــــــــــــــــــــــــــــــــــــــــــــــــــــــــ
بعد مرور يومان.
فجراً
دخلت زينب الى الغرفة الخاصه برفعت
كم تآلمت وهى ترى رفعت ممدد بهذا الشكل،أنابيب موصوله بجسدهُ وانابيب التنفس الموضوعه على أنفه ،إقتربت من الفراش وإنحنت تُقبل جبيبنهُ قائله:
أول مره شوفتك فيها بعد ما كنت هتدهسنى بالحصان رغم إنى وقتها كنت متغاظه منك ومن همجيتك بالذات لما ركبت ورايا الحصان وكنت بتتحرش بيا حتى لو جبتنى هنا للوحده يومها وبعدها مشيت كان جوايا إحساس تانى مكنتش عارفه ليه نفسى أشوفك تانى وأتعامل معاك عن قُرب وده الدافع اللى خلانى أقدم فيك محضر وأحاول أبتزك… رفعت إنت الشخص الوحيد اللى إتمنيت له الخير والشر مع بعض
كنت بتمنى لك الخير إنك تبعد عنى وتلاقى غيرى تبدأ معاها بتوافق وحياه سعيده
وكنت بتمنى لك الشر وأنى أفضل معاك وأنغص عليك حياتك بعنادى الدايم….بحب أعاندك…كمان بحب همجيتك يارفعت…إنت قادر تقاوم يا رفعت مش هقولك علشانى أنا معرفش أنا أيه بالنسبه لك…إن كنت حب حقيقى أو حتى حب إمتلاك وقت وهينتهى إنت اللى قادر تحدد أى نوع فيهم يا رفعت….بس إنت بالنسبه ليا حبيب عمري اللى مكنتش متوقعه أقابله فى يوم أنا جابنى القدر هنا علشان أحبك يارفعت.
أنهت زينب حديثها وقامت بتقبيل شفاه رفعت.
بينما ذالك السابح بملكوته،يشعر بها يراها طيف يستمع لقولها كأنه بحلم يتمناه…عجز لسانهُ عن النُطق كم ود الرد عليها يقول أنه هو الآخر إنتظرها كثير…ليتهُ قابلها منذ زمن ماكان إقترب من أى إمرأه غيرها…وما كان سار خلف إنتقام كاد أن يخسرها بسببه…لكن لم يفوت الوقت حبيبتي…أجل حبيبتي شعرت بأنفاسك…أنفاسك لى عودة الحياه.
*****
ظهراً
دخل ذالك الطبيب الى مكتب زينب.
قائلاً: مساء الخير يا دكتوره انا جاى أتكلم معاكى بخصوص السيد رفعت… أعتقد كده لازم هنجرب ونفوقه كفايه كده.
ردت زينب التى يسيطر شعور الخوف بداخلها… ماذا لو لم يستجيب رفعت للإفاقه هى أوقفت إعطاء المخدر له منذ ليلة أمس والى الآن لم يستفيق.
ردت زينب: فعلاً كفايه كده أنا منعت عنه المُخدر من بالليل والمفروض كان يعود للوعى بس مفيش أى مؤشرات الحيويه، لازم نجرب نفوقه، ونشوف أيه اللى هيحصل، أنا عندى كشف دلوقتى، ممكن تروح إنت العنايه تحاول تفوقه وأنا هنهى كشف عالمريض وهجيلك للغرفه الخاصه برفعت.
رد الطبيب: تمام… هيفوق إنشاء الله .
ردت زينب: إن شاءلله.
غادر الطبيب وترك زينب التى جلست تضع يدها على صدرها تحاول التماسك ومواجهة النتيجه مهما كانت، هى ليس لديها أى كشف هى تحججت بكذب، خائفه… لاول مره بحياتها الطبيه تخاف أن تعرف النتيجه… شعرت بدوار بسيط قامت بوضع إحدى قطع الحلوى بفمها ثم آتت بذالك المصل وحقنت نفسها وجلست تنتظر ثوانى تمر عليها دهور.
بينما بالغرفه الخاصه الموجود بها رفهت
دخل الطبيب الى الغرفه… وجد كل من وسيم ورامى يقفان بالغرفه على وجه كل منهم يبدوا بوضوح الترقُب.
تحدث رامى: مش المفروض إن رفعت يفوق بقى؟
رد الطبيب: بطلب منكم تخرحوا خارج الأوضه علشان أقدر أحاول أفوقه… من فضلكم إنتظروا خارج الأوضه وقوفكم هنا مش كويس.
بالفعل إمتثل الإثنان الى حديث الطبيب وخرجا خارج الغرفه.
بدأ الطبيب يتعامل مع رفعت يحاول إفاقته بعد وقت بدأ رفعت يستجيب للإفاقه ببطئ حاول عيناه وإغلاقها أكثر من مره الى إستطاع فتح عيناه، كانت صورة زينب هى من أمامه تحدث بهمس: زينب
تبسم الطبيب قائلاً: لو واعى ممكن تهز راسك ترد على أسئلتى بدون ما تجهد نفسك فى التفكير.
أماء رفعت برأسه.
قام الطبيب بسؤاله: إسمك رفعت الزهار؟
أماء رفعت برأسه
سأل الطبيب: متجوز يا سيد رفعت.
هز رفعت رأسه بنعم
تبسم الطبيب قائلاً: طب إسم زوجتك أيه؟
رد رفعت بهمس: زينب السمراوى… الدكتوره زينب.
تبسم الطبيب قائلاً: أهلًا برجوعك…كويس فوقت بسرعه حمد لله على سلامتك يا سيد رفعت هطلع أبشر اللى واقفين بره وكمان هتصل عالدكتوره زينب أبشرها برجوعك مره تانيه للحياه.
بالفعل
خرج الطبيب من الغرفه الموجود بها رفعت، تحدث الى ذالك الواقفان قائلاً:
رفعت بيه الحمد لله إستجاب للإفاقه وهو دلوقتي فاق تقريباً مع الوقت هيفوق أكتر تقدروا تدخلوا له بس بلاش الإزعاج، أنا هتصل عالدكتوره زينب أبلغها أنه فاق
تبسم الأثنان بإنشراح وقاما بشكر الطبيب الذى غادر
دخل الأثنان الى الغرفه سريعاً
تبسما وهما يران رفعت يفتح عيناه، أقترب الاثنان من الفراش، كان ينظران ل رفعت بفرحه غامره
بينما رفعت تحدث بوهن وخفوت: زينب فين زينب؟
نظرا الأثنان لبعضهما بفرحه ثم غمزا لبعض بتفهم.
تحدث وسيم قائلاً: عيب عليك أول ما تفتح عنيك من الغيبوبه كده بدل ما تسأل على أخوك اللى دمه إتصفى بسببك ولا أخوك التانى اللى أخد رصاصه فى دراعهُ بسببك، وتسأل عالدكتوره زينب اللى مصدقت إنك دخلت الغيبوبه وطفشت.
تبسم رامى
بينما رفعت تذمر بوهن قائلاً: بقولكم فين زينب.
رد رامى: زى وسيم ما قال طفشت دى مصدقت إنك دخلت الغيبوبه وقالت هرتاح من الهمجى.
رد رفعت بتذمر: بقولكم فين زينب مش قادر على المناهده وأنتم بتهزروا.
تبسما الإثنان وقال رامي مازحاً بإيحاء: وعاوز الدكتوره فى أيه صحتك متستحملش
إحنا أهو ستر عليك.
رد رفعت بمناهده: إطلعوا أنتم الأتنين بره مش عاوز أشوف واحد فيكم هنا فى الاوضه، متفكروش أنكم هتستغلوا رقدتى دى وتتريقوا عليا، يلا غوروا من وشى مش عاوز أشوفكم قدامي إصبروا عليا أفوقلكم.
تبسم الأثنان وهما ينظران الى باب الغرفه الذى فتح
ليقول وسيم بأدعاء الخوف: لأ يا عم أنا واخد رصاصه فى دراعى ومش قد همجيتك.
بينما قال رامى: وأنا كمان دمى إتصفى بسببك مش عارف كان أيه اللى لعب فى عقلى وخلانى إتبرعتلك بدمى، مش كنت إتبرعت بيه للهلال الأحمر كنت هاخد ثواب.
رد رفعت بضيق: أنا بقول أطلعوا بره مش عاوز أشوفكم.
تبسمت زينب التى دخلت الى الغرفه وشعرت بعودة الروح لها حين رأت رفعت يفتح عيناه بل ويرد على هذان اللذان يستفزانه، وقالت:
على فكره النرفزه غلط على صحتك إنت واحد لسه يا دوب فايق من غيبوبه وفى أيه يا شباب، سيبينه يهددكم كده وساكتين.
تبسم وسيم و رامى الذى قال: أهو تعالى يا دكتوره شوفى بنفسك وأحكمى هى دى الأخوه.
بينما رفعت نظر ناحية صوت زينب التى بدأت تقترب منه ببسمه شعر بعودة الروح مره أخرى لجسده وتبسم بشوق ينظر لوجهها ثم قال:
هى دى الأخوه عندى مش عاجكبم يلا بره وحتى لو عاجكبم برضوا إطلعوا بره.
تبسمت زينب قائله: أنا بقول نسمع كلام رفعت طالما عاوز يفضل لوحده نسيبه ويرتاح ده لسه راجع من غيبوبه وأى حاجه تتضايقه ممكن تآثر عليه.
رد رامى بموافقه: أنا بقول كده…. يلا بينا نخرج ونسيبه يرتاح.
بالفعل توجه الثلاث ناحية باب الغرفه
لكن قال رفعت: خليكى زينب.
نُطق رفعت لأسمها بتلك الطريقه الضعيفه زلزل قلبها، عادت تنظر له
وتبسمت.
بينما تبسم وسيم ورامى لبعضهما وخرجا من الغرفه وأغلقا خلفهم الباب سعداء بعودة رفعت.
بينما عاود رفعت قوله:زينب قربى منى.
إقتربت زينب منه وجلست جواره على الفراش تنظر لوجهه.
تحدث رفعت بخفوت:بقالى قد إيه غايب.
ردت زينب يومين يا رفعت.
تحدث رفعت:بس أنا ليه حاسس إنك كنتى بتكلمينى من شويه صوت همسك فى ودانى.
تبسمت زبنب قائله:متهيألك دى تخاريف السكره اللى كنت فيها بس عالعموم أهلاً برجوعك…كنت متأكده إنك مش هتغيب فى الغيبوبه.
شقت بسمه على شفاه رفعت وقال برجاء:زينب ممكن تقربى منى وشى.
نهضت زينب وإقتربت من وجهه.
تحدث رفعت: ممكن تقربى أكتر
بالفعل إنحنت زينب على وجه رفعت.
رغم وهن رفعت الشديد لكن رفع يدهُ وجذب زينب وقام بتقبيلها قُبله ضعيفه…لكن كانت بالنسبه لهما الإثنان قبلة الحياه.
ترك رفعت شفاه زينب وقال بخفوت:قرنفل.
تبسمت زينب وهى تنظر لعين رفعت وهمست له قائله:أيه اللى قرنقل يا همجى.
رد رفعت:طعم شفايفك…قرنفل…بحبك يا زينب.
تبسمت زينب وقالت:ومقولتهاش ليه قبل ما تدخل للغيبوبه…ولا دى تخاريف إفاقه.
رد رفعت:مقولتهاش لأنى فعلاً قبل الغيبوبه عايش فى تخاريف…
بس دلوقتي الحقيقه…أنى بحبك يا شجرتى الطيبه.
قطع اللحظه دخول مهره التى دخلت دون طرق على الباب
وقالت بلهفه: رامى ووسيم قالولى إن رفعت فاق.
إعتدلت زينب لكن مازالت جوار رفعت
إقتربت مهره وشعرت بعودة الروح لها حين رأت رفعت يبتسم ويفتح عيناه… إنحنت على رأسه وقبلت جبهته قائله:
حمدالله على سلامتك… كنت متأكده إن الفارس مش هيهزم وهيقاوم بس خضيتينا عليه كانت قويه.
تبسم رفعت وقال: مش يمكن الفارس كان عاوز يعرف أهميته وغلاوته عند اللى حواليه.
تبسمت مهره تقول: إنت غالى… غالى قوى يا رفعت، عندنا كلنا وبالأخص الدكتوره زينب… اللى وجودها كان إنقاذ لك.
تبسم رفعت وعيناه تنظر لزينب وقال: فعلاً وجود زينب جانبى إنقاذ ليا.
ـــــــــــــــــــــــــــــــــــــــــــــــــــــــــــــ
بعد مرور أسبوع
بمنزل الشامى
صباحً باكراً
نهض رامى من فراشه وتوجه يسير خلف تلك الرائحه، تعجب إنها رائحة القهوه
دخل الى المطبخ وجد وسيم يتناول إحدى الشطائر وامامه ركوه صغيره على النار، رائحتها تفوح بالقهوه.
تحدث من خلفه قائلاً: إعمل حسابى معاك فى كوباية قهوه وكمان هات حته لقمه من اللى بتاكله ده، ليه معملتش ليه لينا إحنا الإتنين فطور.
رد وسيم بخضه: خضتنى يا حيوان مش تكح قبل ما تتكلم وأعملك فطور ليه كنت الفلبينه اللى بتقبضها بالدولار… ده سندوتش جبنه أنا معدتى نشفت من الآكل الجاهز والتيك أواى.
رد رامى: ومين سمعك أنا زيك.
رد وسيم: وايه يجبرك إنت راجل متجوز ولك زوجه تعرف تطبخ.
شعر رامى بغصه قائلاً: ما أنت عارف السرايا بعد الهجوم بقت غير صالحه للإستخدام الآدمى وأهو العمال شغالين فيها ترميمات ومراتى قاعده عند أهلها، عاوزنى أجيب مراتى فى الخُن بتاعك تخدمنا.
رد وسيم ولما الخُن بتاعى مش عاجبك أيه يجبرك تتبلينى بيك وتقعد معايا فيه، أهو القهوه فارت من عنيك والوش بتاعها طار، بلاها قهوه هعمل نسكافيه تلاته فى واحد.
تبسم رامى يقول:
عارف مفيش متهنى من وراء الهجوم ده غير الواد رفعت نايم فى المستشفى
مدلع عمتى مهره شبه مقيمه معاه طول النهار وطول الليل الدكتوره هناك
وهو إستغلالى ومستغل الفرصه عالآخر وبالذات مع الدكتوره،بيلعب على عقلهم الإتنين …. مش زينا عاملين زى المقاطيع.بفكر أبات معاه الليله أبقى مِحرم.
تبسم وسيم يقول: فكره برضوا،أهو ارتاح من رخامتك وإستغلالك ليا،كأنى الخدامه بتاعتك،بس طب ما أنا كمان مُصاب فى دراعى محدش عبرنى ليه حتى بورك فرخه أرم بها عضمى.
تبسم رامى: وأنا اللى دمى إتصفى، شوفت حد جابلى علبة عصير يرد الدمويه لجسمى مكان الدم اللى إتبرعت بيه، بقولك أعملى سندوتش جبنه معاك.
فتح وسيم الثلاجه وأخرج منها طبق به بقايا جبنه وأتى بعيش ووضعهم على طاوله بالمطبخ وقال: عيش وجبنه أهم أعمل لنفسك.
رد رامى: لأ انا شايف لانشون فى التلاجه مش عاوز جبنه.
أتى وسيم بالانشون ووضعه على الطاوله.
جلس رامى قائلاً: أقعد نتسلى شويه، بدل الملل اللى إحنا فيه.
جلس وسيم قائلاً: وماله نتسلى سوا وإحنا عاملين زى الولايا كده حتى ماما مهره نسيانا، بقولها ابعتى لينا أى شغاله من عندك تخدمنا، قالتلى لأ إنتم إتنين شباب مينفعش تبقى معاكم واحده فى البيت
تعالى إنت إرجع للبيت ورامى يجيب مراته ومرات خالى من بيت خالها.
رد رامى: طب ليه مش بتسمع كلامها أهو اتلم أنا ومراتى فى مكان بدل ما ببقى مكسوف وأنا رايح اشوفها هى وجدتى فى بيت خالها.
رد وسيم: أنا كاره للبيت ده زيكم بالظبط والله لو مش وجود ماما مهره ما كنت عشت فيه أصلاً.
رد رامى: طب ولمى.؟
تحدث وسيم: مالها لمى
رد رامى: المفروض لمى خطيبتك…. أيه مش سبب انك تحب تعيش هناك؟
رد وسيم:لمى…دى سبب رئيسى إنى سيبت العيشه فى البيت ده.
تعجب رامى قائلاً:قصدك أيه وبعدين إنت مش ناوى تتجوز من لمى قريب.
رد وسيم بقطع:لأ…أنا مستحيل أتجوز من لمى أصلاً.
تعجب رامى قائلاً:قصدك أيه وطالما مستحيل تتجوزها كنت بتخطبها ليه؟
رد وسيم:كان غباء منى،وغفله…بس الحمد لله صحيت قبل فوات الآوان.
ــــــــــــــــــــــــــــــــــــــــــــــــــــــــــــــــ
بالوحده الصحيه
لم يتعجب رفعت من تلك الزياره المفاجئه بل توقع سببها
حين دخل الى غرفته ذالك الضيف
وقف ذالك الضيف مبتسماً يمد يدهُ للمصافحه،فكر رفعت فى البدايه عدم مصافحته،لكن بالنهايه
مد يده يصافحه قائلاً:أهلا سيادة النائب نورت
تبسم النائب قائلاً: أولاً بعتذر عن تأخيرى فى زيارتك… مكنتش فى البلد الفتره اللى فاتت بس كنت متابع أخبارك واول ما رجعت للبلد قولت لازم أجى بنفسى أزورك وأطمن عليك…
رد رفعت يقول: سيادتك طول عمرك صديق
رغم شعور رفعت بالآلم لكن جلس بتعالى يضع ساق فوق أخرى بتعالى ورسم بسمه على شفاه واشار للنائب بيده كى يجلس هو الآخر..
بالفعل جلس النائب على أحد المقاعد مبتسماً يقول: فعلاً أنا طول عمرى كنت صديق وده واجب عليا، والدك رضوان الله يرحمه كان أعز صديق عندى.
نظر رفعت لوجه نجيب قائلاً: والدى..
كان أعز صديق عندك… طب ليه غدرت بيه وشاركت فى موته يا سيادة النائب ويمكن كمان كنت مشارك فى الهجوم اللى حصل على السرايا من أيام، وكان هدف الهجوم ده تصفيتى.
إرتبك نجيب قائلاً: بتقول أيه…وأنا هستفاد أيه من أذيتك؟
رد رفعت:عالمكشوف كده…يا سيادة النائب أنا متأكد أنك ضلع اساسى فى حرق السرايا زمان وكمان الهجوم على السرايا وعارف هدفك
زمان خوفت بابا يسحب منك عضوية مجلس الشعب اللى كنت بتدارى فيها وتساعد هاشم الزهار فى أعمالهُ القذره
عندى ليك عرض لو وافقت عليه أوعدك أساعدك فى الإنتخابات الجايه،اللى أنت مرعوب من مساندتى للمنافس بتاعك فيها.
إزدرت نجيب ريقه…لكن قبل أن يتحدث.
تحدث رفعت:سلمنى دليل إدانة هاشم الزهار سواء كان فى تجارة الادويه الممنوعه أو حتى فى تجارة البنات القُصر اللى بيتجوزهم ويبيعهم بعد كده.
إنصدم نجيب من ما قاله رفعت وإرتعشت يدهُ وهو يضعها يمسك بكوب الماء الذى سقط منه.
تبسم رفعت يقول: إيدك بترعش ليه يا سيادة النايب… إنصدمت إنى عرفت حقيقتك وحقيقة النخاس هاشم الزهار…كل فكره عندى وثائق ومستندات تدينك فى موالستك على هاشم الزهار بالذات البنت اللى قتلها ولو مش مساعدتك له وأخفيت الدلائل كان زمانه مشرف فى السجن،دا غير البنت اللى كانت عالمركب واللى قتلتوها فى المستشفى بس للأسف قتلتوها بعد فوات الآوان البنت أعترفت إنها كانت مخطوفه ومكنتش حاسه هى بتعمل أيه،والبوليس قدر يوصل للست اللى دخلت المستشفى وأدعت إنها أمها بسبب الكاميرات اللى كانت موجوده فى الأوضه نفسها،عندى لك تسجيل هسمعه لك يمكن تصدق.
فتح رفعت هاتفه الجوال وأتى بتسجيل صوتى وقام بتشغيله.
إنصدم نجيب قائلاً:أنا معرفش حاجه عن اللى حصل للبنت دى.
ضحك رفعت يقول:ده تسجيل لوالد البنت اللى رفعت قتلها هنا فى الشرقيه،وجدا بداخل البنت نطاف ذكرى وأنها ماتت بعد علاقه زوجيه…ولما واجهوا والد البنت أنكر أن بنته كانت متجوزه ليه؟
لأنه إتهدد مش بس من هاشم الزهار…لأ من شخص تانى سحب الدليل ده من قلب المعمل الجنائى…وطبعاً هاشم ميقدرش يعمل كده…لكن سيادة النايب أحبابه كتير ويتمنوا الخدمه…غير تصاريح سفر بعض البنات القاصرات اللى كان هاشم بيسلب عذريتهم وبعدها يبعهم للماڤيا، سواء تجارة أعضاء او لأماكن الدعاره خارج أو داخل مصر…. قدامك فرصه يا سيادة النائب تحاول تكسب منها هاشم خلاص كارت إتحرق للحكومه مجرد وقت وهيشرف عالمشنقه، وكمان كارت إتحرق ل فابيو لو مش مزاج چاكلين له كانت بنفسها إتخلصت منه ومتأكد هيحصل قريباً.
تعلثم نجيب وتهته فى الرد…
أنقذه من الرد زينب التى دخلت الى الغرفه.
تحدثت قائله: أهلاً يا سيادة النائب…واضح إنى جيت فى وقت غير مناسب وقطعت عليكم الحديث… بس ده وقت علاج رفعت غير كمان لازم أغير له الضماد اللى على صدرهُ.
نهض نجيب قائلاً: لأ أبداً يا دكتوره أنا كنت خلاص هقوم… زيارة المريض لازم تكون خفيفه… ربنا يكمل شفا رفعت… أستأذن أنا.
كاد نجيب أن يغادر الغرفه سريعاً… لكن قبل أن يخرج من الباب تحدث رفعت وهو مازال جالساً: فكر فى عرضى يا سيادة النايب ومستنى منك الرد فى أسرع وقت.
لم يرد نجيب وهز رأسه بموافقه وغادر الغرفه سريعاً، كأن هنالك ثعبان يركض خلفهُ.
بينما قالت زينب بفضولها المعتاد: أيه العرض اللى عرضته على النائب.
رد رفعت: ولا حاجه دى حاجه متخصكيش.
إغتاظت زينب منه وقالت:
تمام طالما متخصنيش مش عاوزه أعرف… تسمح تاخد الدوا بتاعك وكمان تقوم تنام عالسرير علشان أغيرلك الضماد اللى على صدرك ده.
نهض رفعت من على المقعد وسار بخطوات بطيئه وجلس على الفراش وقال بمكر: أيه مفيش فى الوحده كلها ممرضه تيجى هى تدينى الدوا، ولا أنا ليا معامله خاصه من الدكتوره ولا يمكن الدكتورن بتحبنى .
نظرت له زينب وهى تعطيه بعض الادويه تناوله كوب الماء وكذالك قامت بمسك سرنجه وملئتها بمحلول طبى وقامت بوضعها بفتحة تلك الكلونه الموضوعه خلف كف يده وقالت: لأء بلاش توهم نفسك إنى بحبك ومالكش وضع خاص ولا وضع عام عادى، لقيت نفسى فاضيه قولت أشغل نفسى بدل الملل،ولو بأيدى كنت إديتك حقنة هوا وخلصت منك… وإتفضل إقلع الروب ده ونام عالسرير خلينى أغيرلك ضماد صدرك بلاش تعطلنى أكتر من كده.
تبسم رفعت وقام بخلع ذالك المئزر وتمدد على الفراش
دنت زينب منه تضع ذالك الضماد على صدرهُ.
تبسم بسخريه قائلاً:
طب إهتمامك بيا ده اسمه أيه لو مش بتحبينى.
ردت عليه: تقدر تقول إن إهتمامى، بيك زى أى مريض بعالجهُ مش أكتر،متنساش أنى حلفت قسم يوم ما إتخرجت أعالج أى حد محتاج مساعدتى حتى لو كان عدوى.
تبسم بألم قائلاً:بس أنا مش عدوك أنا جوزك.
قبل أن ترد، فجأه شعرت به يجذبها، لتصبح ممده على الفراش وهو يعتليها.
إرتجفت قائله:
رفعت إنت واخد تلات رصاصات فى صدرك إحمد ربنا إنت إتكتبلك عمر جديد.
تبسم يقول: إنكتبلى عمر جديد على إيدك، ليه أنقذتينى ومسبتنيش أموت، كنتِ هترتاحى من الهمجى.
صمتت تنظر لعيناه فقط، لكن شعرت بأنفاسهُ على صفحة وجهها
ضغطت على الجرح الذى بصدرهُ تألم لكن قيد يديها بيدهُ ورفعهم فوق رأسها،
شعرت بأنفاسهُ قريبه من عنقها.
قالت له بحده: قوم من فوقى لصرخ وألم عليك اللى فى الوحده إنت ناسى إنك بالوحده الصحيه، اللى بتعمله ده يندرج تحت فعل فاضح بمكان عام.
رفع رأسهُ من حنايا عنقها ونظر لعيناها المتحديه
ضيق عيناه، وقبل أن تتحدث زينب.
تفاجئت به يشُق مقدمة ملابسها، لتظهر ملابسها الداخليه أمام عيناه، وتحدث بوعيد:
لو أى حد دخل للأوضه وشافك بالمنظر ده، هقتله حتى لوكانت ست، وإنتِ عارفه إنى قد كلمتي.
قال هذا ودنا مره أخرى يُقبل جانب عنقها
تحدثت زينب: بلاش يا رفعت اللى بتعمله ده صدقنى علشان صحتك، إنت واخد تلات رصاصات فى صدرك.
تنفس على عُنقها هامساً: اللى حاسس بيه هى رصاصه واحده إخترقت قلبى
ليه ظهرتى فى حياتى، ليه بضعف قدامك، مكنش لازم تدخلى حياتى، كنت هحرقهم، ولسه عند وعدى، لكن أنتِ بتضعفينى.
تحدثت زينب: أنا مش بضعفك، خلينى قوتك، وبلاش يا رفعت، سيبهم لربنا،صدقني هينتقم منهم هو أقوى من أى إنتقام للبشر،أنا عارفه ومتأكده إنت عارف مين اللى إتهجم عالسرايا،دل الشرطه عليه وخليها هى تعاقبهم ، صدقنى يا رفعت الشُعله لسه فى إيدك تطفيها، قبل ما تشعلل وتحرقك معاهم.
كان رفعت سيعترض لكن قالت زينب برجاء:
إطفي الشُعله اللى فى إيدك،إطفيها وإشعل قلبك مكانها إنت قولت إنك بتحبنى يبقى ليه تضيع عمرك فى إنتقام كان هينهى حياتك، رفعت لو صحيح بتحبنى إبعد الإنتقام عن قلبك وخلينا نعيش مع بعض في آمان، أنا كنت بموت وأنا بسمع صوت الرصاص، وانا بتخيل رصاصه منهم تكون نهت حياتك، أنا لما سمعت صوت تصفير جهاز مؤشر الحياه قلبى كان هيوقف.
نظر رفعت لعين زينب وتبسم وهو يضع يدهُ على قلب زينب وقال:
وأنا علشان أفضل أسمع نبض قلبك على إستعداد أنسى أى إنتقام هيبعدك عنى.
تبسمت زينب له وضمته قوياً،
تبسم رفعت لكن شعر بآلم فآن بألم.
خفت زينب من قوة ضمها له، تبسم رفعت ونظر لشفاها المبتسمه ودون إنتظار.
ظل رفعت يُقبل زينب تائهين، نسى آلم جسده
كذالك زينب نسيت أين هى وتجاوبت معه بالقبلات
لكن سمع الإثنان صوت نحنحه رقيقه
بينما حين فتحت مهره باب الغرفه ودخلت…
تنحنحت بخزو ليتها ما دخلت ورأت ذالك الموقف الحميمى.
شعرت زينب بخزو وهى أسفل رفعت وقالت له بهمس، مش كنت بتقول هتقتل اللى يدخل للأوضه حتى لو ست، قولى هتقتل عمتك كمان.
رد رفعت بنفس الهمس: والله لو رامى أو وسيم كنت فعلاً قتلتهم بس دى قلبى ميطاوعنيش اشوفها حتى مخدوشه.
ردت زينب: علشان تعرف قلة أدبك وكمان قوم من فوقى طلعت مش قد كلمتك اللى يدخل لو حتى ست هتقلها.
رد رفعت: مش قادر أقوم زُقينى.
تحدثت مهره قائله: براحه وأنتى بتزُقيه… ليقع من عالسرير.
تنحى رفعت عن زينب ونام على ظهره قائلاً: منوره الوحده يا عمتى كويس إن انتى اللى فتحتى علينا الباب مش جدتى كانت عملت لينا جُرسه فى الوحده.
بينما زينب نهضت تعدل ثيابها تنظر له بغيظ ولكن شعرت بخزو من مهره وقالت: هروح اشوف شغلى فى الوحده.
تبسمت مهره قائله: وماله يا حبيبتى ما أنتى هنا كنتى بتشوفى شغلك برضوا، بس قبل ما تطلعى فى كام زرار طايرين من بلوزتك عالأرض إستنى هجمعهم لك أهو.
ردت زينب بأحراج: لأ مالهومش لازمه هقفل البالطو عليا وعندى هدوم تانيه فى مكتبى هغير البلوزه دى… عن أذنك يا طنط.
أغلقت زينب معطفها الأبيض وغادرت تشعر بخزو
بينما نظرت مهره ل رفعت وقالت: إفرض مكنش أنا اللى دخلت عليكم الاوضه كنت هتعمل إيه.
رد رفعت: والله لو كان أى حد تانى غيرك اللى دخل علينا الأوضه
كنت قتلته حتى لو كان الأغبياء الإتنين وسيم ورامى.
على ذكر وسيم رامى دخل الاثنان
تحدث وسيم يقول: بتجيب فى سيريتنا ليه كفايه انت مقيم هنا، خدمه سبع نجوم ومعاك الدكتوره وكمان دلع ماما مهره.
ردت مهره: أهم حاجه وجود الدكتوره هنا جانبه وجودها ساعده يخف بسرعه.
……… ـــــــــــــــــــــــــــــــــــــــــــ
الشعله الثالثه والثلاثون… الأخيره الجزء الأول
ـــــــــــــــــــــــــــــــــــــــــــــــــــــــــــــــ
بعد مرور يومان
بالوحده الصحيه ظهراً
دخلت زينب الى الغرفه الموجود بها رفعت تفاجئت به يقف نصف عارى وهنالك ممرضه معه بالغرفه
إنتابتها الغيره وقالت: مساء الخير.
ردت الممرضه: مساء النور يا دكتوره.
بينما رفعت تبسم بخفاء ولم يرد.
نظرت زينب الى ما بيد تلك الممرضه وقالت: خير هتعملى أيه بالقطن المبلول اللى فى إيدك؟
ردت الممرضه وهى تشعر بالخزو… رفعت بيه طلب منى أمسح له جسمه.
فهمت زينب قول الممرضه وشعرت بالغِيره وقالت لها: طيب روحى إنتى شوفى شغلك… رفعت بيه ممنوع الميه تلمس جسمه.
ردت الممرضه بقبول: تمام عن أذنكم.
نظرت زينب للمرضه حتى خرجت من الغرفه وأغلقت خلفها ثم نظىت لرفعت قائله بضيق وتهكم: عاوز الممرصه تمسحلك جسمك ليه خلاص هتموت من الحر.
رد رفعت بإستفزاز: لأ مش هموت من الحر بس هموت من ريحة الأدويه والمُطهرات اللى على جسمى، مش قادر أتحملها.
ردت زينب بتهكم قائله: بعد كده هيبقوا يحطوا فى الأدويه والمطهرات برفان عشان سيادتك مش قادر تتحمل ريحتها،بس تحب سيادتك أى نوع برفان..آكس ولا كوتشى.
ضحك رفعت يقول:جوتشى مش كوتشى على فكره،وبعدين مضايقه ليه ده يعتبر زى إستحمام عالناشف عادى جداً.
نظرت له زينب بذهول قائله:إستحمام عالناشف وكنت عاوز الممرضه تحميك كمان…لأ عيب عليا مكنش لازم أمنع الممرضه.
تبسم رفعت يقول:إحنا لسه فيها بدل الممرضه ما كانت هى اللى هتحمينى عالناشف إنتى موجوده ومتنسيش إنك مراتك يعنى انا أولى بوقتك وإهتمامك من اللى هتعالجيهم فى الوحده.
فكرت زينب وقالت بخبث:تصدق فعلاً إنت جوزى وأولى بالأهتمام والرعايه منى،تمام يا زوحى العزيز أنا هحميك عالناشف.
تبسم رفعت…بينما زينب أخذت ذالك الإيناء الذى تركته الممرضه وبه بعض من قطع القطن المُبلله،مسكت قطعه من القطن وقامت بعصرها وتوجهت ناحية رفعت وقالت له:
خلينى أحميك يا زوجى العزيز.
قالت هذا وقامت بوضع قطعة القطن على ظهره بضربه قويه.
شعر رفعت بألم وقال:براحه خفى إيدك شويا.
ردت زينب:معليشى إستحمل يا زوجى العزيز،أصلى أول مره أحمى حد وللاسف بحميه عالناشف.
أعادت زينب الفعله أكثر من مره على مناطق متفرقه من جسد رفعت…الذى رغم الآلم الطفيف الذى يشعر به من أفعال زينب لكن بداخلهُ سعيد بأهتمامها وغِيرتها التى أظهرتها دون أن تدرى.
قالت زينب:أظن كده خلاص ريحة المطهرات راحت من على جسمك.
رد رفعت:لأ لسه رقابتى من قدام وكمان صدرى فوق الضماد ده.
ألقت زينب قطعة القطن بالإيناء بقوه ونظرت لرفعت ورفعت يديها ووضعته حول عُنقه قائله:لاء دول مش محتاجين لقطن دول إيديا هى اللى هتشيل ريحة المطاهرات من عليهم.
قالت زينب هذا وحاولت خنق رفعت الذى تبسم وهى يضع يديه فوق يديها التى حول عنقه وجذبها بقوه لجسدهُ رغم شعوره بآلم لكن تبسم يقول:إيدك تقيله يا روحى،ياريتك كنتى سيبتى الممرضه أكيد إيدبها كانت هتبقى أحن.
ضيقت زبنب يدها حول عُنق رفعت وقالت بغيظ:تصدق إنك هتخلينى أندم إنى أنقذتك ومسبتكش تفلسع كنت إرتاحت من همجيتك.
ضحك رفعت وهو يسير للخلف ويدهُ فوق يد زينب وقال:أفلسع…
فى دكتوره تقول لمريض تفلسع…دى ألفاظ بوابين مش دكاتره.
ردت زينب:طيب طالما ألفاظ بوابين بقى أنا هكتبلك على خروج من الوحده يا رفعت خلاص حالتك إتحسنت تقدر تكمل علاجك فى البيت،سيب مكانك لمريض تانى محتاج رعايه.
تبسم رفعت ونام على الفراش وكانت زينب مُنحنيه عليه وقال:هخرج من الوحده أروح فين إنت مش عارفه إن السرايا لسه مخلصتش ترميمات.
ردت زينب:ماليش فيه إنشاله تنام فى الإستطبل مع الخيل بتوعك المجرمين معرفش ليه مضربوش رصاصه عالخيل.
رد رفعت:الطمع…الخيل كانت هتبقى العنيمه بتاعتهم،ويعنى يرضيكى أنام وسط الخيل…طب وأنتى هتنامى فين؟
ردت زينب:لأ ما أنا هرجع للسكن الملحق بالوحده اللى كنت عايشه فيه قبل ما أتغصب وأتجوزك.
رد رفعت:طب ما تاخدينى معاكى للسكن ده.
ردت زينب:لاء السكن ده للعاملين المغتربين بالوحده بس ولو اخدتك معايا ده يعتبر إستغلال وأنا مش مستغله…إنسى…روح إقعد عند قريبك وسيم فى بيته مع رامى،وأهو لو حسيت بالحر واحد منهم ممكن يحميك عالناشف وأعتبره زى الممرضه.
تبسم رفعت وجذب زينب عليه وقال بمكر:لأ وسيم ورامى إيديهم خشنه زى إيدين البوابين أنا عاوز ممرضه معايا ترعاني…وطبعاً مراتى مديرة الوحده هتنقى لى أحلى…قصدى أشطر ممرضه.
ردت زينب:إتفقعت مرارتك إنت والممرضه..عارف يا رفعت لو مبطلتش طريقتك دى…أنا هحطلك فى العلاج سم فيران وأخليك تهلوس وتشوف الممرضه الحلوه سلعوه.
تبسم رفعت يقول:بحبك يا شرسه.
قبل أن ترد زينب عليه ورغم شعورهُ بألم فى صدره لكن جذبها عليه يُقبلها بشوق.
شعرت زينب بتألمه فأبتعدت بجسدها عن صدره لكن مازالت تستمتع بقُبلته….
لكن سمع الإثنان صوت نحنحنه قويه.
إستقامت زينب واقفه وإبتعدت عن رفعت تشعر بخزو.
بينما قالت مُهره:عيب يا جماعه اللى بيحصل ده كويس إن مرات خالى إنعام مدخلتش معايا وقالت هتروح تشوف مكتب زينب كان عندها إحساس إنك هناك،بس انا كان عندى إحساس تانى والحمد لله إن أنا سبقتها لهنا…خلاص كفايه بقى أنا شايفه رفعت حالته بقت كويسه أكتبى له على خروج وأهو تتلموا فى مكان مقفول عليكم ومحدش يحرجكم بعد كده.
صمتت زينب تشعر بأحراج كبير،بينما رفعت تبسم يقول:
هخرج أروح فين يا عمتى،السرايا لسه فيها كم يوم ترميمات…وكمان هنا الرعايه إسبيشيال عندى واسطه قويه وشرسه.
تبسمت مهره وهى تنظر الى زينب وقالت بتوريه: فعلاً عنده واسطه قويه جداً، بس أنا كرهت المجي للوحده وكمان مرات خالى إنعام ست كبيره من وقت ما عرفت إنك مُصاب وإنك عند زينب فى الوحده عاوزه تجي وتاخد أوضه هى كمان علشان تبقى قريبه من زوزى.
شعرت زينب بالإحراج وقالت بهروب:هروح أشوف تيتا فين لا تتوه فى الوحده.
غادرت زينب دون إنتظار…
بينما تبسمت مهره قائله بمزح:الدكتوره اللى كانت عاقله بسبب قربت تجنن مش هتبطل الحركات دى،عيب حتى على رتبتك كظابط سابق..تعرف يا رفعت قد ما كنت زعلانه وحاسه بقهر وخوف بعد ما إنصابت بس مع الوقت عرفت إن ربنا كل أمره خير، لما شوفتك فتحت عيونك من تانى وكمان الفتره اللى فاتت قربت من زينب كتير وحاسه إن بقى فى بينكم توافق كبير بغض النظر عن الوقاحه اللى شوفتها من شويه او قبل كده كمان إنك إنت ووسيم ورامى رجعتوا من تانى عُصبه واحده وبعدين قوم إلبس بقية هدومك قبل مرات خالى ما تجى ومعرفش رد فعلها أيه.
تبسم رفعت لها وإتجه يرتدى بقية ثيابه قائلاً: مش غريبه هاشم الزهار بقاله فتره بعيد عن هنا.
تنهدت مهره براحه قائله:ياريته ما يرجع،سمعت من واحد من كلابهُ اللى فى الإستطبل إنه قاعد فى إسكندريه بيعمل فحوصات طبيه وكمان هشام أخوه كان تعبان شويه.
رد رفعت: وهو هاشم بيشتكى من أيه، علشان الفحوصات دى، وحتى لو صحيح الكلام ده الفحوصات متاخدش المده دى كلها بس على قولك ياريته ما يرجع.
…….. ـــــــــــــــــــــــــــــــــــــــــــــــــــــــــــــــ
ليلاً
بمنزل نعمان..
شعرت مروه ببعض التقلصات فى معدتها،نهضت من على فراشها وذهبت الى الحمام أفضت ما بجوفها تشعر بوهن شديد من حُسن حظها أن خالها نائم ولم يشعر بها،لكن شعرت بها إنعام التى تنام معها بغرفه واحده،فنهضت حين عادت مروه الى الغرفه
وأشعلت الضوء تنظر لمروه قائله: مالك يا مروه وشك مخطوف كده ليه؟
هو الواد رامى زعلك تانى، لأ بقى أنا سكتت له قبل كده لما كنا فى اسكندريه، هو ناقص ربايه، بس لما يرجع الصايع لهنا وهو وأخوه رفعت الصايعين مش لاقين اللى يلموهم أنتى وزوزى هادين وملكمش ضوافر، بس مفكرين إيه لأ انا معنديش شباب تسهر بره بيتها لحد دلوقتي.
تبسمت مروه قائله: أنا كويسه يا تيتا بس أيه اللى صحى حضرتك من النوم دلوقتي.
ردت إنعام: أنا صحيت مفزوعه… شوفت زوزى وهى عايمه على بؤرة دم فى مية البحر وكان فى نار والعه فوق المايه بتقرب منها وانا صرخت أحذرها بس صوتى زى ما يكون مطلعش منى، بس الغريب فى الحلم رفعت كان قريب منها ومش شايفها وكانت زى ما يكون فى حاجه تقيله شايلاها على قلبها وخايفه عليها،قلبى حاسس إن زينب حامل… بس تعرفى يا مروه أنا قبل الحريق ما يحصل كنت بشوف هلاوس زى دى..
إقتربت مروه من إنعام وحضنتها قائله: دى مش بتبقى هلاوس يا تيتا دى بتبقى رؤى أو إشاره من ربنا، او ساعات مخاوف جوانا.
ردت إنعام بتوهه: مخاوف أيه… انتى خايفه أننا نايمين فى أوضه لوحدنا… لأ متخافيش أنا شجاعه ومش بخاف من الضلمه عارفه أنا بحب الضلمه بتبقى هدوء، وبعدين ليه صحيتنى من نومى أنا كنت بحلم بجوزى وهو بيعاكسنى لما شافنى بالمايوه الازرق عالبحر.
تعجبت مروه من تغير إنعام التى تركتها وعادت للنوم.
تسطحت مروه هى الأخرى على الفراش، وهى تشعر بوهن، لكن فكرت بشئ وقالت: إزاى مخدتش بالى ممكن فعلاً يكون ده سبب إحساسى بالوهن…
تبسمت مروه لكن سرعان مازالت بسمتها وهى تعيد قول إنعام أن زينب كانت عائمة ببؤرة دم فوق مياه البحر وأنها كانت تحمل ثُقلاً
ما معنى هذا… و لفت إنتباه مروه أكثر ذالك الصوت الذى يؤذن لنداء الفجر الأول، إنعام رأت ذالك الحلم قبل نداء الفجر الأول، وهذا هو الوقت الذى يتلاعب به الشيطان بعقول النائمين.
……. ـــــــــــــــــــــــــــــــــــــــــــــــــــــــــــــــ
بعد ظهراليوم التالى
أمام شقه خاصه بالمدينه… بالشرقيه.
وقف رفعت يستند على زينب رغم أنه يستطيع السير وحده لكن هو يستغل كل فرصه تأتى له للتقرب من زينب.
وضعت زينب المفتاح فى مقبض باب الشقه وفتحت الباب.
تحدثت قائله: أكيد عارف أوض الشقه دى خلينا نروح أوضة النوم علشان تستريح.
تبسم رفعت بمكر: فعلاً عاوز أستريح.
قال رفعت هذا وقبل وجنة زينب وهو يسير لجوارها الى أن دخلا الى أحد غرف النوم، سندت زينب رفعت الى أن وصلا الى الفراش مالت معه وهى يتكئ على الفراش، لكن بمكر جذبها وكاد يُقبلها لولا أن دفعته قائله: بطل تحرش وهمجيه رامي زمانه طالع بالعلاج بتاعك ورانا وباب الشقه مفتوح وباب الأوضه كمان مفتوح،كفايه نظرات طنط مهره ليا بقيت بنكسف أبص فى وشها بسبب همجيتك وأفعالك وإحنا فى الوحده.
تبسم رفعت دون رد،فى ذالك الوقت دخل الى غرفة النوم رامى يحمل معه كيس كبير قائلاً: جبت لك الادويه بتاعتك أهى وكمان فى هدوم ليك إنت وزينب فى الدولاب ، وكمان التلاجه والمطبخ أنا جبت فيهم أكل وفى رقم تليفون عالتلاجه لسوبر ماركت قدام العماره تقدروا تطلبوا منه أى شئ ناقص.
تبسم رفعت وقالت زينب: شكراً يا رامى كتر خيرك.
تبسم رامى وظل واقفاً… مما جعل رفعت يقول بفظاظه: مش جبت الادويه وقولت الكلمتين اللى عندك طب مستنى أيه مش تروح تشوف العمال اللى بيشتغلوا فى السرايا وتقف على إيديهم علشان يخلصوا الترميمات فى أسرع وقت.
تبسم رامى بأغاظه وقال: مش أما أشرب أى حاجه إنشاله مايه قبل ما أمشى أبل ريقى من الحر.
نظر له رفعت وقال: معندناش مايه…المايه مقطوعه،خد عشره جنيه أهى هاتلك علبة عصير من السوبر الماركت اللى قدام العماره..
تبسم رامى وهو يمد يدهُ يأخذ النقود من رفعت وقال برخامه:طب دى حق المايه فين حق الآكل أنا جعان وده وقت الغدا،طب ما تخلى لك العشره جنيه وتغدونى معاكم.
نظر له رفعت بغيظ: رامى ورينى عرض أكتافك، مش وقت رخامه.
نظر رامى ل زينب ببسمه قائلاً: شايفه يا دكتوره الأخوه مستخسر فيا غدوه بعد دمى اللى بيجرى فى عروقه.
تبسمت زينب بينما قال رفعت: ما هو دم زفر زى صاحبه، قولت بالسلامه وسيبنى أرتاح مش قادر عالمناهده بتاعتك، الحمد لله إن الغبى وسيم مكنش معانا.
تبسم رامى يقول: للآسف عنده إمتحانات فى الجامعه بس متخافش هجيبه ونجى نزورك ونطمن عليك المسا.
رد رفعت له: لأ مش عاوز اشوف وش واحد فيكم الليله يلا غور بالسلامه.
تبسم رامى: تمام هنسيبك الليله ترتاح بس بكره هنجيلك.
تبسم رفعت له
لكن تذكر رامى شئ وقال: آه جيرين إتصلت عليا وطلبت فرسه تانيه زى اللى وصلت لها إنجلترا، وكمان حولت للبنك المبلغ اللى سبق وقولت لها عليه.
تبسم رفعت يقول: تمام دى مسؤليتك انا زى ما أنت شايف… صدرى بيوجعنى.
تبسم رامى وقال: متقلقش أنا كنت متأكد أن الفرسه هتعحبها وهتطلب واحده تانيه وكنت بدأت أروض فى التانيه بس اللى حصل بقى دربك الدنيا.
تبسم رفعت وقال: طب كويس، يلا بقى بالسلامه عاوز أرتاح.
تبسم رامى وغادر الغرفه وكانت معه زينب أوصلته الى باب الشقه وأغلقت الباب خلفه وعادت مره أخرى الى غرفة النوم
نظرت له وقالت: لأ شقه حلوه ومفروشه فرش غالى.
تبسم رفعت يقول: ليه كنتى مفكره إنى هجيبك فى شقة تشبه الملحق بتاع الوحده دى شقه مفروشه عالغالى.
تبسمت زينب وقالت: ويا ترى فى كم واحده قبلى دخلوا الشقه دى؟
رفع رفعت يده ل زينب كى تقترب منه، وبالفعل إقتربت منه ومسكت يدهُ، ليقف قائلاً: إنتي أول ست تدخل الشقه دى يا زينب.
قال رفعت هذا وقام بضم زينب بين يديه.
تبسمت زينب قائله: خليتى أساعدك تغير هدومك وكمان لازم تاخد أدويتك فى ميعادها.
فتحت زينب دولاب الملابس وأخرجت زى منزلى ل رفعت
تبسم رفعت
وهو يترك زينب تساعده فى تغيير ملابسهُ، كان يتحرش بها، وكانت تتذمر من أفعاله الى أن إنتهت من تبديل ملابسه وقالت: هاخد غيار ليا وأروح أغير فى الحمام وبعدها هحضرلك غدا تاكل وتاخد ادويتك وتنام بعدها.
تبسم رفعت يقول بمكر: طب وتغيرى ليه فى الحمام ما الأوضه واسعه أهى، ولا مكسوفه منى متخافيش مش هبص عليكى وبعدين عادى يعنى ما أنا كنت قدامك عريان من شويه.
نظرت له زينب وقالت:فعلاً مش بس همجى لأ وقح كمان وبعدين نسيت إنك سبق وقولت جسمى بلاستيك.
تبسم رفعت يُضيق بعينيه يدعى التذكر قائلاً: مش فاكر إنى قولت كده يمكن نسيت أنا فضلت في الغيبوبه يومين.
نظرت له زينب قائله: نسيت وإنت فى الغيبوبه، والغيبوبه دى ليه منستكش إسمى اللى أول أسم نطقت بيه ولا الدكتور اللى قالى كان بيضحك عليا.
تبسم رفعت وهو يضم خصر زينب قائلاً: أنا فعلاً بتمنى أنسى كل حاجه ومفتكرش غيرك إنتى بس يا زينب.
……. ـــــــــــــــــــــــــــــــــــــــــــــــــــــــــــــــ
مساءً
بمنزل صفوان
وضعت هبه كتابها المدرسى على الفراش وتسطحت تنفخ وجنتيها قائله بسأم: يارب أمتى الثانويه العامه دى أخلص منها أنا خلاص قربت أتجنن من كُتر المُذاكره… نفسى أغمض عينى والقانى هُب فى كلية الهندسه.
على ذكر كلية الهندسه
كان هنالك الآخر الذى يُفكر فى السندريلا الخاصه به يتمنى الوصال قريباً
تنهد مجد الذى يفتح شباك غرفته، يرى القمر يضئ السماء وحوله نجوم كثيره… تحدث قائلاً: النجوم واقفه ليه مفيش نجمه تتحرك من مكانها كنت طلبت أمنيه إن أغمض عينى وأفتحها ألاقى الساحره بعتت سندريلا لعندى
يبدوا أن جزءً من أمنيته قد يتحقق سمع مجد صوت رساله من هاتفه.
ترك الشباك وذهب الى مكان الهاتف… تبسم بفرحه وهو يرى رساله على أحد تطبيقات المراسله… فتحها سريعاً تبسم فالرساله من السندريلا، تطلب منه مساعدتها فى إحدى المسائل المُعقده، وما ذالك الإ خدعه منها كى تستطيع التواصل معه دون فتش أمر أنها هى الآخرى تُفكر به
ساعدها مجد فى إيضاح المسأله
لكن سُرعان ما إنجرف بينهم حديث الرسائل بينهم لموضوع آخر حين قالت هبه: تعرف إنك كنت تنفع مدرس شاطر ليه مفكرتش تبقى مدرس.
رد مجد: لو كنت بقيت مدرس كان زمانى زى بابا كده إتجوزت موظفه ونعيش على قد مرتابتنا لكن الهندسه نفعتنى وخلتنى أقبض بالدولار وأذل البت زوزى أختى الحاقده.
تبسمت هبه ترد عليه: تعرف إنى بستغرب العلاقه اللى بينك وبين الدكتوره زينب… رغم إنى أنا وأخواتى التانين قريبين من بعض بس مش بناقر فى بعض زيك إنت والدكتوره كده… يمكن السبب بعدكم عن بعض، إنت فى مكان بعيد عنها.
تبسم مجد يرد: زينب أختى مفتريه وإيديها تقيله أنا برتاح فى بعدها عنى، كمان إستغلاليه وبتقلبنى فى فلوس كل ما تشوف وشى تقولى هات هات…. بس الحمدلله إتجوزت وغارت بعيد عنى وبقالها فتره مش بتستقوى عليا وتاخد فلوس منى غصب عنى.. بالك أنا أقدر أرفض أديها فلوس، بس كنت بستمتع وأنا بحسسها أنها دكتوره وشحاته.
تبسمت هبه :بس هى فى إيديها تبقى غنيه الدكاتره بيكسبوا كتير على فكره.
رد مجد:ما أنا عارف الدكاتره دول زى الجزارين…بس زينب أختى وش فقر وقال أيه عندها مبدأ الطب رساله…خدت أيه من الرساله كل شويه تتنقل من مكان للتانى وتنفض فلوسى…بس كان نقلها للشرقيه مصلحه ليا من ناحيتين.
تبسمت هبه :وأيه هما الناحيتين دول؟
رد مجد:الناحيه الأولى…أهى إتجوزت مليونير يصرف عليها بقى ويرحمنى من تقليبها ليا…والناحيه التانيه ودى بقى أول مره يجيلى خير من وراء صبى البواب…قابلت سندريلا بتاعتى.
تبسمت هبه وردت بلؤم: يعنى سندريلا بتاعتك عندنا هنا فى الزهار…قولى هى مين يمكن أكون حلقة الوصل بينكم.
تبسم مجد يرد: أوعى تكونى زى البت زوزى غبيه ومش بتفهم بالتلميح…. إنتى كل الوصل يا سندريلا.
تبسمت هبه وردت بلؤم:مش فاهمه…قولى مباشر بقى مين السندريلا بتاعتك.
تبسم مجد ورد:هقولك على أول حرف من إسمها…هاء.
ردت هبه بخباثه تدعى التفكير:هاء.. هاء…البلد فيها بنات كتير أسمائها بتبدأ بحرف الهاء.
تحدث مجد لنفسه:واضح إنك من نفس نوعية غباء زينب أختى…
بينما قال لهبه:
هقولك فزوره وحلها إسم السندريلا بتاعتى…
بصى يا ستى،إسمها من تلات حروف أول حرف نفس آخر حرف واللى فى النص باء ولو نطقتى الإسم من اليمين زى لو نطقتيه من الشمال…ها سهله أهى.
تغابت هبه عليه:دى صعبه قوى قولى الأسم وبلاش فوازير.
تنهد مجد يقول لنفسه:واضح حظك مع الاغبياء يا مجد.
ردت هبه:ها مش عاوز تقولى أسمها أيه براحتك أنا كان غرضى أساعدك وابقى وسيط بينك وبينها.
رد مجد:هقولك إسمها مباشر..إسم سندريلا بتاعتى هبه صفوان المنسى…ها تعرفيها.
لم يرى رد هبه ووجد أمامه أنها خرجت من المحادثه فجأه.
ندب يقول:ياحظك يا مجد…سندريلا يظهر النت فصل عندها…كله من قر الفقر زوزى أختك.
بينما هبه حين قال إسمها صريح إرتبكت وشعرت بزلزله فى مشاعرها وخشيت أن تقول له أنها تفهم حديثه من البدايه عنها وكانت تود أن يكتب إسمها صراحتاً…وها هو كتب ليس فقط إسم هبه…بل إسمها الثلاثى.. ذالك الأحمق يعتقد أنها لا تفهم حديثه وأقواله المفضوحه…هى تستمتع بالتلاعب عليه هى الآخرى حمقاء سقطت فى عشق أحمق.
…. ـــــــــــــــــــــــــــــــــــــــــــــــــــــــــــــــ
بشقة الشرقيه.
إنتهى رفعت من تناول العشاء مع زينب بالمطبخ…نهضت زينب قائله:يلا كفايه قعدتك كده مش كويسه علشان الجرح اللى فى صدرك يلا قوم روح نام فى أوضة النوم وأنا هشيل السفره وأحط الاطباق فى غسالة المواعين واضح إن الشقه متجهزه عالأحدث الأجهزه المنزليه.
تبسم رفعت وهو ينهض وقام بتقبيل وجنة زينب قائلاً:يهمنى راحتك يا زوزى.
بعد قليل دخلت زينب الى غرفة النوم وقامت بإعطاء رفعت الأدويه ثم قالت له:لازم تنام بقى.
تبسم رفعت بمكر قائلاً:وأنتى هتنامى فين؟
ردت زينب:أنا خدت جوله كده فى الشقه إكتشفت إن فى أوضة نوم تانيه صغيره شكلها كده أوضة نوم أطفال،و السراير اللى فيها صغيره…وأنا خلاص إتعودت أنام على سرير يناسب جسمى،وكمان إنت مُصاب ومش هتقدر تتحرش بيا فهنام هنا عالسرير الكبير ده.
جنبك.
تبسم رفعت يقول:متأكده إنى مش هقدر أتحرش بيكى.
تبسمت زينب قائله:هو مش متأكده قوى،بس مُضطره أنام عالسرير ده.
تبسم رفعت وهو يرى زينب تتسطح جواره على الفراش فاجئها يعتليها.
للحظه إنخضت زينب وقالت له:صحتك مستتحملش الشر اللى فى دماغك يا روفى،أنا بقول تقوم من فوقى وتحافظ على صحتك.
تبسم رفعت يقول:مين اللى قالك إن صحتى متستحملش تحبى تشوفى وتحكمى بنفسك.
تبسمت زينب وقالت:لأ مصدقاك و مش عاوزه أشوف ولا أحكم أنا هلكانه ومحتاجه أنام…تصبح على خير يا رفعت.
أنهت زينب قولها بقُبله وضعتها على إحدى وجنتيه.
تبسم رفعت وقام برد القُبله لكن ليس على وجنتها بل على شفتيها
ثم تنحى عنها نائماً جوارها يقول:وأنتى من أهل الخير يا زينب.
بعد قليل نظر رفعت و تبسم لزينب النائمه جوارهُ لأول مره تنام بإرادتها جوارهُ دون مناكفه ومشاكسه من أى منهما منذ ليلة زواجهم.
أغمض رفعت عيناه هو الآخر يغوص فى النوم السريع مثلها.
لكن بعد قليل شعرت زينب ببعض التقلُصات ببطنها ونهضت من جواره ذهبت للحمام…شعرت ببعض الوهن مع تلك التقلُصات،إعتقدت إن تلك التقلُصات التى تشعر بها بسبب عادتها الشهريه الغائبه عنها منذ شهور يبدوا أنها تنذر بقدومها،ذهبت للمطبخ وقامت بعمل كوب من النعناع الدافئ تناولته وشعرت بعدها براحه قليلاً،ثم عادت الى غرفة النوم تنهدت ببسمه وهى تعود للنوم جوار رفعت على الفراش
تفاجئت برفعت يقترب منها وضع يدهُ تحت راسها وتحدث وهو مُغمض العين:
كنت فين وسيبتينى نايم لوحدى عالسرير؟
تبسمت زينب وقالت:إنت حسيت بيا إزاى إنت مش نعسان.
تبسم رفعت وقال:كنت نعسان بس لما قومتى من جنبى حسيت مكانك عالسرير بارد…زينب أيه رأيك نسافر إسكندريه كام يوم.
ردت زينب: قصدك نسافر نقاهه يعنى…معنديش مانع بس لازم أرتب أمورى فى الوحده قبلها.
تبسم رفعت يقول: قدامك أسبوع وبعدها هنسافر… إستجمام فى البحر.
تبسمت زينب قائله: بس جرحك لسه ملتئمش بالكامل والميه غلط عليه وكمان دى مايه مالحه ممكن جرحك يرجع يجمع صديد.
رد رفعت: لأ متخافيش معايا دكتوره ماهره.
تبسمت زينب تقول: متأكد من مهارة الدكتوره دى…مش يمكن إيديها ترتعش.
رد رفعت:متأكد من مهارة الدكتوره وحتى لو إيديها إرتعشت أنا همسك إيديها.
تبسمت زينب وهى تقترب من صدر رفعت الذى ضم يدهُ عليها صمت الأثنان سادت لغة العيون التى تتبادل نظرات العشق وقُبله كانت تؤكد ما تحكيه تلك العيون العاشقه.
….. ـــــــــــــــــــــــــــــــــــــــــــــــــــــــــــــــ
بعد مرور أسبوع
قبل الظهر بقليل
بجامعة ليلى.
شعر وسيم بالغيره الكبيره وهو يراقب من نافذة مكتبه..
ليلى التى تسير جوار أحد زملاؤها يتحدثان سويا بإنسجام يبدوان بوضوح يرجعان بعض الأسئله فكل منهم يطرح سؤال يجاوب عليه الآخر، يبدوا انهم يرجعان معاً محتويات تلك الماده التى سوف يدخلون إمتحانها بعد قليل.
بالفعل بعد قليل بداخل أحد المدرجات دخل وسيم ينظر الى الجالسون تبسم الى أحد المراقبين،وسار بعض الخطوات بالمدرج ووقف جوار مكان جلوس ليلى باللجنه وإنحنى عليها قائلاً بهمس:
ليلى ممكن بعد ما تخلصى الإمتحان تجى لمكتبى محتاجك فى أمر مهم.
أمائت ليلى برأسها دون رد…تشعر برجفه بجسدها حتى أنها لم تستطيع مسك القلم بين أصابعها وتركته على ورقة الإجابه وفكر عقلها فيماذا يريدها…لكن فجأه إنتبهت لنفسها وعادت تضع إجابتها على الأسئله.
بعد مرور وقت خرجت ليلى من لجنة الامتحان لكن عادت تسير بممر داخل الجامعه مع نفس زميلها يتناقشان حول إجابتهم لأسئلة الإمتحان…
كان ذالك الممر المؤدى لغرفة مكتب وسيم الذى رائهما مره أخرى شعر بنيران حارقه… لكن ما جعله يتغتاظ أكثر هو رؤيته لها تمر من أمام مكتبه دون أن تذهب إليه كما طلب منها منذ وقت.
بينما هبه رأت وقوف وسيم أمام غرفة مكتبه وهى تسير جوار زميلها تجاهلت وقوفه ومرت من أمامه دون أن تذهب إليه، رغم شعورها بالفضول من معرفة ماذا يريد منها، لكن الأفضل لها الإبتعاد عنه يكفى هى بالكاد إستطاعت تخطى أمر خِطبته من أخرى مناسبه له أكثر منها.
لكن نداء وسيم عليها جعلها تقف وتنظر خلفها، لاحظت تجهم وجه وسيم الذى قال: آنسه ليلى ممكن تجى لمكتبى خمس دقايق.
إزدرت ليلى ريقها وأمائت برأسها وتركت زميلها وذهبت خلف وسيم الى مكتبه…أغلق وسيم باب المكتب ونظر لليلى وحاول ظبط عصبيته قائلاً:مش كنت طلبت منك تجى لمكتبى بعد ما تخرجى من اللجنه.
ردت ليلى:للأسف كنت ناسيه.
نظر وسيم لها قائلاً: توقعت كده برضوا.
ردت ليلى:وحضرتك كنت عاوزنى ليه؟
لم يجد وسيم رد…أيقول لها أنه فقط يريد أن يتحدث معها ويكشف أمر حُبه لها…لكن جاء لخاطره إجابه أخرى وقال:
كنت عاوز أعرف عملتى إيه فى الإمتحان.
تعجبت ليلى من رد وسيم وقالت:الحمد لله الإمتحان كان معظمه مرجعاه أنا وزميلى قبل ما ندخل للجنه وحليت كويس بس حضرتك بتسأل ليه؟
إرتبك وسيم وقال:ناسيه إن فى بينا صلة قرابه أختك متجوزه من رامى أخويا فى الرضاعه وهو كان وصانى عليكى.
ردت ليلى وقالت:رامى وصاك عليا غريبه،عالعموم الحمد لله مش محتاجه وصايه من حد،تسمحلى أخرج طالما مفيش سبب تانى لوجودى بمكتبك.
صمت وسيم…إتجهت ليلى للباب…لكن قبل أن تفتح باب المكتب تحدث وسيم قائلاً بصوت يُغلفه الغِيره:مستعجله قوى تطلعى للشاب اللى كنتى ماشيه معاه،يا ترى اللى بينكم زماله ولا شئ تانى أكبر من كده.
نظرت ليلى ل وسيم وقالت باستغراب:تقصد أيه بشى تانى أكبر من الزماله.
رد وسيم:يمكن حب أو… إعجاب مثلاً.
ردت ليلى بحِده:حتى لو بينى وبين زميلى حب أو إعجاب إنت داخلك أيه…تدخل فى شئونى سبق وإتعصبت عليا وحرمتنى من حضور محاضراتك بسبب إنى إدخلت فى شئ خاص بيك،أعتقد دى حريه شخصيه ومالكش تدخل فيها عن إذنك.
كادت ليلى أن تغادر مكتب وسيم لكن كانت يده الأسرع قبل أن تضع ليلى يدها على مقبض باب المكتب كانت يدهُ تجذب ليلى من عضدها وقال:
مش دى الإجابه اللى كنت مستنيها منك يا ليلى..أيه اللى بينك وبين الشاب اللى كنتى ماشيه معاه.
نظرت ليلى له وقالت:سيب دراعى يا دكتور وسيم ومالكش دخل باللى بينى وبين الشاب ده،خليك فى خطبيتك.
قالت ليلى هذا ونفضت يد وسيم عن ذراعها وخرجت من المكتب تعصف الباب خلفها تاركه وسيم يعصف بقلبه الغِيره يلوم نفسه على غباؤه الذى وضعه بهذا المأزق… كم أراد الذهاب إليها وقول:سامحينى حبيبتى…كنت مغفلاً.
بينما ليلى ذهبت الى مُصلى الفتيات ووقفت مكان الوضوء وخلعت حجابها تشعر بسخونه قويه قامت بفتح صنبور المياه وبدأت تضع المياه فوق وجهها وحول عنقها…نظرت لتلك المرآه الموضوعه بالمكان وجهها إنصهر باللون الأحمر القاتم تدمعت عيناها تلوم سرعة خفقان ذالك الاحمق الذى بداخلها…وسيم خطيب أخرى هو إختارها بنفسهُ لا داعى لوهم مازالت تنتظر حدوثه…
دمعه شقت خديها سُرعان ما جففتها بيديها وعاودت غسل وجهها وتوضأت وذهبت الى مكان الصلاه وقامت بالصلاه ركعتين تطلب من الله أن يُهدى سرعة ذالك الخافق الذى بداخلها…لكن لا تعلم لما شعرت بالراحه وجاء لها خاطر أمام عينيها خيال وسيم يقول لها
أحبك…أو ربما هذا أمنيه تتمناها،لكن شعرت بهدوء بقلبها.
…….ـــــــــــــــــــــــــــــــــــــــــــــــــــــــــــــــ
مساءً
بسرايا الزهار
دخل رامى يمسك بيد جدته التى تبسمت قائله:السرايا مالها إتغيرت كده ليه إنت عملت ليها تجديد بس الالوان دى أحلى من اللى كانت قبل كده وتدى شعور بالبهجه…فين رفعت وزوزى.
رد رامى:رفعت وزينب سافروا يومين إستجمام.
تبسمت إنعام قائله:كانوا خدونى معاهم بدل ما أنا محبوسه كده هنا فى السرايا،لما زوزى ترجع هقولها زعلانه منها إزاى تسيبنى وتروح تستجم مع الهمجى رفعت.
تبسم رامى
بينما قالت مروه من خلفها:كنتى عاوزه تروحى معاهم يا تيتا وتسيبنى مع المسخ لوحدى.
تبسمت إنعام قائله:لأ أنتى كمان حبيبتى زى زوزى وكمان هتجيبى لى قريب حفيده جميله زيك إنما زوزى هتجيب بأف جديد لأوغاد الزهار.
ضحكت مروه بينما تعجب رامى يقول:هى جدتى قصدها أيه…مش فاهم؟
ضربت إنعام كتف رامى قائله:قولت متقوليش يا جدتى دى تاتى تقولى يا تيتا زى زوزى ومروه وحفيدتى اللى هتجيبها مروه،إنما زوزى معاها ربنا هيرزقها بهمجى تانى صغير أنا شوفت كده فى الحلم.
إبتعد رامى عن إنعام يتنهد إذن ماقالته ليس سوا حلم
لكن خاب ظنه حين قالت مروه: والله أنا نفسى يصدق حلمك يا تيتا وأطلع حامل فى بنوته بس لسه الرؤيه مظهرتش.
نظر رامى لمروه بذهول: قصدك ايه أنتى كمان… بنفسك ببنوته؟
ردت مروه: يعنى قصة الجميله والمسخ مش هتنتهى حتى لو المسخ فكر أنها زهوه وإنتهت و هيبعد عنها
بقى فى رابط قوى يقدر يجمعهم.
….ـــــــــــــــــــــــــــــــــــــــــــــــــــــــــــــــ
بعد العصر…
بالاسكندريه
بڤيلا هشام الزهار
صحوت چاكلين من النوم بالسأم والضجر
نادت على إحدى الشغالات التى لبت نداؤها:تحت أمرك يا مدام چاكلين.
قالت چاكلين بسؤال: أين هشام؟
ردت الخادمه: هشام بيه خرج من بدرى وحضرتك نايمه ومقاليش هيرجع إمتى، تحبى أحضرلك العشا.
ردت چاكلين: لا… أريد فقط قهوه.
ردت الخادمه: حاضر هنزل أعملك قهوه.
غادرت الخادمه الغرفه… تمطئت چاكلين تشعر بسأم نظرت بإتجاه هاتفها الموضوع على طاوله جوار الفراش، إقتربت منها وأخذت الهاتف وقام بإتصال.
سرعان ما رد عليها الآخر.
تحدثت بسأم قائله: هل مازالت هنا بالاسكندريه هاشم؟
رد هاشم: أيوه لسه فى إسكندريه مع أنى كنت بفكر أرجع للزهار الليله كفايه كده بقالى مده غايب عن هناك،لازم أرجع أطمن على اللى هناك…وأفكرهم بيا ليكونوا نسيونى
ردت چاكلين بدلع: إذن أجل عودتك للزهار ولنلتقى الليله معاً نستمتع سوياً… أنا أيضاً حجزت تذكرة عوده اليونان بالغد عصراً.
رد هاشم: تمام مستنيكى فى مكانا المعتاد.
تبسمت چاكلين قائله: حسناً وقت قصير وسأكون عندك جهز المكان لإستقبالى.
اغلقت چاكلين الهاتف ونهضت تبدل ملابسها وخرجت من الغرفه ونادت على الخادمه التى جائت لها وقالت لها:
أنا خارجه وسأعود متأخرًا بإمكانك مغادرة الڤيلا.
ردت الخادمه: تمام يا مدام.
بعد قليل… أمام ڤيلا بمكان راقى بالاسكندريه أخرجت چاكلين سلسلة مفاتيح وفتحت باب الڤيلا ودخلت إليها ذهبت مباشرة الى أحد الغرف تبسمت وهى ترى الغرفه مجهزه بطريقه خاصه للممارسة
ذالك النوع من العنف الممتع بالنسبه لها.
وما هى الأ دقائق كانت تصرخ من العنف اللذيذ بالنسبه لها ولذالك المتوحش الذى يستمتع بصُراخها سواء كان بتعنيفها البدنى او بألفاظ بذيئه ومنحطه منه يقولها لها،حتى أنه جذبها من عُنقها بقبضة يد قويه،وهى مستمتعه وإستمتعت أكثر حين ألقاها على الفراش وجثى بجسدهُ فوق جسدها يعاملها بعنف وتوحش حتى أنه قبض بقبضتى يدهُ حول عنقها يزداد عنفاً يستلذ بصُراخها الذى أصبح شبه مكتوم،لكن فجأه جاء أمامه صورة رفعت ينظر له يبتسم بنصر، أغمض هاشم عيناها يعتصرها،لكن هنالك صوره أخرى جالت بخاطره،رؤيه رفعت بتبادل هو تلك الطبيبه لحظات حميميه…شعر هاشم بفوران بعقله يزداد بصورة رفعت أمامه،فتح عينيه ينظر الى چاكلين هُيئ له أنها رفعت…كان يقبض على عنقها وقتها،إزدادت قبضة يدهُ قوه…فاقت چاكلين من لذتها تحاول أن تجعله يُخفف قبضة يده حول عنقها،لكن تملكت القوه من هاشم وهو يعتقد أن عنق رفعت بين يديه زادت ضغطاته مع صُراخ چاكلين…لكن هو لا يسمع ولا يرى سوا ان ما بيده هو رقبة رفعت.
لكن فاق بعد أن شعر بسكون جسد چاكلين…ترك عنقها ونظر لها
فز واقفاً على السرير مصدوم …حاول إفاقة چاكلين بالضرب على وجنتيها لكن لا تعطى اى إستجابه.
أتى ببعض الماء والقاه على وجهها أيضاً لم تستجيب…جث العرق النابض بعنقها،شعر برجفه قويه….چاكلين…ماتت.
نظر هاشم حوله يشعر بضيق الغرفه عليه…ليس هذا فقط بل ما زاد علي قلبه الرجفه والشعور بضيق جُدران الغرفه عليه
لكن فجأه خرجت صوره من قلب الجدار تقول له:قاتل…قتلتينى زى ما قتلت وحيد جوزى.
نظر هاشم برعب الى تلك الصوره التى خرجت من الجدار وقال بفزع:لبنى (أم وسيم)
ضحكت الصوره تقول:أيوا قاتل قتلتينى بالعلاج الغلط اللى كنت بتحطه ليا بين أدويتى،يتمت إبنى بدرى من أبوه ومكفكش…كمان قتلتينى زيه…إنت قاتل ياهاشم….قاتل…قاتل…قاتل.
ضحكت چاكلين ضحكه مجون صاخبه من على الفراش تقول:قاتل…قاتل…قاتل يا هاشم
عقله يفور بين صوت إثنتين تقولان له نفس الكلمه..قاتل.
تجنب الى إحدى جوانب الغرفه وجلس القرفصاء ووضع يديه على أذنيه يريد أن يصمهما ولا يسمع أى صوت يُخبر نفسه أن ما يراه ما هو الإ هلاووس…من تلك الحبوب الذى تناولها قبل قليل…
لكن مازال صوتهن تتحدثن بنفس الكلمه…قاتل…نهض واقفاً نظر الى الحائط وقام بإلقاء أحد الأوانى الكريستاليه بالحائط يصرخ قائلاً:إخرسى إنتى تستحقى الموت إنتى اللى كنتى بتقوى مهره عليا…مكنش قصدى أقتل وحيد إن كنت عاوز أتشفى فيه وهو مشلول قدامى بس نصيبه وقع على دماغه ومات فى ساعتها…إنتى كنت بستمتع وانا سامع قولك لكلمة آه….فجأه إختفت صورة الحائط،لكن تلك التى تضحك بمجون على الفراش مازالت تقول:قاتل…صعد هاشم للفراش ووضع يديه حول عُنقها يقبض عليه بقوته يقول:وأنتى كمان أقذر ست شوفتها فى حياتى كنتى فى حضن أخويا وبدورى على حضن غيرهُ تستمتعى معاه إنت السبب إنى أمشى فى طريق الأدويه المُخدره…أنتى خاينه زيي بالظبط قتلك حلال… أنتى قاتله.. قاتله.
ترك هاشم هاشم عُنق چاكلين…إرتمى جسدها على الفراش .
فجأه فاق هاشم من هلاوسهُ…ونظر لوجه چاكلين منظر وجهها مُخيف بسبب بعض الكدمات المُدميه على وجهها وعينيها الجاحظتين…شد فى شعره يفكر…ويفكر كيف يتخلص من تلك الجريمه،هى تستحق القتل…هو لا يستحق العقاب بسبب خائنه قاتله كهذه العاهره.
……ـــــــــــــــــــــــــــــــــــــــــــــــــــــــــــــــ
بعد وقت…بڤيلا هشام.
صعد هشام الى أعلى فتح باب الغرفه وهو يكاد يرقص من فرط الفرحه أشعل ضوء الغرفه وقال:چاكى أخيراً كسبت الرهان الجواد اللى كنت مراهن عليه كسب السبق أخيراً الحظ إبتسم لى،وكسبت مبلغ كبير هسدد منه قيمة القرض اللى عليا ومش هطلب من هاشم فلوس تانى ولا أبقى تحت سيطرتهُ
تعجب هشام عدم رد چاكلين النائمه على الفراش يظهر منها ظهرها العارى وهى تنام على بطنها.
ذهب هشام الى الفراش وصعد لجوارها يضع يدهُ على ظهرها يقول:چاكى…كل ده نوم مش سمعانى بقولك الحظ إبتسملى…أخيراً.
قال هشام هذا وجذب چاكلين من كتفها يُديرها له….لكن إنصعق حين رأى وجهها المكدوم وعينيها الجاحظتين،وأثار أصابع يدين حول عُنقها…أصابهُ الهزيان…حاول ان يُنعشها..يضع يديه فوق أثار تلك الاصابع..يُحدثها بإستجداء أن ترد عليه…لكن فجأه ضحك بهستريا وفقد السيطره على عقله بعدها.
…ـــــــــــــــــــــــــــــــــــــــــــــــــــــــــــــــ……..
ظهيرة اليوم التالى.
ببحر الأسكندريه
حين تعشق عليك ترك كل شئ خلفك لا تفكر سوا فى العشق، وأنت بجوار معشوقتك الشرسه التى لن تقدر على ترويضها .
…
كانت تنام زينب على إحدى الأرائك الصغيره الموجوده على على متن اليخت
تضع نظارة شمس على عيناها،لكن كانت تدعى أنها تقرأ بأحد الكتب بين يديها، بينما بالحقيقه هى تتابع ذالك الذى يسبح بمياه البحر التى تحيط باليخت، لينتهى من السباحه ويصعد الى اليخت مره أخرى، مبتسماً وهو يعلم أنها لم تكن تقرأ، بل كانت تتابعه من أسفل ذالك الكتاب،
وبالفعل هى هائمه به، تحدث رفعت:
زينب مش هتنزلى البحر الميه دافيه وتجنن.
لم تنتبه لما قاله رفعت.
تبسم رفعت بزهو وقام بنفض شعر رأسه لتتساقط المياه العالقه به فوق وجهها.
إنتبهت زينب قائله: فى أيه متعرفش إن رش الميه عداوه.
تبسم رفعت قائلاً: سرحانه فى أيه مش بتردى عليا.
ردت زينب: مش سرحانه فى حاجه بس كنت مندمجه مع الكتاب اللى فى إيدى.
تبسم رفعت بمكر: والكتاب اللى ساحب عقلك ده موضوعه بيتكلم عن أيه؟
ردت زينب: ها، أنا عطشانه هروح أشرب.
قالت زينب هذا ونهضت سريعاً، لكن قبل أن تسير كانت يد رفعت تجذبها من خصرها يضمها لجسده، مُقبلاً بعشق، إنسجمت زينب مع قُبلاته مُرحبه، بل وبأكثر من القُبلات ذابت معه بالعشق مثلما تذوب الأمواج العاتيه فى مياه البحر.
بعد قليل جذب رفعت ذالك القميص، ووضعه فوق جسد زينب، التى تبسمت له،
ضمها رفعت قوياً لصدره ونظر لعضد يدها، ورأى مكانًا به آثر سن إبره، وضع إبهامه عليه ثم إنحنى وقبل مكان الأبره بمعصمها قائلاً:
أول مره شوفت علامة سن الحقنه فى إيدك إستغربت، قولت مجنونه يمكن شكت نفسها بالغلط، مكنتش أعرف إن عندك السكر، وفى لحظه يخليكى توقعى بين إيديا، بصراحه
إستغربت إزاى الشرسه اللى بتناطحنى طول الوقت، فى لحظه وقعت بين إيديا ترتعش، وغابت النضارة وشحب وشها زى اللى بينسحب منه الحياه، وقتها إعترفت أول مره إن الشرسه سكنت روحى، كان سكوتى على أفعالها مش إنها مجرد بنت مش عاديه لفتت نظرى بأفعالها القويه والعفويه،
بعترف إنى خوفت أفقدك زى اللى فقدتهم قبل كده، يمكن أكتر كمان،
زينب أنا أمتى عشقتك، إنتى كنتى هديه من ربنا ليا فى الوقت المناسب.
تبسمت زينب قائله: وإنت إمتى إخترقت قلبى يا رفعت معرفش…. يمكن يوم ما مضيت ليا عالشيك أبو ربع مليون جنيه، توقعت بعدها إنك هتتفشخر فى البلد، بس ده محصلش، بصراحه ده كان أول لفت نظر ليا، بعدها بصراحه كنت بكره همجيتك، حتى لما خطفت ماما وساومتنى عالجواز، كان جوايا شئ بيقولى وافقى وإنهى المساومه هو الخسران
بس لما إنصابت فى السرايا بصراحه لو كنت موتت مكنتش هسامح نفسى، حتى لما وقعت تحت مشرطى، إيدى مرتعشتش، بس كان نقص الدم مُشكله كبيره وقتها.
تبسم رفعت قائلاً: فكرتى تتبرعى لى بدمك.
تبسمت زينب تهز رأسها بنفى: أنا مينفعش اتبرع لحد بدمى، أبقى بضره
أنا إتفاجئت برامى لما هجم على أوضة العمليات وقلع قميصهُ وقالى: أنا ورفعت فصيله واحده، خدى الدم اللى يرجعه للحياه حتى لو إتصفى دمى كله، رفعت لازم يعيش، أنا أستغربت بصراحه، لأن شوفت خلافك مع رامى وأنه ساب السرايا وخد مروه وجدتك وراحوا يعيشوا فى إسكندريه.
تبسم رفعت يقول: كنت متأكد إن رامى عمرهُ ما يصدق كدبه رخيصه زى اللى إتعملت ويبعد عنى وينسانى، ويستخسر فيا دمهُ، كمان متنسيش إن رامى هو اللى خرجك من السرايا من غير ما يصيبك خدش، يعنى هو اللى أنقذك.
حضنت زينب رفعت قائله: من البدايه إنت اللى أنقذتنى يا رفعت.
تبسم رفعت بخبث يقول: خدتى حقنة الانسولين النهارده.
رفعت زينب رأسها تنظر له قائله: بتسأل ليه؟
تبسم رفعت وهو يمددها مره أخرى فوق أرضية اليخت يعتليها قائلاً: علشان مش عاوز يجيلك هبوط من دوار البحر.
تبسمت وهى تلف يديها حول عُنقه قائله: لأ إطمن، مش هيجيلى هبوط من دوار البحر بس ممكن يجيلى هبوط من حاجه تانيه فى دماغك فبقول تقوم من فوقى……..
لم تكمل زينب حديثها عاود رفعت تقبيلها قائدًا يُبحر معها بالعشق بين ألاموج تاركين خلفهم العالم، عائمين بعيداً عن الأرض هما وعشقهما فقط.
…….. ـــــــــــــــــــــــــ
الشعله الرابعه والثلاثون… الأخيره الجزء الثانى
ـــــــــــــــــــــــــــــــــــــــــــــــــــــــــــــــ
قبل وقت صباحاً… بڤيلا هشام الزهار..
عادت تلك الخادمه الى الڤيلا …سمعت صوت لا تعرف إن كان نحيب ام ضحك صعدت الى الأعلى تفاجئت بغرفة هشام بابها مفتوح،أخذتها قدميها وذهبت الى الغرفه.. نظرت بداخلها
إنصدمت وهى ترى هشام يحتضن جسد چاكلين بين يديه ينتحب،رأت وجهها المكدوم وعينيها الحاجظتين تيقنت أنه قتلها وكادت تصرُخ لكن وضعت يدها على فمها تكتم صرختها خوفاً أن ينتبه لها هشام عادت بخطواتها للخلف ثم هرولت سريعاً ووقفت تلتقط أنفاسها،لا تدرى ماذا تفعل الان كادت أن تخرج من الڤيلا لكن أثناء سيرها تعثرت ووقعت أمام ذالك الهاتف الأرضى..جاء لخاطرها أن تبلغ الشرطه،لكن خافت،لكن حدثها عقلها و إرتعبت أن يهرب هشام ويترك الڤيلا وتُتهم هى بقتل چاكلين…رفعت يدها وأخذت سماعة الهاتف وقامت بالإتصال على الشرطه.
بعد وقت قليل كانت الشرطه بداخل الڤيلا وصعدت الى تلك الغرفه، رأى الضابط هشام وهو يحتضن جسد چاكلين يناجيها أن تصحوا وتحدثهُ ثم يضحك بهستريا ثم يبكى بنحيب ويعود يضحك فى البدايه إعتقد أنه يفعل ذالك تمويه للشرطه حتى لا يتهم بالجريمه، لكن حين إقترب فرد من أعضاء الطب الشرعى كى يأخذ چاكلين
تمسك بها بقوه يحتضنها يكاد يُهشم عظامها، مانع كثيراً مما إضطر الشرطه لتخديرهُ وأخذ چاكلين وحولها للطب الشرعى وألقى القبض على هشام الذى يهزى بعقل إختل.
…… ـــــــــــــــــــــــــــــــــــــــــــــــــــــــــــــــ
بمنزل هاشم الزهار
على طاولة الفطور
تفاجئت مُهره بدخول هاشم الى غرفة السفره وجلس بمقعدهُ.
نظر هاشم بإتجاهها قائلاً: مالك زى ما يكون شوفتى عفريت!
ردت مهره: مفيش بس بستغرب رجعت إمتى؟
رد هاشم:رجعت إمبارح بالليل متأخر لو بتنامى فى الأوضه كنتى عرفتى من بدرى.
تبسمت لمى وقالت: الزهار نورت يا عمو
بس أنا كنت متصله على بابى إمبارح وقالى ميعرفش هترجع لهنا إمتى،حتى كلمت مامى وقالتلى إنها هترجع لليونان النهارده بس طلبتها من شويه مردتش عليا يمكن نايمه.
تهكمت مُهره قائله:نايمه فين؟
ردت لمى:أكيد فى ڤيلا بابى،هى لما بتكون فى إسكندريه بتنزل عند بابى.
سخرت مهره قائله:طبعاً هتلاقى مكان أحسن فى ڤيلا بابى،مهما كان فى بينهم عِشره،معرفش كانوا بيتجوزا من البدايه ليه طالما حياتهم من غير جواز أفضل هشام طول عمره بيميل ناحية تقاليد الغرب،يلا ربنا يهدى،أنا شبعت هروح ألحق وسيم قبل ما يروح الجامعه عاوزاه فى حاجه مهمه؟
رغم أن هاشم لديه عِلم بكل ما يحدث هنا فى البلده من خلال أعوانه لكن إدعى عدم المعرفه وقال:ليه هو وسيم فين مش نايم فى أوضته؟
ردت مهره:لأ وسيم بقاله فتره عايش فى بيت أبوه..وحيد الشامى،حتى رامى كمان كان عايش معاه الفتره اللى فاتت على ما السرايا إترممت مش عاوز تعرف دى كمان،غريبه طولت غيبتك المره دى فى إسكندريه…توقعت إنك ترجع لما تعرف إن سرايا رضوان الله يرحمه حصل عليها هجوم من إرهابين بس الحمد لله رفعت والشرطه كان عندهم خبر وعدت بسلام رغم إصابة رفعت اللى كانت خطيرة،بس الدكتوره زينب كانت صاحبة الفضل بعد ربنا مش عارفه من غيرها يمكن كان رفعت….يلا الحمد لله ربنا يخليهم لبعض ويرزقهم الذريه الصالحه
إغتاظ هاشم من تلميحات مهره ود لو حرقها وأحرقهم معها،لكن صدح رنين هاتف هاشم.
أخرجه من جيبه ونظر للرقم…رقم غير مُسجل لديه لم يتعجب وقام بالرد بكل هدوء لكن فجأه إدعى الفزع وقال:أنا ساعتين وأكون عندك فى إسكندريه.
أغلق هاشم الهاتف ونهض مره أخرى…تعجبت مهره قائله:خير أيه اللى فى إسكندريه فزعك كده.
نظر هاشم ل لمى وإدعى الصعبانيه وقال:التليفون ده من أمن إسكندريه بيقول إنهم قبضوا على هشام إشتباه فى….
توقف هاشم عن الحديث
فقالت مهره:إشتباه فى أيه؟
رد هاشم:إشتباه إنه قتل چاكلين.
نهضت لمى بفزع قائله:بتقول أيه مامى…بابى مش معقول.
أنا هاجى معاك يا عمو أكيد المكالمه دى غلط،بابى مستحيل يأذى مامى أنا هطلع أجيب شنطتى بسرعه وأنزل.
تعجبت مهره هى الأخرى لكن نشب فى قلبها فزع وقالت:هو اللى كلمك عالموبايل قالك أيه بالظبط يمكن واحد بيعاكس، مستحيل هشام يقتل چاكلين… عمرى ما أصدق يعملها أنا وأنت عارفين إنه بيعشقها، وحط بينه وبين رضوان الله يرحمه عداوه بسببها زمان وصدق كدبها.
رد هاشم: ولا أنا مصدق بس فعلاً الرقم اللى طلبنى كان مكتوب شرطه يمكن فى سوء فهم هروح أعرف ايه اللى حصل.
نظرت مهره لهدوء هاشم لا تعرف سبب لذالك الشعور لديها هاشم لما آتى متأخراً ولم تشعر بمجيئه رغم أنها ظلت ساهره لوقت متأخر من الليل… فى ذالك الوقت عادت لمى وعيناه تدمع وقالت: أنا كلمت الخدامه اللى فى ڤيلا بابى وردت عليا بتقول إن بابى….
صمتت لمى وعينيها تدمعت.
إقترب هاشم منها وضمها برياء وقال بأستفسار: قالتلك أيه؟
ردت لمى: بتقول إن بابى خنق مامى أنا مش مصدقه بابى يعمل كده.
ضمها هاشم برياء يقول: طب إهدى خلينا نروح إسكندريه نشوف ايه اللى حصل، أكيد فى سوء فهم.
بالفعل غادر هاشم ومعه لمى تاركين مهره المتعجبه والمذهوله تفكر أن هنالك خطبٍ ما بالتأكيد لكن تنهدت وقالت: يارب تروحوا ما ترجعوا أنتم الاتنين نبقى خليصنا من الأشرار اللى فى حياة عيلة الزهار.
….. ـــــــــــــــــــــــــــــــــــــــــــــــــــــــ
بسيارة هاشم على الطريق.
أعطى هاشم علبة محارم ورقيه ل لمى التى تبكى وقال بمواساه: إهدى يا لمى مش عارف اركز فى هشام ولا معاكى كويس إنى جبت السواق معانا مكنتش هعرف أركز فى الطريق.
بكت لمى قائله: فى حاجه غلط بابى مستحيل يأذى مامى أنا متأكده.
رد هاشم: أنا كمان مش مصدق ومصدوم زيك بالظبط، كلها ساعه ونص ونوصل إسكندريه… إهدى علشان أنا مش مستوعب ايه الى حصل أصلاً لهشام لازم يكون إتجنن علشان يعمل كده.
هدأت لمى قليلاً لكن مازالت تبكى.
بينما هاشم نظر الى الطريق من خلف زجاج السياره، رأى على زجاج السياره وجه چاكلين المدمى وعينيها الحاجظه، أغمض عيناه يتذكر ما حدث بعد أن فاق من تأثير تلك المنشطات الذى تناولها بالأمس وتفاجئ بما فعل..
فلاشــــــــــــــــــ،،، باك
حين يتحكم الشيطان فى عقل الإنسان يصور له كل شئ مُباح بل ويُسهل له الصعب،أو يظن ذالك
بالصدفه وقع بصر هاشم على ملابس چاكلين المرميه أرضاً رأى سلسلة مفاتيح،هو يعرف لمن تكون تلك المفاتيح هى مفاتيح سيارة هشام،هو رأى چاكلين حين دخلت الى المكان بسيارة هشام،إذن هذا هو الحل أمامه…هشام
نهض سريعاً وإرتدى ملابسه وقام بلف جسد چاكلين بملاءه الفراش وخرج من المكان ووضعهابالمقعد الخلفى بالسياره وتوجه الى المقود وقاد السياره وأغلق جميع نوافذ السياره التى لحُسن حظه زجاجها معتم.
بعد قليل فتح له أمن بوابة ڤيلا هشام البوابه وهم يعتقدون أن من تقود السياره هى چاكلين..دخل هاشم بالسياره الى أمام باب خلفى للڤيلا ونزل من السياره ودخل الى الڤيلا تسحب يراقب المكان إطمئن أن الڤيلا لا يوجد أحد بداخلها،عاد مره أخرى للسياره وقام بجذب جسد چاكلين الملفوف بالملاءه وعليها أثار دمائها وصعد بها الى غرفة هشام ووضعها بالفراش وقام بسحب الملاءه من على جسد چاكلين وقام بمسح جسدها بتلك الملاءه يُخفى بصماته من على جسد چاكلين ولف الملاءه وأخذها بعد أن قام بقلب وضع نوم چاكلين على بطنها
ترك الغرفه ونزل لأسفل يفكر كيف سيخرج من الڤيلا دون أن يراه أحد من أفراد الأمن.
إنتظر قليلاً وأختبئ بأحد الغرف يفكر،الى أن إهتدى الى ذالك الباب الخلفى لحديقة الڤيلا والذى يفصل بين حديقة ڤيلا هشام وخلفية ڤيلا تحت الإنشاء جواره فتح ذالك الباب ودخل الى تلك الڤيلا الاخرى والتى مازال الحظ يسانده فيبدوا ان العمال قد غادروا الڤيلا بعد إنتهاء عملهم اليومى.
تنهد هاشم هو نجى من العقاب وعقلهُ مازال الشيطان يستحوذ عليه
أنه غير مُذنب.
عوده…
فتح هاشم عيناه ينظر الى لمى التى تبكى رسم الحزن على وجههُ الخبيث.
…………ـــــــــــــــــــــــــــــــــــــــــــــــــــــــــــــــ
بالعوده الى اليخت.
وقفت زينب أمام باب المطبخ ووضعت يديها بين إطاري الباب وقالت بمزح: ها الأكل جهز ولا لسه… بقالى ساعه بستنى واضح كده إننا هنتغدى نواشف قولت لك أحضر أنا الغدا … إن كنت محتاج لمساعده قول عادى.
تبسم رفعت وأقترب من زينب وحملها من خصرها وأجلسها فوق طاوله رخاميه بالمطبخ وقبل وجنتيها قائلاً بغمرة عيناه: المفروض تعملي دايت شايف حاجات كده بدأت تظهر، بس بصراحه بتظهر فى أماكن مظبوطه.
نظرت له زينب قائله: بطل تحرُش وخلص الأكل أنا جعانه.
تبسم رفعت يقول بوقاحه:إتخنى براحتك يا روحى أهو هلاقى حاجات طريه تحت إيدى أمسكها.
نغزته زينب بكتفهُ قائله:بقولك بطل وقاحتك دى وخلص الأكل خلاص هموت من الجوع،وأنا مريضة سكر وماليش الجوع هتلاقينى إترميت منك عالأرض هنا فى اليخت.
تبسم رفعت وهو يضع إحدى قطع الطعام فى فم زينب قائلاً بوقاحه:أرضية اليخت ساقعه عليكى ماله السرير دفا وهدفيكى أنا كمان.
مضغت زينب قطعة الطعام قائله:انا بقول تطلع من المطبخ وتسيبنى أنا أكمل تجهيز الغدا هخلص أسرع.
تبسم رفعت يقول:بس الأكل فعلاً خلاص جهز يا دوب هرصه عالسفره.
تبسمت زينب ووقفت قائله:تمام خلينى أساعدك هموت من الجوع.
تبسم رفعت يقول:بعيد الشر عنك ياروحى
بعد دقيقه جلست زينب مع رفعت على طاولة السفره تتناول الطعام وقالت بتلذُذ:لأ نفسك حلو فى الطبيخ يا ترى إتعلمته فين؟
غريبه رفعت الزهار بيعرف يطبخ!
تبسم رفعت يقول:ناسيه إنى كنت فى الاكاديميه البحريه وهناك زيها زي الجيش بالظبط إخدم نفسك بنفسك غير كمان جدتى إنعام
كانت بتمنع وجود أى شغاله عندنا بعد الساعه تمانيه وأنا أوقات بحكم شغلى كنت برجع متأخر .
تبسمت زينب قائله بإستفسار:قصدك مش بس بحكم شغلك، بسبب صياعتك كمان بس إشمعنا بعد الساعه تمانيه الشغاله بتمشى ؟
ضحك رفعت يقول:كانت بتقول إن عندها شابين فى الشقه مينفعش تسيب شغالات فى الشقه،خايفه علينا من الفتنه.
تبسمت زينب قائله:قصدك خايفه عالشغالات منكم بس ومحاسن.
رد رفعت:لأ محاسن دى موجوده بإستمرار معاها،ودى ست كبيره وبالنسبه لينا زى مُربيه او داده.
نظرت له رفعت قائله: متأكده طبعاً كان عندها حق تعمل كده بسببك لكن رامى الله أعلم؟
تبسم رفعت يقول:لأ رامى طول عمره مؤدب آخرهُ كلام وبس.
نظرت له زينب بغيظ:وإنت طبعاً مالكش آخر،والبومه ريما خير مثال.
تبسم رفعت يقول:تعرفى إن ريما مكنتش عاوزانا نتجوز،مكنتش عاوزه إرتباط رسمى،بس كانت غلطه منى وقتها إنى إرتبطت بيها،بس الحمد لله مطولتش فى الغلطه دى وصححتها بسرعه.
تسألت زينب بإستهزاء:وأيه كان سبب الطلاق،اللى شوفته إن ريما لسه عندها لك مشاعر جياشه بدليل سابت إبنها فى اليونان وجيتلك عاوزه تستردك بأى شكل.
تبسم رفعت يقول:جوازى منها كان غلطتى من البدايه،كنت خلاص قربت عالتلاتين ولازم يكون فى أسره وكمان مش هقول حب،يمكن إعجاب ريما كانت قريبه منى بحُكم إنها من عيلة الزهار،بس لما إتجوزتها بسرعه هالة الإعجاب أو بمعنى أصح كانت شهوه وإنطفت بسرعه.. كمان إكتشفت مش هى دى الست اللى نكمل مع بعض مشوار حياتنا غير إنى كنت فى الخِدمه ومش مرتبط بمواعيد محدده للرجوع للبيت وهى عاوزه تعيش حياتها زى اللى فى سنها فُسح وخروج وتباهى ومنظره فارغه قدام أصدقائها،وانا كنت مشغول وحتى لما طلبت منها نسيب إسكندريه ونرجع للزهار ونبدأ حياتنا هناك،هى رفضت مش معقول هتعيش حياتها فى قريه وسط الخيول اللى قالت عليها حيوانات سافرت اليونان لمامتها وانا طلقتها ونهيت الجوازه الغلط دى من حياتى بدون ندم على ريما،بس لما قابلتك تانى ندمت؟
تعجبت زينب تقول:ندمت! ندمت على أيه؟
رد رفعت:ندمت إنى إتسرعت وكنت غلطان فى حياتى كنت بمشى وراء هوايا…ندمت إزاى نسيت البنت اللى أول ما حطيت صابعى بين إيدها الصغيره طبقت على إيدى،إزاى مدورتش عليكى يمكن كانت حياتى إتغيرت لشكل تانى.
…..ـــــــــــــــــــــــــــــــــــــــــــــــــــــــــــــــ
بمنزل صفوان المنسى
على أريكه بالصاله
كانت مروه تجلس تبسمت لليلى التى دخلت للصاله تقول: يا باى الجو حر قوى الجو نار بيجيب صهد، والله إحنا كنا فى اللجنه مفرهدين.
تبسمت مروه تقول: فعلاً واضح إن الحر السنه دى هيكون قاسى زى الشتا كده يلا أهى كلها أيام وبتعدى عملتى ايه فى إمتحان النهارده.
جلست ليلى جوار مروه على الأريكه وفكت وشاح رأسها قائله: الحمد لله الأمتحان كان سهل، ربنا يسهل بالأمتحانات الجايه فاضلى كمان عشر أيام وأخلص إمتحانات وأرتاح بعدها وأنام اربعه وعشرين ساعه فى اليوم أعوض سهرى الفتره دى.
تبسمت مروه بينما نظرن الأثنتين لتلك التى خرجت من الغرفه تربط رأسها بوشاح أزرق وشعرها منكوش اسفلهُ تشبه المجانين تقول:يا بخت الناس اللى خلصت دراستها،او حتى خلصت الثانويه العامه،أنا خلاص مخى ساح ولسه يا يدوب هبدأ إمتحانات الأسبوع الجاى،شهر بحاله حاسه إنى زى اللى بيأدى الخدمه العسكريه فى الجيش فى الصحرا لأ والله اللى فى الجيش ارحم منى.
تبسمت ليلى وقالت:مصدقاكى يا هبهوب بأمارة السهر بتاعك عالنت اللى أبو الواد حنكش موصله علشانى وأنتى اللى بتسفيه وأنتى بتذاكري چيولوچيا مع الناس اللى عايشه فى الصحرا وبتقبض بالدولار.
تعجبت مروه قائله:قصدك أيه يا لولا..وچيولوچيا أيه اللى بتسهر هبه تذاكرها.
تبسمت ليلى وقالت:ده موضوع تبقى هبه تحكيله عليه بعد ما تخلص إمتحان الچيولوچيا المهم دلوقتي ماما قالت لينا أنها كانت معاكى عند الدكتوره إمبارح وأكدت إنك حامل،قولى لينا بقى رد فعل رامى لما عرف بحملك عمل زى أفلام السيما كده وشالك ولف بيكى،وانتى إتسهوكتى زى بطلات الافلام كده.
تبسمت مروه بغصه وتذكرت رد فعل رامى الهادئ حين أخبرته أنها حامل مجرد تهنئه عاديه منه لا أكثر أو هكذا شعرت أن الأمر عادى بالنسبه له،ليس كما توقعت أن يكون رد فعلهُ حين تخبره انها تحمل منه نطفه بأحشائها،توقعت أن يفرح أكثر من ذالك،توقعت أن يضمها بين يديه يُقبلها حتى بعد أن ذهبوا الى غرفتهم الخاصه تفاجئت برامى ذهب للنوم سريعاً دون حديث بينهم.
أنقذ مروه من الرد خروج والداتها تسند والداها من الغرفة نهضت ليلى سريعاً وهبه أيضاً وقامتا بسنده ومساعدته الى أن جلس على أريكه أخرى.
شعر صفوان بغصه فى قلبه من تلك المعامله التى لا يستحقها منهن فهو لم يكن أباً جيداً لهن… لكن قلبهن حنون.
تبسمت هبه وهى تجلس جوار صفوان الذى تبسم حين نظر لوجهها وبالأخص حين تهكمت عليها فاديه وقالت:
ناكشه شعرك ورابطه دماغك كده ليه زى اللى فى السرايا الصفره.
ضحكوا جميعاً وردت هبه: وهما السرايا الصفره يفرقوا ايه عن الثانويه العامه..أهو كله جنان.
بص يا بابا أنا من المناهضين لتعليم الفتيات،البت مننا ملهاش غير بيت جوزها أنت لو إتقدملك عريس ليا أنا موافقه وهبصملك بالعشره كمان انا واحده ماليش فى التعليم أنا عاوزه أتجوز.
تبسمت فاديه قائله:أتنيلى مش اما اللى قبلك تتجوز تبقى تتجوزى ركزى فى الشهاده الأول.
تبسمت ليلى تقول:ما انتى اللى مش شاطره يا ماما ومش عارفه تدليلى علينا عند زباينك اللى بيشتروا منك البط والحمام،لو كنتى ناصحه كنتى تقولى لهم عندى زغلولتين اللى ياخد واحده ياخد التانيه فوقها هديه فى باكدچ واحد.
ضحكن جميعاً لكن صفوان تبسم بغصه وهو ينظر ل ليلى كم شعر بالندم لكن فاق بالوقت المناسب ورفض ان يبيع ليلى لذالك الوغد الذى كان يريد سرقة صباها،فكر عقله ماذا لو كان مازال متحكم بيه شيطانه القديم ووافق هاشم وزوجهُ ليلى عرفياً كما كان يريد،هل كان سيرى على وجهها تلك البسمه التى على شفاها الآن،هل كانت ستمزح هى وأختيها كما تفعلان…لا هاشم كان سيؤد صبا ليلى ويطفئ بسمتها ليس نادم بل سعيد بتلك الأسره الصغيره التى إحتواته وقدمت له كل سُبل المساعده والمسانده وقت مرضهُ ليس هذا فقط بل وقوف مروه أمام رفعت تدافع عنه بإستماته حتى انها كادت أن تترك منزلها من أجلهُ..حقا القلوب تسعد فقط بالمحبه والتراحم.
………..ـــــــــــــــــــــــــــــــــــــــــــــــــــــــــــــــ
بإستطبل الخيل
هبط رامى من على إحدى المُهرات وقام بإعطاء أحد العاملين اللجام الخاص بالمهره وتبسم وهو يرى وسيم يفترب منه الى ان أصبح أمامهُ صافحه مبتسماً يقول له:جاي منين دلوقتي.
رد وسيم:جاي من الجامعه إنت عارف إن الإمتحانات شغاله وإنت كنت بتعمل أيه؟
رد رامى قائلاً: أنا كنت بدرب فرسه جديده، تعالى نقعد تحت الشجره اللى هناك دى نتكلم وقولى عملت أيه فى الموضوع إياه اللى إتكلمت فيه مع رفعت من كام يوم قبل ما يسافر هو والدكتوره لأسكندريه.
تنهد وسيم وهو يجلس أرضاً جوار رامى تحت ظلال تلك الشحره وقال: مفيش ليلى مصدره الوش الخشب يا دوب الرد على قد السؤال… كان غباء منى من الأول لما فكرت بخطوبتى من لمى إنى ببعد الشر عن ليلى.
وضع رامى يدهُ على كتف وسيم قائلاً: لو كنت قولت لرفعت من الاول يمكن مكنش ده حصل.
تنهد رامى بسأم وقال:فعلاً كان لازم أقول لرفعت وأستنجد بيه، يمكن كان وصل للباشا.
تذكر وسيم حديثه منذ أيام مع رفعت حين ذهب الى تلك الشقه التى كان مُقيم بها
فلاشــــــــــــــــ….باك
نظر وسيم حوله بترقب.
تعجب رفعت وقال له مالك بتبص حواليك كده ليه.
رد وسيم: أمال الدكتوره فين؟
رد رفعت: الدكتوره زهقت منى وما صدقت رجعت لشغلها بالوحده ومش هترجع قبل المسا بس بتسأل ليه؟
رد وسيم: رفعت فى حاجه عاوزه أوريهالك وأخد رأيك فيها وكمان فى حاجه حصلت لازم تعرفها.
تحدث رامى الذى دخل يحمل صنيه عليها بعض المشروبات: أوعى تكون خلاص ناويت تفشكل موضوع خطوبتك لمى.
تبسم رفعت بتعجب وهو ينظر ل وسيم وقال: والله لو كلام رامى صحيح يبقى ربنا بيحبك.
رد وسيم: أنا فعلاً خلاص ناويت أنهى موضوع الخطوبه ده، انا من البدايه مكنتش متقبل الأمر بس اللى حصل بقى، بس دلوقتي عاوزك فى موضوع تانى.
قال وسيم هذا وأخرج هاتف بطراز قديم من جيبه وقام بفتحه وأتى بملف الصور الخاص بالهاتف وقام بأعطاء الهاتف لرفعت قائلاً: شوف الصور دى كده.
تمعن رفعت بالصور وقال: مش دى ليلى أخت مروه الصور دى متفبركه.
رد وسيم: لأ الصور دى حقيقيه.
تعجب رفعت وأخذ رامى الهاتف من رفعت وتمعن هو الآخر بالصور وقال: إنت بتقول إن الصور دى حقيقيه… أيه اللى بينك وبين ليلى وموبايل مين ده؟
رد وسيم : أنا بصراحه بحب ليلى، بس هى متعرفش بكده.
تعجب رامى ورفعت الذى قال: بتحب ليلى وخطبت لمى أيه الغباء ده.
رد وسيم: فعلاً غباء منى، بس انا خايف على ليلى، شوف الصور كده الصور جيبانى انا وليلى وأنا شبه حاضنها واللى يشوف ليلى يقول كانت مبسوطه مع إن فى الحقيقه هى كانت بتبكى.
تعجب رامى وقال:الصور دى فى الجنينه اللى جنب القاعه اللى كان فيها فرحى أنا ومروه بس مين اللى صوركم.
رد وسيم:ده واد صايع ومتسكع حاول مره يتهجم على ليلى وانا ضربته ويوم فرحك أنا وصلت ليلى وخالها نعمان لبيته بس ليلى كانت نسيت شنطتها فى العربيه ولما رجعت تانى وروحت لبيت خالها،فتحتلى وعنيها حمره وبكت كنت مفكر فى البدايه إنها بتبكى بسببى بس إكتشفت إن المتسكع ده عندهم فى البيت وبيهددهم وكان هيقتل خال ليلى وهددها بالصور دى وقال إن الصور دى خلاص وصلت للباشا،أنا ضربت الحيوان ده وسلمناه يومها لظابط النُقطه وتانى يوم لما روحت اقدم انا وليلى وخالها أقوالنا الظابط قالنا إن المتسكع ده مات فى الحبس وبعدها بكم يوم سألت الظابط عن السبب قالى أنه مات بسبب حبايه مُنشطه خدها عملت له هبوط فى القلب ومات.
تعجب رفعت وقال: مش فاهم ايه دخل المتسكع ده فى امر خطوبتك من لمى.
رد وسيم: شوف فى رسايل الموبايل هتلاقى فعلاً الصور إتبعت لشخص مكتوب قدامه: الباشا… أنا عندى شك فى حد يكون هو الباشا.
رد رامى: ومين الشخص ده.
رد وسيم: هاشم الزهار.
تعجب رامى قائلاً: مين… هاشم الزهار!
بينما رفعت صمت يسمع حديث وسيم :
أنا وانا صغير بعد أنتم ما سيبتوا الزهار زمان بعد اللى حصل كنت بلعب فى الجنينه بتاع البيت وكنت وراء شباك أوضة مكتب هاشم الزهار، وسمعته بيكلم حد وبيتفق معاه يبعت له كميه أدويه مُنشطه زى ترمادول وغيرها وقاله إن السعر هيتغير بعد كده وانه هو هيبقى الموزع الوحيد للنوع ده من المنشطات.
معرفش الشخص التانى رد عليه قاله ايه عصبهُ وقتها بس سمعت رد هاشم عليه وقاله: انا اللى هبقى الباشا المحترم وهتشوف بنفسك
أنا وقتها كنت صغير وكمان مكنتش لسه أعرف يعنى ايه ترامادول وأدويه مُنشطه ومعرفتهاش غير وانا بدرس طب بيطرى،وكمان متنساش هاشم الزهار دارس صيدله وعنده خلفيه فى التفاعلات الدوائيه وكمان اللى زيه لمى الزهار درست صيدله فى اليونان وبالصدفه سمعتهم مره وهما بيتكلموا عن نوع من أنواع المنشطات القويه غير إنها حاولت تحط لى أكتر من مره نوع مُنشط بس أنا كنت بقدر أخليها تصدق إنى شربت المخدر ده فعلاً،رغم إنها هى اللى كانت بتشربه فى الآخر بس انا كنت بزود منوم معاه
تعجب رفعت وقال:قصدك أيه لمى بتشتغل زى هاشم فى الأدويه دى؟!
أماء وسيم له بموافق قائلاً:عندى شك كبير فى كده أنا كنت روحت لبيت هاشم أجيب بعض الغيارات ليا ولماما من هناك وده كان بعد ما هو جه يتهجم عالسرايا وياخد ماما مهره بالعافيه وانت رفضت بالصدفه شوفت لمى بتدى لهاشم علبة هديه صغيره وقالت له:ده هديه من فابيو لك.
ولما فتح الهديه شوفته طلع منه علبتين صغيرين واحده كان مرسوم عليها عصب والتانيه كان حُصان، انا خمنت نوع العلبه التانيه إنها ممكن تكون فياجرا بس الأولى عندى شك كبير أنها زى منوم أو مهدأ أعصاب، وشوفت نفس شكل العلبه التانيه دى فى أوضة نوم ماما مهره وهاشم .
رد رامى بتعجب: قصدك أيه اللى فهمته علبة الفياجرا ممكن تكون له طب والمنوم أو مهدأ الأعصاب ده كان لمين؟
رد رفعت:معروف كان لمين…كان لعمتى مهره طبعاً،بس للأسف تعبها الشديد قبلها صعب المهمه دى لأن عمتى لما تعبت زينب قالت لينا أن نوعية المهدئات اللى كانت بتاخدها عمتى ممكن تسبب الإنتحار
بس أكيد كان مفعول النوع اللى مع هاشم أقوى،يعنى كانت المهدئات اللى بتاخدها عمتى مهره كانت نسبة تفاعلها أكبر من نسبو تفاعل المهدئات اللى كانت بتجيبها من الصيدليه وكان هاشم بيبدل العلب طبعاً.
رد رامى بتعجب:طب وهو هيكسب أيه لما يخلى عمتى مهره تاخد النوعيه دى من المهدئات.
رد وسيم:هيكسب أنه هيخليها تحت سيطرته زى ما كانت السنين اللى فاتت،أنا كنت طلبت من الظابط بتاع النقطه يعرفلى مين صاحب رقم الباشا ده،بس طبعاً مقلتلوش على إن معايا الموبايل بتاع المتسكع ده،بس هو قالى إن الرقم متسجل بأسم شخص مات من حوالى أربع شهور تقريباً..بس المفاجأة بقى إن الشخص ده كان بيشتغل فرد أمن فى عند نجيب الكفراوى.
لم يتعجب رفعت بينما قال:قصدك أيه نجيب الكفراوى عضو مجلس الشعب.
صمت وسيم لكن هز رأسه بالموافقه.
تحدث رامى:يعنى عندك شك إن هاشم مشارك نجيب الكفراوي
دول عصابه بقى!
رد وسيم:وكمان فاكر لما قولت لك إنى أخدت عينه من بعض الخيول اللى عندنا فى المزرعه وطلع تخمينى صح الخيول بتتحقن بنوع من المنشطات مضاعفة القوى تديها قوه وجموح أكبر،وبمجرد ما الخيول بتبطل تتحقن بالمنشطات دى بتضعف وممكن تموت غير إنها لو زادت النسبه عن حد معين ممكن تفجر قلب الخيول وتموت فى ساعتها.
تعجب رامى يقول:طب وأيه دخل ليلى باللى قولته ده كله هى مالها.
رد وسيم:هاشم…أنا شوفت نظراتهُ لليلى يوم فرحك وكمان لمى دخل لها شك إن معجب بليلى،او بينا حب لان ليلى سبق وإتهجمت على لمى عندى فى الجامعه ومن وقتها لمى حطت ليلى فى دماغها لمى أخطر وأسوء من ريما مش زى ما كنا معتقدين ريما يمكن عاوزه تعيش حياتها بحريه لمى لأ عندها ميول للسيطره والقوه.
تبسم رفعت قائلاً:نفس الحوار القديم مع التوأم…هشام وهاشم،لمى وريما…لمى ل چاكلين وريما زى هشام…بس قولى أيه اللى خلاك فوقت دلوقتي خلاص خوفك على ليلى من لمى إنتهى،بس لمى لسه موجوده.
رد وسيم بندم:أنا مبقتش متحمل أكتر من كده وعلشان كده أنا كنت قررت أقولك عالسبب بس الهجوم اللى حصل عالسرايا هو اللى أجل الموضوع وكمان حاسس ليلى ببضيع منى،وطالب مساعدتك طبعاً بحكم إنك راجل شرطه قبل كده ممكن توصل لمعلومات أكتر،مهما كان ظابط النقطه هنا معلوماته قليله،إنما إنت ليك أصدقاء زى الضابط محمود كده ممكن يوصل لمعلومات أكتر.
تبسم رفعت يقول:تمام سيبلى الموبايل ده ومتخافش عالصور هحتفظ بيها أهى ذكرى من ليلى.
تبسم وسيم وتنهد براحه
عاد وسيم من ذكرى ذالك اللقاء على قول رامى:إمبارح عرفت إن مروه حامل.
تبسم وسيم بفرحه يقول: مبروك.
تنهد رامى.
تحدث وسيم:مالك حاسس إنك زى ما تكون مش فرحان.
رد وسيم:بالعكس أنا فرحان جداً والله،بس مروه وإحساسها بالغيره بيخوفنى …لو شوفت شكها المستمر إنى بسهر بره البيت مع بنات وإحنا فى إسكندريه كنت هتصدقنى…نفسى مروه تتأكد إن مفيش فى قلبى غيرها وإنى أختارتها هى لانى بحبها مش لانها نزوه وممكن تنتهى…دى حتى وهى بتقولى أنها حامل قالتلى بقى فى بين الجميله والوحش رابط حتى لو زهوتها قلت عنده هيفضل بينهم رابط قوى،ليه مش عاوزه تصدق إن حبى ليها بحد ذاته رابط أقوى حتى من إن يكون بينا ولاد بيربطونا ببعض خايف مروه بالشك والغِيره اللى عندها تموت حبها فى قلبى.
…… ـــــــــــــــــــــــــــــــــــــــــــــــــــــــــــــــ
بالاسكندريه
صعدت زينب ورفعت الى اليخت بعد أن قضوا وقتاً بالعوم فى مياه البحر
سارت زينب بضع خطوات وشعرت بدوخه وإختل توازنها وكادت تقع لولا أن مسكها رفعت قائلاً بخضه: زينب.
تمالكت زينب نفسها قائله: فى إيه أنا كنت هتزحلق بسبب أرضية اليخت الناعمه رِجلى شبه باشت من العوم لأكتر من ساعه ونص فى مية البحر.
تبسم رفعت وهو يحملها بين يديه قائلاً بمزح:
أيه ده إنتى تقلتى كده ليه، لأ لازم تخسى بعد كده مش هقدر أشيلك.
تبسمت زينب وهى تلف يديها حول عنقه قائله: عشان تعرف إنك بتحجج أنا تقلت بسبب الميه اللى فى هدومى.
تبسم رفعت يقول: قولتلك إلبسى المايو كنتى هتبقى أخف من كده.
تبسمت زينب قائله: وهو الشورت والتوب اللى لبساهم هما اللى شربوا مية البحر، عاوزنى ألبس مايوه وإحنا وسط البحر إفرض حد شافنى بيه،أو توهنا فى البحر بعيد عن اليخت وقتها نعمل أيه.
تبسم رفعت يقول: لأ متخافيش إحنا فى مكان بعيد عن العيون فى وسط البحر مفيش غير البحر والسما، ونتوه فى البحر!
ليه مش واثقه فيا ولا أيه،البحر ده أنا أعرفه شط شط.
تبسمت زينب قائله: محسسنى أنى مع قبطان أعالى البحار.
تبسم رفعت: فعلاً إنتى مع قبطان أعالى البحار، بس سابقاً.
تبسمت زينب:أهو قولت سابقاً، دلوقتي أيه بقى؟
تبسم وهو يضعها على أريكه كبيره على سطح اليخت وجلس خلفها يضمها لصدره قائلاً: دلوقتي عاشق متيم فيكى.
تبسمت وهو يضمها لصدره قائله: رفعت إنت ليه من البدايه درست البحريه.
رد رفعت: علشان كان نفسى أبقى ضابط فى البحريه.
تبسمت زينب: طب والخيل وإزاى إتعلمت تبقى خيال وتروض الخيول.
تبسم رفعت: الخيل هوايه عندى من صغرى، وإتعلمت ترويضها من بابا، وراثه يعنى هو كمان إتعلمها من جدى، يعنى تقولى سلسال بيوصل لبعضه.
تثائت زينب.
تبسم رفعت قائلاً: أيه هتنامى بهدومك مبلوله كده.
تبسمت زينب قائله: الجو حر أصلاً وأنا عاوزه أنام هنا وأنا شايفه النجوم فى السما.
تبسم رفعت وضمها بين يديه.
بعد وقت.
شعر رفعت بأنفاس زينب المضطربه على صدرهُ علم أنها بدأت تصحو
تبسم وهو يراها تمسد بيديها كتفيها وقال:
هوا البحر خلاكى حسيتى بالبرد.
تبسمت وهى مازالت مغمضة العين تستنشق أنفاسها على صدرهُ يدخل الى صدرها رائحة جسدهُ الممزوجه برائحة يود البحر.
شعرت برفعت يضمها قوياً بين يديه وقام برفع وجهها ينظر لها
فتحت عينيها وتبسمت له قائله:
أنا أمتى حبيتك يا رفعت.
تبسم رفعت قائلاً: من وأنت لسه بنت أيام لما حطيتى صباعك الصغير فى إيدى، أنا عرفتك يا زينب يوم ما كنا فى القسم وإبتزيتنى فى ربع مليون جنيه، عرفتك من الشامه اللى فى إيدك..
تبسمت زينب وقالت له: رفعت هسألك سؤال محيرنى من يوم ما طلعت من الوحده وروحنا شقة الشرقيه..
رد رفعت وأيه هو السؤال ده بقى؟
تبسمت زينب وقالت: أنا سمعت رامى بيقولك إن چيرين عجبتها الفرسه اللى بعتها لها وعاوزه واحده تانيه طب إزاى والفرسه اللى كنت هتبعتها لها رِجلها إنكسرت؟
تبسم رفعت يقول: هى فعلاً الفرسه رِجلها إنكسرت بس كان فى واحده تانيه فى مكان تانى وشبه مدربه زى الفرسه دى، ورامى كمل تدريبها وبعتها لچيرين فى الميعاد اللى كنت متفق معاها عليه.
نهضت زينب عن صدر رفعت ونظرت له قائله بتعجب: طب ليه إتعصبت وقتها لما والد مروه إتسبب فى كسر رِجل الفرسه دى طالما كان فى بديل ليها!
جذب رفعت زينب لتعود على صدرهُ وقال: أنا مكنتش متعصب علشان الفرسه على فكره أنا اللى كان معصبنى هو أنتى وبعدك عنى وتهديدك كل شويه إنك هتطلبى نقلك من الزهار غير طلبك للطلاق لأكتر من مره.
رفعت مروه رأسها ونظرت ل رفعت وقالت: طب وده كان فارق معاك وقتها.
نظر رفعت لوجه زينب وقال: كان فارق معايا يا زينب كنت حاسس إنى ضايع ومتشتت بين قلبى وعقلى وبين نيران الماضى كنت مفكر إن أقوى نيران هى نيران الماضى و الإنتقام لقيت فى نيران تانيه أقوى منهم.
ردت زينب بسؤال: وأيه هى النيران التانيه دى؟
تبسم رفعت وهو ينظر لوجه زينب قائلا: نيران العشق…عشقك يا زينب اللى حاولت أقاوم نيرانه وأطفيها بقلبى بس للأسف كانت أقوى من نيران الإنتقام كنت بتجنن لما بحس إنك بتبعدى عنى سواء إنك تفضلى طول الوقت فى الوحده او حتى كمان لما كنتى بتهددينى بالرحيل عنى.
تبسمت زينب تقول:بس أنا مكنتش هبعد عنك يا رفعت ده كان مجرد كلام فى الهوا بستفزك بيه أنا هفضل تقيله على قلبك زى ما أنا دلوقتي كده.
تبسم رفعت وقال: زينب أنا شايفك بتاخدى أنسولين كتير
إحنا أول ما نرجع تاني عاوزك تعملى فحص شامل وتشوفى سبب للدوخه اللى بتجيلك دى.
تنهدت زينب قائله: عادى بس أنا فعلاً محتاجه أعمل فحص شامل
حاسه إن فى حاجات كتير مش متظبطه عندى الفتره الأخيره.
تبسم رفعت بمكر وبَعد زينب عن صدره وإنحنى عليها يقول: وأيه الحاجات اللى مش متظبطه دى بقى.
تبسمت زينب تقول بمكر: زى أنى جعانه دلوقتي مثلاً.
نظر رفعت لشفاه زينب وقال: وأنا عطشان من ماية البحر ولو مشربتش من شفايفك دلوقتي هموت من العطش.
تبسمت زينب له وهى مُرحبه بتلك القُبلات التى يُمطرها على شفاها ووجهها ويعود مره أخرى لشفاها،ثم ترك شفاها ونهض من على تلك الاريكه يحملها بين يديه وعاود إلتهام شفاها بقُبلات عاشق ومعشوقه،ودخل الى أحد غرف اليخت ووضع زينب على الفراش وإندس بجوارها يُكملا سباحه بين أمواج العشق
ليعود الأثنان من جولة غرام ،شعرت زينب بأرهاق وغفت بين يدي رفعت.
رفعت الذى تنهد ورفع رأسه ينظر للامام مازال بداخله حرب مشتعله بين
النيران والعشق
مازالت أمامه النيران مشتعله يخشى أن تُصيب شظيه من تلك النيران…..
زينب….. من أجلها فقط قادر على إشعال نيران فوق مياه البحر .
…. ـــــــــــــــــــــــــــــــــــــــــــــــــــــــــــــــ
بعد مرور تسع أيام
ليلا بمنزل هاشم الزهار.
أرسل هاشم رساله من هاتفهُ مُشفره فحواها: لقد كبر
الحِصان وأصبح عجوز ولابد من إرسال الرحمه له.
آتى لهاتف هاشم رساله مُشفره أيضاً فحواها: بإمكانك إرسال الرحمه له،أريد حفلة شواء فاخره على شرف هذا الحِصان العجوز.
تبسم هاشم بظفر وأغلق الرسائل وبعث رساله لهاتف آخر يقول له:لتنتهى حفلة الشواء الليله.
اغلق هاشم هاتفه
وتناول إحدى حبات تلك المنشطات، وصعد الى غرفته
فتح الباب ونظر الى الفراش وجده خالى مهره مازالت مستمره فى ذالك التمرد عليه، لكن يكفى هذا، مهره ستعود وتخضع له مره أخرى كما كانت فى السابق، الليله ستكون خاضعته وتفعل ما يريده ويشتهيه
بالفعل ذهب الى غرفة مهره وفتح الباب بعنف كبير، حتى أن مهره إنتفضت على فراشها وقالت برعب: فى أيه يا هاشم؟
رد هاشم: إنتى اللى فى ايه يا مهره نسيتى أنا مين أنا هاشم الزهار
جوزك.
ب أغلق الباب خلفه وقال:
مش عاوزه ترجعى لأوضة النوم وماله اللى كان هيحصل هناك ينفع يحصل هنا برضوا
كادت مهره أن تنهض من على الفراش لكن كان هاشم الأسرع هجم عليها بعنف حاولت مهره أن تبعده عنها بيديها لكن كان عُنفه يزداد
سحبت إحدى يديها وقامت بمدها تحت الوساده التى كانت تنام عليها وآتت بذالك البخاخ، وقامت بالبخ فى عين هاشم مباشرةً
مما جعلهُ بشعر بحرقة قويه بعينيه وإبتعد عن مهره لكن مازال بالفراش يفرك عينيه بقوه من شدة شعوره بالحرق لكن قبل أن يفوق من شدة ذالك الشعور بعينيه نهضت مهره تلهث من على الفراش وفتحت أحد أدراج طاوله جوار الفراش وأخرجت منها سلاحً وقامت بتعميره للأطلاق وقالت: إطلع بره أوضتى يا هاشم.
أزال هاشم يديه عن عيناه ونظر الى مهره ونظر بذهول لها وهى تعيد قولها: لو عاوز تشترى عمرك الليله إطلع بره أوضتى وأياك تفكر مره تانيه تقرب منى، مهره الضعيفه خلاص إنتهت رصاصه من السلاح ده كافيه إن تخليك ترقد مكانك ومتقومش منه أنا مش باقيه على حاجه زمان كنت بخاف على اللى بحبهم وكنت بيتسسلم بضعف، بس كنت غلطانه كان لازم أدافع بقوه وده اللى هيحصل من دلوقتي… مبقتش خايفه منك يا هاشم ولادى التلاته مش هتقدر تأذيهم وهما إيد واحده.
إنصدم هاشم: لكن رغم رجفته ضحك بسخريه وقال: فين ولادك التلاته دول… اللى أعرفه إنك خلفتى زمان ولد لكن كان عقاب ليكى بعد ما عيشتى فى وهم شهور فى إنتظاره مكملش يومين عايش ومات.
ردت مهره: يمكن فقدت أبنى، بس ربنا عوضنى عنه بتلاته غيره تلاته فرسان وعندهم مبادئ وأخلاق الفرسان مش حقارة كلب زيك.
إغتاظ هاشم وهبط من فوق الفراش وتوجه بناحيه مهره يضحك بإستفزاز.
لكن مهره تملك منها الثبات وقالت له وهو يسير بأتجاهها: إخرج بره يا هاشم.
مازال هاشم يسير بإتجاهها لكن وقف مصدوم حين شعر بشظية رصاصه تمر جوار كتفهُ تستقر فى الحائط خلفهُ
نظر للحائط ثم عاد بنظره ناحية مهره متفاجئ لا مصدوم
قالت مهره له: التانيه هتنفجر فى قلبك يا هاشم لسه فى إيدك تشترى عمرك إخرج بره أوضتى وإياك تقرب منى مره تانيه ومش بس منى، من أى واحد من ولادى صدقنى وقتها مش هيكفينى قتلك، وقتها همثل بجثك قدام الكلاب الصعرانه اللى من فصيلتك واللى قتلها حلال.
شعر هاشم برعب من نبرة صوت ونظرات مهره المتوعده أنقذه من أمامها صوت رنين هاتفه.
خرج من الغرفه كالكلب المذعور، ووقف ببهو المنزل
رد على الهاتف وسمع قول الآخر له: حفلة الشواء بدأت بس فى حاجه.. سيادة النايب مش هنا فى الزهار، بس بقية الأسره الكريمه جوا الحفله.
رد هاشم: كويس كده تبقى ضربه فى مقتل لما يرجع للزهار يلاقى عيلته إتشوت.
أغلق هاشم الهاتف بداخله نيران أخرى يريد إشعالها الليله لكن عليه الحصول على مبتغاه أولاً.
بينما مهره التى مثلت القوه قبل قليل أمام هاشم ها هى قواها إنتهت وخارت وجلست على الفراش يدها ترتعش لا تعلم كيف تحكمت بها القوه قبل قليل، والآن ذهبت عنها فكر عقلها عليها التمسك بتلك القوه الآن من أجل حمايتها وحماية من تحب يكفى ضعفاً… إنتهى ذالك الضعف مهره الجامحه كان لابد أن تكون بريه منذ البدايه وجيد أنها إستعادت قوتها قبل فوات النهايه.
……. ـــــــــــــــــــــــــــــــــــــــــــــــــــــــــــــــ
بسرايا الزهار
خرجت مروه من الحمام وعادت تتسطح جوار رامى على الفراش شعر بها رامى وقال: مالك يا مروه رايحه جايه عالحمام من اول الليل.
ردت مروه: مفيش حاسه بمغص وغثيان كده وخلاص الحمد لله بداو يخفوا.
نهض رامى من على الفراش وأشعل الضوء وقال هروح أقول لزينب تجى تشوفك.
تبسمت مروه قائله: لأ مالوش لازمه يا رامى الحاجات دى طبيعيه فى بداية الحمل.
تنهد رامى يقول: طبيعيه أيه أنتى مش شايفه وشك أصفر أزاى وكمان ضعفانه.
تبسمت مروه قائله: انا كنت إستشارت الدكتوره وكتبت لى علاج للقئ وأخدته والحمد لله هما بس شوية ضعف ولما هنام هصحى كويسه.
رد رامى: الدكتوره قالتلك كده طب نامى وإرتاحى وأنا هنزل أعملك كوباية نعناع تروق معدتك.
تبسمت مروه
بعد خروج رامى تشعر بفرحة إهتمام رامى بها، هى كانت تظن أنه غير مهتم بحملها لكن ها هو يثبت العكس حين شعر بها و تلهف عليها،
تبسمت بفرحه أكبر وهى تراه يعود للغرفه ومعه كوب من النعناع ووضعه على طاوله جوار الفراش قائلاً: على ما يبرد شويه إشربيه وهيريح معدتك شويه وبكره نروح للدكتوره ونطمن عليكي وعالبيبى كمان.
تبسمت مروه وهى تمد يدها لرامى
الذى أمسك يدها وجلس جوارها على الفراش وقام بجذب مروه بحضنه.
تنهدت مروه بسعاده وقالت: أنا بحبك يا رامى متبعدنيش عنك.
تبسم رامى يقول: وأنا بحبك يا جميلتى وعمرى ما أقدر أبعد عنك يا مروه ولا عمرى هبعد عنك… أنا الأيام اللى فاتت مكنتش بسهر مع أصحابى زى ما كنتى مفكره أنا كنت بدرب فرسه تانيه بدل اللى رِجلها إنكسرت وده كان السبب إنى برجع هلكان ومش قادر أرد عليكى… مروه أنا مر عليا بنات كتير وعُمر ما واحده منهم شغلت قلبى وعقلى غيرك أنا لما رجعت للزهار رجعت علشانك.
تبسمت مروه وضمت نفسها بقوه ل رامى الذى ضمها هو الآخر.
تبسمت مروه وقالت: أهو المغص اللى كان عندى مبقتش حاسه بيه وكل اللى عاوزاه إنى أنام فى حضنك.
تبسم رامى وتستطح على الفراش وأخذ مروه بين يديه وقبل شفاها ثم جبهتها يشعر بسعاده كذالك مروه تشعر بفرحة قويه.
…… ـــــــــــــــــــــــــــــــــــــــــــــــــــــــــــــــ
قبل الفجر بقليل
بغرفة إنعام
نهضت من نومها فزعه تسألت لما تكرر ذالك الحلم
لكن عاد عقلها الحلم مره أخرى
تذكرت شئ وقالت
مروه هى اللى راقده على بؤرة الدم…رامى كان بعيد عنها
وزينب كانت فى وسط النيران اللى والعه فوق ماية البحر… رفعت مش شايفها
حتى وسيم تايه هو كمان بيدور على شئ ومش لاقيه.
رامى رفعت حتى وسيم التلات فرسان واقعين فى حيره يا ترى هيوصلوا للى بيحبوهم فى الوقت المناسب قبل فوات الآوان.
ـــــــــــــــــــــــــــــــــــــــــــــــــــــــــــــــ………..
…
الشعله الخامسه والثلاثون… الأخيره الجزء الثالث
ــــــــــــــــــــــــــــــــــــــــــــــــــــــــــــــ
مازال الليل لكن
إستيفظت البلده بأكملها على أصوات صافرات إنذار سيارات المطافئ والشرطه
كان الحريق هائل ومنظر النيران مُخيف النيران تلتهم المنزل بالكامل، لن يبقى أحياء بداخل ذالك المنزل، ربما غير ذالك الذى آتى يشاهد المطافئ تتعامل مع النيران
نزل من سيارتهُ سريعاً متلهفاً وحاول الدخول للمنزل لكن قام بعض رجال الشرطه بتقييد حركته،خارت قواه ولم يستطيع الوقوف على قدميه.،جلس راكعاً ينتحب قلبه وهو يرى النيران التى تنهش كل أسرتهُ بداخل كانوا فى إنتظار عودته،هذا يوم تجمعهم العائلى الجميع بالتأكيد إشتعلت أجسادهم،جلس يتحسر وذكرى واحده أمام عيناه يوم مساعدته فى حريق سرايا رضوان الزهار…ها هو يتجرع من نفس لهب النيران هذا هو القصاص الإلهى العادل…مثلما حرق أبرياء إحترق قلبهُ بنفس النيران التى حرقت من ساهم فى حرقهم يوماً،لكن ما أشد هذا القصاص…خسر عائلته التى كان يساهم فى أعمال شيطانيه من أجل أن يبقى لهم سُلطه وسطوه وأموال يأتى لهم بها تجعلهم يعيشون أسياد،ها هم الآن بين الرماد.
….ـــــــــــــــــــــــــــــــــــــــــــــــــــــــ
إستيقظ وسيم أيضاً على نفس الأصوات،نهض من فراشه وبدل ملابسه بأخرى ملائمه للخروج، وخرج من منزل والده وسار ناحية ذالك الدخان الذى يتصاعد رأى رجال المطافئ وبعض سيارات الإسعاف ورجال الشرطه،إستفسر من أحد رجال الشرطه عن ماذا يحدث…أخبره العسكرى بنشوب حريق فى المنزل وأن كل ما به إلتهمتهم النيران،شعر وسيم ببعض الحزن وغادر المكان،أثناء سيره شعر بملل يعرف سببه بالتأكيد الوحده الذى عاد يشعر بها بعد رجوع رامى وزوجته الى السرايا الخاصه بهم فى البدايه أشار عليه عقلهُ بالذهاب الى السرايا وقضاء الباقى من الليل بها لكن بأخر لحظه وجد نفسه أمام منزل هاشم الزهار
بالفعل دخل الى منزل هاشم الزهار
تسحب الى غرفته خلسه دون أن يراه أحد لكن هو كان يعتقد ذالك فهنالك من رأتهُ ولابد أن تنتهز فرصة مجيئهُ الليله.
دخل وسيم الى غرفته وألقى بجسده فوق الفراش متنهداً يهمس بإسم.. ليلى
لكن فُتح باب الغرفه ودخلت تلك الوقحه لمى وأغلقت خلفها الباب.
إستقام وسيم جالساً ونظر الى من دخلت لكن سُرعان ما أخفض عيناه وتنحى عن النظر إليها غض بصرهُ عن تلك التى ترتدى ثياب آشبه بثياب العاهرات وإن كانت ثياب العاهرات تستر عن ذالك الرداء الشفاف الكاشف لجسدها أسفله
تقترب منه ببسمة لعوب غانيه.
نهض وسيم واقفاً وقال:لمى أيه اللى مصحيكى دلوقتي،أكيد أصوات إنذار المطافى والشرطه.
ردت لمى بأدعاء الخضه:فين دول انا مسمعتش أى أصوات أنا أساساً مكنتش نايمه…
قالت لمى هذا ثم مثلت الصعبانيه تقول:أنا من يوم ما بابى قتل مامى وأنا مش بعرف أنام بخاف،رغم إنى مش مصدقه إن بابى يعمل كده أكيد إتجنن فعلاً زى تقرير الطب النفسى ما بيقول،أنا بقيت وحيده،حتى ريما فى اليونان لوحدها هى اللى جهزت لدفن مامى هناك بس هى جنبها فابيو،أنا هنا وحيده وإنت بعيد عنى،رغم إننا مرتبطين ببعض ولازم تكون قريب منى زي فابيو ما هو قريب من ريما وأكيد واساها فى موت مامى.
قالت لمى هذا وأقتربت أكثر من وسيم وكادت تلاصقه،لكن عاد وسيم خطوات للخلف يحذر من إقترابها منه وتنهد يقول:كان لازم تسافرى مع جثمان مامتك لليونان وتكونى جنب ريما توأمك يمكن كنتم قدرتوا تخففوا عن بعض.
إقتربت ليلى من وسيم وكادت تلاصقهُ بجسدها لكن عاد وسيم للخلف
لكن هى لم تيأس وعادت تقترب منه ليس هذا فقط بل قامت بخلع ذالگ المئزر الشفاف عن جسدها ليبقى أمامه جسدها شبه عارياً تحاول إغوائه،لكن وسيم لم ينظر لها وإبتعد عنها،لكن تلك العاهره إقتربت منه وقالت له:
إنت الوحيد يا وسيم اللى يقدر يخفف عنى الحزن والآلم الى بحس بيه،ليه بتبعد عنى إحنا خلاص بقينا قريبين لبعض جداً.
فتح وسيم باب أحدى ضلف الدولاب وقام بأخراج قميص له منه ومد يده وأعطاه للمى قائلاً:خدى إسترى نفسك بالقميص ده يا ليلى.
تعجبت لمى قائله بدموع:أنا لمى مش ليلى، وبعدين عادى إحنا خلاص هنتجوز قريب يا وسيم،وحصل قبل كده بينا علاقه،يعنى عادى لما تشوف جسمى.
رد وسيم: بلاش كذب يا لمى،وأحنا محصلش بينا أى علاقه قبل كده ده وهم بس فى دماغك،على فكره أنا أوضتى فيها كاميرات يا لمى.
نظرت له لمى متفاجئه تقول ببجاحه:إنت بتقول كده دلوقتي علشان تهرب من مسؤليتك إتجاه اللى حصل بينا قبل كده.
رد وسيم بقوه:قولتلك الأوضه فيها كاميرات يا لمى وبلاش تعيشى الدور،ولو مش مصدقانى إن مفيش أى علاقه حصلت بينا،هفرجك بنفسك عالفيديوهات.
فتح وسيم جهار حاسوب خاص به وقام بتشغيل بعض الفيديوهات،
خلف بعضها، تثبت صدق حديثهُ، ليس هذا فقط، بل ذهب الى أحد قام بتشغيل فيديو يصور وقوفهم الآن مع بعضهم، مما جعل لمى تثور وتقول له وهى تحاول إستمالته:
أنا بحبك يا وسيم أنا رجعت لهنا علشانك، أنا حتى سيبت بابى وجيت علشانك، أكيد الكاميرات دى فيها حاجه غلط، إنا متأكده إن حصل بينا علاقه قبل كده.
رد وسيم: لأ يا لمى، وده رحمه لينا إحنا الإتنين صدقينى لو حتى جوازنا كمل مستحيل هيستمر،أنتى عايشه بطباع غربيه،مش معترفه بأى حدود ولا بديانه،عارفه لو متمسكه حتى بالمسيحيه أنا كان ممكن أفكر نرتبط،أنا مسلم وموحد بالله ومعترف بس بالديانات السماويه،إنتى تعتبرى مُلحده يا لمى بتمنى تفوقى من الوهم ده،وتنتمى لأى ديانه سماويه،وقتها هتلاقى راحه نفسيه،لمى أنا غلطت فى وقت لما خطبتك بس الحمد لله ربنا مش رايد ليا الإستمرار فى الغلط ده، مفيش قدامك غير طريق واحد يا لمى، إرجعى إسكندريه وشوفى خالى هشام وحاولى تعرفى حقيقة قتلهُ لمامتك، وإتعظى من الحكايه دى، يمكن لو كنا إستمرينا مع بعض زيهم كان واحد فينا قتل التانى،أو حتى إرجعى لليونان وحاولى تقربى من أختك يمكن تلاقوا مع بعض بدايه جديده ليكم،أنا خلاص حسمت أمرى،أنا بفض الخطوبه اللى بينا.
ردت لمى وهى تنتحب بتمثيل وتقترب من وسيم:أنا بحبك مقدرش أبعد عنك،هعمل كل اللى عاوزه منى،بس بلاش تسيبنى حتى لو عشنا مع بعض بدون إرتباط رسمى.
إبتعد وسيم للخلف بهز رأسه بنفور وقال:انا مش عاوز أجرحك أكتر يا لمى،خلاص بلاش تمثلى عليا،وكمان أنا مش جاهز لأى إرتباط وعمرى ما همشى فى طريق إرتباط غير شرعي،قصتنا خلصت من البدايه وكانت غلطه منى ودفعت تمنها،أنتى عارفه إن وجودك السبب الرئيسي إن بسيب البيت ده وأروح بيت والدى،لو طمعانه يا لمى فى حصتى من ميراث أمى أو من ماما مهره ،هقولك صدقينى تبقى غلطانه…. ماما مهره بسببك حولت كل اللى كان بأسم أمى لحسابها بتوكيل رسمى منى لها كنت عامله قبل ما أسافر إنجلترا، يعنى أنا كل اللى أملكه هو بيت والدى، ومرتبى من الجامعه اللى يعتبر ملاليم بالنسبه ليكى تصرفيه فى ثانيه، قولتلك إنى مش جاهز للأرتباط لا مادياً ولا نفسياً.
تعجبت لمى وقالت: مستحيل عمتو مهره تعمل كده معاك، أكيد فى شئ غلط.
رد وسيم: لأ عملت ده عقاب ليا بعد ما خطبتك وبمساعدة رفعت حولت كل أملاكها تحت سيطرته هو وكمان أملاك أمى.
ردت لمى: رفعت أكيد الى لاعب فى دماغ عمتو مهره، بسبب إن ريما سابته زمان وسافرت اليونان أكيد بينتقم منها.
رد وسيم: بينتقم منها او لأ ميهمنيش غير إنى أفض الخطوبه اللى بينا واقولك إنك هتفضلى بنت خالى وبس، أنا غلطت من البدايه بس بلاش نستمر فى غلط، أنتى جميله وهتلاقى أفضل منى.
نظرت لمى له وقالت: أنا موافقه أعيش معاك فى بيت والدك وكمان بمرتبك من الجامعه….
ضحك وسيم يقول: فرضاً وافقتك هتتحملى قد أيه يا لمى مش أكتر من شهر ووقتها هنوصل للى بقول عليه إحنا مننفعش بعض أنا راجع بيت والدى وهسيب البيت ده أنا كنت جاى صدفه، متوقعتش تكونى صاحيه، بس كويس علشان ننهى كل شئ بينا، خلاص على كده…. تصبحى على خير يا لمى… اتمنالك السعاده.
قال وسيم هذا وغادر الغرفه بل غادر المنزل بأكمله يتنهد بأرتياح…
بينما لمى إنتباتها موجه من الغِل وقامت بتهشيم كل زجاج موجود بالغرفه وكذالك ذالك الحاسوب، ونظرت حولها تتمعن فى أركان الغرفه، كيف وقعت فى هذا الفخ، لكن لا لن تترك وسيم يهنئ مع غيرها، تذكرت، ذلة لسان وسيم حين نداها ب ليلى، تذكرتها سريعاً، هى رأتها يوم زفاف رامى حين خرجت خلفه، ورأت نظرات إعجاب وسيم لها الذى كان يحاول إخفائها،لن يهنئ وسيم ومن ستدفع ثمن تذلُلها له،هى تلك الفتاه…
همست بحقد قائله:ليلى…زى ما إتذللت ليك يا وسيم،ليلى هتذللى علشان أرحمها.
…….ـــــــــــــــــــــــــــــــــــــــــــــــــــــــــــــــ
إنزاح الظلام وأتى ضياء نهار جديد
بسرايا الزهار
شعر رفعت بأنفاس زينب المضطربه والتى بدأت تسيقظ من النوم
لكن ظل نائماً وضم جسد زينب بين يديه،لكن زينب فتحت عينيها ونظرت الى وجه رفعت الذى مازال نائماً بملامح هادئه رجوليه وخصلات شعرهُ شبه المجعده المتناثره على جبهته سحبت نفسها وتبسمت على حالها قبل وقت قليل لا يتعدى شهروأيام لو كانت إستيقظت ووجدت رفعت جوارها كانت أيقظته بفظاظه،لكن الآن ها هى من تتسحب من بين يديه بهدوء،بالفعل إستطاعت أن تنسحب بعيد عنه…نهضت من على الفراش وذهبت الى الحمام.
بينما رفعت حين تسحبت من بين يديه فتح عينيه هو الآخر متنهداً يشعر بخواء مازال يريد أن تظل بين يديه ولا تبتعد عنه…
لكن سُرعان ما أغمض عينيه وهو يسمع فتح باب الحمام وخروج زينب من الحمام
زينب التى إقتربت من الفراش ونظرت لرفعت تبسمت حين رأته مازال نائمً،فتحت الدولاب وأخرجت ملابس لها وبدأت ترتديها غير منتبه لعين ذالك العاشق الذى ينظر لها خِلسه الى أن إنتهت من إرتداء ثيابها وحتى ارتداء الحذاء،ثم توجهت الى تلك الطاوله المجاوره للفراش كى تأخذ هاتفها من عليها،لكن بمجرد أن وضعت يدها تلتقط هاتفها تفاجئت بيد تسحبها بقوه تجذبها الى فوق الفراش.
تبسمت زينب بخضه وهى تنظر الى وجه رفعت وقالت:خضيتنى…إنت صحيت إمتى؟
تبسم رفعت الذى إنحنى عليها قام بوضع قُبله على أحدى وجنتيها قائلاً:أنا صاحى من قبلك،وسيبتك تقومى من حضنى بمزاجى.
تبسمت زينب قائله:طب طالما سيبتنى أقوم من حضنك بمزاجك،طب كمل مزاجك بقى وسيبنى أقوم علشان أروح الوحده…أنا قربت أترفد بسبب الأجازات الكتير اللى بقيت باخدها،أنا تقريباً قربت أخلص أجازاتى الإعتياديه،بعد كده الأجازات هتتخصم من مرتبى،والواد مجد خلاص مبقتش عارفه أبلطج عليه وأقلبه فى فلوس…بقى حريص عاوز يحوش فلوس علشان يتقدم للسندريلا بتاعته بعد ما تخلص إمتحانات الثانويه بعد كده هطلب منك إنت .
ضحك رفعت يقول:أنا موافق يا روحى تقدرى تطلبى منى،سبق وطلبتى ربع مليون جنيه ودفعتهم ليكى.
ضيقت زينب عينيها وقالت:دفعتهم لى بعد فِصال،فاكر.
ضحك رفعت يقول:كنت حابب أتكلم معاكى لوقت أطول،رغم كانت طريقتك بجحه وقتها،يعنى بدل ما كنتى تروحى للقسم وتعملى محضر تبتزينى بيه كنتى جيتى لى من البدايه وطلبتى المبلغ كنت هدهولك بدون فِصال،بس وقتها حبيت أشاغبك وأنا من جوايا متأكد إنك مش هتاخدى المبلغ ده لنفسك.
تبسمت زينب وقالت:ده بقى كان حُسن ظن منك،ولا كنت عامل تحريات مُسبقه عنى.
تبسم رفعت يقول:لأ ثقه فيكى ومكنتش أعرف سبب ليها رغم إن شغلى كظابط علمنى أنى مثقش فى مظاهر الناس أساساً،بس أنتى رغم لسانك الطويل كان جوايا إحساس إنك مختلفه عن أى شخص غريب قابلته قبل كده كان جوايا شئ بيشدنى ليكى حابب أقرب منك،وفى نفس الوقت كان فى قلبى إنتقام عامينى.. كنت بقول لأ مفيش مكان ولا وقت للعشق فى قلبى،بس إنتى بسرعه غزيتى قلبى كان جوايا صراع بين نيران العشق والإنتقام.
تبسمت زينب قائله: وأى نيران فيهم اللى فازت؟
رد رفعت وهو ينظر لعينيها: اللى فازت الشجره الطيبه اللى خدتنى تحت ظلها واللى إتنفست من هواها نسيم رد ليا روحي…قبلك كنت عايش من غير روح يا زينب…أنا إسترديت روحي تانى لما بوستك بعد ما فوقت من الغيبوبه…أنفاسك ليا كانت حياه تانيه.
أنهى رفعت حديثه يُقبل كل إنش بوجه زينب ثم عاد لشفاها يقبلها بشوق لا ينتهى…
لكن قطع لحظة العشق صوت هاتف زينب،وعت على حالها ودفعت رفعت بهدوء قائله:أنا كمان مع الآسف وقعت فى حب الهمجى رفعت الزهار…وبقول كفايه كده بقى وتسيبنى أرد على موبايلى.
تبسم رفعت يقول: ومين اللى بيتصل عليكى بدرى كده.
تبسمت زينب وقالت:سيبنى أقوم أشوف مين وبعدها أفكر أقولك مين أو لأ.
تبسم رفعت وقال لها: أنا هعرف مين قبلك.
تبسمت زينب حين إبتعد رفعت قليلاً عنها ومد يدهُ نحو تلك الطاوله وآتى بهاتف زينب ونظر إلى شاشتهُ وقال: دى صفاء.
تبسمت زينب وهى تأخذ الهاتف من يد رفعت وقالت: خلصت تحرياتك يا سيادة الضابط تسمحلى أرد على صفاء.
تبسم رفعت بينما ردت زينب على صفاء بأختصار: تلت ساعه بالكتير وأكون فى الوحده..
قالت زينب هذا وحاولت النهوض من بين يدى رفعت قائله:سمعت بنفسك أهم بيستدعونى للوحده،الوزاره باعته قافله طبيه فيها تخصصات كتير ولازم أكون فى إستقبال القاقله بنفسى.
فك رفعت حصار يديه عن زينب مبتسماً يقول:الوزاره اللى بعتاها ولا مديرة الوحده هى اللى طلبتها عالعموم ترجعى بدرى،ممنوع التأخير زى زمان.
نهضت زينب تُعدل هندامها قائله:براحتى تحكمات زمان إنتهت يا سيادة القبطان.
تبسم رفعت وهو يعتدل على الفراش قائلاً:قبل ما تخرجى إفطرى لدوخى فى الوحده.
تبسمت زينب قائله:لأ إطمن يا رفوعتى صفاء فى الوحده قايمه معايا بالواجب وزياده مامتها مدلعانى،كل يوم تبعتلى معاها فطور بما لذ وطاب…غير كمان كتير بتبعتلى غدا .
تبسم رفعت يقول: بس ده مش يعتبر رشوه يا دكتوره صفاء موظفه عندك فى الوحده.
تبسمت زينب: هو يعتبر رشوه بس أنا باخدها على إنها محبه منها يا سيد رفعت… سلام بقى.
قالت زينب هذا وقامت بإلقاء قُبله فى الهواء لرفعت.
تبسم رفعت يقول بمكر: البوسه موصلتش لازم تعيدها بس قربنى منى شويه.
تبسمت زينب قائله: لأ مش مهم توصل دلوقتي لو قربت هتأخر، سلام بقى أشوفك المسا.
تنهد رفعت وهو يستريح بجسده فوق الفراش بعشق،تلك الطبيبه بدلت حياته من نقيض الى نقيض آخر تلك السعادة التى يشعر بها أطفئت نيران الإنتقام بقلبه.
بمناسبة نيران الإنتقام ها هو هاتفه يصدح…إستقام رفعت وجذب هاتفه نظر للشاشه،وقام بالرد:أهلاً يا محمود خير بتتصل عليا بدرى ليه؟
رد محمود بتعجب:غريبه أنا فكرت إنك إنت اللى كنت هتتصل عليا تقولى على اللى حصل عندك فى الزهار،بس يظهر إنك لسه نايم فى فترة النقاهه اللى كنت فيها الأيام اللى فاتت مع الدكتوره.
تبسم رفعت يقول:وأيه اللى حصل فى الزهار بقى قولى أنا يادوب راجع إمبارح المسا.
تبسم محمود:ما اللى حصل حصل بالليل،بيت نجيب الكفراوى ولع.
نهض رفعت جالساً يقول:بتقول أيه؟!
رد محمود:من كام ساعه بيت نجيب الكفراوى ولع ومش بس كده تقريباً كل عيلته كانت فى قلب البيت ومحدش خرج منهم حى،غيره هو،واضح أنه كان يوم إجتماع العيله وكانوا فى إنتظاره وهو شكل تأخيره كان عمد،علشان يوصل بعد النيران ما تكون شعللت فى البيت.. والتحريات المبدئيه اللى وصلتنى إن سبب الحريق تسريب غار.
تفاجئ رفعت يقول:يعنى عندك شك إن النيران مترتب لها؟
رد محمود:بالتأكيد…شكوا فى سبب زيارته ليك وإنت مريض فى الوحده،وأكيد هاشم ممكن يكون لعب فى دماغ فابيو إن نجيب ممكن يكون خاين وبسهوله ممكن يبعهم لك،خصوصاً بعد نجاتك من الهجوم اللى حصل،وقلب الموازين كلها بدل ما كان هيظهر قوة فابيو،بالعكس طلعت قوته قش ولع وإنتهى ومسابش أثر مكانه، رغم إن الحظ اللى ساعدك فى النجاه من الهجوم ده.
رد رفعت:والشخص المزوع فى اليونان مقالش أيه آخر أخبار فابيو.
رد محمود:لأ بلغنى فابيو خد ريما وإبنه وراحوا رحله فى جزيزه فى اليونان،مش عارف ليه حاسس إن فى فخ هو بيحضر له،عالعموم خد حذرك واضح فى تصفيات كبيره هتتم بعد قتل هشام لچاكلين.
رد رفعت: أنا لغاية دلوقتي مش مصدق إن هشام هو اللى قتل چاكلين،فى شئ غلط،يأما فعلاً هشام إتجنن زي مقولتلى!
رد محمود:فعلاً هشام فقد الأهليه نهائياً أكتر من دكتور كشفوا عليه وأكدوا إن عقله إختل وتم تحويله لمشفى نفسى تحت حراسه مشدده لحد ما يتم إلانتهاء من مدة الحبس الإحتياطى وبعدها هنشوف حكم القضاء عليه،واللى يخليك تستجب موقف بناته الإتنين منه،واحده فى اليونان مع فابيو،والتانيه عندك فى الزهار ولا كأن ده باباهم وحتى مقوموش له محامى يدافع عنه.
رد رفعت:بناته أقذر من منه هو ومامتهم،وده رد فعل طبيعى بحُكم تربيتهم على الانانيه وحب الذات والسيطره.
رد محمود:تمام أى معلومات هتوصلنى هبلغك بيها وأنت كمان تابع حريق بيت النايب وأى تفاصيل توصلها بلغنى…بالسلامه
أغلق رفعت الهاتف يُفكر فى قول زينب التى قالته له قبل أيام أثناء إصابته بالوحده”سيبهم لأنتقام ربنا يا رفعت إنتقامه منهم هيكون أقوى من إنتقامك”
حقاً إنتقام ربنا أقوى من أى إنتقام
ها هو النائب الذى ساهم فى حريق أبيه وأمه وأخته…إحترقت عائلته بأكملها أمام عيناه بماذا فادتهُ تلك السُلطه الذى حرق من أجلها يوماً هل أوقفت إشتعال النيران بأسرته…
وهشام الذى طمع بجزء من ثروة أبيه،لم ينالها وفقد ثروته وليس فقط ثروته فقد تلك العاهره التى كان يعشقها وكانت من ضمن أسباب إشتراكهُ فى حريق السرايا،ماذا جنى من الطمع…فقد عقلهُ وإبنتاه تخلي عنه وتركناه لمجهول ينتظره.
حقاً زينب هديه أرسلت له بوقتها المناسب يستظل بعشقها.
……ـــــــــــــــــــــــــــــــــــــــــــــــــــــــــــــــ
بعد الظهر
بمرسى مطروح.
بذالك الهنجر
دخل فابيو وتبسم وهو يجد هاشم يجلس يمسك نصلاً حاد يقطع به قطع من اللحم.
تحدث يقول:أتمنى أن تكون حفلة الشواء لذيذه
ردت عليه تلك التي دخلت خلفه:تكون لذيذه حسب نوع اللحم.
تبسم فابيو وهو ينظر خلفه لتلك الوقحه التى إقتربت منه تحتضنه بألفه.
تبسم فابيو وهو يعانقها قائلاً باليونانيه:إشتقتُ لكى ألما،ظننت إنكى وجدتى العشق هناك بالزهار ولن تعودى معانا مره أخرى.
ردت لمى:لا لم أجد العشق،لكن لن أدع ذالك الحقير الوضيع وسيم يهنئ بعدى…ستدفع ثمن رفضه لى تلك الحمقاء الذى يهواها أيظن أننى حمقاء ولا أعرف بها.
تبسم فابيو يقول:حسناً لنجلس الآن ننتظر نضوج لحم الشواء.
ـــــــــــــــــــــــــــــــــــــــــــــــــــــــــــــــ
بالوحده عصراً
جلست زينب خلف مكتبها تشعر بأرهاق وإنهاك وتلك الدوخه التى أصبحت تشعر بها كثيراً بداخلها شك بوجود خطبٍ ما بها لكن تكذب ذالك الإحساس خشية أن يكون وهم تتعلق به.
لكن تبسمت وهى تسمع رنين هاتفها هى على عِلم بمن يتصل بها، وها هو كما توقعت.
فتحت الهاتف وقامت بالرد تسمع الى صوت رفعت الحانق الذى يقول: خلاص قربنا عالمغرب الدكتوره مش عارفه إن عندها بيت وزوج فى إنتظارها… سبق وحذرتك إن للتأخير عقاب…. لو إتأخرتى هيبقى فى عقاب جديد غير السابق.
تبسمت زينب قائله: أولاً إحنا لسه الساعه مجتش أربعة العصر ومن إمتى إلتزمت يا سيد رفعت بمواعيد… وهتأخر براحتى وعاوزه أعرف عقابك الجديد أيه.
قهقه رفعت يقول: شكل الدكتوره إتغرت فيا الأيام اللى فاتت كنت مدلعها… لأ يا دكتوره بلاش تتغرى…. ولو إتأخرتى هتشوفى العقاب الجديد.
صمت رفعت لثوانى ثم قال بوقاحه: لوإتأخرتى عن الساعه سبعه سبعه ودقيقه هتلاقينى عندك فى الوحده وهبوسك قدام كل اللى فى الوحده ونطلع من الوحده مباشر على كل مواقع النت.
ضحكت زينب قائله: وفر وقاحتك يا همجى الساعه سبعه الوحده بتبقى شبه فاضيه.
تبسم رفعت يقول بتفكير: أها علشان كده واثقه من نفسك…. تمام يا روحى هجيلك دلوقتى أهو هلاقى الوحده شغاله.
تبسمت قائله: أنا بقول تخليك فى الخيل اللى عندك وتسيبنى أكمل شغلى إنت معطلنى برغيك فى الفاضى…متخافش مش هتأخر بس مش علشان خايفه من عقابك قبل كده كنت بهرب من واحد همجى بأنى أشتغل لوقت متأخر غير إنى كنت بحب أستفزه… بس للأسف الهمجى ده عرف يخترق قلبي.
تبسم رفعت بزهو يقول: والشرسه كمان الهمجى عشقها بس للأسف مش عارف يروضها.
تبسمت زينب قائله: الشرسه جامحه وغير قابله للترويض وطالما عجباك لازم تقبل شراستها.
تبسم رفعت يقول: مش بس قابل شراستها أنا بعشقها، بلا هسيبك تخلصى شغلك ومتتأخريش، بتوحشينى وإعملى حسابك لو إتأخرتى العقاب هيكون هحبسك فى أوضة النوم ومش شغل بكره هنروح نعمل فحص طبى شامل.
تبسمت زينب قائله: متاخفش مش هتأخر واضح الأجازه اللى أخدتها الفتره اللى فاتت أثرت علي طاقتى وتعبت من الشغل بسرعه ومحتاجه فعلاً للفحص ده ، يلا أشوفك المسا.
***….
أنهت زينب الحديث مع رفعت على الهاتف ثم وضعت الهاتف أمامها على المكتب تتنهد ببسمه لكن مازالت تشعر بذالك الدوار اللعين….
دخلت عليها صفاء تقول: الوحده النهارده شكلها مش هتفضى، كل ده بسبب اللجنه الطبيه اللى فيها كل التخصصات اللى الحكومه بتبقى تبعتها من فتره للتانيه، كانت قبل كده الدكاترة بتجى ساعتين وتمشى، لكن النهارده من الصبح وهما شغالين، شكل وشك أصفر يا دكتوره وخايل عليا وعندى شبه يقين إنك حامل.
نظرت لها زينب قائله: أيه بتنجمى ولا أيه يا صفاء.
ردت صفاء: لأ مش بنجم يا دكتوره، وإسمعى كلامى، فى فى اللجنه الطبيه دكتورة نسا مش هتخسرى حاجه لو طلبتى منها تكشف عليكى، ولو طلع شكى صحيح هاخد الحلاوه مش بس منك كمان من رفعت بيه… ده أكيد يوم المُنى عنده.
تبسمت زينب لديها شك لكن….، لماذا لا تنهى هذا الشك باليقن على أى إتجاه.
نهضت زينب قائله: هسمع كلامك يا صفاء، وهروح أستغل إنى مديرة الوحده وأخلى الدكتوره تكشف عليا ببلاش.
تبسمت صفاء وقالت لها: وهى الدكتوره تطول إنها تكشف عليكى، ده شرف ليها.
تبسمت زينب تُخفى ذالك الخوف أن يصدق إحساسها أنها ليست حاملاً.
بعد دقائق كانت زينب ممده على الفراش أمام الطبيبه تقوم بالكشف عليها.
تحدثت الطبيبه: عملتى إختبار حمل قبل كده يا دكتوره.
ردت زينب: لأ
تحدثت الطبيبه : أنتى متجوزه من أمتى يا دكتوره.
ردت زينب: من حوالى أربع شهور عارفه أنها مده قليله إنى أقلق انى مكونش حامل بس أنا….
قاطعتها الدكتوره قائله: مبروك يا دكتوره أنتى حامل الجهاز اللى هنا مش متطور مقدرش أحدد من كام شهر بالظبط…. بس غريب إزاى دكتوره ومش عارفه إنك حامل، حتى المفروض يكون عندك شك فى تغير هورمونات جسمك.
شعرت زينب بأحاسيس مختلفه ممزوجه بالفرح الشديد…. تذكرت كم مره خافت أن تكون عاقرا… حتى تلك الأحاسيس التى كانت تشعر بها وتكذبها تخشى أن يكون وهماً
نظرت زينب للطببه وقالت لها: متأكده إنى حامل.
تعجبت الطبيبه من شك زينب وقالت لها: متأكده بس ليه مش مصدقه انك يا دكتوره عندك شك فى مهنيتى، على فكره انا بمارس الطب وتخصصى نسا وتوليد من أكتر من خمستاشر سنه يعنى قبل أنتى ما تدخلى الثانويه.
تبسمت زينب وقالت: مش قصدى تشكيك فى مهنيتك يا دكتوره.
تحدثت صفاء التى دخلت: ها قوليلى البشاره يا دكتوه أنا كنت واقفه بره على ما تكشفى عالدكتوره.
تبسمت الطبيبه وعادت قولها بتأكيد: الدكتوره مش مصدقه إنها حامل ومكدبانى.
تبسمت صفاء ودون إنتظار كانت تزغرط بفرحه عارمه تقول:
شكى طلع صح يا دكتوره وهاخد حلاوة البشاره منك ومن رفعت بيه كمان.
قالت صفاء هذا وعاودت الزغاريط
بينما زينب مازالت مذهوله…. وتذكرت ذالك الحديث الغبى التى قالته ل رفعت ذات يوم حين واجته أنها لا يهمها إن كان لديه طفل من أخرى، وكذبت وقتها حين قالت أن الأمر لا يعنيها بل كان بداخلها شعور بالنقص حاولت إخفاؤه وهى تدعى عدم الأهتمام لذالك.
… ـــــــــــــــــــــــــــــــــــــــــــــــــــــــــــــــ
بحوالى الرابعه والنصف عصراً، بالوحده الصحيه
دخلت إحدى سيارات الإسعاف الخاصه بأحدى الجمعيات الأهليه ونزل منها شاب مهندم بزى طبيب إسعاف، ودخل بلهوجه الى الوحده حتى أنه إصتطدم مع صفاء أثناء سيره، كادت صفاء تقع لكن سندت على إحدى الحوائط وقالت:
مش تحاسب يا أخ وأنت مين وداخل الوحده بلهوجه كده ليه،إنت مع القافله الطبيه،متخافش القافله لسه فى الوحده.
رد عليها: لأ أنا مش تبع القافله… ممكن تدلينى على مكتب مديرة الوحده… ضرورى من فضلك بسرعه مسألة حياه أوموت إنسان.
ردت عليه صفاء: إتفضل معايا، مكتب الدكتوره قريب من هنا.
ذهب ذالك المُسعف خلف صفاء التى سارت جواره تُماشى خطواته سريعه،قبل أن تطرق زينب الباب،طرق هو على الباب،وفتح بعد أن اذنت له زينب.
دخل متلهفاً يقول:حضرتك مديرة المستشفى من فضلك يا دكتوره أنا محتاج مساعده علشان مريض وحالته سيئه للغايه وأهله ناس غلابه على قدهم أنا بشتغل مُسعف فى أحد الجمعيات الخيريه،بس للاسف ملقتش له مكان فى مستشفى قريبه هنا ممكن تستقبليه هنا بس على ما أدبر له مكان فى مستشفى خاصه قريبه،المسأله ساعه بالكتير،أكون كلمت حد من مُدريرين الجمعيه الخيريه يتكفل بحالة المريض،هو واضح أنه مريض قلب ومحتاج لأوكسجين وعنايه خاصه…معايا التقرير الطبى الخاص بحالته فى عربية الإسعاف،أنا مكنتش أعرف سوء حالته بالشكل أهله طلبوا عربية إسعاف من الجمعيه ومقالوش عن حالته،بس هو حالته حرجه جداً ربنا يستر.
نهضت زينب من خلف مكتبها وقالت:عندنا فى الوحده غرفة عنايه خاصه وكمان فيها أجهزة أوكسچين بسرعه تقدر تدخل المريض اللى معاك.
تنهد المُسعف يقول:متشكر قوى يا دكتوره،ممكن تجى معايا لعربية الإسعاف علشان تمضيلى على إستلام المريض وكمان تاخدى التقرير الطبى الخاص بالمريض.
قالت زينب له:أنا هطلب منهم إستقبال المريض فى عناية الوحدهوهات التقرير الطبى لهنا.
تحدث المُسعف:على ما تطلبى من المسؤلين عن العنايه نكون دخلنا المريض للعنايه،وجودك أفضل من طلبك منهم الثانيه ممكن تفرق فى حياة المريض.
ردت زينب:تمام أنا جايه معاك خلينا نتصرف بسرعه علشان حياة المريض الثانيه بتفرق فعلاً.
سارت زينب جوار المُسعف.
لكن ساق صفاء فضولها المعتاد وسارت بعدهم ببضع خطوات.
توقف المُسعف أمام باب سيارة الإسعاف وقام برش رذاذ على وجه زينب مما جعلها تتنرنح، وفى ثوانى كان هناك من ساعد المُسعف فى حملها وإدخالها لسيارة الإسعاف ودخل المُسعف سريعاً وأغلق الباب وإنطلقت السيارة بسرعه البرق تغادر الوحده.
ذُهلت صفاء من ذالك الموقف وقامت الصُراخ إستنجاداً بمن فى الوحده لكن هيهات فهى خطه مُحكمه ونحجت، قبل أن يتجمع من بالوحده كانت السياره خرجت من الوحده وأصبحت على الطريق تسير بسرعه رهيبه.
…. ـــــــــــــــــــــــــــــــــــــــــــــــــــــــــــــــ
بالسرايا
مازالت مروه تشعر بتقلصات قويه فى بطنها منذ الصباح هاتفت الطبيبه وسألتها عن علاج لتلك التقلصات قالت لها أنه من الأفضل الذهاب إليها ومعاينتها الآن، قامت بالإتصال على والداتها تخبرها أن تذهب لها لتذهب معها الى عيادة الطبيبه ولم تخبرها عن تلك التقلصات التى تشعر بها، لكن والداتها قالت لها أنها ليست بالمنزل، هى ذهبت الى مشتل خالها بطعام الغداء له وللعمال العاملين معه…
أغلقت الهاتف مع والداتها وشعرت بزيادة تلك التقلصات،لا ليست فقط تقلصات هنالك شعور بشئ ساخن يسيل بين ساقيها،نظرت لساقيها تفاجئت بدماء تسيل منها،إنخضت وقاومت ذالك الوجع وقامت بالإتصال على رامى،الذى رد عليها سريعاً،قالت له:
رامى إلحقنى أنا بنزف وحاسه بوجع جامد فى بطنى.
رد رامى: أنا جاى فوراً،مروه بلاش تتحركى كتير.
بالفعل ما هى الإ دقائق وكان رامى يدخل الى السرايا سريعاً يصعد درجات السلم برجفه،رأته جدته وقالت:مالك يا رامى فى ايه بتجرى كده ليه ؟
لم يرد رامى وهرول سريعاً الى الجناح الخاص به ودخل، وقف لثوانى مذهولا وهو يرى مروه جالسه أرضاً جوار الفراش تبكى بتآلُم وأسفلها بؤرة دماء…لم يفكر لثوانى وذهب إلى مكان جلوسها وقام بحملها سريعاً وخرج من الجناح
فى ذالك الوقت كانت قد دخلت إنعام للغرفه ورأت جلوس مروه، شعرت بسوء هذا تفسير جزء من حلمها البغيض الذى تكرر لأكثر من مره فى الايام الماضيه، فجأه تذكرت جزء آخر من الحلم…
زينب… وسط نيران فوق المياه، شعرت إنعام بدوخه، لكن تمسكت بمسند أحد المقاعد بالجناح وفرت دمعه من عينيها وطلب الرآفه فى القادم من الله، هى لم تعد قادره على خسارة أحد ممن تحبهم… يكفيها عذاب ما مرت به سابقاً، تعلم أن نسيانها لبعض الذكريات المريره جعلها تشعر بهدوء فى قلبها، لكن حين تعود لذاكرتها تلك الذكريات،تتمنى أن يُخلصها الموت من هذا العذاب الذى يفتك بقلبها.
ـــــــــــــــــــــــــــــــــــــــــــــــــــــــــــــــ……..
بجامعة ليلى بحوالى الرابعه والنصف
اليوم هو اليوم الأخير فى الإمتحانات
راقب وسيم ليلى عن قُرب اليوم سيعترف لها بحبه ويعتذر منها عن سوء الفهم الذى حدث منه
خرجت ليلى من اللجنه تسير مع بعض زملائها وكذالك ذالك الشاب الذى يشعر بنيران حين يراه قريب منها
نادى وسيم على ليلى أثناء سيرها معهم،
تركتهم وذهبت إليه
دخل الى غرفة مكتبه وقال بصرامه: مين الشاب اللى ملازم ليكى دايما ده يا ليلى؟
ردت ليلى ببساطه: ده زميل ليا، سبق وقولتلك وبعدين مالكش خق تسألنى السؤال ده… ولو كنت منادى عليا علشان كده ، يبقى عن إذنك الوقت قربنا عالمغرب لازم الحق ارجع البلد علشان الاقى موصلات.
تمالك وسيم عصبيته وقال: ليلى ممكن نخرج نقعد فى أى مكان بعيد عن الجامعه نتكلم شويه، هو مسألة نص ساعه مش أكتر و…
قاطعته ليلى بحده قائله: عاوزنى أخرج معاك ونقعد فى كافتيريا أو كافيه بصفتك أيه، واضح إن معاشرتك الأجانب سابت أثر كبير عندك، يا دكتور يا متحضر عن إذنك.
قالت ليلى هذا وتوجهت الى باب المكتب لكن تحدث وسيم بحده هو الآخر: وكلامك لزميلك اللى لازق ليكى دن مش تحضر برضوا.
ردت ليلى:أنا بكلمه بس فى داخل الجامعه بره الجامعه حتى مش بمشى معاه لوحدى وعمرى من يوم ما دخلت للجامعه ما قعدت مع زميل ليا لوحدى فى أى كافيتريا عامه بنبقى مجموعة زمايل بنات وشباب ،كل كلامنا بيكون عن الجامعه وعن دراستنا فقط عن أذنك.
غادرت ليلى الغرفه وتركت وسيم الذى تبسم وتنهد بإرتياح رغم تهجم ليلى فى الرد عليه، لكن أراحت قلبه، أنه لايوجد لديها مشاعر خاصه ناحية هذا الشاب،إذن أصبح الطريق مُمهد حتى ولو كان بنسبة خمسون بالمئه هو يعلم من أين يُكمل باقى الطريق،
لكن
خرجت ليلى من غرفة وسيم توجهت للخروج من الجامعه،وجدت إحدى زميلاتها كانت بإنتظارها،سارتا الإثنتين معا بالطريق من أجل الذهاب الى موقف الموصلات،لكن فجأه بالطريق،سيارة إسعاف قطعت عليهن الطريق،وتوقفت ونزل منها شابين ملثمين،وفى ظرف دقيقه واحده كانا يحملان ليلى بسرعه وأدخلاها الى سيارة الإسعاف،وانطلقت بعدها السياره تكاد تصطدم بالماره فى الشارع لولا تفاديهم لها، فى ذالك الوقت كان يخرج وسيم من الجامعه وسمع صراخ زميلة ليلى، توجه بسيارته سريعاً ونظر لزميلتها التى قالت ليلى عربية الإسعاف دى خطفتها وجريت.
لم ينتظر وسيم وتتبع سيارة الإسعاف.
…. ـــــــــــــــــــــــــــــــــــــــــــــــــــــــــــــــ
الخبر السئ لا ينتظر وقت للوصول لصاحبه.
ها هو رفعت، جاء إليه خبر من ذالك المسؤل عن سلامة زينب يخبره بما حدث هاتفياً… تعصب رفعت كثيراً وأغلق الهاتف وخرج سريعاً من الإستطبل متوجهاً الى الوحده الصحيه، فى ظرف دقائق كان يقف مع ذالك المسؤل… يوبخه، لكن يقف صامتا بخزو لا يستطيع الرد على رفعت
لكن آتت صفيه الى مكان وقوف رفعت وقالت له وهى تبكى… الدكتوره خطفوها من قلب الوحده يا رفعت بيه والله أنا مرتاحتش للكلب اللى دخل للوحده، هو ده جزائها الكلب قالها انه معاه حالة مريض صعبه وهى بطيبتها طلعت علشان تساعده أتاريه كان فخ لها وقام رش على وشها معرفش أيه داخت وكانت هتقع، بس فى واحد تانى فى عربية الإسعاف، شدها قصادها وقبل حتى ما يقفلوا باب عربية الإسعاف كانت جريت وطلعت من الوحده… أنا خايفه قوى عالدكتوره هى واللى فى بطنها،من الكلاب دول.
نظر رفعت لصفاء وقال: أيه اللى فى بطن زينب؟
ردت صفاء: الدكتوره حامل، دكتورة النسا اللى كانت فى القافله الطبيه كشفت عليها النهارده وأكدت إنها… حامل.
رفعت مصدوم مما سمعه من صفاء
زينب خُطفت وليس هذا فقط
زينب حامل!
سريعاً
رن هاتفه برساله فتحها كانت من رامى الذى يخبره: رفعت أنا فى المستشفى مع مروه جالها نزيف شديد وإحتمال كبير تكون أجهضت.
المصائب لا تأتى فرادى هو ها هاتفه يرن والمتصل وسيم فتح الخط أمامه ليسمعه يقول:رفعت ليلى إتخطفت من قدام الجامعه وأنا ماشى وارء عربية الإسعاف اللى خطفتها.
عاد رفعت بعقله كلمة وسيم وقال له بلهفه: وسيم خليك وراء عربية الإسعاف زينب كمان إتخطفت وإحتمال كبير تكون فى العربيه مع ليلى، أوعى العربيه تتوه منك وخليك معايا على إتصال وأنا هجيلك بسرعه.
…….. ــــــــــــــــــــــــــــــــــــــــــــــــــــــــــــــ????ـ
الشعله السادسه والثلاثون.. الختاميه… الجزء الأول
…… ـــــــــــــــــــــــــــــــــــــــــــ
تتبع وسيم سياره الإسعاف حافظ على وجود مسافه بينه وبين سيارة الإسعاف حتى لا يلفت إنتباه من بها أن هناك من يتتبعهم تعجب وسيم حين دخلت سيارة الإسعاف الى جراچ خاص باحدى مستشفيات الجمعيات الأهليه….إقترب من الجراچ ودخل خلفهم بعد أقل من دقائق…
……
فى نفس الوقت عبر الطُرقات كان رفعت يقود سيارته سريعاً متوجهاً الى ذالك المكان الذى يدلهُ عليه وسيم عبر الهاتف.
…..
بأحد المشافى،كان رامى يقف أمام باب أحد الغرف،وقع بصرهُ على ملابسهُ المُلطخه بدماء مروه يشعر بخوف أن يقفد جنينهما باكراً.
…..
بالعوده لسيارة رفعت
كان يقود بسرعه عاليه جداً بالكاد يستطيع تفادى السيارات أمامه حتى أنه سار بطرق مخالفه عكس سير الطريق،جملة صفاء هى الملازمه لعقلهُ” الدكتوره قالت للدكتوره زينب أنها حامل مش أقل من شهرين ونص”
كيف زينب كانت حاملاً دون أن تشعر بذالك،وهناك إحتمال آخر ربما كانت تعرف وأخفت عليه ذالك،ظنون تستولى على عقله،والظن الأقوى زينب بخطر لا ليس ظناً بل يقيناً، عادت نفس الجمله تطن برأسه،وتذكر تلك الليله التى أخبرته فيها أنه لا يهمها إن كان لديه طفل من ريما….
فلاشـــــــــــــــــــــــــــــــــ،،،باك
قبل الهجوم على السرايا بثلاث ليالِ
فى حوالى التاسعه والنصف ليلاً
دخلت زينب الى غرفتها وأشعلت ضوء الغرفه،لكن بمجرد أن إستدارت للحظه إنخضت حين رأت رفعت يجلس فوق الفراش ويضع ساق فوق أخرى.
إبتلعت ريقها وقالت:رفعت قاعد هنا ليه فى أوضتى وكمان فى الضلمه؟
نهض رفعت واقفاً ينظر لساعة يدهُ قائلاً بحنُق:
الساعه تسعه ونص ولسه راجعه دلوقتي من الوحده،مش ملاحظه الوقت؟
ردت زينب بلا مبالاه:عادى،المفروض إنى دكتوره وقبل ده كمان مديرة الوحده،وكان فى ناس من أهل البلد تعبانين وأنا كنت بأدى إلتزامى و واجبى
إقترب رفعت من زينب ومسك عضدي يديها وجذبها عليه قائلاً بعصبيه:زينب قبل كده بلغتك ترجعى قبل المغرب للسرايا،وهاشم الزهار كان بيعمل أيه عندك فى الوحده.
نفضت زينب يدي رفعت عنها بعنفوان قائله:من إمتى سمعت كلامك ورجعت لاسوار الحِصن بتاعك أنا ما بصدق أخرج منه وببقى مش عاوزه أرجعله،وبعدين أيه عرفك إن هاشم الزهار كان فى الوحده النهارده،أيه مشغل حد يراقبنى فى الوحده…
جذب رفعت زينب مره أخرى وقام بتقبيل شفتيها بقوه، ليس هذا فقط بل ألقاها على الفراش وأعتلاها وعاود تقبيلها بغيظ…
للحظات تفاجئت زينب بما فعل رفعت ثم تمالكت نفسها وقامت بدفع جسده عنها بقوه تلهث قائله: أبعد عنى يا رفعت، مش عاوزه أذيك.
عقل رفعت يكاد يذهب منه نيران العشق تتحكم به، تلك النيران أقوى وأقسى من أى نيران أخرى،نيران الانتقام تنهش العقل والقلب أما نيران العشق فهى تنهش الفؤاد والروح.
عاودت زينب الحديث بقوه وهى تدفعه بقوه لاهثه:بقولك إبعد يا رفعت وإفتكر إنى حذرتك قبل كده.
قالت زينب وكانت سترفع ساقها،لكن،فجأه نهض رفعت من فوقها
نظر لها يلهث قائلا: بقولك هاشم الزهار كان عندك فى مكتبك فى الوحده عاوز أيه؟
هدأت زينب قليلاً من نفسها وجلست على الفراش قالت ببساطه:تعبان وجاى يكشف.
نظر لها رفعت وقال بسخط:هاشم الزهار تعبان ورايح الوحده يكشف من قلة الدكاتره ولا من قلة الفلوس معاه،بقى مُعدم مش قادر يدفع تمن فيزيتا لدكتور فى عيادتهُ،ولا يمكن فى سبب تالت عنده؟
نهضت زينب من على الفراش وإدعت البرود وقالت:معرفش أسأله هو أنا مالى،أنا جالى مريض أديت واجبى وكشفت عليه.
تعصب رفعت وقال بسخريه:وياترى طلع مريض بأيه…أقولك أنا هو مريض بأيه هو مريض بالدكتوره اللى سمحت لنفسها تكشف على شخص حقير وقذر زى هاشم الزهار،أنا متأكد إنك فاهمه نظراته ليكى،وإنه بيتحجج بالمرض علشان يجى يشاهد فى جمالك ويتساير معاكى.
ردت زينب بعصبيه:رفعت إفهم معنى كلامك،قصدك أيه إنى مبسوطه بنظرات هاشم ليا،أنا مش بسمح لأى شخص يزيد عن حده معايا،الوحيد اللى…..
صمتت زينب قبل أن تكمل وتقول له أنه هو الشخص الوحيد التى سمحت له أن يزيد عن حدهُ معها،بل وأحياناً تدعى التذمر والضيق من أفعاله لكن بالحقيقه تكون مستمتعه بأفعاله معها..
نظر رفعت ل زينب وقال:كملى الوحيد اللى أيه؟
ردت زينب مالوش لزوم أكمل،قول إن كل عصبيتك دى إنى كشفت على هاشم الزهار…ليه بتكرهه قوى كده،فى بينك وبينه أيه؟
صمت رفعت وهو ينظر ل زينب،لكن تحدث عقله:أيوا بكرهه ولو بأيدى كنت ولعت فيه حي وأستمتعت كمان وأنا بشوفه بيتعذب وهو النار بتاكل فى جسمه.
نظرت زينب لعين رفعت الصامت وتحدثت بعيناها:رفعت إنت غلطان النار دى هتحرقك زيه بالظبط.
ردت عين رفعت: أنا قابل بالنار دى بس قبل ما أتحرق أشوفه بيتحرق ويشفى قلبى من الآلم اللى عشت فيه سنين.
ردت زينب بعيناها:وأنا يا رفعت مفكرتش فيا،مش خايف أتحرق بعدك؟
بعد رفعت عينيه عن زينب وقال بإنهزام أمامها:أعملى اللى أنتى عاوزاه يا زينب.
تعجبت زينب قائله:أنا فعلاً هعمل اللى عاوزاه يا رفعت،وخلاص قدمت على طلب نقلى من هنا،لأى مكان تانى.
نظر رفعت لها وقال:قصدك أيه بطلب نقل…مين هيسمحلك تمشى من هنا،ناسيه أنا مين،أنا بأشاره منى أوقف أى طلب نقل قدمتيه،ومش بس كده أوقفك عن العمل وألزمك متخرجيش من السرايا.
نظرت له زينب وقالت: يعني هتحبسنى! هنا بين الأسوار دى، بس بدل ما تحبسنى أنا وسط أسوارك العاليه،هات إبنك من اليونان يمكن أما تبص فى وشه تنسى الإنتقام اللى فى قلبك،وتفكر فى مستقبله من دونك.
تقرب رفعت من زينب وأمسكها من معصمها،وجذبها بقوه تسير خلفه،الى أن دخلا الى غرفة نومه.
حاولت زينب سلت مِعصمها من يد رفعت لكن رفعت كان يُطبق عليه بقوه،ولم يتركها الأ بعد أن دخلا الى غرفته…
ترك يدها وتوجه الى دولاب الملابس الخاص به وفتح خزنه بضغطه معينه من فوق شاشة هاتفه وكلمة سر كتبها على لوحة الخزنه، ثم قام بأخراج أحد الملفات الخاصه، مد يدهُ بالملف ل زينب قائلاً: بما أنك دكتوره أكيد هتفهمى المكتوب أقرى الفحص ده،وركزى فى التواريخ اللى فيه كويس.
من باب الفضول لدى زينب قرأت ما بالملف وركزت على التواريخ،وقالت:ده فحص چينات وراثيه dna وكمان ملف صحى كامل لطفل.
رد رفعت:ركزتى فى التواريخ.
ردت زينب:مش فاهمه تقصد ايه يا رفعت؟قولى دوغرى.؟
أخرج رفعت ملف أخر وقام بإخراج ورقه منه ومد يدهُ بها ل زينب وقال:دى قسيمة طلاقى من ريما،وعندك التاريخ قبل ولادة إبن ريما بسنه كامله،ده غير إن الملف اللى معاكى ده الملف الطبى الخاص بأبنها من يوم ما اتولد و اللى إتولد قبل ميعاده الطبيعى بأكتر من شهر،وأنا معرفش السبب أيه،غير أنه فضل فى الحاضنه أكتر من شهرين وإن إسم الأب فابيو جونزاليز،والأم ريما جوانزاليز،وإثبات فحص الچينات الوراثيه بأبنهم چاكى فابيو جوانزاليز.
شعرت زينب بسعاده بداخلها لا تعلم سببها،لكن طن برأسها قول والدة سميح أنها قد تكون عاقرًا،فهى منذ أن بلغت الحيض لم تكن منتظمه لديها كانت تغيب بالأشهر وتعود لأيام قليله،لم تكن مثل باقى الفتيات، وحين إستشارت إحدى الطبيات المتخصصه أرجحت ذالك بسبب إصابتها بداء السكرى منذ طفولتها،ربما أثر على هورموناتها الجسديه،كما أن هنالك لبعض الفتيات طبيعه خاصه بأجسادهن،وقد يؤثر ذالك على الإنجاب أو لا…كل شئ بيد الله.
شعرت زينب بدوخه،وخشيت أن يختل توازنها وتقع أمام رفعت ،أغمضت عينيها ثم فتحتها وقامت بمد يدها لرفعت بالملف والورقه الذى أعطاها إياهم،وقالت له بإدعاء البرود:
ميهمنيش أنك تكون عند ولد من ريما أو لأ،ميهمنيش الموضوع ده من أساسهُ…دى حياتك وإنت حر فيها المهم تكون بعيد عنى.
قالت زينب هذا وخرجت من الغرفه تاركه رفعت يكاد قلبه يخرج من بين ضلوعهُ خلفها،جلس رفعت فوق الفراش يُزفر أنفاسهُ بغضب
نهض فجأه وفكر فى الذهاب خلف زينب ويشكى لها من قسوة تلك النار بصدره بلمسة يد منها قادره أن تهدأ لهيبها المُشتعل …
لكن فجأه لام نفسه قائلاً:بلاش ضعف يا رفعت،من الأفضل أن زينب تبعد عن حياتك،وجودها بيضعفك عمرك ما كنت ضعيف.
النيران مُشتعله بين القلب الذى يريد الحبيبه والعقل الذى يفور من نيران الماضى،عاود رفعت التفكير فى الذهاب والأرتواء من العشق وإلقاء كل شئ خلفه حتى نيران الماضى،لكن قبل أن يخرج من الغرفه آتى له إتصال هاتفى،نظر للشاشه،ورأى من يتصل عليه
وجد أنها ريما،تنهد بغضب وقام بأغلاق هاتفه،وبالفعل خرج من الغرفه،لكن لم يذهب الى غرفة زينب،ذهب الى إستطبل الخيل،وقام بإخراج إحدى المُهرات وقام بسرجها باللجام وأمتطاها وخرج من السرايا بأكملها يتجول بالمروج الموجوده حول البلده عل إستنشاقهُ للهواء خارج تلك الأسوار العاليه، يُساعده بالحصول على الراحه والهدوء النفسى،لكن هيهات لن يقدر على إطفاء نيران العشق،فهى لا تهدأ سوا بنسمات أنفاس العشُاق.
بينما زينب حين تركت رفعت وخرجت من الغرفه دخلت لغرفتها شقت عينيها دمعه،ذالك الأحمق ماذا يظن كيف يفكر فى أنها تريد حتى رؤية وجه هاشم الزهار،ذالك الوغد هى تشمئز من نظرهُ لها تشعر ببغض كبير بإتجاهه هى لم تشعر بذالك البغض لأحد سابقاً،لاتعلم سبب لذالك،حتى اليوم حين تفاجئت به فى الوحده ودت لو أنه يختفى من أمامها،تذكرت حديثه الغبى،حين سألته عن زوجته مهره،كم كان ممثل بارع وتفوق على أمهر المخادعين،حين رسم على وجهه الحزن وأخبرها كم هو يعشقها وهى من تبتعد عنه وذالك يؤلم قلبه،قلبه!
هو لا يمتلك أى قلب
حكى لها أنه مازال يشعر بنغزات بقلبه خائفاً أن تسبب له تلك النغزات أزمه أو جلطه بقلبه،يريدها أن تفحصهُ.
لكن هى خرجت من ذالك وجمله واحده قالتها له..إذهب الى أحد أطباء القلب هو من سيفدك أفضل منى،قالت له هذ ونهضت تخبرهُ أن لديها مرضى بالوحده على الكشف عليهم…أحرجته فغادر مستئذناً منها بتمثيل القبول،ولكن بالحقيقه كان يشتعل بداخلهُ غِل يشتعل ل رفعت.
فى ذالك الأثناء،سمعت صوت صهيل خيل،ذهبت بإتجاه شُرفة غرفتها وفتحت بابها ونظرت بإتجاه صوت الصهيل،رأت رفعت يخرج من السراها على إحدى الخيول
زفرت أنفاسها بغضب،ماذا كانت تظن أن رفعت سيأتى لغرفتها ويتنحى عن غرورهُ ويستمع لها حين تقول له تنحى عن ذالك الإنتقام الذى بقلبك ودعنا نعيش سوياً بهدوء… واهمه
أجل هذا وهم…يكفى رفعت لا شئ سيجعله يتنحى عن ذالك الإنتقام،هددتى كثيراً بالبُعد عنه،حان الوقت بالفعل للإبتعاد هذه آخر محاوله،إما أن يأتى خلفك وينسى ذالك الإنتقام أو ينتهى ذالك العذاب لكما الأثنين،لكن كان للقدر رأى آخر وجمع قلوبهم بأيام سعيده هل ستنتهى سريعاً كما فى إنتهت سعادته الأسريه سابقاً وعاش بآلم نيران حارقه تنهش قلبهُ لسنوات عِجاف قبل أن تأتى زينب وتدخل لحياته…لا لم يعد لديه قُدرة تحمُل آلم غيابها عنه كما تحمل غياب غيرها سابقاً…زينب ستعود له .
عوده….ـــــــ
عاد رفعت من تذكر تلك الليله حين إقترب من ذالك المكان الذى قال له عليه وسيم وفتح هاتفه يتصل عليه..
بينما وسيم حين دخل الى الجراچ خلف سيارة الأسعاف بدقيقتين تقريباً،لمح شاباً يجرى ناحية باب الدخول الى المشفى
نزل سريعاً من سيارته وتوجه ناحية سيارة الإسعاف، وجد بابها مفتوح وخاليه تماماً، إندهش من ذالك وسريعاً توجه الى باب دخول المشفى وقف متعجباً الممر لا يوجد به سوا القليل بعض المرضى يسيرون جوار ذويهم، أين أختفى ذالك الذى دخل أمامه منذ قليل،
فى تلك اللحظه، رن هاتفه رد سريعاً وقال:رفعت أنا فضلت ماشى وراء الإسعاف وفعلاً العربيه دخلت لمستشفى بنفس الإسم،بس فى حاجه غريبه أنا مغبتش فى الدخول وراء العربيه للجراچ دقيقتين بالكتير ولما دخلت الجراچ مكنش فيه حد غير واحد شوفته من ضهره دخل لممر بيدخل المستشفى
رد رفعت:إزاى ده حصل،أنا خلاص قربت على مكان المستشفى وهجيلك عالجراچ…
بالفعل ما هى الإ دقائق وكان رفعت بداخل الجراچ أخذ سلاحهُ من درج السياره ووضعه بين ملابسه،ثم نزل من السياره،وتوجه مكان وقوف وسيم.
تجولت عين رفعت بزوايا الجراچ يتأكد وجود كاميرات مراقبه أو لا،بالفعل كان هنالك كاميرات مراقبه.
لكن فى البدايه تحدث مع وسيم قائلاً: مشوفتش وش الشخص اللى كان داخل للمر.
رد وسيم:لأ أنا بستغرب أنا مغبتش دقيقتين وكنت فى قلب الجراچ،إزاى لحقوا يطلعوا ليلى،من العربيه بالسرعه دى.
تنهد رفعت يقول: إحنا فى زمن السرعه دلوقتي نشوف إزاى،يمكن نلاقى تفسير وبداية طريق.
فى ذالك الأثناء دخل شاب بعمر رفعت مُهندم الثياب ويبدوا عليه الوقار وبيدهُ حقيبة طبيه،وقال:لو سمحتم أنتم واقفين قدام عربيتى،وأنا دكتور وعندى حاله مستعجله.
تجنب رفعت ووسيم من أمام تلك السياره الفخمه،بالفعل صعد الشاب لسيارته وقادها وخرج بهدوء من الجراچ أمام نظر رفعت ووسيم.
تحدث وسيم لرفعت التى تجول عيناه بين السيارات وقال:هنعمل أيه يا رفعت.
إبتعد رفعت عن وسيم وبدأ يفتح أبواب سيارات إسعاف أخرى موجوده بالجراچ،تنهد بغضب ودخل الى ممر المشفى،وتوجه الى الإستقبال وسأل على غرفة مدير المشفى وتوجه إليها وخلفهُ وسيم
دخلا الإثنان إلى غرفة المدير…أخرج رفعت شارة الشرطه الخاصة به وقال:رفعت الزهار،ضابط فى البحريه.
أخذ المدير الشاره من رفعت وقام بقرائتها ثم أعادها لرفعت قائلاً:تحت أمرك،أقدر أخدمك إزاى.
رد رفعت: أنا شوفت الجراچ بتاع المستشفى فيه كاميرات،أنا محتاج أشوف تسجيل الكاميرات دى حالاً
تعجب مدير المشفى قائلاً:حضرتك محتاج تسجيل الكاميرات دى ليه،ممكن أقدر أخدمك بدون تسجيل الكاميرات حضرتك عارف إن تسجيل الكاميرات دى خاص بالمستشفى.
رد رفعت:فى عملية خطف تمت والخاطف كان راكب عربية إسعاف عليها شعار المستشفى دى وكمان دخل بالعربيه هنا،لو مش عاوز شوشره تتم حوالين المستشفى والجمعيه الخيريه المموله للمستشفي،يبقى تقولى فين أوضة المراقبه … إنت شوفت إنى ضابط وكمان التانى اللى معايا ده دكتور جامعى.
إرتبك المدير وقال: حضرتك أنا مقصدش حاجه ، بس أكيد عارف إن مينفعش ندخل حد غريب لأوضة تسجيل كاميرات المراقبه، غير الشرطه.
تنهد رفعت بغضب وقال: وأنا شرطه واللى أتخطفت فى عربية الإسعاف مراتى ومعاها أخت مرات أخويا، ومفيش قدامك غير تقولى فين أوضة المراقبه والأ الجمعيه اللى المستشفى من ضمن أعمالها الخيريه ه….
قاطع مدير المستشفى حديث رفعت قائلاً: إتفضل حضرتك معايا، أوضة المراقبه قريبه من هنا.
رافق وسيم ورفعت خلف ذالك المدير، ودخلوا الى غرفه صغيره
تحدث المدير، دى ألاوضه الخاصه بالتحكم بالكاميرات، ممكن أطلب لك المهندس الخاص بها يجى دلوقتي يشغلك التسجيلات.
رد رفعت: لأ مالوش لازمه عندى خبره.
قال رفعت هذا وقام بفتح جهاز التسيجلات وبدأ يبحث عن الوقت التى دخلت به تلك السياره الى جراچ المشفى،بالفعل،ها هى الكاميرات أمامه تبث دخول تلك السياره.
أوقف رفعت الكاميرا وتحدث الى مدير المشفى:
العربيه دى عليها شعار المستشفى وكمان الجمعيه الخيريه اللى مسئوله عن المستشفى.
تمعن المدير قائلاً: غريبه العربيه دى إتسرقت النهارده الصبح بدرى والمُسعف والسواق اللى كانوا فيها، قالوا إنضرب عليهم نار وإتثبتوا عالطريق، ومش بس كده، دول كمان ضربوهم بالشومه وعملوا محضر فى النقطه التابع لها المكان اللى إنضربوا فيه وهو قريب من هنا، وكمان عندى فى المكتب نسخه من المحضر.
زفر رفعت نفسه وأعاد تشغيل الفيديو
رأى رفعت ووسيم التسجيلات…التى أثبتت ظن رفعت أن زينب بنفس السياره
رأو
ثلاثه من الملثمين يقومون بأخراج زينب وبعدها أخرجوا مروه بسرعه،لكن العجب،أنهم أدخلولهم لسياره أخرى سوداء تقف قريبه جداً من سيارة الإسعاف، فعلوا هذا وتوجه إثنان للركوب بالسياره السوداء، والآخر توجه الى الممر المؤدى لدخول المشفى، وذُهل رفعت ووسيم، تلك هى السياره التى خرجت أمامهم من الجراچ، وقادها ذالك الطبيب.
تحدث وسيم بذهول:رفعت الشخص ده…
لم يكمل وسيم حديثه،وتحدث رفعت بغيظ:واضح إن العمليه متخطط لها كويس جداً،الشخص ده عارف أن فى كاميرات فى الجراچ،وجاى فى التسجيل بظهره،واضح جداً إن هو الشخص اللى كان دخل للمستشفى حتى فى دخوله كان لابس كمامه مغطيه نص وشه والكاب اللى على راسه أخفى بيه باقى معالم وشه،إزاى كنا بالغباء ده،واضح أنه كان عارف إنك ماشى وراه بالعربيه،وطبعاً دلوقتي،العربيه السوده دى لازم نوصل لصاحبها واللى أتوقع تكون مسروقه،زيها زى عربية الإسعاف.
ضرب وسيم بيده الحائط قائلاً:العربيه اللى خطفت زينب وليلى طلعت قدام عنينا .
تنهد رفعت الذى يغلى بداخله، ولم يرد، فكر لما لم يقوم بأغلاق الجراچ وتفتيش السيارات كلها، كان عثر على زينب بسهوله، أو كان أغلق المشفى وبأكملها،
لكن وقع بخطئ جسيم يخشى أن يكلفهُ فقدان زينب.
قرب رفعت الكاميرا وأوقفها وأخد أرقام السياره،وسجله على هاتفهُ ينظر لمدير المشفى:متقدرش تتعرف عالشخص ده،ممكن يكون فعلاً بيشتغل فى المستشفى؟
تمعن المدير بالفيديو،وقال:صعب جداً،ممكن فعلاً يكون بيشتغل فى المستشفى،بس فى أى إداره ،مش لازم يكون دكتور.
تحدث وسيم وهو ينظر لرفعت قائلاً:والعمل أيه دلوقتي…أحنا مش عارفين مين اللى خطفوا ليلى وزينب،وليه؟
رد رفعت ومد يده للمدير قائلاً:بشكر حضرتك،بس ممكن تدينى إسم المستشفى اللى فيها المسعف والسواق اللى أنضربوا.
رد المدير:المستشفى قريبه من هنا وكمان مش لازم شكر أتمنى توصل للمدام واللى معاها بأقرب وقت.
غادر رفعت ووسيم المشفى…بالطريق فتح رفعت هاتفه،وقام بإتصال…رد عليه الآخر..تحدث سريعاً:
محمود هبعتلك رقم عربيه دلوقتي،عاوزه تعرفلى أيه أماكن سيرها.
تحدث محمود يقول: كويس إنك إتصلت عليا جالى خبر دلوقتي من الجوازات فابيو هنا فى مصر، بس خير أيه اللى فى العربيه دى؟
أغمض رفعت عينيه بيقين،وقال:زينب مراتى إتخطفت هى وأخت مرات رامى.
تعجب محمود وقال:أكيد هاشم له رجل فى الخطف ده،طب مراتك وعارفين السبب،أخت مرات أخوك شأنها أيه.
رد رفعت:معرفش،أنا عاوزه تجيبلى خط سير العربيه دى،أكيد فى ردارات عالطريق ممكن ترصد لينا حركتها عالطُرق،وشوفلى مين صاحبها وإذا كانت مسروقه ولا لاء.
رد محمود: تمام، هبلغ دلوقتي ، الردارات اللى حوالين الشرقيه، وأشوف العربيه دى إتجهت لفين، وأنت إهدى كدا، إنشاء الله خير.
أغلق رفعت الهاتف يتنهد بغضب ساحق، فابيو وهاشم لعبا به وأخرج زينب من أمام عينيه.
باحد مشافى الشرقيه
كان رامى يقطع الممر أمام تلك الغرفة ذهاباً وإياباً
يتملكه الفكر السئ، وها هو الخبر السئ لا ينتظر
خرجت الطبيبه من الغرفه، توجه رامى لها سريعاً دون حديث…
يخشى أن تؤكد مخاوفه وتكون مروه فقدت الجنين بالفعل هذا ما قالته الطبيبه: ، إحنا سيطرنا عالنزيف،بس للأسف المدام لما وصلت للمستشفى كانت بالفعل أجهضت الجنين بسبب النزيف اللى كان ده والحمد لله حالة الرحم كويسه ربنا يعوض عليكم بأفضل منه.
شعر رامى بحزن شديد، وتقبل الآمر قائلاً: الحمد لله أهم حاجه عندى هي وسلامتها، بس أيه سبب الإجهاض ده يا دكتوره؟
ردت الطبيبه: مفيش سبب مُحدد فى ستات كتير بيحصل لها كده، ممكن يكون الحمل لسه متثبتش فى الرحم وأقل حركه أو إنفعال ينزله،وقبل ده قضاء ربنا طبعاً،المدام هتخرج دلوقتي لأوضه عاديه بمجرد ما تفوق وتخلص أكياس الدم والمحلول،لو كانت كويسه هكتب لها على خروج،عن إذنك.
بعد أقل من ساعتين،،،
بغرفه عاديه كان رامى يجلس إنتظار أن تفوق مروه،يشعر بآلم كيف ستتقبل مروه الآمر حين تعلم بفقدان الجنين…هى كانت سعيده بهذا الجنين
ها هى مروه بدأت تعود للوعيها.
شعرت بتلك الإبر المغروزه بكف يدها،حين حركتها،نظرت ليدها،وقالت بوهن:أنا فين؟
إقترب رامى وجلس جوارها على الفراش،نظرت له مروه وعادت سؤالها:أنا فين،أنا آخر حاجه فكراها إنى كنت….
توقفت مروه ووضعت يدها الأخرى على بطنها وأكملت…
الجنين اللى فى باطنى جراله أيه
إبتلعت مروه حلقها ثم تحدثت برجاء:قولى يا رامى أنه بخير.
أخفض رامى وجهه ثم رفعه قائلاً:مروه المهم عندى سلامتك كل شئ يتعوض وربنا هيعوضنا بأفضل منه.
ماذا يقصد رامى،معنى حديثه أنها فقدت الجنين.
نزلت دمعه من عين مروه وحاولت عدم التصديق وقالت:قصدك أيه برينا هيعوضنا بأفضل منه،قصدك إنه نزل من بطنى،خلاص مبقاش موجود…طب ليه وأيه السبب.
إقترب رامى وضم جسد مروه قائلاً بوجع: بدون سبب ربنا عاوز كده، هنعترض على قدر ربنا، قدر ربنا خير يا مروه، يمكن كان يكمل ويكون مريض، ونتعلق بيه ووقتها برضو يفارقنا، يمكن كده رحمه لينا، أنه يفضل ملاك… يشفع لينا.
تعصبت مروه تقول: أنا كنت عاوزاه يعيش حتى لو مريض.
رد رامى: مروه بلاش تعترضى على أمر ربنا.
بكت مروه بحُرقه وقالت ونعم بالله،يارب عوضنى بالأفضل،.
قالت مروه هذا ونظرت لوجه رامى قائله برجاء:أنا عاوزه أخرج دلوقتي مش بحب المستشفيات.
رد رامى:تمام هتصل عالدكتوره تجى تفحصك قبل ما نخرج.
بعد وقت قليل بالسرايا
دخل رامى بحمل مروه بين يديه، كان سيصعد الى الجناح الخاص بهم، لكن مروه قالت:
أنا مش عاوزه أروح الجناح بتاعنا ودينى مكان تانى، يا ريتك خدتنى عند ماما.
لم يرد رامى وأخذها الى غرفته القديمه،وضعها على الفراش
وقبل أن يتحدث دخلت والدة مروه بلهفه قائله:أنا كنت مستنياكم هنا من بدرى،أنا بعد وديت الغدا لخالك المشتل،اتصلت على موبايلك أنتى ورامى محدش منكم رد عليا
اتصلت على محاسن وقالتلى إن رامى خدك للمستشفى،إتصلت على رامى مكنش بيرد عليا.
تحسس رامى جيوبه وقال:واضح إنى نسيت موبايلى فى العربيه،هروح أشوفه فيها.
غادر رامى الغرفه إقتربت فاديه من مروه وحضنتها قائله: ربنا هيعوض عليكى بالأفضل منه إنشاء الله إنتى لسه صغيره وقدامك العمر تعوضى وبكره أفكرك.
تدمعت عين مروه وقالت:أنا قلبى بيوجعني قوى يا ماما،كان نفسى الحمل يكمل.
ضمتها فاديه التى تشعر بسوء فى قلبها وقالت: ربنا على قد ما بياخد بيعوض وأكتر كمان بكره تشبعى وتزهقى عيال.
تنهدت مروه بداخلها شعور سئ هى الأخرى تخشى أن يبتعد عنها رامى هى ظنت بهذا الجنين قد ضمنت بقائها بحياة رامى،لا تعلم أن هنالك رابط قد يكون أقوى بينهم نبض قلبيهما.
…….ــــــــــــــــــــــــــــــــــــــــــ
بالوحدة الصحيه،عاد رفعت ومعه وسيم
دخل رفعت مباشرةً الى مكتب طارق الذى هاتفه وهو بالطريق،وقال له ينتظره بالوحده…
تحدث رفعت قائلاً:أظن معاك عهدة مفاتيح الوحده أفتحلى أوضة المراقبه بتاعة الكاميرات اللى على باب دخول الوحده وكمان كاميرات الممرات.
نهض طارق يسير خلف رفعت الذى خرج من الغرفه قبله قائلاً:أيوا معايا يا رفعت بيه والله أنا عرفت اللى حصل ومش عارف حصل إزاى الدكتوره تتخطف من قلب الوحده.
رد رفعت: مش وقت نفاق خلصنى،وأفتح باب أوضة المراقبه.
رد طارق:حاضر،يا رفعت بيه
بالفعل فتح طارق غرفة تسجيلات الكاميرات،بدأ رفعت فى إعادتها الى وقت إختطاف زينب،لم يكن هنالك حركه غريبه،رغم وجود زوار كُثر للوحده من المواطنين بالبلده بسبب تلك القافله الطبيه التى كانت موجوده بالوحده،
رأى دخول تلك السياره،ونزول ذالك الشاب منها،لكن كما توقع،كان هذا الشاب يضع كمامه حول فمه كاب على رأسه أخفى ملامح وجهه أمام الكاميرات،حتى صفيه قالت له أنها لم تتمعن فى ملامحه،بسبب وضعه لكمامه على فمه كل ما رأته هو عيناه وجبهته.
الخطه مُحكمه للغايه وكل الطرق مُسدده.
تذكر رفعت،هنالك طريق قد يكون أمل واهى،لكن لا مانع للسير فيه.
ترك رفعت غرفة المراقبه وخرج هو ووسيم،الذى ترك سيارته بالوحده،وصعد مع رفعت وقال له:قولى هنعمل أيه ليلى وزينب بخطر،نفسى أعرف ايه هاشم هيخطفهم مصلحته أيه؟
رد رفعت:مصلحته بيحب زينب ونفسه فيها،إنما ليلى ممكن تكون من النوع اللى بيتشهاه،البنات الورور العذراء الصغيره.
رجف قلب وسيم وقال:قصدك أيه؟
رد رفعت الذى يقود السياره بسرعه جنونيه:
مزاجه كده عنده عقدة العذروات الصغيرات يمكن عقده نفسيه سببها عمتى مهره لما أتجوزها كان فى في حياتها راجل تانى سبقهُ،مرض نفسى،وكمان تجاره مُربحه له بعد كده.
تعجب وسيم يقول:فهمنى يعنى أيه تجاره؟
رد رفعت:هاشم بيتجوز بنات قُصر تحت السن القانونى،وياخد كيفه منهم،وبعدهم يرمى لأهلهم قرشين ويقولهم أنه هيسفرهم بره مصر يكملوا تعليمهم وهو فى الاصل نخاس،بيبعهم لبيوت الدعاره اللى بره مصر فى أوربا،وطبعاً بأوراق مضروبه،وطبعاً لصغر سنهم مبيعرفوش يرجعوا،لانهم ميعرفوش هما فين واللى بتحاول تهرب أو تتمرد عليهم،بتتباع أعضاء بشريه،يعنى كده كده موت،آه ده غير البنات والعيال الصغيره اللى بيخطفوهم كمان،هاشم ده شيطان،أنا بندم إنى مقتلتوش لما جاتلى الفرصه قبل كده، وكنت عاوز أشوفه بيتعذب قدامى ويصرخ يطلب الرحمه، بس وشرفى لو زينب صابها سوء بسببه لأحرقه وأخليه يتمنى الموت وميطلوش.
شعر وسيم بخوف أكبر على ليلى،وتذكر لمى،فتح هاتفه وقام بالإتصال عليها،لكن لا رد…تعجب وقام بالإتصال على مهره التى ردت عليه،لم يرحب بها وقال مباشرةً:هاشم فين؟
ردت مهره:معرفش أنا صحيت الصبح مكنش فى البيت،حتى كمان لمى فوجئت بالشغاله قالتلى خدت شنطة هدومها ومشيت،كنت مستنيه ترجع وأسألك يمكن تعرف سبب إنها غارت من هنا،بصراحه حسيت براحه لما مشيت،السكه اللى تودى…بس بتسأل ليه على هاشم؟
رد وسيم:مفيش يلا عندى شوية أشغال إدعيلى محتاج لدعائك ليا.
تعجبت مهره وقبل أن تسأله أغلق الهاتف
ونظر لرفعت قائلاً: هاشم الزهار مش هنا، وكمان لمى سابت البيت متوقعتش تسيب البيت بالسرعه دى، انا سايبها فى البيت بعد نص الليل ماما بتقول صحيت ملقتهمش تتفتكر يكونوا مشيوا مع بعض، تفتكر هيروحوا إسكندريه.
رد رفعت: مش عارف كل شئ وارد،فابيو فى مصر وده بركان،وأكيد لازم يرد على فشله فى عملية الهجوم على السرايا بس متوقعتش يكون الرد بخطف زينب،نهايتهم هما الأتنين على إيدى.
بعد قليل بأحد المنازل،بقرية الزهار
دخل رفعت وخلفه وسيم الى ذالك المنزل المتواضع نسبياً،دخلوا الى إحدى الغرف،تحدثوا بعد الترحيب من صاحب المنزل نظروا لذالك الراقد على الفراش يحتوى بين يديه صوره صغيره،هى كل ما بقيت له ممن كان من أجلهم يسير بطريق الشيطان.
تحدث رفعت:ممكن تسيبنا دقايق مع سيادة النايب.
خرج صاحب المنزل وتركهم مع النائب،تحدث رفعت يقول:قدامك فرصه تكفر بيها عن خطايا الماضى وكمان تنتقم من اللى حرقوا قلبك،هاشم خطف مراتى وكمان بنت معاها،أكيد إنت عندك خلفيه بالأماكن اللى ممكن يكون هاشم موجود فيها.
نظر نجيب له بحسره وقال:كل شئ راح كل اللى عشت عمرى أكوش عالدنيا علشانهم راحوا حتى الفلوس الحرام اللى كنت بكسبها مكنتش بحطها فى البنوك،كنت عامل خزنه كبيره فى البيت وحولت كل فلوسى لمضوغات دهبيه وماسيه،النيران خدت كل شئ حلال ف حرام وكنسته ساوته بالرماد.
رد وسيم:زى رفعت ما قالك كده تقدر تنتقم من اللى عملوا فيك كده لو دلتنا على أماكن هاشم.
رد النائب قائلاً:هدلكم على كل الأماكن،أنا متأكد هاشم هو اللى لعب فى دماغ فابيو،من ناحيتى.
…..ـــــــــــــــــــــــــــــــــــــــــــــــــــــــــــــــ
بسياره ليموزين فخمه.
بدأت تشعر زينب بعودة الوعى،
لكن كانت بسكرتها تسمع همس بأذنها
صوت طفل مُقبل عليها يقول:ماما
نظرت للطفل ببسمه وقالت: أنت مين؟
رد الطفل عليها:أنا الأمل المفقود،خلاص مبقتش مفقود إصحى يا ماما.
فتحت زينب عينيها ببطئ شعرت بإضاءه عاليه فى عيونها فأغمضت عيناها مره أخرى،وعادت فتحها
سمعت صوت يقول:أخيراً أستيقظتى يا دكتوره زينب.
نظرت زينب لمن يتحدث،وقالت:فابيو
ثم نظرت لمن يجلس جوار فابيو وقالت:وهاشم الزهار أنا فين؟
رد فابيو ببسمه مقيته: سعيداً جداً أنكى مازالتى تتذكرينى،لم نلتقى وجهاً لوجه سوا مره واحده،لكنى أنا أيضاً لم أنساكى،وعندى لكى عرض مميز،للغايه.
إعتدلت زينب من نومها وحاولت الجلوس الى أن جلست قائله بوهن وتهكم:واللى العرض المميز ده مكنش ينفع غير لما تخطفنى،عندى فضول أعرف عرضك ده.
بنفس البسمه المقيته رد فابيو:
أحيي فيكى الشجاعه يا دكتوره،إمرأه غيرك وكانت فاقت كان أصابها الفزع،لكن أنتى فعلتى عكس التوقع،حسناً اليكى عرضى
أريد أن تعملى معى،باليونان.
تهكمت زينب قائله:وهتشغلنى أيه فى اليونان،داده لابنك إنت وريما اللى حاولت توهمنى إنه إبن رفعت.
رغم ضيق فابيو من ذكر زينب لفعلة ريما لكن حاول الهدوء وقال:
بل ستعملين بمهنتك كطبيبه،أنا أملك عدة مستشفيات باليونان وأنتى جراحه ماهره
أتمنى أن تُحكمى عقلك فى الرد وتوافقين على عرضى الذى سيفتح لكى ليس فقط طريق المال،بل أيضاً الشهره الواسعه.
تهكمت زينب قائله:ليه هتقبضنى بالأسترلينى وهفتح جامعه أدرس فيها الطب.
تبسم فابيو وقال:الدكتوره تمتلك ليس فقط الجمال،بل أيضاً روح المزاح،أريد أن أقول لكى أنكى ستقبلين بعرضى بأى طريقه مازالت أريد أن تقبلى بعرضى رضاءً منكى،لا غصباً.
نظرت له زينب وقالت:عندنا فى مصر مثل بيتقال هات من الآخر.
تبسم فابيو وقال:أنا لدي مشفى خاص بتبادل الأعضاء البشريه،أريد الإستفاده منكى كطبيبة جراحه.
ردت زينب:تجارة أعضاء يعنى،عرضك مرفوض،يا سيد فابيو.
تبسم فابيو وقال:مازال أمامك يوم يا دكتوره للتفكير بعرضى،والموافقه بالرضاء منك،والا ستوافقين حين تصبحين إمرأه بفراشى.
ضحكت زينب بسخريه من ثقة هذا الوغد الحقير يبدوا أنه لايعرف من تكون…زينب السمراوى،فقبل أن يلمسها ستكون نهايته،ليس على يديها بل على يدي هاشم ذالك الوغد الصامت الذى يجلس لجواره.
ـــــــــــــــــــــــــــــــــــــــــــــــــــــــــــــــ……
بعد مرور يوم كامل
كان رفعت جالس يرجع برأسه للخلف على مسند المقعد ويضع إحدى يديه فوق عينيه، فجأه سمع همس زينب فى أذنه وأتى طيفها أمامه،
تنهد بشوق، لكن عاد عقله طيف زينب كان هنالك شئ يضوى فوق صدرها، فتح رفعت عينيه سريعاً، يلوم نفسه كيف تغافل عن هذا السلسال، هو رأه فى صدر زينب تُخفيه بين ملابسها قبل أن تذهب للوحده قبل يوم واحد، نهض سريعاً يخرج من الغرفه، لقد وجد بداية الطريق للعثور على مكان زينب….جهاز التعقب الموضوع بالسلسال.
…… ــــــــــــــــــــــــــــــــــــــــــــــــــــ
الشعله السابعه والثلاثون… الختاميه… الجزء الثاني.
ــــــــــــــــــــــــــــــــــــــــــــــــ
بالرجوع بالوقت قبل عشرون ساعه.
بالإسكندريه
لكن بمستودع، كان تابع لأحد شركات البترول سابقاً.
بدأت ليلى تستعيد وعيها فتحت عينيها شعرت بنفسها تجلس أرضاً تستند بجسدها على حائط صلب خلفها وتشعر بألم كبير بأحد معصي يدها وضعت يدها الاخرى شعرت بسيلان دماء،تحاملت الآلم و حاولت النهوض
، شعرت برعب وفزع حين رأت المكان مُظلم الإ من شعاع نور صغير ينبعث من ذالك الباب الموارب،حاولت إستجماع قوتها،ونهضت واقفه، وسارت بإتجاه ذالك الشعاع المنبعث من الباب، لكن حين إقتربت من الباب، فزعت حين وجدت الباب يُفتح بقوه، وبوجهها
لمى، التى نظرت لها بشرار وقالت بسخريه:
أخيراً فوقتى، فكرتهم غلطوا وبدل ما يخدروكى خنقوكى.
إبتلعت ليلى حلقها وقالت بترقُب: أنا فين؟
صفعت لمى ليلى صفعه قويه، جعلتها تسقط أرضاً، بل جرحت خدها بذالك الخاتم الذى كان بأصبعها.
شعرت ليلى بخدر بخدها كأنه لم يعد موجود بوجهها، لكن وضعت يدها الداميه على وجنتها وقالت بدموع:
لمى أنا عملتلك أيه علشان تخطفينى.
ضحكت لمى بسخريه وقالت بإستهزاء: وأنتى مين تكونى علشان تقدرى تقفى قدامى أنا لمى الزهار، إنتى بالنسبه ليا سلعه هبيعها وأقبض تمنها، سلعه بكل المواصفات المطلوبه.
تحدثت ليلى: سلعة أيه، بخطفك ليا عملتى جريمه.
ضحكت ليلى وقالت:
مفكره نفسك صاحبة أهميه، وجريمة إيه اللى عملتها،الحشره القذره اللى زيك مستعناش حتى أدهسها تحت رجلي وألوث الشوز بتاعى بلمسها،الشوز بتاعى اللى أغلى منك،أنا سيباكى تعيشى علشان تفتكرى بس مين هى لمى الزهار.
قالت لمى هذا وإستدارت،لكن وقع بصرها على أحد الأوغاد الواقفين بالغرفه وتبسمت بمكر ونظرت مره أخرى ناحيه نظر ذالك الوغد
هو كان ينظر لسيقان ليلى التى إنزاحت ملابسها عنها وحاولت سريعاً ستر ساقيها أمام هؤلاء الاوغاد.
عادت لمى بنظرها لذالك الوغد وتبسمت له بنشوه،
خرجت لمى من الغرفه وقالت:البنت دى محدش يقرب منها هديه،مطلوبه عذراء،
بينما سحبت ذالك الوغد الذى كان يختلس النظر لسيقان ليلى،ودخلت الى الغرفه المجاوره،وقامت بتعرية نفسها أمامه..
تفاجئ بذالك وإدعى غض بصره
ضحكت لمى بعُهر وقالت له:بتحط وشك فى الارض ليه،من شويه عينك كانت هتطلع لما شوفت رجلين البنت،ولا إنت كمان كيفك تكون عذراء،عالعموم،يمكن حظك المره الجايه تقع فى عذراء،لكن دلوقتي خليك معايا.
قالت لمى هذا وببجاحه قامت بتقبيلهُ،
تحدث الوغد لها وقال:مش لازم نعقد قرانا الأول.
ردت لمى:لا مش لازم،عقد القران مالوش أى لازمه،إحنا كل اللى بينا متعه وبس…مش فى برضوا عندكم يا مسلمين حاجه إسمها جواز متعه،إعتبر الوقت اللى هنقضيه مع بعض جواز متعه.
……. ـــــــــــــــــــــــــــــــــــــــــــــــــــــــــــــــ
أثناء دخول رفعت الى السرايا
رن هاتفه…. أخرجه سريعاً من جيبهُ نظر الى شاشة الهاتف، للحظه تغير منظر وجهه.
تحدث وسيم: مين اللى بيتصل عليك؟
رد رفعت: دى حماتى، أكيد هتسألنى على زينب.
تنهد رفعت وقام بالرد على الهاتف،بعد الترحيب بينهم
تحدثت هاله:
رفعت بتصل على زينب موبايلها مقفول ليه،قلبى مش مطمن عليها من الصبح حتى كلمتها وهى فى الوحده الصبح بس كلمتين وقالت مشغوله، وأما ترجع من الوحده هتكلمنى بقينا الساعه عشره بالليل وموبايلها بيدى خارج الخدمه.
حاول رفعت رسم الهدوء وقال:هى بخير بس جت من الوحده مجهده من الشغل وقفلت موبايلها ونامت،لو تحبى أصحيها ليكى.
رغم شعور هاله بسوء لكن قالت:لأ سيبها ترتاح هتصل عليها الصبح،تصبح على خير.
أغلق رفعت الهاتف،ونظر ل وسيم الذى قال:تفتكر هاشم خد زينب وليلى على أى مكان من اللى قال عليهم نجيب الكفراوى.
حك رفعت جبهته بيديه وقال:مش عارف،نجيب قال كذا مكان ده اللى مخلينى مش عارف أفكر.
فى نفس الوقت رن هاتف رفعت بيده،نظر للشاشه ورد سريعا:
أيوه يا محمود،قولى وصلت للعربيه.
رد محمود:أيوا العربيه فعلاً زى ما توقعنا مسروقه،والعربيه خط سيرها إنتهى على بداية طريق إسكندريه الصحراوى،وأنا بنفسى روحت للمكان اللى ده، لقيت العربيه واقفه هناك،فتشت العربيه كانت فاضيه بس لقيت موبايلين فيها، وكمان كان فى أثار….
توقف محمود عن الحديث.
رد رفعت بترقُب: سكت ليه كان فى أثار أيه؟
رد محمود: أثار دم.
شعر رفعت بخوف وقال: قصدك أيه بأثار دم ، يعنى يكونوا قتلوهم
مستحيل متأكد من كده،ممكن الدم ده المجرمين سابوه وهم لينا.
رد محمود:فعلاً ده تفكيرى،بدليل إنهم سابو موبيلات الدكتوره واللى معاها،المكان هنا خالى جداً وبعيد عن العمار بمسافه كبيره.
رد رفعت:تمام هبعتلك عالموبايل عنوان كم مكان خدتهم من نجيب الكفراوى.
رد محمود:تمام،حاول تفكر بهدوء وهكون معاك على تواصل.
أغلق رفعت الهاتف،ونظر لوسيم يقول:هاشم وفابيو لعبوها صح لقوا العربيه فاضيه على الطريق،فيها أثار دم.
شعر وسيم هو الآخر بخوف شديد.
….
على الجهه الآخرى بالقاهره.
أغلقت هاله الهاتف مع رفعت ونظرت لصفوت قائله:
رفعت بيقول،إن زينب بخير بس رجعت من الوحده مجهده وقفلت موبايلها ونامت.
تبسم صفوت قائلاً:أهو شوفتى إنها بخير مش عارف سبب لقلقك ده.
ردت هاله:برضوا لسه جوايا قلق،زينب عمرها ما قفلت موبايلها أبداً،أيه رأيك يا صفوت نروح بكره الشرقيه ونعملها لها مفاجأة،لما تلاقينا قدامها.
تبسم صفوت بترحيب قائلاً:يمكن رفعت هو اللى قفل موبايلها علشان الإزعاج،وموافق جداً نروح الشرقيه،بس إحنا مأخدناش أجازه.
ردت هاله:آمر الاجازه سهل،الصبح نتصل على حد من زمايلنا ونقوله ياخد لينا كام يوم أجازه،مش صعبه،هروح أجهز لينا شنطة هدوم صغيره.
تبسم صفوت وقال:تمام،أنا هكلم مجد أطمن عليه.
تبسمت هاله ودخلت الى غرفة النوم وتركت صفوت الذى يشعر هو الآخر بشعور سئ ناحية زينب،لكن حاول نفض ذالك الشعور عنه،وبالفعل قام بالإتصال على مجد الذى رد عليه بمزح:
خلصت تشطيب المواعين.
تبسم صفوت وقال: يا أبنى تشطيب المواعين عندى هوايه مش إجبار،غير إن الحياه الزوجيه مشاركه ومش عيب أما أساعد مراتى،بالذات هى كمان زيها زيي بتشتغل طول اليوم،يبقى أيه العيب إنى أساعدها،وبعدين بكره نشوف إنت هتعمل أيه مع السندريلا،الشقه قصاد الشقه،يعنى مش هتبقى بعيد.
تنهد مجد يقول:أنا حظى السئ يا بابا وقعنى فى سندريلا من نفس فصيلة غباء أختى زينب،مبتفهمش بالتلميح،بس على مين أنا جبتهالها على بلاطه وقولتلها إنتى السندريلا بتاعتى من يومها وهى بترد على رسايلى بإختصار،أنا ساكت بس على ما تخلص إمتحانات،وبعدها مش هصبر،هاخدك إنت وماما ونعمل عليهم كبسه.
تبسم صفوت يقول:يا بنى أعقل شويه كده ممكن البنت تخاف منك وتقول متسرع ومدلوق وتركبك،عالعموم ربنا يأتيك بالخير،قولى نازل أمتى أجازه.
تبسم مجد يقول:أنا أخدت الفتره اللى فاتت أجازات كتير قوى،بس أنا عندى مخزون أجازات لسه،حضرتك عارف إنى مكنتش بنزل أجازاتى كلها بسبب زينب لما كنت بظبط أنا وهى وقت أجازاتنا مع بعض،بس مش عارف ليه حاسس إن البت زوزى هافه عليا اليومين دول،وكنت نازل بكره أجازه اصدمها لما تلاقينى قدامها،وكمان رفعت من قبل ما يخرج من الوحده،مشفتوش،ومهما كان هو شال عنى بلوه،وياسلام بقى لو صدفه تجمعنى بالسندريلا،إدعيلى يا بابا.
تبسم صفوت وقال:إحنا كمان رايحين الزهار بكره،مامتك عندها شوية قلق ناحية زينب وقالت تروح تطمن عليها كويس نتقابل بقى كلنا هناك.
تبسم مجد يقول:وهى زوزى حد يقلق عليها دى مفتريه،عالعموم نتقابل هناك بقى فى الشرقيه أهل كرم وخيرهم سابق بدليل إن رفعت معرفش إزاى قِبل يتجوز زوزى صبى البواب.
تبسم صفوت يقول:والله ما فى أحلى ولا أغلى زينب رفعت فاز بيها.
تبسم مجد يقول بمزح:مين يشهد لزوزى غيرك يابابا،فعلا رفعت فاز بمصيبه حياتهُ، يلا اشوفك انت وماما بكره فى الزهار.
أغلق صفوت الهاتف وتنهد رغم أن حديثه مع مجد قد هدأ من قلقه قليلاً، تمنى أن يهدأ قلبه برؤية زينب بالغد،تخيل فرحتها حين تراه هو وهاله أمامها بالزهار.
……. ـــــــــــــــــــــــــــــــــــــــــــــــــــــــــــــــ
بالعوده لسرايا الزهار.
دخل رامى الى غرفة الصالون، وقال بإستخبار.
رفعت اللى سمعته ده صحيح، زينب إتخطفت من الوحده.
نظر رفعت لملابس رامى التى مازال عليها أثار الدماء وقال: أيو صحيح، زينب إتخطفت قدام عنيا، بس قولى مروه جرالها أيه، اللى حصل نسانى أسألك؟
رد رامى بآسف: للآسف مروه أجهضت.
أغمض رفعت عيناه بآسف، بينما قال وسيم: واضح إن المصايب مش بتيجى فرديه، ليلى كمان إتخطفت، مع زينب.
وقف رامى مصدوم، لكن كانت الصدمه الأكبر على هذان الاثنان اللذان دخلا الى غرفة الصالون، سُرعان ما قال أحدهم:
أكيد هاشم هو اللى خطف ليلى.
نظر الجميع له مصدومين، وقال وسيم: ليه بتقول كده يا عم صفوان.
شعر صفوان برعشه بكامل جسده ووفقد السيطره على يدهُ الممسكه بعكاز طبى وشعر بعدم قدرتهُ على الوقوف وكاد يختل توازنه لولا أن سندهُ نعمان كذالك وسيم قام الأثنان بأسناده وأجلسوه على أحد المقاعد، تحدث وسيم:
وهاشم هيخطف ليلى ليه!
بكى صفوان وقال: أنا السبب مقدرتش أبقى أب حقيقى لبناتى وأحميهم، كان عقلى مُغيب، بس والله أنا رفضت أبيع ليلى وخوفت عليها وعلى مستقبلها يضيعهم الحقير هاشم.
رد وسيم بإستفسار:وضح قصدك،هاشم كان عاوز أيه من ليلى.
ببكاء تحدث صفوان عن طلب هاشم الزواج من ليلى عرفياً وسرد لهم ما حدث بعد ذالك ورفضه لطلبه،دون أن يُخبر بأحد بذالك خوفاً من كذب جبروت هاشم.
نظر رامى له بتعجب وقال:يعنى ده كان السبب إنك روحت تقابل هاشم ممرتين فى المزرعه.
أماء صفوان رأسه بنعم،نظر رامى لرفعت،نظره فهمها رفعت انه كان مُخطئ فى ظنه وقتها….أزاح رفعت نظره من أمام رامى الذى قال
هاشم ده ندل وخسيس،مش عارف إزى عمتى مهره قدرت تتحمله السنين اللى فاتت،مش مستغرب إنها كانت بتتناول مهدئات أكيد بسبب دناوته وخِستهُ.
نظر نعمان له وقال:مهره كان ناقصها السند فى حياتها وده ملقتوش غير لما أنتم رجعتوا لها،
أنا لما رجعت تانى لهنا وشوفت مهره أول مره حسيت إنها واحده تانيه غير اللى عشقتها زمان،واحده جميله من بره بس من جوه كانت…مخوخه زى جدر الشجره اللى خلاص هتنشف وأقل حبة هوا ممكن تقلعها من جدرها وتموت،رجوعهم،كان زى الميه اللى روت الشجره وخلى جدرها يتمسك من تانى بالأرض،زمان أنا غلطت وسافرت وكان جوايا أمل أرجع تانى الاقى مهره مستنيانى،بس للأسف مات الامل لما عرفت أنها اتجوزت هاشم،والسبب كان خوفها على أختها وأختى،هاشم عدوى زي ما هو عدوكم بالظبط بل أنا أكتر هاشم خد الست الوحيده اللى عشقتها فى حياتى.
تحدث وسيم:جه وقت حساب هاشم،خلاص لازم يدفع التمن،أنا متأكد أنه هو اللى خلى الحصان قتل بابا زمان،بس لو مس شعره من ليلى عندى إستعداد أستمتع وأنا بخليه يتمنى الموت.
تعجب صفوان من قول وسيم بينما نظر نعمان له ببسمه ذالك الشاب يُذكرهُ بوالدهُ صديقه القديم،لاحظ نظراته لليلى وكذالك نظرات ليلى له تمنى أن يبتسم لهما القدر ولكن كان هنالك خطأ حدث،وإبتعد وسيم،لكن من الجيد أنه عاد سريعاً لطريق الصواب.
تحدث رامي:طب هنعمل أيه دلوقتي وحضرتك يا عمى صفوان إنت وعمى نعمان أيه اللى دخلكم لهنا.
رد نعمان:إحنا كنا جايين علشان نطمن على مروه،سمعنا صوت عالى قبل ما نطلع لها،جينا نشوف فى إيه،أعذرونا على تطفلنا فى البدايه،بس طلع لينا ضلع كبير فى القصه،وأنا معاكم حتى لو بالدعاء صدقونى رغم إنى عارف إن ده يعتبر دعم ضعيف منى،بس أنا معاكم وإيدى بإيديكم.
تحدث صفوان:أنا خايف على فاديه تعرف بخطف ليلى،دى ممكن تروح فيها،فاديه روحها فى البنات ضحت كتير وإستحملت علشانهم.
تحدث نعمان:مش لازم تعرف دلوقتي،عندى إحساس إننا هنلاقى ليلى وزينب بسرعه…
قال نعمان هذا ونظر ل رفعت قائلاً:وعندى ثقه فى شجاعة زينب اللى شوفتها يوم إصابة رفعت،نسيت أقولها أنها تعتبر بنتى،لانها بنت مهره رضعتها من صدرها.
رغم ضيق رفعت لكن دخل له أمل،فعلاً زينب ليست ضعيفه،لكن يخشى عليها من هذان اللعينان فهما بالتأكيد لا يعلمان نقطة ضعف زينب وهو داء السكرى اللعين،كما أن زينب حامل…وهذا قد يؤثر علي شجاعتها بالسلب.
…..ــــــــــــــــــــــــــــــــــــــــــــــــــــ
بتلك الليموزين
دخل السائق الى تلك الفيلا بالأسكندريه ثم توقف بالسياره
كانت نظرات زينب،لفابيو وهاشم نظرات متحديه..
لكن أخرج فابيو من جيبه زجاجه صغيره ووجها نحو وجه زينب وقام بالبخ عليها قائلاً:أعتذر منكى دكتوره.
ثوانى وغابت زينب عن الوعى
نزل هاشم وفابيو من الليموزين،توجه فابيو وحمل زينب وأخرجها من السياره،بين يديه،مما جعل هاشم يستشيط من الغيره،لكن مازال يضبط نفسه،فهذه ثانى مره يحمل فابيو زينب ويخرجها من سياره لأخرى،والآن يدخل بها أمام عيناه الى داخل ڤيلته الخاصه التى لا يعلم بمكانها غيره وسابقاً كانت چاكلين.
أرشد هاشم فابيو نحو إحدى غرف النوم،
وضع فابيو زينب فوق الفراش،وقال:
مدة هذا المخدر ليست طويله،حقاً هو سريع المفعول لكن قليل المده
الطبيبه لابد أن توافق على عرضى لها، أنا تأتى لليونان وتعمل باالمشفى الخاص.
رد هاشم:معتقدش هتوافق بسهوله،الدكتوره عندها مبادئ متمسكه بها.
رد فابيو:أمامنا وقت لإقناعها بهدوء قبل أن نضطر للإجبار،هنالك سفينه ستغادر ميناء الإسكندريه بعد فجر غداً،سنمنع عنها الطعام والماء قد تستيطع تحمل الجوع لاكثر من يوم لكن لن تتحمل العطش لأكثر من يوم خاصةً بهذا الطقس الحار ، علينا تركها للغد دون ماء وقتها هى من ستطلب منا الموافقه مقابل جرعة ماء، وقتها هنالك أمر آخر سيجعلها تمتثل لكل ما آمرها به.
رد هاشم بسؤال: وأيه الآمر التانى ده؟
رد فابيو: شريط صغير مصور لها معى بالفراش.
أصابت هذه الجمله هاشم فى مقتل، هو أرد الظفر بها وشارك بخطفها وفضح نفسه أمامها وذالك الوغد يريد أن يظفر بها،يبدوا أنه الحظ تخلى عنه،لا لم يتخلى عنه،وسيظفر هو بزينب كما أراد وأشتهى منذ أن رأها لأول مره لولا أن سبقهُ رفعت بخطوه أخذها من أمامه،هذه المره هو من سيفوز بها وإن كان هنالك شريط مسجل لها،سيكون هو من يشاركها الفراش حتى لو إضطر لقتل ذالك الوغد فابيو.
….ـــــــــــــــــــــــــــــــــــــــــــــــــــــــــــــــ
بدأت نهاية ظلام ليله وإنبعاث نور نهار جديد
كان رفعت ورامى ووسيم مازلوا جالسون،يتلقى رفعت من محمود،إتصال خلف آخر يخبرهُ بعدم العثور على زينب بألاماكن التى دل عليها الناةب وتمت مداهمتها.
عقل رفعت يشت،يشعر كأن أحداً يسلسله بسلاسل لا يعرف كيف يتحرر منها
كذالك وسيم،يلوم نفسه كيف كان أحمقاً
رامى هو الآخر حزين ليس فقط على فقدان جنينه قبل أن ينمو بأحشاء مروه،وأيضاً حزين من أجل أخويه وإن كان حزنه الاقوى على فقدان جنينه،لم يذهب الى مروه منذ أن آتى بها من المشفى.
تفاجئ الثلاث بدخول إنعام عليهم،وقالت لهم:
مالكم قاعدين زى الولايا اللى فى محزنه كده.
قالت هذا ونظرت ل رفعت وقالت له:فين زوزى روحت لها الأوضه اللى كانت بتنام فيها ملقتهاش ولا حتى فى أوضتك،أوعى تكون زعلتها ومشيت وسابت السرايا…وهى حامل.
نظر رفعت لجدته بذهول وقال:هى زينب كانت قالت لحضرتك إنها حامل!
ردت إنعام:لأ مقالتليش بس أنا شوفت عليها أعراض حمل وقولت لها تروح لدكتورة بس هى مسمعتش كلامى،هى فين؟
صمت الجميع متعجبا.
بينما قالت إنعام:أوعى تقولى إن بقية الحلم اللى شوفته هيتحقق،مروه شوفتها قاعده عالدم وزينب فى النيران وسط البحر…قولى فين زوزى.
رد رامى:تعالى معايا يا جدتى إنتى لازم تفطرى وتاخدى علاجك.
نظرت إنعام لرفعت بشفقه كأنها تشعر به،وقالت:إنت الي هتنقذ زينب يا رفعت،زينب مش هتروح زى اللى سبقوها.
تبسم رفعت لجدته بأمل،يتمنى أن يتحقق،لكن رنين هاتفه ازال ذالك الأمل سريعاً،بعد أن أخبره محمود بعدم عثوره على زينب بأخر مكان قال لهم عليه النائب.
…..ـــــــــــــــــــــــــــــــــــــــــــــــــــــــــــــــ
بالغرفه الموجوده بها مروه.
إستيقظت على يد والداتها التى قالت لها:صباح الخير،يا مروه يلا إصحى علشان تاكلى وتاخدى علاجك.
قالت فاديه هذا ووضعت صنيه صغيره جوارها على الفراش
نهضت مروه وجلست ومدت يديها تأكل،وتحدثت لوالداتها بإستعلام:
هو رامى مجاش من وقت ما جابنى الأوضه هنا.
ردت فاديه:لأ اللى جُم صفوان و خالك،حتى خالك قالى إن ليلى موبايلها ضاع منها فى الجامعه وإنها هتقعد عنده كام يوم وتساعده فى المشتل تستعيد طاقتها بعد ما خلصت إمتحانات،حتى قولت له بلاش يقولها إنك أجهضتى علشان متزعلش،سيبها ترتاح دى الفتره اللى فاتت هلكت فى الإمتحانات،حتى هبه كمان قولت لابوكى بلاش يقول لها،يا حبة عينى مهدوده فى الامتحانات بتاعتها ربنا يسهل عليها ويكافئها بتعبها طول السنه وتجيب المجموع اللى هى عاوزاه
قولت بلاش أشغلهم،فوق طاقتهم.
شعرت مروه بغصه كبيره فى قلبها،لما لم يعود رامى ويطمئن عليها،لكن رسمت بسمه طفيفه على وجهها وأكلت الطفيف وتناولت علاجها،ومازال الفكر السئ يشغل رأسها،رامى حين أخبرته بحملها كان رد فعله هادئ حتى أنه تقبل بهدوء أمر إجهاضها
تلاعبت بها الوساوس السيئه،رامى لم يكن يريد طفل يربط بينهم،هذا ما جعله يتقبل خبر حملها وإجهاضها السريع،بهذا الهدوء…
يبدوا أن قصة الجميله والوحش ستنتهى زهوتها قريباً.
…..ـــــــــــــــــــــــــــــــــــــــــــــــــــــــ
بغرفة الصالون
بحوالى العاشره صباحاً
تفاجئ رفعت بدخول والداي زينب عليه.
سألت هاله مباشرةً:
زينب فين هنا ولا فى الوحده.
صمت رفعت بتفاجؤ،بماذا يرد عليها، الآن لن يستطيع الكذب.
تحدث صفوان مازحً:
سؤال إعجابته متوقعه، أكيد فى الوحده،زينب ميمنعاش عن الشغل غير الشديد القوى، أو غصب رفعت لها، وبما إن الأمور بينهم تمام، يبقي هى فى الوحده دلوقتي.
رد رفعت: لأ زينب مش فى الوحده ولا فى السرايا.
تعجب الإثنان وقالت هاله بترقُب: أمال هى فين دلوقتي.. إنتم…
قاطعها رفعت وقال: أنا معرفش مكان زينب هى فين، لأن زينب إتخطفت.
ضحك مجد الذى دخل وقال: نكته حلوه يا رفعت طلعت لك فى الهزار مين اللى يقدر يخطف زينب أختى، دى كانت عدمته الأهليه.
تبسم صفوت، لكن هاله نظرت لوجه رفعت يبدوا بوضوح عليه الوجوم، إذن هو لا يمزح.
وقالت: زينب فين يا رفعت؟
رد رفعت: صدقينى أنا معرفش مكانها، ومعرفش إزاى ده حصل،
قال رفعت هذا وسرد لهم ما حدث حول خطف زينب.
بكت هاله قائله لرفعت بلوم: هو ده وعدك إنك تحافظ على زينب، إحنا لما وافقنا نشاركك فى لعبتك إنك توهمها بالكذب إنك خطفتنى علشان توافق تتجوزك، ووقتها تقدر تحميها من الحيوان اللى إسمه هاشم الزهار اللى كان بيحوم حواليها وقتها وحذرتنا منه أنه شخص غدار ومعندوش مبادئ وإنك متقدرش تحمى زينب منه غير لما تكون مراتك وتحت حمايتك المباشره، فين حمايتك دى راحت فين طلعت كذبه.
صمت رفعت جميع العواصف تضرب به، هو فشل فى حماية زينب كما وعدهما سابقاً.
بينما تحدث صفوت وقال: ومين اكيد أعدائك اللى حاولوا يقتلوك هما اللى خطفوا بنتى مكنش لازم أستسلم ليها وأسيبها هنا بعد ما ربنا نجاها وقتها، بس هى قالت لينا إنها بتحبك، ومش هتسيبك، بس إنت كنت فين وسيبتهم يخطفوها، ممكن يستغلوا نقطة ضعفها.
رد مجد: إهدى يا بابا إهدى يا ماما، رفعت أكيد زينا بيحب زينب وخايف عليها دلوقتي زينا،بلاش نتكلم بعصبيه،لازم نهدى شويه.
بكت هاله قائله:كان قلبى حاسس من إمبارح،ليه خفيت عننا الأمر،زينب بنتى دايماً مكتوب عليا تبقى بعيد عنى وقبلت بكده غصب عنى،لكن مش هقدر أتقبل إنى مشوفهاش تانى،لو جرالها حاجه مش كويسه،عمرى ما هسامح نفسى إنى فى يوم شاركت فى كذبه خلتها إتجوزتك.
تحدث رفعت بإختصار:زينب حامل.
صدمه ألجمت الجميع زينب خطفت،أصبح الخوف فزع عليها.
…..ـــــــــــــــــــــــــــــــــــــــــــــــــــــــــــــــ
بذالك الهنجر الموجودة به ليلى.
كانت ليلى تسمع الى تآوهات تلك الساقطه لما مع ذالك الوغد الثانى من المرزتقه،تقول كلام بذئ يجعل هذا الوغد يزيد من حماسه معها يستمتع بصوت تآوهاتها التى تخرج منها بإنتشاء…
كانت ليلى لا تشعر فقط بالإشمئزاز من تلك الأصوات بل شعرت أيضاً بالغثيان،
بالفعل حاولت الغثيان، لكن جوفها خالى حتى من المياه، فمنذ الأمس حتى لم تتجرع شربة ماء، لكن تتحمل الجوع والعطش حتى لو ماتت، كل ما تتمناه هو الأ يدنس وغد من هؤلاء المرتزقه جسدهت وتذهب الى خالقها بعفتها، لكن نظرات ذالك الوغد الذى فتح باب الغرفه الموجوده بها ثاقبه، تثقب روحها عيناه تمر على جسدها بإشتهاء يبدوا أن أمنيتها لن تحقق، هى الآن بين براثن ذالك الوغد، بالفعل توجه الى مكان جلوسها أرضاً وقام بمسكها من معصمها المجروح، وشدها بقوته،
لم تشعر فقط بألم من حرج معصمها بل شعرت أن ذالك الوغد قد خلع ذراعها من الكتف، تشعر بألم ساحق،
صرخت بقوه ترتجف، بين يدي ذالك الوغد الذى يحاول تقبيلها عنوه، كانت تقاومه، لكن هى عصفوره بين أنياب سمكة قرش
بدأ بتمزيق ثيابها، ودفعها لتسقط أرضًا، لم يمهلها فرصه جثى عليها بجسده الضحم فوراً، كانت ليلى تقاوم، بدأت قواها تخور هى إنتهت، ذالك الوغد سيدنسها، أغمضت عينيها وكادت تستسلم لقدرها المر، لكن قبل أن يتمكن ذالك الوغد منها ويدنس جسدها بآثامه سمعت صوت صلقة رصاص وبعدها شعرت بسيلان شئ لزج فوق عنقها وسكون جسد ذالك الوغد القابع فوقها، لم تعد لديها ختى قُدره أن تزيحه من فوقها، لكن سمعت صوت لمى تقول بأمر:
شيلو الحقير ده من فوقها، بسرعه.
بالفعل سمع رجالها الأمر وأزاحوا جسد الوغد من عليها…
شعرت كأنهم أزاحوا عن قلبها صخره، لمن رغم حرارة الطقس شعرت ببروده قاسيه، كل ما إستطاعت فعله هو لم ثيابها الممزقه على جسدها علها تسترها أمام أعين هؤلاء المرتزقه الجبناء الجياع.
بينما
إقتربت منها لمى ونظرت لها بعلو وقالت بإستهزاء: مالك نايمه لسه عالأرض أيه كان نفسك يكمل ولا أيه، للأسف إنتى مطلوبه عذراء، لو مش طلب مدفوع فيه غالى كنت سيبت الحيوان ياخد شهوته منك.
إرتعشت ليلى وقالت: أنا مأذيتكيش بحاجه، ليه خطفانى، أنا ماليش أى علاقه بوسيم غير إنه أستاذى، وقريب جوز أختى.
إنحنت لمى على ليلى ومسكت معصم يدها الذى يؤلمها وقالت:
بتضحكى على مين، لما حبيب القلب يغلط ويناديتى بأسمك ده معناه أيه، بس أنا بقى هحسره على القذره اللى فضلها عليا أنا لمى الزهار اللى مفيش راجل يرفضنى الحقير وسيم رفضنى، وأنا إتذللت له، بس هو مشغول بحشره أقدر أفعصها تحت رجلى، وده فعلاً اللى هعملك، حظك إن صاحب الطلب طالب بنت عذراء، وهتكونى هديه له، يمكن يكون الحظ بيبتسم ليكى، كلها ساعات وتقابليه وأنتى وشطارتك، هو سخي قوى وبيدفع كويس على مزاجه، وأنتى مناسبه جداً لمزاجهُ.
قالت لمى هذاوقامت بترك يد ليلى ووقفت وقامت بدهش يد ليلى أسفل حذائها وقالت: خدوا الحيوان ده أرموه للكلاب تتسلى بجتته.
قالت هذا ونظرت بعُهر لأحد الرجال وسارت بغنچ تتجه نحوه ووضعت يديها حول جسده بإثاره قائله:
لنكمل ما كنا نفعله قبل سماع صوت العاهره الصغيره.
غادرت لمى الغرفه، تاركه ليلى تشعر بضياع تبكى بإستنجاد بالله أن ينقذها من تلك البراثن القذره ومستقبل قاسى ينتظرها، موتها الآن أفضل العطايا الالهيه.
…. ـــــــــــــــــــــــــــــــــــــــــــــــــــــــــــــــ
بالڤيلا
بعدأن فاقت زينب وجدت نفسها بغرفه حاولت الخروج منها لكن الغرفه مُحكمه جيدا، الغرفه كأنها معزوله، لا يوحد بها شباك حتى، لولا إضاءة تلك المصابيح الحمراء بالغرفه، الغرفه تبدوا كغرفة تعذيب بأحد السجون، هى قرأت سابقاً عن نوعية تلك الغرف وإستخدامتها للتعذيب الجسدى لنوع من الممارسات العنيفه الساديه
لكن الآن بدأت تشعر بدوخه، ليست دوخه عاديه، هى تشعر بإنسحاب الماء من جسدها، تشعر بالظمأ الشديد كذالك الجوع، لكن تشعر أكثر بالظمأ، بدأت تلك الدوخه تزداد مع الوقت، شفتاها بدأت تتشقق كالأرض الجرداء، وضعت يديها فوق بطنها تتلمسها كأنها تمسد على جنينها، خشيت عليه كثيراً، ذالك الوغد فابيو يستخدم معها أساليب التعذيب النفسى بوجودها بغرفه كهذه وأيضا حرمانها من الطعام والماء كى يضغط عليها، للحظه حتى لم تفكر فى الإستسلام، وأخبرها عقلها:
العمر واحد يا زينب،
لكن قلبها قال: والجنين اللى فى بطنك يستحق تتنازلى علشانه.
أجاب عقلها:
لو مكتوب له الحياه هيفضل متمسك بها زيك فاكره قبل كده واجهتى الموت وإنتصرتى عليه،الأعمار بيد الله.
توجهت زينب الى الفراش وتمددت عليه تغمض عينيها،وللحظه إبتسمت حين تذكرت ذالك الهمجى رفعت وهمست بإسمه ثم إستسلمت لتلك الغفوه.
….. ـــــــــــــــــــــــــــــــــــــــــــــــــــــــــــــــ
بالعوده للحاضر.
حين نهض رفعت وخرج من الغرفه، بهذا الشكل المتسرع، ذهب خلفه
مجد ووسيم ورامى.
دخل رفعت الى غرفة المكتب وقام بفتح خزنه كانت خلف إطار مُعلق بالغرفه
وأخرج منها حاسوب خاص به، وقام بتوصيله بشاحن ووصل الشاحن بالكهرباء
إنتظر ثوانى حتى يفتح الحاسوب، كانت الثوانى تمر مثل الساعات
الى أن فتح الحاسوب، دخل رفعت سريعاً الى أحد البرامح وقام بالبحث بداخلها، الى أن عثر على إشاره.
خلع رفعت شاحن الحاسوب وقام بأخذ الحاسوب، وكان سيخرج سريعاً،
لكن تحدث وسيم يقول: أيه اللى عالابتوب ده، يا رفعت.
تنهد رفعت وقال: أنا شبه عرفت مكان زينب،،زينب فى إسكندريه لسه،لازم أتحرك بسرعه …
قال وسيم أنا جاي معاك أكيد ليلى معاها فى نفس المكان.
تحدق رفعت وهو يتوجه للخروج ومعه الحاسوب:ماشى تعالى معايا..
قال مجد..وأنا كمان هاجى معاكم،زينب أختى.
تحدث رفعت: تمام، خليك أنت هنا يا رفعت لازم حد يفضل هنا مش لازم كلنا نسيب السرايا علشان جدتك.
رد رامى: تمام، بس خليك معايا على إتصال دايماً
بالسياره،كان وسيم يقود السياره بسرعه جنونيه،حسب توجيهات رفعت له،الذى يراها حسب إشارة جهاز التتبع الموصول بذالك السلسال.
…..ـــــــــــــــــــــــــــــــــــــــــــــــــــــــــــــــ
بالڤيلا الموجودة بها زينب.
بدأت تخور قواها،هى منذ أمس لم تأكل ولم تشرب أيضاً
كان فابيو وهاشم يقومون بمتابعتها عبر كاميرا موجوده بالغرفه
نظر فابيو ناحيه هاشم وقال:
الآن سأذهب أنا للطبيبه لم يعد سوا ساعات ولابد أن نغادر بتلك الباخره،دع الكاميرات تعمل إن لم ينفع الحديث الودى مع الطبيبه لابد من إتباع الطريق الآخر ووقتها لن تستطيع رفض طلب لى.
شعر هاشم بنيران ساحقه وظل بمكانه هو لديه يقين أن زينب سترفض عرض فابيو،
هل يسمح لفابيو بنيل زينب،وأخذ ذالك التسجيل والضغط عليها به لتوافقه على العمل بمشفاه باليونان.
وقع بصر هاشم على دخول فابيو الى تلك الغرفه
رأى وسمع عبر الكاميرا
رفض زينب
التى تشعر ببداية النهايه،الدوار أصبح أقوى،الرؤيه بدأت تضعف،لكن هى تحاول جاهده التشبث بالقوه أمام فابيو
الذى قال لها:لم يعد أمامى طريق آخر يا دكتوره،ستوافقين بعد أن تكوني من ضمن نسائى.
قال فابيو هذا وهجم على زينب.
لكن زينب مازال لديها بعض القوه،وقامت بصد فابيو عنها،ونجحت لأكثر من مره
وقف فابيو ينظر لتلك الدماء التى تسيل من إحدى زوايا فمه ثم قام بلعق دمائه وقال بوقاحه:الطبيبه شرسه أيضاً،سأستمتع أكثر بذالك ونحن بالفراش،لا تقلقى عزيزتى أنا لا أهوى النساء الضعيفه.
نظرت له زينب بسخريه وقالت:بتهوى العاهرات اللى زى ريما كده بس أنا مش عاهره،يا فابيو،وعلى جثتى إنك تطولنى.
ضحك فابيو عاليا وقال:أنتى أمامى بدأت قوتك تزول عزيزتي،
قال هذا فابيو وهجم على زينب مره أخرى،كانت تقوم بصده،لكن الدوار اللعين بدأ يعود لها،أغمضت عيناها للحظه،
إستغل فابيو تلك اللحظة وقام بدفع جسد زينب لتقع على الفراش وقف ينظر لها بنصر،فهى تبدوا مُنهكه أمامه،لحظه واحده وخطوه واحده هى ما تمنعه عن نيل تلك الشرسه،
لكن لم يكن عليه أن بآمن لخائن مخادع قذر مثل هاشم الزهار
الذى دخل الى الغرفه.
نظر له فابيو وقال بالحديث إليه بهجوم:ما الذى أتى بك لهنا،تشتهى الطبيبه أنت الآخر،أرى ذالك بعينيك منذ أن أخذناها من تلك السياره،هاشم الزهار مغرم بإمرأه رفعت الزهار
إذن لهذا أنت من سهل دخول ذالك الحقير الذى خطفها من مكان عملها بعد أن أتيت له بمخطط كامل عن أماكن الكاميرات بذالك المكان،لا يهم الآن الطبيبه لى،إخرج الى الخارج.
أوهم الكهل المخادع ذالك البركان أنه بالفعل خرج من الغرفه.
نظر فابيو لزينب النائمه على الفراش والتى بدأت تستعيد جزء صغير من قوتها،وكاد أن يعتليها،لكن
عاود هاشم فتح باب الغرفه بل ودخل الى الداخل …مما عصب فابيو وذهب الى مكان وقوفه وكاد يتحدث له بتهجم لكن لم ينطق لسانه،حين شق هاشم رقبته بنصل حاد
بحركه تلقائيه من فابيو وضع يديه حول رقبته،لكن وقع أرضاً تفور دماؤه من رقبته يهتز جسده يعلن نهاية البركان بفوران دماؤه…على يد أحد أوغاده المخادعين الغادرين.
كانت زينب بدأت تنهض من على الفراش ورأت ذالك المشهد الدامى لكن بنظرها فابيو يستحق الذبح،
إقترب هاشم من زينب ومثل البراءه أمامها وقال:
أنا مقدرتش أشوفه بيغتصبك،زينب أنا بحبك من أول مره شوفتك فيها،قدمنا فرصه نهرب من هنا ونعيش بعيد عن هنا أنا معايا فلوس كتيره قوى،فى بنوك بره مصر.
الدوار يعاود مره أخرى، لو رفضت زينب قد لا تموت وتدخل بغيبوبه يستغلها ذالك الوغد المخادع ويأخذها معه بالفعل،
قالت زينب: أنسولين.
تحدث هاشم: قولتى أيه؟
ردت زينب وهى تبتلع حلقها الجاف ونهجان:أنا عندى السكر ولازم أخد حقنة أنسولين دلوقتي.
إقترب هاشم منها وحاول حملها،لكن زينب قالت له:
الحقنه…لازم آخد حقنه بأقصى سرعه.
حملها هاشم قائلاً: خلينا نطلع من هنا وأوعدك أجيبلك حقنة الأنسولين،زينب أنا بحبك،أنا قتلت فابيو علشانك،هنعيش سوا بعيد عن هنا.
لوهن زينب أمائت برأسها…
ظن فابيو أنها إستسلمت له،
خرج هاشم من باب خلفى لمبنى الڤيلا ووضع زينب بسياره،وقاد السياره سريعاً يخرج من مكان بخلفية الڤيلا هرباً من رجال فابيو الجالسون أمام باب الڤيلا الرئيسى…. كان يقود السياره بسرعه جنونيه، توقف أمام إحدى الصيدليات وطلب حقنة الانسولين، أعطاها له الصيدلى
عاد الى السياره وجد زينب بدأت تنسحب تدريجياً مع ذالك الدوار.
شعرت زينب بعودة هاشم للسياره وبحركه تلقائيه قامت بمد يدها له حتى يقوم بأعطائها الحقنه.
بالفعل كاد هاشم أن يغرس الحقنه بعضدها لكن تراجع على آخر لحظه، ظناً منه أنه لو أعطى زينب الحقنه الآن ستستجمع بعض قوتها ووقتها لن تذهب معه،الى تلك الباخره،تلك نقطه عليه إستغلالها…بالفعل لم يعطى لزينب الحقنه.
فتحت زينب عينيها ورأت هاشم يضع الحقنه بجيبه وقال:هديكى الحقنه يا زينب بس مش هنا عالباخره،أنا معنديش ثقه فيكى.
تحدثت زينب بوهن:ولا أنا يا هاشم عندى ثقه فيك،بس هتندم إنك مدتنيش الحقنه،لأنى ممكن أموت فى أى لحظه،لو إتأخرت فى أخد الحقنه.
رد هاشم:مش هتموتى يا زينب،كلها دقايق ونبقى فى الباخره فى عرض البحر
بالفعل دقائق وكان هاشم يضع قدمه بالباخره.
تحدث القبطان له وقال:
فين فابيو ورجالته.
رد هاشم خلينى أدخلها لأى أوضه يكون فابيو ورجالته وصلوا.
بالفعل سمح القبطان لهاشم وأخدة الى أحدى غرف الباخره وضع هاشم زينب بالغرفه، ثم خرج اليه وقال: لمى جابت الأمانه لهنا.
رد القبطان أيوا، فى حاويه كبيره زى كل مره، بس فين فابيو.
رد هاشم وهو يرفع سلاح بوجه القبطان: فابيو مات ولو عاوز تحصله خالف أمرى، الباخره قدمها قد أيه وتمشى.
رد القبطان برجفه: خلاص تقريباً كده الحموله خلصت، دى سفينة بضاعه بتنقل مواد بتروليه،يعنى مفيش أى تفتيش عالسفينه.
رد هاشم:تمام يلا على مقصورة القياده وأتوكل لطريقك،وأنا هفضل هنا فى الأوضه دى وأفتكر أى حركة غدر إنت المسؤل عن البنت اللى جابتها لمى لهنا، أنا معرفهاش، أنا سهل أنط من الباخره، لكن إنت اللى هتتسأل سواء عالبنت التانيه أو اللى دخلتها من شويه.
إرتجف القبطان وذهب الى مقصورة قيادة الباخره.
…… ـــــــــــــــــــــــــــــــــــــــــــــــــــــــــــــــ
بنفس الوقت كان هنالك قوه كببره تداهم تلك الڤيلا التى دل رفعت محمود بوجود زينب بها وكان رفعت من ضمن تلك القوه،
تغلبت الشرطه على أوغاد فابيو اللذين تساقطوا أمام رجال الشرطه
دخلت الشرطه الى داخل الڤيلا… تتجول بحذر مبالغ،
الى أن وجد أحد القوات تلك الغرفه المقتول بها فابيو
عبر جهاز الاسلكى بينهم دخل محمود ورفعت الى الغرفه
نظروا الى فابيو المُسجى أرضاً بدماؤه
تأكد رفعت أن زينب كانت هنا، لكن مازالت بخطر وهى مع هاشم
خرجت القوات من الڤيلا،
إقترب مجد ووسيم من رفعت حين راؤه يخرج من الفيلا
تحدث الإثنان بنفس الوقت: لقيت زينب
لقيت ليلى.
رد محمود: للأسف مش فى الڤيلا، خلونا بسرعه نشوف الابتوب، يدلنا على مكان الإشاره الجديد
بالفعل عاد رفعت لجهاز الحاسوب، الذى بدأ يعطى إشاره من ناحية البحر لكن
الإشاره بدأت تختفى عليهم التحرك سريعاً
بالفعل ما هو الإ وقت قصير وشق عتمة قلب البحر أضوية البحريه المصريه
فلا شئ مستحيل على قلب العاشق
حتى لو أوقد نيران فوق مياه البحر.
….. ــــــــــــــــــــــــــــــــــــــــــــــ
بالسرايا
رأى رامى خروح والدة مروه من الغرفه
دخل الى الغرفه
لم يتوقع أن تكون مروه مستيقظه بهذا الوقت.
لكن مروه حين رأت دخول رامى،أزاحت الغطاء من فوقها ونهضت من على الفراش،وأشعلت باقى ضوء الغرفه وقالت:
أخيراً جيت تطمن عليا،والله كتر خيرك،وانا اللى ظلمتك وقولت ده نسى إنى مراته ولا يمكن تاه عن مكانى فى السرايا،ما هى السرايا واسعه قوى،ممكن تتوه.
علِم رامى أن مروه تتهكم عليه وقال:مروه أنا مش رايق لطريقة كلامك دى،أرجوكى بلاش.
تهكمت مروه وقالت بحِده:بلاش أيه،وياترى أيه اللى معكر مزاج رامى بيه لتكون زعلان عالبيبى اللى راح،والله ضحكتنى،أنا هنا من إمبارح حتى معفرتش رجلك بحبة تراب من اللى مش موجودين فى السرايا قولت أروح أطمن عاللى أجهضت دى حالتها أيه،بس ليه تتعب نفسك،خلاص زهوتى عندك راحت،وكمان البيبى اللى كان هيربط بينا راح،كنت حاسه من وقت ما قولت لك إنى حامل إنك مفرحتش الفرحه اللى كنت متوقعاها،ويمكن فرحت أكتر لما البيبى نزل.
تعصب رامى قائلاً:مروه بطلى تخاريف وظنون مش موجوده غير فى دماغك وبس،أنا مش هرد عليكى وهسيبك لحد ما تهدى.
تعصبت مروه وقالت:أنا ههدى لما أريحك يا رامى طالما زهوتى خلاص راحت وكمان البيبى نزل..مفيش قدامنا غير الإنفصال بهدوء
نظر رامى لمروه بذهول وقال:
فعلاً أنا لأول مره أحس انى كان لازم أدوس على قلبى واحده حاولت تنتحر علشان متتجوزش منى،هنتظر منها تحبنى غصب عنها
هريحك يا مروه وهحققلك طلبك بس بعد رجوع زينب وليلى وأدعى إنهم يرجعوا بخير،
زينب وليلى أختك مخطوفين من إمبارح ومنعرفش مكانهم وده كان سبب بعدى عنك
مش الاوهام اللى فى دماغك.
قبل أن تنطق مروه سمعت إرتطام جسد والداتها التى عادت الى الغرفه، وسمعت نهاية حديثهما معاً، لم يستطيع عقلها ولا قلبها التحمل
واحده مُقبله على طلاق
والأخرى مخطوفه
سقطت فاديه أرضاً مغشياً عليها.
ـــــــــــــــــــــــــــــــــــــــــــــــــــــــــــــــ
الشعله الأخيره يوم الأحد
#يتبع
للحكايه بقيه
ـ
الشعله الثامنه والثلاثون النهائيه… وإنطفئت النيران بالعشق
ــــــــــــــــــــــــــــــــــــــــــــــــــــــــــــــ
ذهب رامى سريعاً وحمل فاديه وقام بوضعها على الفراش، فى نفس الوقت آتت مروه بزجاجة عطر، حاولت إفاقة والداتها،بالفعل إستجابت لها وفاقت قائله بدموع:ليلى،كان قلبى حاسس وسألت نعمان عليها أكتر من مره وكان بيتحجج بحجه شكل،يارب أنا عمرى ما طمعت غير فى الستر ليا ولبناتى،يارب أنا عمرى ما كنت طمعانه غير فيك يارب رجعها ليا بخير وبستر.
قالت فاديه هذا ونظرت لمروه التى تقف جوارها تبكى هى الأخرى وفجأه قامت بصفعها على وجنتها وقالت لها:
هتفضلى طول عمرك غبيه ومتسرعه ومعنديش ثقه فى قيمة نفسك وده اللى هيخسرك حياتك،الشك اللى عايشه فيه،كان لازم أفوقك من زمان،لو كنتى نزوه بالنسبه لرامى كان من زمان بسهوله خدك ورماكى،متفكريش إن رفضك له قبل كده كان يمنعه عنك،ولما حاولتى تنتحرى علشان متتجوزهوش لو واحد غيره وإتجوزك كان ذلك أحلى ذُل بعد ما أتجوزك وكان عايشك خدامه فى سرايته،لكن رامى معملهاش لأنه بيحبك حقيقى،وأنا شايفه إنك خسرتى الحب ده بغباوتك وتفكيرك الغلط ،فوقى قبل فوات الآوان،ولا أنا شايفه إن الوقت فات فعلاً،ورامى مش غلطان فى حقك.
قالت فاديه هذا وحاولت النهوض من على الفراش قائله بتوسل لرامى:قولى الحقيقه يا رامى،بنتى جرالها أيه؟
رد رامى المذهول من رد فعلها مع مروه وقال:رفعت ووسيم راحوا إسكندريه فى خبر أنهم هناك وإنشاء الله يكونوا بخير هى وزينب.
بكت فاديه تقول بدعاء ومناجاه:يارب،أنا هروح لبيتى بس أمانه عليك أى خبر يجيلك قولى عليه.
رد رامى:بلاش ترجعى لبيتك علشان هبه عندها إمتحانات وممكن تتأثر بالسلب لو عرفت حضرتك خليكى هنا،وأى خبر هيوصلنى هقولك عليه.
نظرت فاديه بإتجاه مروه المذهوله من صفع والداتها لها تنزل دموع عينيها وقالت:لأ أنا هروح بيت نعمان وأكيد نعمان معاكم على تواصل من البدايه هو اللى خبى عليا.
رد رامى:وكمان عمى صفوان يعرف،بصراحه إحنا خوفنا على حضرتك.
نظرت فاديه لرامى ثم ل مروه وقالت بقوه زائفه:أنا خلاص إتعودت عالصدمات بحياتى،أنا هبقى عند نعمان.
قالت فاديه هذا وتمسكت بالقوه الزائفه وغادرت الغرفه،وتركت مروه التى رفعت وجهها تنظر ل رامى بخزو مما فعلته وقالتهُ والداتها هى وضعت الحقيقه أمام مروه،لو كانت زهوه بنظر رامى لكان عاملها بذل فى سراياه،وكان أقل شئ عايرها أنها إبنة أحد خادميه،لكن رامى لم يفعل ذالك،لو كانت زهوه كان إختنق من غيرتها الزائده وشكها الدائم فيه حين يغيب عن عينيها تظن أنه سيتركها مع الوقت،كيف صور لها عقلها هذا،كيف إعتقدت أن وجود رابط بطفل او بطفله بينهم سيمنعه من الأبتعاد عنها لو فقدت زهوتها لديه…هل سيغفر لها رامى الآن.
جلت مروه صوتها وكانت ستتحدث،لكن قبل أن تتحدث،قال رامى:
الغيره والشك الأتنين أقوى قاتل للحب يا مروه…مش الفوارق الإجتماعيه ولاالجمال،،دول مظاهر فارغه قدام الحب الحقيقى،بدليل الجميله عشقت الوحش رغم أنه كان مسخ مشوه،ومكنش عندها شك إنه لما هيتحول ويرجع الأمير الوسيم هيقدر ينسى حبها أو هيبص لغيرها،للأسف يا مروه أنا فى فتره صغيره إكتشفت إن الخيال أبعد ما يكون عن الواقع،إنا حبيتك طول عمرى ورجعت علشانك وإتحملت كتير جفائك حتى لما قولتى لى إنك بتحبينى صدقتك بس كنت غلطان،إنتى خنقتى الحب ده بإيدك وبغيرتك وشكك اللى كانوا فى دماغك من البظابه ،لو مكنتش عاوزك من البدايه مكنتش حاربت قلبك علشان أفوز بس بكلمة حب منك،حتى لما حاولتى تنتحرى مع الوقت نسيت او إتناسيت وكان نفسى نكمل حياتنا سوا،حتى لما إتحطيت فى إختيار إختارتك وبعدت عن هنا،وده كله بدل ما يديكى البرهان على حبى وتمسكى بيكى فسرتيه على هواكى،لكن تفكرى إنى فرحت لما أجهضتى علشان بكده الرابط اللى كان هيبقى بينا إنتهى كان فوق تصورى،بكده وصلنا لنهاية قصة الجميله والمسخ.
قال رامى هذا وترك هو الآخر الغرفه مُخلفاً خلفه مروه التى إنهارت فوق الفراش باكيه بحُرقه،كل ما قالته والداتها وأيضاً رامى كان الحقيقه التى غفلت عنها وفسرت الاحداث على هواها
…,,,, ـــــــــــــــــــــــــــــــــــــــــــــــــــــــــــــــ
بين أمواج البحر بدأت تلك الباخره فى السير نحو وجهتها الى سواحل قُبرص والتى تحمل حموله لحد ما ليست كبيره ل بعض المواد البتروليه التابعه لشركه معروفه فالكميه مُرسله تمويل لبعض معدات التنقيب عن البترول فى البحر.
وقف هاشم أمام أحدى الحاويات،تحدث مع أحد الرجال وقال:عملت اللى قولتلك عليه.
رد:أيوا يا هاشم بيه،البنت هنا جوا مع الباقين ووصيت الرجاله على لمى هانم .
تبسم هاشم بظفر وقال: إفتح الكونتينر عاوز أحدد قيمة الطرد ده قبل ما نوصل.
فتح الرجل باب الحاويه، دخل هاشم الى داخلها، نظر حوله الى هؤلاء الصبيه والفتيات الصغيرات، تبسم يقول: لأ المره دى العدد كبير، قال هذا وتوجه الى أحد الأركان كانت ليلى ممده أرضاً، جلس القرفصاء جوارها ونظر لاجزاء جسدها الظاهره بسبب ملابسها الممزقه… بإشتهاء وقال:
دورك جاى قبل ما نوصل قبرص هكون أستمتعت بيكى كفايه وبعدها أنتى وإختيارك،وبكده أبقى حرقت قلب الحقير صفوان كفايه يعيش وهو مش عارف إن كنتى عايشه ولا ميته،الحقير اللى فكر إن فى حد يقدر يقف قدام هاشم الزهار ويمنعه عن حاجه هو نفسه فيها،لأ وكمان درس لوسيم الشامى لدعت قلبه،مفكرنى غبى ومكنتش عارف إنه مغرم بيكى أنا شوفت عينيه يوم زفاف رامى منزلتش من عليكي،وارث غباء مهره،بس أنا حرقت قلبه زى زمان ما حرقت مهره،مفكره إنها هتقدر عليها،غلطانه أكيد لازم أبعت لها هديه من قبرص،بس أوصل لهناك.
نهض هاشم وتوجه يخرج من باب الحاويه وتحدث للرجل: بعد أربع ساعات تدخل تانى ترش عليهم مخدر، وتنتظم فى كده مش عاوز حد فيهم يفوق قبل ما نوصل.
أعطى الرجُل التمام لهاشم.
غادر هاشم المكان متوجهاً الى الغرفه الموجوده بها زينب.
بداخل تلك الغرفه ،بدأت زينب تشعر بخدر يغزو جسدها،لابد من آخذ جُرعة أنسولين الآن،والأ بعد وقت قليل قد تذهب الى مضاعفات وتدخل فى غيبوبه،شعرت بفتح باب الغرفه ودخول هاشم،جلست على الفراش وقالت له ببداية بوهن شديد:
الحقنه لازم آخدها دلوقتي.
فكر هاشم هو درس صيدله سابقاً حقاً لم يُكمل دراستها للنهايه لكن لديه خلفيه عن تآثير بعض الأدويه العلاجيه،على المرضى،ومنها عقار الأنسولين الشهير،والمستخدم الرئيسى فى علاح مرضى داء السكرى،لو أعطى زينب الحقنه الآن والباخره بالكاد تحركت قد تستعيد طاقتها قبل أن تدخل الباخره فى عُمق كبير بالبحر،ووقتها لا يضمن رد فعلها هو رأى سابقاً قوتها هى لم تكن بقوتهاكامله وواجهت فابيو بضراوه لم يقدر التغلب عليها بسهوله كما كان يعتقد،رغم أنه منع عنها الماء والطعام لأكثر من يوم،وتحملت ذالك،إذن لتتحمل بعض الوقت،لن تخسر شئ،بالفعل قال بكذب وهو يفتش فى ملابسه:
الحقنه يظهر وقعت منى هطلع أدور عليها وأرجعلك بسرعه.
بالفعل خرج هاشم من تلك الغرفه الصغيره فهى غرفة خاصه بعمال النظافه للباخره،إرتمت زينب على الفراش شعورها يزداد ببوادر إنسحاب الطاقه من جسدها،لولا تمسكها بالقوه الزائفه،وضعت يدها على بطنها،شعرت لأول مره بشئ ينبُش بضعف فى رحمها،تبسمت يبدوا أن هذا الجنين مثلها سيكون محارب، بعد ما مرت به ببداية الليله ومحاوله إغتصاب من فابيو،صدته عنها بجساره وكذالك غدر ذالك المخادع هاشم بفابيو وقتلهُ له،أنقذها من الوقوع فى براثن ذالك الوغد الذى كان يريد مساومتها بتسجيل فيديو بعلاقه جسديه له معها،يستغله فى خضوعها لما يريد ،لكن مازال الأسوء،هاشم نفسه،وجسدها تنسحب منه الطاقه لديها يقين هاشم سيستغل ذالك ويساومها هو ايضاً،قلبها يشعر أن رفعت سيأتى من أجلها،لكن السؤال: هل سيأتى وأنا مازالت على قيد الحياة، وضعت يدها كى تمسك سلسال المصحف التى دائماً كانت تحرص على إرتدائه، لكن تفاجئت السلسال غير موجود على عُنقها، أين وقع.. دخل لقلبها شعور بنقص من دون ذالك السلسال.
…..
بالفعل ها هو رفعت يشُق مياه البحرليلاً من أجلها أضاء عتمة البحر بأضويه لانشات قوات من البحريه المصريه،
وهنالك سفينه أيضاً مساعده لتلك الانشات كان رفعت على متنها،وكذالك وسيم ومجد اللذان طلبا من رفعت إصطحابهم معهم والبقاء بالسفينه دون المشاركه فى المداهمه التى سوف تحدث فقط مرافقان
حاصرت الانشات تلك الباخره المشتبه بها دون لفت انتباه الباخره بذالك ،لكن السفينه التى مع القوات أرسلت إشاره الى قائد الباخره بالتوقف عن مواصلة السير فى البحر،
مما أفزع قبطان السفينه…وذهب مُسرع نحو تلك الغرفه الموجود بها هاشم
تفاجئ به يقف أمام باب الغرفه
تحدث القبطان:
مصيبة فى سفينه من البحريه المصريه قريبه منى فى البحر بعتت إشاره بالوقوف.
إنخض هاشم وقال له:قصدك أيه،يعنى ممكن يكونوا شاكين فى وجود حاجات ممنوعه عالباخره إنت مش كنت قولت لفابيو،الباخره هتبقي محمله مواد بتروليه مبعوته لمعدات شركة التنقيب،وبالتالى مش هيبقى عليها تفتيش.
رد القبطان:هو بيحصل كده فعلاً،بس ممكن يكون فى تبليغ حصل عالسفينه أو ممكن يكون الإحتمال ده غلط،وتكون سفينة البحريه نفسها محتاجه مساعده أو فى شئ الشركه المسؤله عن حمولة الباخره محتاجه تزوده.
رد هاشم:اياً كان السبب ممنوع توقف الباخره كمل طريقك،فاهم.
رد القبطان:عدم إستجابتى لسفينة البحريه ممكن يزرع شك عندهم،أنا رأيي أنى أوقف وأشوف هما عاوزين أيه ممكن تكون سفينة البحريه محتاجه مساعده وبعدم وقوفنا يدخل شك لهم إن السفينه بتهرب ممنوعات،وتدى إشاره لمركز القياده البحريه وإحنا لسه مخرجناش من المياه الإقليميه ونلاقى هجوم علينا،رأيي أستجيب لإشارة سفينة البحريه،بدل من التجاهل يعمل شك حوالين الباخره.
رد هاشم: تمام.
عاد القبطان الى كابينة قيادة الباخره وقام بتوقيف الباخره، من أجل الإستعلام ماذا تريد سفينة البحريه وإن كان لديه شك، بأن هنالك خطبُ ما، فا ردار الباخره إلتقطت حركة لانشات قريبه من مسار الباخره، ولم يُخبر هاشم بذالك خوفاً منه أن يجعله لا يتوقف بالباخره ووقتها من الممكن حدوث هجوم من البحريه عليه وقد يدفع ثمن ذالك سواء كان بالموت أو حتى توقيفه عن العمل كقبطان بالبحريه، هو ليس عليه أى مسئوليه، إذا تم القبض على هاشم أو عثور البحريه على تلك الحاويه الأخرى من السهل عليه إنكار معرفته بها، عدا ذالك هو بمأمن فابالأصل الباخره تنقل بضاعه بطريقه سليمه.
بينما بسفينة البحربه
تحدث محمود ل رفعت: رجعت إشارة جهاز التعقب تانى.
رد رفعت: الاشاره بتيجى مُذبذبه، مش عارف السبب بس لما بتظهر الاشاره بتيجى من الباخره دى، عالعموم مش خسرانين حاجه بسهوله نقدر نفتش الباخره، غير إنت عارف مين قبطان الباخره ده وحده تأكيد لشكوكنا.
فى ذالك الأثناء آتى الى مكان وقوفهم أحد زملائهم قائلاً:بعتنا إشاره للقبطان الباخره وهو رد أنه هيتوقف،وبالفعل السفينه هدت من سرعتها وخلاص بقينا قريبين منها جداً.
تعجب محمود ورفعت هم توقعوا عكس ذالك،ربما راوغ قبطان الباخره وإكتسب وقت قبل الرد ودخل الى المياه الدوليه وقتها بإمكانه رفض توقف الباخره،لكن مع ذالك قال محمود:
بلاش نلفت النظر من أولها الباخره مُحمله مواد بترولية ممكن بسرعه تشتعل،خلينا نطلع الباخره بهدوء زى ما قولت أخو الدكتوره قال إنه بيشتغل مهندس تنقيب فى الشركه اللى باعته المواد البتروليه دى، هو لبس درع واقى تحت هدومه، وزى ما نوهت عليه إنه يطلع للباخره بصفته مهندس فى الشركه.
رد رفعت:تمام…ربنا يستر…خلينا نبدأ المداهمه بهدوء.
بالفعل صعد محمود ومعه مجد الى الباخره..
تحدث محمود:البشمهندس مجد بيشتغل فى شركة البترول والمفروض أنه كان يبقى مُرافق مع الحموله بس للأسف لأنه إتعطل فى الطريق ووصل متاخى بعد الباخره ما طلعت فى البحر،هو طلب مننا إننا نوصله لحد الباخره،بالذات إن الباخره لسه مكنتش بعدت عن المياه الإقليميه.
تبسم القبطان وقال براحه قليلا قبل أن يتفاجئ بعد ذالك.
ممكن هاوية البشمهندس علشان أطمن مش أكتر.
بالفعل أخرج مجد هاويته،تأكد من عمل مجد فعلاً بالشركه إستراح رغم أنه لم يلاحظ كنية مجد السمراوى المكتوبه بالهاويه،هو لا يعرف أن المرأه التى أتى بها هاشم تحمل نفس الكنيه
،لكن سرعان ما عاد ليس فقط لللشك بل لليقين، حين رأى صعود مجموعه أخرى من القوات البحريه وما زاد إرتجاف القبطان،،،صعود رفعت هو يعرفهُ جيداً.
بسرعه كانت القوات تصعد مما أربك القبطان وقال: فى أيه بالظبط، أنا ماليش دعوه بالباخره غير إنى القبطان بتاعها وأى شئ تانى الشركه اللى بنقل لها هى المسئوله عنه.
تبسم رفعت الذى إقترب من القبطان وقال: فين هاشم قولى على مكانه ووفر على نفسك الباخره تعتبر أصبحت تحت سيطرة القوات البحريه غير الانشات اللى حواليها يعنى مفيش مكان للمراوغه.
إرتجف القبطان وقال بكذب: مين هاشم.
رد رفعت: هاشم الزهار… صديق المرحوم والداك العزيز اللى قتلوه علشان تاخد سيادتك مكانه، خلص وقولى فين هاشم، واللى كانوا معاه أكيد عرفت إنه قتل فابيو.
إرتجف القبطان وصمت، بينما قال محمود: كده مفيش قدامنا غير التحفظ عليك و تفتيش الباخره..
بالفعل بدأت القوات تتحرك بهدوء فوق الباخره.
بينما بالغرفه الموجود بها زينب سمعت صوت دخول هاشم مره أخرى نهضت بوهن شديد وقالت:
لقيت الحقنه.
رد هاشم: أيوا لقيتها، بس قبل ما أديها ليكى ليا شرط.
علمت زينب أن ذالك الخسيس سيُساومها فى مقابل إعطاؤه لها الحقنه بخِسه، لكن لا بأس لتعرف مساومتهُ، وقالت: أيه هو الشرط ده؟
رد هاشم: إنتى مقابل الحقنه.
ادعت زينب عدم الفهم وقالت: قصدك أيه؟
رد هاشم: يبقى بينا علاقه ووقتها أضمن أنك متغدريش بيا بعد ما تاخدى الحقنه.
إنزوت زينب على الفراش وقالت له: العمر واحد يا هاشم ولو مكتوبلى أموت الحقنه مش هتحيني، ولو موت دلوقتي هبقى شهيده فى أعلى مراتب الجنه، هفوز بأيه أكتر من إنى أدخل الجنه بدون حساب.
إغتاظ هاشم بشده من رد زينب القوى عليه وشت عقله تلك التى بدأ الشحوب يغزو وجهها مازالت تدعى القوه،ورفضت عرضهُ
تعصب قائلاً:بس قبل ما تموتى يا دكتوره هاخد منك اللى كنت عاوزه من أول مره شوفتك فيها،رفعت لما إتجوزك مكنش بيحبك ولغاية دلوقتي مش بيحبك بدليل إنه مش بيدور عليكى،لحد دلوقتي،رفعت خدك من قدامى علشان يغيظنى مش أكتر.
ردت زينب التى بدأت تنسحب تدريجياً وقالت:حتى لو رفعت مكنش خدنى من قدامك عمرى ما كنت هفكر فيك يا هاشم حركاتك من البدايه كانت مكشوفه ليا،وقابلت زيها كتير،بس فى قذارتك كنت الأسوء.
ضحك هاشم كأن بدأ عقله يشت منه وقال:إحنا فى البحر بعيد أن أى مكان وهاخد اللى فى نفسى،أنا أخدت كل اللى فى نفسى قبل كده،مبقاش ناقص غيرك،وهخدك يا دكتوره هتكونى ليا حتى لو موتى بعدها.
تحدثت زينب:مش هتقدر تاخدنى غير وأنا جثه يا هاشم بلاش تبقى متأكد من قوتك،أوعى تكون مش عارف إنى دكتوره وسهل كنت أعرف سبب النغزه اللى فى قلبك وكنت بتتحجج بها وتجى للوحده تقولى عليها،سببها المنشطات اللى تقريباً مدمن عليها.
ضحك هاشم بقوه وقال:يبقى إحذرى منى يا دكتوره أنا ديب.
ردت زينب:الديب أشرف منك عالأقل بيعيش مع أنثى واحده طول حياته مش بيريل على واحده تانيه متجوزه،وبيهددها يا تخون جوزها وتبقى له ياتموت.
كانت ردود زينب تُصيب هاشم فى عقلهُ مباشرةً تلك الطبيبه أقوى من الازم،ما سبب قوتها؟
جاوب عقلهُ…سبب قوتها العشق،هى تعشق ذالك الحقير رفعت.
بذكر عقله لإسم رفعت ثار عقل هاشم،لا لن يجعل رفعت فائر،سيأخذ جسد تلك الطبيبه،والآن…لا داعى للإنتظار،قوتها أصبحت واهيه لن تقدر على مقاومته،بالفعل بدأ فى خلع ثيابهُ جزء خلف آخر،لم يبقى سوى بالبنطال،إقترب من مكان إنزواء زينب على الفراش،وقام بشد إحدى ساقيها بقوه وقام بفردها على الفراش وفعل ذالك بالساق الأخرى،وركز برسغي ساقيه فوق ساقيها،كانت زينب بدأت تشعر بالنهايه أمامها،لكن لن تستلم قبل النفس الأخير،بالفعل قامت بضرب يدها فى وجهه،بصفعات ضعيفه،أغاظت هاشم فقام بصفعها على وجهها صفعات ليست قويه ولا ضعيفه،حتى أنها فرت دماء من بين شفتيها وأنفها أيضاً نزف دماء جعل قواها تذهب للنهايه،وأصبحت تنسحب الحياه من جسدها،ولم تعد قادره على مقاومته تبسم بظفر،ومدد جسد زينب فوق الفراش.
لكن بذالك الوقت
كان رفعت بين القوات يمشطوا الباخره،وسمعوا أصوات عاليه،
توجه رفعت ومعه بعض القوات،فتح الباب بحذر
ثم شهر سلاحه وهو يدخل الى الغرفه،
إنهار عقله وهو يرى هاشم يجثوا بجسدهُ فوق جسد زينب،كاد يُفرغ رصاص سلاحه برأس هاشم،لكن نهض هاشم عن جسد زينب وأخرج تلك الحقنه من جيب بنطاله وقام بسحب هواء بها وقال:
قبل ما تقتلينى هكون قاتل الدكتوره قدام عينيك،زى زمان ما حرقت أهلك قدام عينيك،إرمى سلاحك
قال هاشم هذا وقام بتوضع الحقنه فوق عضد زينب،
لم يقول هذا فقط بل قام بالجثو مره أخرى فوق جسد زينب وقال:
وقبل ما أقتلها هاخدها قدام عنينك،
لكن أخطئ هاشم فى الحسبه لم يكن عليه التحدث بتلك الطريقه،
زينب حقاً تشعر بقُرب نهاية حياتها لكن لن تدع وغد مثل هاشم بنيل ما يريد ويدنس جسدها،رفعت إحدى ساقيها وإستجمعت ما تبقى من قوتها وإستقوت بوجود رفعت أيضاً فهو لن يتركها ترحل وبأحشائها نطفتهُ،
رفعت ساقها وقامت بضرب هاشم ضربه قويه أسفل منطقة خصرهُ،لا ليست ضربه واحده بل ضربات متتاليه،أفقدته عقلهُ من الألم الذى يشعر بقوته،فهو آلم يشبه الذبح بسكين بارده،
فى ذالك الوقت وقعت الحقنه من يد هاشم على الفراش وتنحى عن جسد زينب ينزوى بأحد أركان الغرفه يشعر بسيلان دماء منه مُصاحب لألم ساحق أفقده الحركه والتفكير.
سريعاً وضع رفعت سلاحه فوق خصره وتوجه للفراش وأخذ تلك الحقنه،وقام بأفراغ الهواء منها ولحظات كان يغرس الحقنه بعضد زينب،التى إستسلمت أخيراً وأغلقت عينيها تُرحب بأى نهايه.
لكن لم تكن النهايه مازال وقت الرحيل لم يحين.
تحدث رفعت بإستجداء لها:زينب إفتحى عيونك،خلاص هاشم إنتهى،إفتحى عيونك علشانى وكمان علشان الجنين اللى فى بطنك،لازم تتمسكى بالحياه علشانهُ،بالفعل فتحت زينب عينيها لثوانى وقالت له بتوهان:إتأخرت ليه يا همجى.
تبسم رفعت وقام بحضنها بقوه،الى أن آنت بين يديه…خفف من حضنه لها وقام بلف الملاءه الموضوعه على الفراش أسفلها عليها وقام بحملها،وخرج من الغرفه،بينما دخل بعض رجال القوات وقاموا بالقبض على هاشم الذى شبه شُلت حركته السير على قدميه له الآن مثل تروس المكن الحديديه حين تحتك ببعضها دون عازل فتنكسر التروس…سار بينهم،يشعر بإنسحاب روحه مع زيادة الآلم والنزيف المصاحب له
لكن فكر عقلهُ الشيطاني،هل سيستسلم ويترك رفعت يفوز فى النهايه،
لا الشيطان لن يموت قبل أن يرسل أعداؤه للحجيم قبلهُ
بحركة خداع من هاشم مثل عدم القدره على مواصلة السير،جعل من كانوا يقبضون عليه،يقفون بسرعه أخذ سلاح أحدهم وقام بقتله وجرى يعرج مثل الذئب الجريح،يتوارى بين أحد أماكن الباخره،وقام بإطلاق الرصاص،نحو رفعت،لكن رفعت أخذ حذرهُ سريعاً وتجنب بزينب الى أحد الأماكن،ووضعها بمأمن وشهر سلاحه يرد على رصاص هاشم،
خرج هاشم من مكانه وإختبئ بمكان آخر ونظر لسلاحهُ لم يبقى سوا رصاصه واحده الآن،أمامه حلان،إما أن يُطلق الرصاصه برأسه،أو برأس رفعت
لكن هو مازال يريد الحياه،لتنطلق الرصاصه برأس رفعت،لكن هاشم لم يحسب مكانه جيداً خلفه أحد خزانات البترول وطلقه واحده تخترق ذالك الخزان إنتهى مُشتعل
وبالفعل كانت رصاصة رفعت تخترق جدار ذالك الخزان، الذى سُرعان ما إشتعل محدثاً كتله ناريه ضخمه طال لهبها الحارق جسد هاشم،الذى صرخ والنيران تلتهم جسده بسرعه،جعلته يتلوى من النيران ويسير بها وألقى بنفسه بين مياة البحر علها تُطفئ لهيب جسده،لكن المياه مالحه والنيران تشتعل فوق المياه فأعطتها سخونه قويه حتى إن إنطفئت النيران فالمياه تغلى بحرارة تلك النيران،مما جعل هاشم يظهر فوق المياه سريعاً،قامت القوات بسحب جسده الفانى.
حين رأى رفعت إشتعال النيران فوق الباخره،قام بحمل زينب سريعاً وسار بها بسرعه كبيره ثم ألقى بجسديهم فى المياه بعيد قليلاً عن مكان النيران،يداها تمسكت جيداً بزينب،سُرعان ما تلقى دعم من زملاؤه وسحبوه الى أحد الانشات وإبتعدت بهم عن مكان النيران.
بينما قبل دقائق،أثناء تفتيش القوات البحريه للباخره،لاحظوا وجود حاويه كبيره مغلقه،قاموا بفتحها،لم يذهلوا مما وجدوا فهم رأو مثل ذالك كثيراً،الحاويه كانت تحتوى على مجموعه من الأطفال المراهقين من الجنسين،كانت من بينهم ليلى أيضاً،كانوا مُخدرين ويضعون فوق أفواهم وأيديهم وأرجلهم لاصق
قامت إحدى الرافعات بحمل تلك الحاويه ووضعها فوق سفينة القوات…
بنفس اللحظه توجه وسيم الى تلك الحاويه وفتحها،تنهد براحه حين رأى ليلى من ضمن هؤلاء لكن زالت فرحته وهو يرى وجهها المكدوم وملابسها شبه الممزقه وبعض أثار التعذيب الواضحه،
خلع سريعاً قميصه وقام بوضعه فوق جسد ليلى،وقام بإزالة الاصق من على فمها ويديها وساقيها،وبدأ يوفيقها،لكن لم تستجيب له،لكن جث عرقها النابض وشعر بنبضهُ،مما جعله يطمئن قليلاً.
…..ـــــــــــــــــــــــــــــــــــــــــــــــــــــــــــــــ
بعد وقت أثناء عودة سفينة القوات.
إقترب مجد من رفعت الذى صعد للسفينه يحمل زينب وقام بتقبيل يدها قائلاً:
زينب حبيبتي.
تبسمت زينب الواهنه دون أن تفتح عيناها وقالت بمزح: بتبوس إيدى ليه مفكرنى ماما يا حيوان.
تبسم مجد وقام بتقبيل إحدى وجنتيها وقال:ما أنا كنت خايف أبوس خدك رفعت يرمينى فى النار اللى هناك دى…بحبك يا زوزى شكلى مش هعرف أتخلص منك.
تبسمت زينب دون رد وإستسلمت لتلك الغفوه التى تسحبها،نامت بين ذراعى رفعت وهى مُطمئنه.
بعد قليل وصلت السفينه الى المرفأ كان بإنتظارها أكثر من سيارات إسعاف،
نزل رفعت يحمل زينب وجواره مجد،وتوجه الى إحدى سيارات الإسعاف…
فتحت زينب عينيها ولعقت شفتيها وقالت: عطشانه.
تبسم رفعت كذالك مجد بينما أعطى أحد المُسعفين الموجودين بسيارة الإسعاف،زجاجة مياه ل رفعت.
بدأ بسكب نقاط من الزجاجه ووضعها بإصبعهُ فوق شفاها،كانت زينب تلعق شفاها،رغم أنها مجرد نقاط قليله لكن زال جفاف حلقها ونظرت ل رفعت قائله بوهن:أول مره أشوفك عالحقيقه لابس زي الشرطه البحريه أيه رجعت تانى للخدمه.
تبسم رفعت وقال: رجعت علشانك ووآخر مره هتشوفيه عليا…بعد كده،هبقى الهمجى اللى بيروض الخيول الشرسه.
بوهن ردت زينب:الشرسه غير قابله للترويض لو عجباك لازم تقبلها كده بشراستها.
تبسم رفعت وقال:عاجبنى شراستها وكنت خايف تضيع منى الشرسه.
… ****
كما نزل وسيم الذى حمل ليلى وصعد لسيارة إسعاف،ظل معها بالسياره مد يدهُ وأمسك يد ليلى وقام بتقبيلها،للحظات فتحت ليلى عيناها وقالت بتقطع:
لمى..لمى هى اللى كانت خطفانى.
تحدث وسيم:كان عندى شك إنها هى اللى وراء خطفك،سامحينى يا ليلى حاولت أحميكى وكنت ببعدك عنى كنت غلطان كان لازم أحميكى وأقربك منى،بس الوقت لسه مفاتش صدقينى،أنا بحبك يا ليلى.
لم تكن ليلى بقواها العقليه كانت تستمع لقول وسيم وتعتقد أنها بحلم وتتخيل ما يقوله.
لكن وسيم كان الندم يتأكل قلبهُ لحظات فرقت،لولا القدر ربما كان فقد ليلى،ربما كان عاش الباقى من عمره يبكى ليلاه.
….ـــــــــــــــــــــــــــــــــــــــــــــــــــــــــــــــ
قبل قليل بذالك الهنجر
تناوب هؤلاء الأوغاد
إغتصاب لمى،هم مُرتزقه جياع يعيشون بين شقوق الجبال والصحراء الواعره،لديهم رغبات مكبوته،حين تقع فريسه تحت أيديهم فهم لا يتركوها سوا بخروج روحها من جسدها،وهذا بالفعل ما فعلوه معها بسبب توصية كبيرهم لهم،هى سابيه لهم غنيمه ذهبت لهم بمحض إرادتها حين إستسلمت لشيطانها وسارت خلفه لا تعرف أى أخلاق تسلُك طريقها ولا لأى دين تنتمى،عاشت حياه مُلحده،ها هى تنتهى حياتها أسفل أجساد مُرتزقه كانت تعتقد أنها لديها القوه لإخضاعهم،لكن هم من نفس قذارتها بل أسوء هم جياع للنساء…وهى سقطت أمامهم
غادر هؤلاء المُرتزقه الهنجر تاركين جثة لمى لكلابهم الصعرانه الضاله يأكلون ما تبقي منهم،جسدها الذى إنتهكوه فى البدايه بإرادتها وفى النهايه بالأغتصاب المتتالى منهم،إنتهت مثلما فعلت مع نساء وفتيات غيرها،وأرسلتهم للجحيم،هى الآخرى ذاقت نفس الجحيم وأسوء.
……ـــــــــــــــــــــــــــــــــــــــــــــــــــــــــــــــ
بظهيرة اليوم التالى
بمشفى خاص تابع للبحريه المصريه
كان صُراخه يصم الأذان،بسبب إحتراق جسده بالكامل،مثلما حرق ذاق نفس الحرق وأسوء،فغيره أنهته النيران،أما هو مازالت نهايته مستمره،يتآلم كل جزء فى جسدهُ الذى إحترق حتى وجهه لم يبقى من ملامحهُ سوا عينين فقط،مع كل نفس يخرج منه آلم ساخق يشعر به ،وضعوه بغرفة مُخصصه لهذا النوع من الحرائق الجسديه،يصرخ فلا مُسكن ولا مُخدر قادر على تخفيف آلمه،لا شئ قادر الآن سوا رحمه ولطف الله عليه،لكن حتى هذا لن يناله،عليه تذوق ما فعله بأبرياء ذات يوم…
بدأ عقلهُ يستغيث بشيطانهُ الآثم الذى إرتكب جميع المعاصى، الشيطان يتلاعب به ليس فقط الشيطان، بل خيالات يصورها له عقله، بعودة من آذاهم أمامه، يقفون يضحكون عليه بتشفى مما وصل له، هو أصبح جسد بالي مثل الخِرقه الباليه مزقت النيران جلدهُ ولحمهُ، صرخ عليهم لكن لا يرحلون، هم يضحكون عليه، يزداد صُراخهُ وهم يزداد ضحكهم، يود أن يرفع يديه يصم أذنهُ، لكن ليس قادر على ذالك، جسدهُ بالكامل مُغطى بطبقه عازله، يصرخ لا آحد يُجيب عليه.
شيطانه صور له نهايه واحده ليستريح من آلمه المُضنى،… الإنتحار.
بالفعل تحكم به الشيطان وأعطاها قوه، نهض من على فراش العزل
خلع تلك الكلونه الموصوله بأحد عروق يدهُ، وحدها الرفيع، بدأ بثُقب عنقهُ وهو يهزى برؤيه من سبب لهم الأذى سابقاً، يشعر بآلم قاتل، لكن جبروت شيطانه جعله يتحمل ذالك، وبسبب إحتراق جسده كانت شراينه واهنه، وإنقطعت بسهوله، وبدأت تسيل دماؤه، بغزاره فوق أرضية غرفة العزل، لم ينال الراحه بل تآلم لآخر نفس خرج منه يعلن نهايته آثماً بالكُفر كان هذا هو الآثم الأخير له…الموت كافرًا.
…… ـــــــــــــــــــــــــــــــــــــــــــــــــــــــــــــــ
بمبنى خاص بالقوات البحريه.
وقف رفعت يؤدى التحيه العسكريه لقائدهُ.
تحدث القائد: مبروك يا سيادة الضابط خلاص صدرت ترقيتك إنت وزميلك محمود، بصراحه أديتوا مهمتكم على أكمل وجه… وأثبتم جسارة البحريه المصريه فى التعامل مع الخارحين، قتل فابيو ووقوع هاشم الزهار وكمان عضو فاسد زى حضرة النائب، وكمان القبطان، إعترف على مجموعه من معاونين للشبكه دى فى مصر، وقدرنا نبلغ الوحدات المختصه بالتعامل معاهم، وتوصلنا لبعض تجار البشر.
تحدث رفعت: وبالنسبه للأطفال اللى كانوا فى كونتينر عالباخره عملتوا فيهم أيه؟
رد محمود: إحنا رفعنا صورهم على بعض مواقع المفقودين اللى بيتبلغ عنهم من أهلهم، غير فى منهم كانوا هجره غيرشرعيه يعنى بعلم أهلهم ودول بلغنا أهلهم أنهم يجوا هنا يستلموهم.
تحدث القائد: برضو هجره شرعيه، نفسى أعرف ليه الأهالى بيضحوا بولادهم الصغيرين دول ويبعتوهم للموت بأيديهم،عقولهم فين؟
رد محمود:الفقر والطمع هو الدافع المسيطر على عقولهم يا أفندم.
رد القائد: فعلاً هما دول الدوافع المسيطره، ها يا رفعت مراتك والبنت اللى كانت معاها أزيهم دلوقتي.
رد رفعت: الحمد لله مراتى إستعادت جزء من صحتها والحمد لله ربنا لطف والجنين تمسك بالحياه….
وليلى الحمد لله جروحها مش قويه يومين تلاته وتسترد صحتها هى كمان.
تبسم القائد: أكيد الجنين هيبقى محارب زى باباه ومامته ربنا يكمل شفاها وتقوم بالسلامه.
تبسم رفعت يقول: متشكر يا أفندم، بصراحه أنا أخدت قرار نهائى بإنهاء مدة خدمتى فى البحريه، وقررت إنى أتفرغ لتربية وترويض الخيول… وده سلاحى وكمان الشاره الخاصه بيا.
قال رفعت هذا ثم وضعهم أمام القائد الذى قال بآسف:
بصراحه كنت أتمنى تستمر معانا فى الخدمه بس طالما دى رغبتك بتمنى لك التوفيق فى إختيارك.
تبسم رفعت ومد يدهُ يصافح القائد ثم خرج من مكتبه
يتوجه الى المشفى من أجل تلك الشرسه التى قلبت حياتهُ وجعلته يبدأ من جديد بطريق آخر لم يكن يتوقعه يوما
….. ……..
بعد العصر بالمشفى
بغرفة ليلى
تبسم وسيم وهو يساعد ليلى على إحتساء الماء
إرتوت ليلى وشكرت وسيم، وقالت له:
إمتى هخرج من المستشفى دى.
تبسم وسيم وقال: رفعت قال هنرجع الزهار النهارده عالمسا كده بس إنتى والدكتوره لسه حالتكم متستحملش الطريق فهنرجع فى عربية إسعاف، زى اللى إتخطفتوا فيها.
تنهدت ليلى بآلم وقالت: مش عارفه أيه سبب شر لمى من ناحيتى أنا عمرى مأذيتها.
رد وسيم: السبب نفوس ضعيفه قلبها مليان غِل وسواد بدون سبب وكانت غلطتى من البدايه.
ردت ليلى بخجل: وسيم هسألك سؤال جاوب عليا بصراحه… لمى وهى بتضربنى قالتلى إنك غلطت وقولت لها….
توقفت ليلى عن تكملة الحديث… فقال وسيم بإستفسار:
قالتلك أيه.
ردت ليلى بخجل: قالتلى إنك بتحبنى… أنا قولت لها مش….
قاطعها وسيم قائلاً: فعلاً بحبك يا ليلى ودى تالت مره بشارك فى إنقاذ حياتك والتالته تابته وهتجوزك.
إنصهر وجه ليلى وقالت بحياء:بس أنا لسه قدامى أربع سنين دراسه والجواز ممكن يعطلنى….وبصراحه مش موافقه.
ضحك وسيم وقال بثقه:لما نرجع للزهار..لينا كلام تانى يا لولا.
………..
بينما بغرفة زينب
دخل رفعت الى الغرفه الموجوده بها زينب وتبسم حين وجد زينب مستيقظه وقال:فين مجد؟
ردت زينب:خرج يتصل على ماما يطمنها عليا،ويقول لها بلاش تجى لهنا إحنا هنرجع المسا عالزهار.
نظر رفعت لوجه زينب المكدوم وعليه أثار صفعات لكن تبسم.
تحدثت زينب له: بتبصلى وتبتسم ليه، على فكره أنا ضربت فابيو وكمان هاشم،يعنى متفكرش أنهم علموا عليا.
تبسم رفعت وقال:خلينا نخرج من المستشفى ونرجع للزهار من تانى نبدأ من جديد مع إبننا المناضل.
قال رفعت هذا
و إقترب من الفراش وحمل زينب
التى قالت بعتاب مرح: رفعت أيه اللى آخرك يا همجى كنت مستنى تستلمنى جثه.
تبسم رفعت وضمها قوياً يقول بمزح: أيه ده إنتى تقلتى كده ليه، شكله كان بيغذيكِ كويس وواخد باله من صحتك.
ردت زينب: آه كان واخد باله من صحتى عالآخر الواطى هاشم كان بيساومنى على حقنة الانسولين قصادها أسيب له نفسى والتانى فابيو كان بيضغط عليا بالجوع والعطش.
رد رفعت: وإنتى رديتى علي هاشم بأيه:
ردت زينب: قولت له الرب واحد والعمر واحد… لو موتت دلوقتي هموت شهيده وأدخل الجنه وأرتاح من وش الهمجى رفعت الزهار لأنه عمره ما هيورد عالجنه أبداً.
ضحك رفعت
تذمرت زينب قائله: بتضحك على أيه يا همجى، بقولك نكته… الواطى هاشم كان هيتسبب فى موتى، وإنت بتضحك.
رد رفعت بضحك: هو كان هيتسبب فى موتك، وإنتى موتى رجولته عالأخر.
ردت زينب: يستاهل… مفكرنى هفأ ولا أيه؟
ضحك رفعت يقول: هفأ… متأكده إنك دكتوره.
ردت زينب: بصراحه بفكر أعتزل المهنه دى، وأشتغل فى تربية الخيول… بتكسب أكتر وأذل الواد مجد اللى بيقبض بالدولار اقوله مفيش حد احسن من حد.
تبسم رفعت ينظر لها وأحنى رأسه وقام بتقبيل شفاها.
تذمرت زينب من تقبيله قائله: شفايفى بتوجعنى يا همجى بسبب تلطيش الواطى .
تبسم رفعت يقول: شفايفك بتوجعك من كام قلم وبالنسبه لأبنى اللى فى بطنك ده… ظروفهُ أيه… بعد الضرب ده كله ولسه متمسك بالحياه…(رضوان) أكيد هيطلع أسد زى جدهُ.
ردت زينب: لأ هيطلع همجى زيك، أنا كان نفسى فى بنت رقيقه زيي كده،بس للأسف السونار حدد نوع الجنين،بولد.
ضحك رفعت يقول: رقيقه!
قولى شرسه
انا بستغرب أزاى واحده تبقى حامل فى حوالى أربع شهور ومتعرفش ونازله ضرب ومغامرات… مرمطى إبنى معاكِ من قبل ما يطلع للحياه.. أعملى حسابك مفيش شغل لحد ما تولدى.
ردت زينب: لكل مقام مقال… بس أسترد صحتى وبعدها يحلها ربنا…. يا قدرى الأسود يظهر إنك لعنه مش هعرف أتخلص منك أبداً.
تبسم رفعت وضم جسد زينب لقلبه قائلاً: وأنتى صاحبة أحلى لعنه و قدر فى حياتى يا شجرتى الطيبه.
حركت زينب رأسها على صدر رفعت كالقطه قائله: أنا جعانه على فكره، ولو مأكلتنيش أنا هتحول لمصاصة دماء وأعضك من رقابتك، ما هو مش إبنك يتغذى منى وأنت مجوعنى.
تبسم رفعت يقول بمزح: والضرب اللى أكلتيه مشبعكيش.
نظرت له قائله: لأ مشبعنيش أصله كان ضرب ناشف مفيهوش حاجه حتة لحمه طريه زى رقابتك كده…إياك بعد اللى حصل ده كله تكون النيران اللى فى قلبك إنطفت.
تبسم رفعت وقال: النيران إنطفت بالعشق.
ـــــــــــــــــــــــــــــــــــــــــــــــــــــــــــــــ
الشعله 39الختاميه…… طيب المشاعر
….. ــــــــــــــــــــــــــــــــــــــــــــــــــ
مساءً بسرايا الزهار.
دخل رفعت يحمل زينب بين يديه أقبل عليه كل من صفوت وهاله بفرحه كبيره لكن شعرت بغصه حين رأت بعض أثار الضرب على وجه زينب، وضعت يديها على وجنتيها وتنهدت بآلم وتدمعت عيناها، لكن
إنحنى صفوت وقام بتقبيل وجنة زينب وهو الآخر يشعر بآلم.
بينما تحدث مجد بمزح: شوف يا بابا شوفى ياماما، كل قوى فى الأقوى منه زوزى كانت بتفترى عليا وتضربنى وتقلبنى فى فلوس أهو جه اليوم اللى شوفتها متعلِم عليها.
ردت زينب: مين اللى متعلِم عليها أوعى لألفاظك شويه متفكرش إنى هفأ زيك،أنا بس إتاخدت على خوانه وكمان علمت عليهم أنا عدمت هاشم رجولته.
تبسمت هاله قائله: يستاهل، ربنا ينتقم منه.
رد رفعت: ربنا فعلاً إنتقم منه وبيكفى إنه مات كافر.
نظرت زينب له متعجبه…
تبسم رفعت: أنتى قضتي السكه نوم فى الأسعاف وإحنا جايين من إسكندريه لهنا، وانا جالى إتصال من زميل سابق ليا، وقالى أنهم إتفاجئوا بهاشم مُنتحر فى أرضية أوضة العزل اللى كان فيها.
ردت زينب قائله: يعنى حتى آخر باب للتوبه خسرهُ ومات كافر كمان.
تحدثت هاله: كل واحد بياخذ جزاء عمله،يلا بلاش وقفتك دى هنا يا رفعت طلع زينب للأوضه، علشان ترتاح، ونشوف أيه حكاية الحمل المفاجئ دى كمان.
تبسمت زينب
بعد لحظات وضع رفعت زينب بالفراش، وتبسم
حين دخلت إنعام بلهفه وقالت:
زوزى حفيدتى حبيبتى رجعت خوفت عليكى، قلبى كان حاسس إن ربنا هينجيكى، وكنت بدعى ليكى.
تعجب رفعت فهو لم يُخبر جدته وأمر كل من يعمل بالسرايا بعدم إخبارها.
جلست إنعام جوار زينب على الفراش وقبلت وجنتها وعاودت الحديث:أنا شوفتك فى الحلم بين النيران وكمان سمعت كلام الشغالات وهما بيتكلموا مع بعض عن حكاية خطف الدكتوره من قلب الوحده.
قالت إنعام هذا ونظرت لرفعت قائله بتهجُم:وإنت كنت فين يا همجى وسيبتهم يخطفوا زوزى.
تبسمت زينب قائله:ربنا نجانى ببركة دُعاكى يا تيتا.
نظرت لها إنعام قائله:نجاكى من أيه،هو أيه اللى حصل وكلكم متجمعين كده فى الأوضه،أكيد الهمجى ده هو السبب.
قالت إنعام هذا ونهضت من جوار زينب وتوجهت ناحية رفعت وقامت بضربه أكثر من مره فوق كتفه قائله:إن كان هو ولا أخوه المسخ الإتنين حيوانات مش بيمشوا غير بالكرباج،أنا رايحه أجيبه وراجعه تانى.
تبسم الجميع،
كذالك رامى الذى دخل يقول:هو أيه اللى ضايق جدتى قابلتنى وأنا جاي على هنا شتمتنى؟
تبسم رفعت
بينما قال رامى:حمدالله على سلامتك يا زينب…وربنا يتمم لك الحمل بخير وتقومى برضوان بالسلامه.
تبسمت زينب له
لكن تلك التى دخلت شعرت بغصه فى قلبها حين سمعت قول رامى لزينب معنى ذالك أن زينب حاملاً،كبتت دمعه بعينيها وقالت:
حمدالله على سلامتك يا زينب
ردت هاله قائله:الله يسلمك يا مروه وكمان حمدالله على سلامة أختك،ربنا لطف بيهم الإتنين.
ردت مروه:الحمد لله أنا أطمنت على زينب هروح بقى أطمن على ليلى كمان عن إذنكم،ومره تانيه حمدالله على سلامتك.
خرجت مروه من الغرفه تشعر بآلم زينب رغم مواجهتها للموت لكن تمسك جنينها بالحياه،بينما هى لا تعلم سبب لإجهاضها بتلك البساطه،لكن هنالك تفسير…أمر الله…تقبلت مروه ذالك وسارت بعض الخطوات قبل أن تقف على صوت رامى من خلفها الذى قال:
مروه إستنى أنا جاى معاكى أطمن على ليلى.
شعرت مروه بفرحه فى قلبها،ربما هنالك فرصه أخرى لها مع رامى لن تُضيعها وستستغلها وتُبرهن حبها له،ليس هو فقط من يحبها،هى الآخرى عاشقه له،لكن تمكنت منها حماقة عقلها مِرارًا.
بينما بغرفة زينب تثائبت زينب أكثر من مره.
ضحكت هاله قائله:أيه الوحم جايلك بالنوم ولا أيه،رفعت بيقول إن طول الطريق وأنتى نايمه.
رد صفوت:فاكر لما كنتى حامل فيها كان الوحم جايلك بنوم طول الوقت،حتى كنتى بتنامى فى الشغل،وآخر شهر قبل الولاده أخدتى أجازه قضيتى معظمها بين النوم والآكل لحد يوم الولاده.
تبسمت زينب قائله:أنا بحبك يا بابا أنت اللى دايما بدافع عنى أهو عادلك الماضى علشان تبقى تتريقى عليا،بس أنا سبب نومى الأدويه إنما أنتى كسوله حتى بتخلى بابا يغسلك المواعين.
رد صفوت:لأ غسيل المواعين ده هوايه عندى،هاله بريئه منها.
تبسموا على ذالك،كذالك رفعت شعر للحظات بإفتقاد والدايه،تمنى أن يكونا أحياء مثل والداى زينب يتمتع معهم بأُلفة العائله،لكن هذا كان قدر ومثلما أخذ منه والداه وأختهُ ذات ليله جاء العوض ب زينب سيشكل معها عائله سعيده،خمدت النيران،وحان وقت العشق.
……. ـــــــــــــــــــــــــــــــــــــــــــــــــــــــــــــــ
أمام منزل صفوان
بنفس الوقت.
توقفت سيارة الأسعاف، حمل وسيم ليلى لكن وجد نعمان يخرج من الباب سريعاً ومد يديه كى يأخذها منه
للحظه تمسك وسيم بها وفكر فى رفض إعطائها لنعمان..
لكن بالنهايه عليه تحكيم عقلهُ قليلاً فهذا لا يحق له الآن
أعطى وسيم ليلى لنعمان على مضض…
دخل نعمان بليلى الى داخل المنزل وخلفه وسيم،إستقبلتهم فاديه تشعر بعودة الروح لها حتى حقاً طمئنوها سابقاً عبر الهاتف وهى بمنزل نعمان،عادت لمنزلها تنتظر عودتهما،كان الوقت يمر ببطئ شديد،كم تآلم قلبها حين نظرت لوجه ليلى والى يدها المُضمضه،لكن كل هذا سيزول مع الوقت المهم أنها عادت لها دون أذى أقوى من ذالك،ضمت فاديه وجه ليلى بين كفيها وإنحنت تقبل جبينها بعين مُدمعه.
رأى نعمان لمعان الدموع ليس بعين فاديه فقط،بل صفوان أيضاً جفف تلك الدمعه التى فرت من عيناه وأقترب من مكان وقوف نعمان بليلى وقبل جبينها ووجنتيها بمحبه…تحدث نعمان:يا جماعه وسعوا من قدامى خلونى أدخل ليلى لسريرها،دى تقيله قوى وأنا راجل كبير.
تبسمت هبه التى تدمعت أيضاً وقالت:كبير أيه يا خالو أنت لو مكنتش خالو مكنتش عتقتك وأتجوزتك بالغصب،أفتكر كويس كده يا خالو متأكد أن ماما تبقى أختك يمكن غلطوا وبدلوا ماما مع واحده تانيه وقت الولاده.
تبسم نعمان وهو يدخل الى الغرفه وقال:متأكد إن فاديه أختى وإتولدت على إيدى كمان فبطلى بكش بقى،ويلا مش إطمنتى على ليلى،إرجعى للمعسكر تانى وكملى مذاكره عندك إمتحان بكره.
ردت هبه:طب أنا عامله نفسى ناسيه ليه تفكرنى يا خالو.
تبسمت ليلى وقالت:روحى كملى مذاكره چيولوچيا عشان تضمنى كلية الهندسه.
تبسمت هبه وبالفعل خرجت مره أخرى من الغرفه .
وضع نعمان ليلى فوق الفراش،بينما بخارج الغرفه وقفت فاديه مع وسيم الذى دخل خلف نعمان ولم يدخل الى الغرفه وقالت له:
بشكرك يا وسيم إنت ورفعت رجعتولى بنتى بخير.
تبسم وسيم وقال:ست فاديه فى موضوع مهم كنت عاوز أفاتحك فيه،الموضوع ده يخصنى أنا وليلى.
تعجبت فاديه لكن قبل أن تستعلم من وسيم عن هذا الموضوع،دخلت مروه الى المنزل وخلفها رامى ومعم أيضاً ضيف ثالث.
نظرت فاديه الى مروه وتجاهلتها،بينما رحبت برامى ومجد الذى كان معهم عيناه تبحث عن السندريلا فهو تحجج وآتى مع مروه ورامى من أجل ليلى، لكن الحقيقه هو يريد رؤية السندريلا، وها هى أمامه، تبتسم له بحياء
دخل رامى ومعه وسيم وكذالك مروه وفاديه الى الغرفه،وقفوا وقت طويل،لكن صدح هاتف وسيم،نظر للشاشه وقال:
دى ماما مهره، أكيد أستغيبت رجوعى،مره تانيه حمد على سلامتك ياليلى هستأذن أنا.
أمائت ليلى برأسها،بينما قال رامى:خدنى معاك،الحمد لله إطمنا على ليلى نسيبها ترتاح.
تعجبت مروه من قول رامى، لماذا لم يظل قليلاً ولم يطلب منها العوده معه، شعرت بآلم كبير من ذالك، وبالأخص حين غادر رامى خلف وسيم دون أن ينظر اليها حتى، ألهذه الدرجه وصل الخلاف بينهم، الى أن يتجاهلها، ويغادر بدونها.
بينما تلك السندريلا بخارج الغرفه، تتحدث مع مجد ذالك العاشق المفضوح الحركات الذى قال:
إزيك يا سندريلا عامله أيه فى الامتحانات.
تبسمت هبه وقالت: إسمى هبه على فكره منين جبت سندريلا دى، وهكون عامله يعنى أيه فى الامتحانات ، عادى مسحوله طبعاً، ولو مش صدفه مكنتش عرفت إن ليلى أختى مخطوفه،مع الدكتوره زينب، بس الحمدلله رجعت فى نفس اليوم اللى عرفت فيه والأ مكنتش هقدر أكمل بقية الأمتحانات.
غمز مجد بعينيه وقال: على فكره أنا كنت هيرو، وساعدت فى رجوعها هى و صبى البواب زوزى أختى، مشفتنيش أنتى وانا واقف وسط الرصاص،الحمد لله كنت لابس درع واقى تحت هدومى ، بس أيه كنت أسد.
تهكمت هبه وقالت: أسد ولا قطه ميهمنيش.
رد مجد بمكر:طب عينى فى عينك كده،يعنى لو كانت رصاصه طايشه صابتنى،مكنتيش هتزعلى عليا.
ردت ليلى بخبث:وكنت هزعل ليه كنت من بقية عليتى،عادى جداً.
نظر لها مجد وقال بمكر:طب كويس إن قلبك جامد كنت هقولك إن فى رصاصه جت فى كتفى.
إنخضت هبه وقالت:أيه طب وإزاى واقف كده لازم تستريح، وتهتم بصحتك.
ضحك مجد وقال: مش من شويه مكنتش من عيلتك علشان تزعلى عليا ليه إتخضيتى دلوقتي، يا سندريلا.
خجلت هبه ونظرت له قائله: يعنى أيه، يعنى إنت مش متصاب فى كتفك وبتكدب عليا، تصدق دى آخر مره هصدقك، وهسيبك وهدخل الأوضه أطمن على أختى.
قالت ليلى هذا وكانت ستدخل، لولا أن مسك مجد يدها وسحبها الى أحد أركان المكان ووقف أمامها وقال: ذاكرى كويس علشان هدية نجاحك هتبقى خطوبتنا يا سندريلا.
إرتبكت هبه ودفعته فى صدره وفرت هاربه من أمامه.
تبسم مجد وتنهد بشوق يقول: هانت يا سندريلا.
…… ـــــــــــــــــــــــــــــــــــــــــــــــــــــــــــــــ
بمنزل مهره.
دخل وسيم الى المنزل سأل إحدى الخادمات عن مكان مهره، قالت له أنها بغرفتها القديمه… ذهب وسيم الى الغرفه وفتح الباب،دون طرق.. لاحظ مهره وهى تُجفف دموعها باحد المحارم الورقيه.
إقترب من مكان جلوسها، وجلس على ساقيه أمامها وقال بلوم: أكيد عرفتى إن هاشم مات، مش معقول بتبكي الدموع دى عليه؟
فرت الدموع من عين مهره وقالت: رفعت إتصل عليا من شويه وقالى، أنهم أتصلوا عليه علشان يكمل إجراءات دفنه لازم أكون موجوده معاه بصفتى مراتهُ.
مد وسيم يدهُ نحو وجه مهره وبدأ يمسح الدموع من على خديها وقال: هاشم ميستحقش دموعك دى.
ردت مهره: أنا مش ببكى على هاشم.. أنا ببكى على عمرى اللى ضاع فى خضوع وإستسلام، ياريتنى كنت حاربت زمان ومستسلمتش لخوفى، يمكن كانت حياتى إتغيرت وكان إبنى عاش.
نظر لها وسيم وقال: وأنا أيه مش إبنك.
جذبته مهره وحضنته بقوه قائله: إنت إبنى يا وسيم والله وأغلى كمان، عارف حتى لو إبنى كان عاش كنت هتبقى عندى أغلى منه، بس كان نفسى يبقى عندى أكتر من ولد يبقوا عزوه وسند لبعض وليا.
تبسم وسيم وقال: ورفعت كاتم أسرارك ورامى كمان مش أخواتى وولادك وسندك كمان.
ردت مهره قائله: ولادى اللى فوزت بيهم وربنا عوضنى بيكم، قد ما كنت زعلانه وقت ما إختلفتوا بس كان خير، وإتجمعتم تانى، ربنا يخليكم ليا دايماً، رفعت قالى إن زينب حامل فى ولد وهيسميه رضوان، تعرف إن رضوان مش بس هيبقى حفيدى من رفعت لأ كمان زينب بنتى رضعتها زمان.
تبسم وسيم وقال: عارف سبق وقولتلي،بس حضرى نفسك بكره يبقى عندك أحفاد كتير،منى ومن الواد رامى كمان.
شعرت مهره بغصه وقالت:عرفت إن مرات رامى كانت حامل وأجهضت زعلت والله بس خير ربنا بكره يعوض عليهم بالأفضل،وبتمنى يبقى عندى أحفاد كتير منكم يملوا الدنيا بهجه.
تبسم وسيم وقال:فى أقرب وقت لازم نعمل زياره لبيت صفوان المنسى.
تعجبت مهره وقالت:فعلاً كان لازم أزورهم حتى أطمن على ليلى،بس بعد رفعت ما قالى خبر هاشم،كفايه أطمن عليها بالتليفون.
رد وسيم:لأ دى زياره رسميه،مين اللى هيطلبلى إيد ليلى من أهلها،مش معقول أروح لوحدى.
فرح قلب مهره وقالت:بجد هتخطب ليلى،والله دى اللى تستحقك وتحافظ عليك وتصونك،كان لازم من الأول يمكن مكنش اللى حصل ده حصل،بس كان مقدر.
تنهد وسيم وقال بتكرار:فعلاً كان مقدر…بس الحمد لله إن ربنا لطف بيا ورجعلى ليلى من تانى ومستحيل أسيبها بعيده عنى بعد كده.
……. ـــــــــــــــــــــــــــــــــــــــــــــــــــــــــــــــ
بسرايا الزهار.
خرجت هاله من الغرفه النائمه بها زينب خلف رفعت الذى إستأذن وترك زينب مع والدايها… لكن هاله لحقته ونادت عليه…
توقف رفعت لها.. إقتربت هاله منه وبدون مقدمات قالت بإعتذار:
رفعت أنا آسفه عالكلام اللى قولتلك لك قبل كده، أنا كنت مرعوبه على زينب، زينب مهما كانت قويه بس إنت عارف إن عندها السكر ودى نقطه ممكن تبقى ضدها، وأهو إحساسى كان صادق والخسيس معدش يجوز عليه غير الرحمه، كان هيستغل ضعفها ده، والله أعلم لو مكنتش وصلت ليها فى الوقت المناسب كان أيه اللى هيحصل لها يمكن كان زمانها….
صمتت هاله توقف لسانها عن تكملة الجمله.
تحدث رفعت: حضرتك مالوش لازمه إعتذارك فعلاً أنا قصرت فعلاً فى حماية زينب، بس مكنتش معتقد إن هاشم يقدر يقرب من زينب ويأذيها، كان سوء تقدير منى،هاشم منزوع الأخلاق وكل شئ عنده مباح…أنا لو كان جرى لزينب شئ أسوء من كده مكنتش هسامح نفسى،ربنا لطف بيا قبل ما يلطف بزينب زينب اللى رجعتنى أعيش الحياه من تانى،قبلها كنت عايش من غير روح، بتنفس وخلاص كان عندى هدف واحد بس عايش علشانه،ظهور زينب فى حياتى كان هو عودة الروح ليا.
تبسمت هاله له بمحبه
بينما تحدث مجد الذى جاء:
أيه ده إنت واقف مع أم الموزه علشان تنول الرضا، أخب أطمنك ماما راضيه عنك كفاية إنك رجعت البلوه زوزى تانى لها،أنا لو مكانك كنت فكرت قبل ما أرجعها.
تبسمت هاله وقالت:بطل هزار يا مجد أنا كان قلبى مشعلل نار عليكم أنتم الإتنين،كويس إنى معرفتش إنك كنت عالباخره اللى كانت زينب مخطوفه فيها كان عقلى تار منى.
تبسم مجد يقول: امال بتستحملى إزاى غيابنا عنك معظم الوقت.
تبسمت هاله قائله: مفيش قدامى غير إنى أستحمل بيصبرنى أنى عارفه أنكم راجعنلى تانى، وبعدين بطل هبلك ده، زمانك مُجهد ورفعت كمان، يلا روحوا ناموا، وانا هرجع عند زينب، تصبحوا على خير.
تبسم مجد وقال: وانتى من أهله يا أحلى موزه.
بينما قال رفعت: أنا هكون فى الاوضه اللى جنب حضرتك أى حاجه تحتاجها زينب أنا صاحى.
تبسمت هاله له، بينما قال مجد: متخافش مش هتحتاج حاجه دى زى القطط بسبع أرواح
……ـــــــــــــــــــــــــــــــــــــــــــــــــــــــــــــــ
بحديقة السرايا بعد قليل.
تمدد رامى بجسدهُ على أريكه أسفل أحد المظلات القريبه من مبنى السرايا…
كانت هناك من رأته من شباك غرفتها تنهدت بآلم فيبدوا أن هناك من لم ينال سعادته الى الآن…
بالفعل نزلت من غرفتها وذهبت إليه وقالت بحنان:
نايم هنا ليه يا رامى وفين مروه،مرجعتش معاك ليه؟
نهض رامى وقال:أيه اللى مصحيكى لحد دلوقتي يا جدتى،المفروض تكونى نايمه.
جلست إنعام جوار رامى وقالت له:أنا بعد ما أطمنت على زوزى غفلت شويه،ومعرفش أيه اللى صحانى تانى،يمكن علشانك،فين مروه.
رد رامى:أنا سيبت مروه فى بيت أهلها،ومعرفش هترجع تانى أو لأ.
ردت إنعام:وأنت عاوزه ترجع ولا لاء.
نام رامى على ساق إنعام وقال بحيره:مش عارف أنا عاوز أيه،كل اللى عارفه مروه عندها شكوك فى دماغها وبس،وتعبت من الغيره والشك المزروعين فى دماغها،مبقتش قادر أستحملهم،آخر شئ كنت أتوقعه إنها تقول إنى مش زعلان علشان هى أجهضت البيبى،خلاص جبت آخرى،كتير برهنت على حبى ليها،وهى كل اللى فى دماغها أنها نزوه فى حياتى،خلتنى أفكر فى الإنفصال،يمكن نرتاح إحنا الإتنين.
ردت إنعام:بالأنفصال،تبقى برهنت لمروه فعلاً إنها كانت نزوه أو زهوه وإنتهت مع الوقت.
تنهد رامى قائلاً:طب قوليلي أعمل أيه أنا حاسس إنى تايه.
تبسمت إنعام وقالت:سيبها فى بيت أهلها شويه تتربى،متبقاش مدلوق زى ما كنت بتعمل وبتطاردها فى كل السكك قبل ما تتجوزها،سويها عالبارد،إحنا الستات مش بنحب الراجل المدلوق،عاوزين الراجل التقيل،وبكره تشوف مروه هى اللى هتطلب منك ترجعها لهنا فى حضنك من تانى.
تبسم رامى بموافقه وشعر براحه فى قلبه الحائر.
نظرت إنعام لبسمة رامى وقالت:بتبتسم على أيه يا مسخ،يلا قوم إطلع نام فى أوضتك.
تمسك رامى بساق إنعام وقال:لأ أنا عاوز أنام على رجلك وتلعبيلى فى شعرى زى زمان،أنا بحبك قوى يا جدتى.
تبسمت إنعام وملست على شعر رامى بحنان ثم شدته قوياً قليلاً وقالت: قولتلكم محدش يقولى يا جدتى دى تانى قولولى،يا تيتا،البت مروه برقابتك يا مسخ.
رغم شعور رامى بألم من شدها لشعره لكن تبسم ومسك يدها وقبلها قائلاً:بحبك يا جدتى،لسانى أتعود على كده.
ردت إنعام:إتمدن شويه يا مسخ وأتعود على تيتا إنعام.
…..ـــــــــــــــــــــــــــــــــــــــــــــــــــــــــــــــ
بعد مرور شهر ونصف.
بمنزل صفوان المنسى
إنتهى المأذون من عقد القران وقال كلمته الشهيره”بارك الله لكم وجمع بينكم فى خير ”
كان هنالك من كان من فرط سعادته يرقص، فهو قد عقد قرانه على السندريلا، أصبحت زوجته شرعاً
والآخر وسيم لم يكن أقل سعاده منه
كان عقد قران مختصر على أفراد العائله فقط وبدون أى مظاهر إحتفاليه، ليس مراعاةً لموت هاشم، بل فقط حتى لا يتداول أهل القريه ذالك بسوء، كانت مهره أيضاً موجوده معهم بالمنزل، وهنئتهم بمحبه،تدمعت عيناها للسعاده التى يشعر بها فرسانها الثلاث
أجل الثلاث
فا هو رامى بعد غياب شهر ونصف لم يتقابل مع مروه تركها بمنزل والدايها،اليوم جاء من أجل أن يكون شاهداً على عقدي القران،لكن بالحقيقه هذا ليس السبب الوحيد،هنالك سبب أقوى من ذالك
هو رؤية مروه التى لم يعُد قادراً على البُعد عنها أكثر من ذالك،يكفى هذا الوقت،مَثَل رامى عدم الأهتمام بمروه وأدعى أنه سيغادر
لكن حين شعرت مروه أنه سيتركها ويغادر بدونها،ذهبت خلفه سريعاً،ونادت عليه.
تبسم وهو يعطى لها ظهره
تحدثت مروه:على فين يا رامى.
رد رامى وهو مازال يعطى لها ظهره:كتب الكتاب خلاص المأذون خلص ومضيت كشاهد مبقاش له لازمه أفضل هنا.
ردت مروه:طب وأنا هتمشى وتسيبنى هنا،مش هتاخدنى معاك للسرايا تانى.
تبسم رامى وقال:محدش خرجك قبل كده من السرايا،إنتى اللى إختارتى حابه ترجعى براحتك.
إقتربت مروه من رامى وجذبته من ذراعه وجعلته يلتف لها وقالت له:إنت اللى سيبتنى ومشيت قبل كده.
رد رامى وهو يتمالك نفسك كى لا يجذبها الآن ويُقبلها بشوق:
وأنتى كمان إتهمتينى كتير وانا كنت مستحمل وبفوت.
ردت مروه:قصدك أيه،يعني حكاية الجميله والوحش خلصت بالفراق.
رد رامى:شايفه غير كده.
تدمعت عين مروه وقالت: أنا بحبك يا رامى، وعرفت إنى كنت غلطت كتير، بس أنا خلاص إتغيرت وبوعدك مش هشك فيك تانى، ولا أخنقك بغيرتى الزايده.
من داخله رامى يبتسم وسعيد من حديث مروه لكن حين تدمعت عيناها شعر بغصه وكاد يقفد تحكمه وبرودهُ أمامها لكن تماسك بذالك، مروه عليها التغير من نفسها وأن تثق بحبه الكبير لها.
صمت رامى
نزلت دموع مروه وقالت برجاء: أنا بحبك يا رامى من زمان جوايا خوف كان مسيطر عليا كان بيخلينى أتصرف بدون عقل، أرجوك سامحنى أنا عرفت قيمة نفسى أنا من غيرك مقدرش أعيش بلاش تبعدنى عنك، كفايه الفتره اللى فاتت، كنت بسهر تحت الشباك علشان أستنى أسمع صهيل الحصان زى زمان لما كنت بتجى بالحصان كل يوم تحت شباك اوضتى، كنت بفتح الشباك وأبص منه يمكن تكون واقف تحته، بس مكنتش بتجى، كنت بحس بآلم فى قلبى بعدها، آلم إنت دواه الوحيد يا رامى،بترجاك كفايه كده وخدنى أرجع أعيش معاك.
تنهد رامى وقال: والغيره والشك اللى عندك.
ردت مروه سريعاً: خلاص إتخلصت منهم كنت غلطانه، صدقنى أنا أتغيرت، ولو حسيت تانى بيهم إبقى سيبنى وأبعد عنى.
رد رامى: وقتها مش هيبقى فى فرصه تالته لقصة الجميله والمسخ.
تبسمت مروه وبرد فعل تلقائي إرتمت بحضن رامى.
رامى الذى حاول يتغلب على مشاعره لكن بالنهايه العاشق يسامح معشوقته الغيوره، وقام بضمها بقوه متنهداً بشوق،
إبتعد عنها قليلاً وجذبها من يدها، وسار الى أحد الغرف وبرد تلقائي قام بإلتهام شفتيها يُقبلها بشوق وشغف مازال قلبه يبرهن لها أن قلب المسخ مازال ينبض من أجلها.
….. ـــــــــــــــــــــــــــــــــــــــــــــــــــــــــــــــ
بعد مرور عام كامل
أنهى رفعت أتصاله وذهب الى ذالك السياج الخشبى، نظر لها بأعجاب وأفتتان، وهى تقترب من مكان وقوفه بداخل السياج،
تبسم لها قائلاً:
الدكتوره شكلها أتعلمت ركوب الخيل بسرعه!
تبسمت وهى توقف المُهره
أمسك رفعت اللجام ثم صعد خلفها على المُهره، وجعلها تسير بهم، فى البدايه ببطء
ثم أسرعها.، للحظه خشيت من سُرعة المُهره، لكن وضع “رفعت” يديه على يديها بقوه، هامساً اللجام فى إيدك، وأنتى المتحكمه فى المُهره، مش هى الى متحكمه فيكى، لو أيدك فلتت اللجام، هنوقع أحنا الأتنين من على المُهره.
قال هذا وترك يديها
بينما تشبثت زينب باللجام، وزادت من سرعه المُهره، تسابق الريح الخريفيه.
بعد قليل
أوقفت المُهره أسفل إحدى أشجار الجوافه، الموجوده بالمزرعه
قفز رفعت من على المهره الى الأرض، ثم رفع يديه، يحمل “زينب” من خصرها، ينزلها أرضاً هى الأخرى، لم تمانع ذالك وسمحت له، لكنه تعامل بخُبث،
حين حملها من خصرها، ينزلها، جعل توازنه يختل ليقع على القش الموجود أسفل الشجره، وتقع هى فوق جسده، للحظه أنخضت ثم مدت يدها حول عنقه ورفعت رأسها مبتسمه تقول: وقعت يا أبن الزهار.
تبسم يلف ذراعيه حول جسدها يقول: وقعت فى شجرتى الطيبه، أو بالأصح الشرسه، أنا اللى روضت عشقها ليا.
تبسمت زينب له ونهضت من فوق جسده بينما هو ظل نائماً على القش
وقالت : الشرسه صعب ترويضها، بس عشقت وإستسلمت لعشق الفارس الهمجى.
ضحك رفعت يقول:مفيش مره تكملى للآخر،انا عمرى ما سمعت عن صفة ل فارس أنه يكون همجى،دايماً يقولوا الفارس المغوار،أو الفارس النبيل.
تبسمت زينب ونظرت له وضيقت عينيها قائله بتكرار:
مغوار… نبيل… ماشى هقول مغوار… لكن نبيل دى عندى فيها شك فى فارس نبيل بيتجوز بغصب.. فاكر أنا أتجوزتك بالغصب وإتحملت وقاحتك كمان.
ضحك رفعت وقال: متأكده يا دكتوره إن جوازنا كان بالغصب، طب بذمتك مكنتيش معجبه بيا وبوقاحتى، ووقاحتى دى اللى خلتك عشقتينى.
نظرت له زينب وقالت بكذب: محصلش.
نهض رفعت وجلس يضحك قائلاً: طب عينى فى عينى وقولى لى حصل بلاش كذب يا دكتوره.
نظرت زينب لعين رفعت وتبسمت
جُن رفعت ببسمتها وأقترب منها وقام بضمها بين يديه وقبلها قُبلات شغوفه.
إستسلمت زينب لطوفان قُبلاته،لكن فجأه،وعت على مكان وجودهم،أبعدته عنها وقالت:ناسى إننا فى المزرعه وممكن حد من العمال يشوفنا،يلا بلاش وقاحه عالملأ كده،وقوم خليني أروح أشوف رضوان الزهار زمانه مغلب اللى فى السرايا وكمان علشان نجهز لحضور كتب كتاب طنط مهره وعمو نعمان،ناسى إنك هتكون الشاهد الأول، ناسى إنك أول واحد عرف حكايتهم القديمه، وكمان إنت اللى طلبت من طنط مهره توافق على الرجوع لعمو نعمان بعد ما طلب منها أكتر من مره وكانت بترفض.. رغم عشقها له اللى لسه فى قلبها له،دى لما كانت عيانه كانت بتهزى بأسمه.
تبسم رفعت وقال:عمتى مهره الوغد هاشم يمكن مات صحيح،بس سابها منزوعة الروح،جواها دايماً الإحساس بالهزيمه،هى إتهزمت فى بداية معركة العشق وأعلنت الرايه البيضه كمان وقتها يمكن كان ضعف منها بعدم وجود سند حقيقى ليها وقتها،طاغوت هاشم وعمها كمان،كانت فى معركة غير متكافئه بالنسبه لها وقتها،ودلوقتى حتى لما هاشم إنتهى جواها لسه شوية خوف غير قالتلى كلام الناس،هيقولوا ايه لما يشوفوها بتتجوز بعد سنه من موت جوزها ، غير سنها مبقتش صغيره،وبقت جده على إعتبار إن رضوان حفيدها،إزاى تتجوز مره تانيه.
ردت زينب:طنط مهره مش كبيره فى العمر قوى لسه مكملتش الخمسين،ودى حياتها ولازم تدور على سعادتها ربنا بعت لها فرصه تانيه تعوضها قسوة هاشم،عمو نعمان شخص محترم وعنده أخلاق عكس هاشم تماما،أنا إتعاملت معاه مباشر كذا مره،أول مره كانت يوم إصابتك،جالى المكتب وقالي إنى لازم أصدق قلبى إنك هتعيش حتى جابلى بونبونى من اللى أنت بتجبيه ليا،وأهو شوفت تعاونه الفتره اللى فى فاتت فى مساعدة وسيم إنه يرجع تانى مزرعة الخيل بتاعته هو وطنط مهره تبقى أفضل.
تبسم رفعت وقال بخبث:شايف هنا حد معجب بشخصية عمو نعمان.
تبسمت زينب وقالت بتلاعب:بصراحه معجبه بيه جدا ويمكن لو كان ظهر فى حياتى قبل الهمجى كنت….
قطع رفعت حديث زينب حين إنقض على شفتيها يُقبلها بتملك شديد،ترك شفاها حين شعرت بإنقطاع نفسها ودفعته بيدها.
تبسم رفعت لها وهو يراها تسحب الهواء لتتنفس وقالت بتقطع:
همجى.
رد رفعت:بس بتحبينى أنا وبس.
ردت زينب بعناد:لأ مش بحبك يا همجى.
تبسم رفعت وجذب زينب مره أخرى وقبلها لكن بهدوء وعشق،ثم ترك شفاها تنفست زينب من أنفاس رفعت وقالت له:للأسف ربنا بلانى بعشق الهمجى.
….ـــــــــــــــــــــــــــــــــــــــــــــــــــــــــــــــ
مساءً بمنزل مهره
شعر نعمان بيد مهره البارده وهى بين يدهُ أثناء عقد المأذون لقرانهما، لم تكن فقط بارده بل ترتعش أيضاً وهى تردد خلف حديث المأذون، الى أن إنتهى من عقد القران.
سحبت يدها سريعاً من يد نعمان
نعمان الذى شعر بتآلم لكن أعطى لها العذر مهره مرت بالكثير فى حياتها كان السئ هو المسيطر عليها.
تلقى الأثنان التهانى من أفراد العائله التى زادت فرد جديد يبدوا أنه ورث من أبيه ليس فقط الملامح بل المشاغبه وربما الوقاحه.
كانت زينب واقفه تحملهُ حين إقتربت تهنئ مهره ونعمان، بتلقائية طفل إرتمى على مهره، التى إستقبلته بترحاب ومحبه، فهى تعتبره حفيدها.
جلس على ساقيها يمرح لوقت ولكن تذمر بسبب شعورهُ بالجوع.
تبسمت زينب وهى تعطى زحاجة الحليب لمهره كى تعطيها له،بالفعل إلتهمها ونعس على ساقيها…
شعور رائع شعرت به مهره وذالك الصغير يبتسم أثناء نومه
جالت عيناها مبتسمه اليوم جميع من تحبهم مجتمعون حولها يتمنون لها السعاده.
السعاده المفقوده هل ستحصل عليها الآن.
بالفعل بعد وقت،فتح نعمان باب منزله وتنحى جانباً
دخلت مهره الى داخل المنزل،إستنشقت أنفها تلك الرائحه،أغمضت عينيها،تستمتع بتلك الرائحه المنعشه
لم تفتح عينيها الإ حين شعرت بيدى نعمان فوق كتفيها.
للحظه إرتجفت مهره،لا تعرف سبب هذا الشعور هى كبرت عليه،
لكن تشعر أن بداخلها شعور فتاه بالعشرون من عمرها تُزف لأول مره،شعور الحياء مُسيطر عليها،ربما أكثر من زواجهما الأول.
أدار نعمان وجه مهره له،ونظر لوجهها،مازالت بنظره فتاة التاسعه عشر التى عشقها من الوهله الأولى،منذ أن تلاقت عيناه مع عينيها الصافيه التى تشبه السماء الصافيه،لكن بها بعض الغيوم،دمعه تود الفرار،لكن لا مكان لها الآن،
الآن حان وقت السعاده،مهره أكثر من تستحق السعاده.
ضم نعمان مهره بين يديه يحتضنها بحب وقال هامساً جوار أذنها:
بحبك يا مهرة النعمان.
كانت مهره فى البدايه ترتجف لكن همس نعمان لها جعلها تنسى ذالك الخوف، وشدة من ضم نعمان لها…
عاد نعمان للخلف ونظر لها مبتسماً وقبل تلك الشفاه النديه قُبلات حنونه وعاشقه، سحبها من يدها خلفهُ ودخل لغرفة النوم، للحظات عادت خيالات تسكن رأس مهره، ذالك الوغد القاسى يعاملها بإشتهاء وقسوه وعنف، يمتلكها ويتركها طريحة الفراش بعد ذالك تشعر بالدونيه.
شدت مهره يدها من يد نعمان بقوه قليلاً
تعجب نعمان لكن أعطى لها العذر، هو لديه خلفيه عن معاملة هاشم لها،هاشم،مهره مازالت جميله لكن تشعر بقلبها أنها أصبحت مشوهه.. إقترب نعمان من مهره وقال:
مهره أيه رأيك أنا جعان معرفتش أتعشى كويس ولاحظت إنتى كمان معرفتيش تتعشى بسبب رضوان اللى مكنش عاوز يسيبك حتى كل زينب ما تجى تاخده منك كان بيعيط، أيه رأيك تجى معايا المطبخ نتعشى تانى .
تبسمت مهره له وأمائت برأسها.
ذهب الأثنان للمطبخ، شد نعمان مقعد لمهره وقال: إتفضلى أقعدى يا مهرة النعمان.
تبسمت مهره وقالت: تانى مره بتقولى يا مهرة النعمان.
تبسم نعمان وقال: أنتى مهرة النعمان من يوم ورايح مش هنادى عليكى غير بمهرة النعمان.
تبسمت مهره بخجل وقالت: مش هنتعشى
تبسم نعمان وقال:هنتعشى يا مهرة النعمان.
بالفعل بعد قليل جلس الأثنان يتناولان القليل من الطعام،لكن الكثير من الحديث حول ذكريات عام واحد مضى سعيد وتتوج بزواجهم،شعرت مهره براحه،نعمان كان مزارع جيد رمى بذرة الحب والموده فى قلبها الذى إستسلم للعشق ونسيت تشوه روحها،عاد قلب المهره يُزهر مهرة النعمان بطيب المشاعر.
……ـــــــــــــــــــــــــــــــــــــــــــــــــــــــــــــــ
الشعله الاربعين “توهج العشق”
::::::::::::
بعد مرور خمس سنوات
بسرايا الزهار
بغرفة رفعت وزينب.
نظر رفعت لإنعكاس زينب النائمه بالمرآه خلفه
إقترب من الفراش وصعد لجوارها وقام بتقبيل ظهرها
قائلاً: إصحى يا زوزى بقيتى كسوله قوى يا روحى.
تبسم رفعت ثم أكمل بوقاحه: قومى قبل ما أفتح باب الأوضه.
وولادك يدخلوا يقولولك نايمه عريانه ليه؟
فتحت زينب عينيها وقالت: الوقاحه اللى عندك مش هتبطل أبداً.
تبسم رفعت دون رد، بينما تمطئت زينب ونهضت جالسه على الفراش قائله: رفعت أنا زهقانه وبفكر أطفش.
تبسم رفعت، وهو يعلم أن زينب تمر بتقلبات مزاجيه بسبب قُرب نهاية مدة الحمل.
وقال بإستفزاز مرِح: هتطفشى وتسيبى إبنك وبنتك وكمان أنتى حامل وخلاص قربتى تولدى يا زوزى،أعقلى يا روحى .
ردت زينب بتفكير: خلاص أنا بعد ما أولد أخلعك وأطفش بعدها،وأتصرف إنت بقى مع عيالك الأوغاد.
تبسم رفعت وأمسك وجه زينب بين يديه وقام بتقبيل شفاها
ثم قال بمرح: صباح الخير يا زوزى.
قال رفعت هذا ونهض من على الفراش وغادر الغرفه مبتسماً.
بينما زينب جذبت هاتفها من جوار الفراش وفتحت هاتفها على إحدى تطبيقات المراسله الجماعيه، وأرسلت رساله مُختصره
أنا هولد بعد أسبوع وبعدها طفشانه هتيجوا معايا.
كان الجواب جماعى… بالموافقه.
وكان هنالك سؤال.. أين سنذهب.
ردت زينب: بيت الفيوم بتاع عمتى… أولد بس وبعدها نظبط هنطفش إزاى بدون ولاد الأشرار اللى فى حياتنا.
….. ـــــــــــــــــــــــــــــــــــــــــــــــــــــــــــــــ
تعجب رامى حين خرج من الحمام ووجد مروه مشغوله على الهاتف يسمع صوت تبادل رسائل.
تحدث: بتراسلى مين عالصبح كده.
لم تنتبه مروه كانت مشغوله بالرد على الرسائل.
إقترب رامى من مروه ونظر للهاتف، إنتبهت مروه وقالت له: بتجسس على رسايل موبايلى، مش فى حاجه إسمها خصوصيه.
تهكم رامى وقال: بقالى ساعه بكلمك مش بتردى ووقت مبصيت فى الموبايل بقيت بنتهك خصوصيتك،بقولك بتراسلى مين عالصبح بدرى كده وسرحانه معاه.
أغلقت مروه الهاتف وقالت:مفيش حد ولا إتنين،هقوم أدخل الحمام آخد شاور وأفوق وبعدها أروح أصحى الولاد علشان أفطرهم قبل ما يجى باص الحضانه.
قالت مروه هذا ووضعت هاتفها على طاوله جوار الفراش ودخلت الى الحمام.
تنهد رامى يقول: يا ترى أيه التخطيط الجديد للجميله، وماله مفيش مانع لإنتهاك الخصوصيه، قال رامى هذا وجذب هاتف مروه، لكن لسوء حظه الموبايل مُغلق بنمط خاص به.
……. ـــــــــــــــــــــــــــــــــــــــــــــــــــــــــــــــ
بمنزل وسيم الشامى.
نهض وسيم من نومه على أصوات تلك الرسائل الهاتفيه، نظر لجواره ورأى بسمة ليلى.
تحدث بنعاس قائلاً: مين اللى بيبعتلك رسايل عالصبح كده.
ردت ليلى: عادى ده شات مع صحاباتى.
تذمر وسيم وقال:وصحاباتك دول صاحين بدرى كده يراسلوا بعض بمناسبة أيه،يكونش النهارده عيد الشات السنوى.
ردت ليلى قائله:صاحى تتريق عالصبح،عالعموم أنا هاخد موبايلى وأروح أشوف نعمان أصحيه علشان يفطر قبل ما باص الحضانه يوصل…وهسيبك تكمل نوم براحتك.
تعجب وسيم من ذالك ودخل لديه فضول معرفة مع من كانت تتراسل ليلى… بالفعل نهض وخرج خلفها، وتبسم وهو يرى طفله صاحب الأربع سنوات يتذمر مازال يريد النوم، لكن ليلى قالت له بحزم:
نعمان يلا إدخل أغسل سنانك وتعالى علشان تفطر باص الحضانه على وصول.
قالت ليلى هذا ووضعت هاتفها فوق إحدى الطاولات ودخلت الى المطبخ…
ذهب وسيم سريعاً قبل أن تغلق شاشة الهاتف، لكن نفذ الوقت وهنالك نمط لفتح الهاتف، وقف حائراً يُشغل عقله الفضول
ــــــــــــــــــــــــــــــــــــــــــــــــــــــ
بالقاهره
كانت هبه تجلس أرضاً جوار طفلها الذى يلعب بمجموعة ألعاب تناسب طفل بعمر العام والنصف
وفى نفس الوقت ترد على تلك الرسائل
بعد قليل أغلقت هاتفها وحملت طفلها الذى يتثائب، وقالت، تنام دلوقتي وتصحالى فى ورديتى معاك طول الليل تعالى أوديك لطنط هاله تتصرف هى معاك، وأفضى أنا شويه كده لابوك قبل ما يرجع للعوينيات تانى.
بالفعل ذهبت هبه بطفلها وأعطته لحماتها التى إستقبلتهما بترحاب وموده، وغادرت هبه بحجة أنها ستفعل بعض الأشياء بشقتها المقابله لحماتها.
دخلت هبه وذهبت الى تلك الغرفه كى تُجمع تلك الالعاب بسلة الالعاب الخاصه بها، جلست أرضاً تلتقط لعب طفلها، وجمعتها، لكن إنخضت حين سمعت مجد يتحدث خلفها:
فين صفوت جونيور .
ردت هبه: وديته عند طنط هاله، هى وردية النهار وأنا وردية الليل…معرفش الواد ده طالع شقى لمين.
غمز مجد بعينيه وجلس أرضاً جوارها وقال:شقى لابوه،فرصه عظيمه ولازم نستغلها أظن بكده مفيش حد هيقطع عليا وصلة الغرام مع السندريلا… ما تجيبى بوسه كده نستفتح بيها الصباح العسل ده.
تبسمت هبه بغنج قائله: عاوز بوسه هات ألف دولار.
نظر مجد لها بخضه وقال: ليه أنا لو هبوس الملكه كليوباترا مش هدفع الالف دولار.
نهضت هبه من جواره قائله بتوعد: بستخسر فيا، كده طب ، أنا داخله أنام و خلى الملكه كليوباترا بقى تبوسك ولا تنفعك.
نهض سريعاً خلفها يقول: طب نتفاهم طيب.
لم ترد عليه ودخلت الى الغرفه وأغلقت الباب خلفها فى وجهه بقوه.
شعر بألم فى مقدمة أنفه بسبب خبطها بالباب.
وضع يدهُ يُدلك مكان الألم وقال:
خدى بالك إنى ممكن أنحرف وأبوس سجاير كليوبترا… وأخسر صحتى وده مش فى صالحك لان ممكن بعد كده أشرب سجاير حشيش وأضيع فلوسى على المزاج ومش بعيد أضرب مخدات.
فتحت هبه باب الغرفه وقذفته بإحدى الوسائد قائله: خد مخده أهى أضرب فيها براحتك وأعمل حسابك إنى طفشانه وإبقى خلى الملكه كليوباترا بقى تنفعك.
قبل أن تغلق هبه باب الغرفه، وضع مجد ساقه يمنعها من إغلاقها، تركت هبه الباب وتوجهت الى الفراش وجلست عليه.
إقترب مجد وجلس لجوارها يلتصق بها، لكن هبه كانت تبتعد عنه، وكان يذهب خلفها… الى أن قال مجد:
سندريلا ليه زعلانه منى.
ردت هبه: أنا هبه مش سندريلا، بعدين متكلمنيش تانى مش مستخسر فيا ألف دولار…
تبسم مجد يقول بحنكه: مين ده اللى يستخسر فيكى يا هبة قلبى، بس أنتى يا حبيبتى منفضانى أول بأول، بسبب تجهيزات الشقه والعفش اللى قبل ما أخلص منهم، كنتى خلفتى صفوت، وفلست بسبب حفاضات وألبان معرفش ليه مرضاش يرضع من صدرك وفضل اللبن الصناعى، وده لوحده عاوز ميزانيه خاصه… وكمان حطيت المبلغ اللى كان فاضل معايا فى الڤيلا اللى إشتريناها وتشطيباتها.
ردت هبه بظفر: أهو يبقى تسيبنى أساعدك وأشتغل أنا كمان وأهو أساعد معاك ووقتها مش هطلب منك تمن البوسه.
فهم مجد الى ماذا ترنو اليه هبه، وقال: وهتشتغلى أيه بقى؟
ردت هبه: مهندسه زيك بالظبط ناسى أنى درست هندسه بترول، وأنت بتشتغل فى شركة بترول كويسه وممكن تكلم اى حد من رؤسائك يتوسط ليا وأشتغل معاك فى نفس الشركه ونفس المكان
وبدل ما بتيجى أجازات هبقى معاك دايماً.
رد مجد: هتجى تشتغلى معايا فى الصحرا، هناك مفيش ستات خالص حتى صابحه اللى كانت فى فيلم للرجال فقط مش موجوده، دى كانت تهيؤات فى الفيلم.
تبسمت هبه وقالت: عاوز تفهمنى إن مفيش شغل للستات خالص عندكم فى الشركه.
رد مجد: لأ فى طبعاً، بس شغل إدارى، مش فنى.
ردت هبه: وماله أشتغل فى الأداره.
فكر مجد بمكر وقال: أغير عليكى يا روحى الجمال ده يشتغل فى إدارة مدرسة الحب قسم سندريلا.
قال مجد هذا وإنحنى كى يُقبل هبه..
لكن قبل الوساده، بعد أن نهضت هبه من على الفراش، لكن تركت هاتفها الذى أضاء بصوت رساله.
مسك الهاتف ونظر للشاشه، علم أنها رساله على إحدى تطبيقات المراسله الجماعيه، قبل أن يفتح الهاتف عادت ليلى وقامت بخطف الهاتف منه وخرجت من الغرفه.
ضرب مجد رأسهُ بالوساده.
….. ـــــــــــــــــــــــــــــــــــــــــــــــــــــــــــــــ
بإستطبل الخيل التابع لرفعت الزهار
رغم شعور زينب بألم مثل آلم المخاض، لكن تحاملت على نفسها وذهبت الى الإستطبل، ورأت رفعت يمسك لجام مُهره صغيره تركب على ظهرها طفلتها صاحبة الثلاث أعوام ونصف
تبسمت بآلم وهى تقترب منهم قالت: صباح الخير
رد الطفله: صباح النور يامامى.
تنهدت زينب تقاوم الآلم وقالت: مهرة مامى مش هتروح الحضانه النهارده ولا أيه، رضوان خلص فطوره ومستنيكى جوه السرايا.
تبسمت الطفله وقالت: رضوان بيعاكس رحمه بنت عمو رامى فى الباص يامامى، ورحمه بتضايق منه وبتشتكى عليه للمس بس هو بيرشى المس ويديها فلوس من مصروفه.
ضحك رفعت وقال: هامساً جوار أذن زينب بوقاحه:
الواد طالع لابوه بيعرف يصرف نفسه.
ردت زينب بألم وبهمس: الواد ده جننى خلاص يا رفعت، ده همجى، معرفش بيستحملوه إزاى فى المدرسه دى، المفروض هو فى سنه اولى ورحمه لسه كيچى واحد، المفروض يبقى فى باص تانى لكن ده مش بس بيرشى المس، والسواق كمان… واللى يغيظ رحمه نفسها عاجبها كده ميغركش التمثليه اللى بتعملها دى.
ضحك رفعت يقول: واد مسيطر وأنتى يا حبيبة بابا أوعى تعملى زي رضوان وتصاحبى ولاد هو همجى لكن إنتى جميله.
ردت مهره: لأ يا بابى أنا مش بصاحب ولاد بس المس فى الحضانه بعتت لحضرتك إستدعاء ولى أمر، علشان أنا ضربت واد زميلى فى الحضانه بيغلس عليا وبيقولى يا سرسه.
ضحك رفعت وقال: قصدك شرسه.
أمائت مهره برأسها وقالت: هو يستحق الضرب يا بابى، بيضرب نعمان إبن عمو وسيم، ونعمان طيب بس أنا ضربته شنكلته ووقع عالارض وضربته انا ونعمان، والمس قالت لينا بكره تجيبوا باباهاتكم معاكم.
نظرت لها زينب وقالت: فى طفله عندها مكملتش أربع سنين تقول شنكلته، انا لو مودياكى حضانه شعبيه مش هتقولى الكلمه دى، أنا خلاص يا رفعت زهقت منك ومن عيالك، وقررت …..
لم تكمل زينب الجمله داهامها وجع قوى وشعرت بسيلان بين ساقيها ومسكت طوق ملابس رفعت وقالت:
آه.. إلحقنى يا رفعت شكلى هولد النهارده.
تبسم رفعت وقال بهدوء: تولدى أيه مش لسه أسبوع.
ردت زينب بتآلم وقالت: هو كان مزاجى إياك بقولك بولد.. آه.
إرتبك رفعت وقال: هو مفيش مره تولدى فى ميعاد حدده الدكتور، أمرى لله، يلا تعالى يا مهرتى إنزلى من على الفرسه وإدخلى لناناه محاسن تجهزك للحضانه وأنا هاخد ماما ونروح المستشفى نفجرها ونرجع تانى قبل ما ترجعى من الحضانه.
تحدثت مهره بهدوء طفله: حاضر يا بابى، يعنى هرجع من الحضانه الاقى ماما جابت نونو صغير ألسوعه على قفاه زى ما مامى بتلسوع خالو مجد كده.
تبسم رفعت وقال: آه يا حبيبتي نفس الچينات مشاء الله
كزت زينب على أسنانها وقالت بآلم: بولد قدامك وبتهزر مع بنتك يا رفعت، ماشى أولد بس وهتشوف بعدها هعمل أيه.
حاول رفعت رسم الهدوء وقال بوقاحه: بعدها نفكر فى الرابعه يا حبيبتي، علشان تبقى قسمة العدل ولدين وبنتين.
لم ترد زينب عليه وصرخت بألم يشتد…
بعض قليل كان رفعت بغرفة الولاده جوار زينب يستقبلان مولودهما الثالث، وضعته الممرضه بين يديها،
نظرت له زينب بحنان،
تبسم رفعت يقول: نفس شبه أخواته التلاته بيشبهونى.
تبسمت زينب وقالت: ربنا رزقنى بهمجى تالت.
تبسم رفعت وقال: ونستى المهره الشرسه اللى فى النص يا زوزى.
…….. ـــــــــــــــــــــــــــــــــــــــــــــــــــــــــــــــ
مر أسبوع
فى يوم سبوع أصغر أبناء عائلة الزهار والذى أطلقت عليه مهره الكبيره إسم زيان…والتى أصرت مهره على عمل السبوع له بمنزلها هى ونعمان بعد أن قام بتوسيعه وإرفاق حديقه حول المنزل من أجل الأحفاد،ويوم زيارتهم الشهريه له .
كانت مظاهر مرحه بين الموجودين، وأكثر السعداء هما مهره ونعمان فرحان بالعوض الذى أتى لهم بعد سنوات من العذاب.
**********
بعد مرور أكثر من شهر ونصف.
بمنزل نعمان،،اليوم هو يوم التجمع العائلى للشهر
كان التجمع يسوده الود والمرح
إنتهى وقت الغذاء، ونهض الجميع لوقت راحه قليله
لكن الأطفال الخمس يلهون مع نعمان بالحديقه بين الزروع يقوم بغرس بعض الزوع وهم يساعدوه فى ذالك منهم من يحمل دلو ماء صغير ومنهم من يحمل بعض تقاوى الزرع وآخر يساعد فى نقل الشتلات، مجتمعون على هدف واحد هو متعة مساعدة جدهم بالغرس، ونعمان سعيد بهم حوله حتى أنه يفض الخلافات بينهم بهدوء، وهم يرحبون بذالك ببساطه، فهذا بالنسبه لعقولهم لهو ولعب، أما نعمان فهو يُنمى روح التعاون والمحبه بينهم، يزرع بداخلهم حب الجماعه وليس هذا فقط يربطهم بحب الأرض تعطى خير إذا إهتممت بها ككل شئ فى الحياه حين تحب وتهتم بما تحب ستحصد مقابل ذالك السعاده.
….
تحت ظلال إحدى شجرات الحديقه، أرضاً كانت
مهره تجلس جوار إنعام وعلى ساقها صفوت الصغير، بينما إنعام وعلى ساقها أصغر الأحفاد، زيان
بينما
إجتمع الأربع نساء
زينب، مروه، ليلى، هبه
بأحد الزوايا.
تحدثت هبه قائله:
كنتى بتقولى هتولدى بعد أسبوع بعدها هنطفش وولدتى قبل ميعادك ويقالك أكتر من أيه هتتراجعى.
ردت مروه:لأ أنا خلاص قررت أطفش ولو النهارده يكون أفضل.
تبسمت:ليلى هى الآخرى وقالت:فكره حلوه نطفش النهارده،والولاد كده كده عند طنط مهره وبيحبوها ومش بيشاغبوها زى ما بيناهدوا فينا،ها أيه رأيكم.
ردت هبه ومروه وليلى،موافقه طبعاً
نظرن لزينب،وقالوا:
ايه اتراجعتى ولا ايه؟
ردت زينب:طبعاً لاء بس بفكر أخد إبنى الصغير إزاى من تيتا إنعام،حرام ده لسه صغنن قوى ومحتاجلى إنما الإتنين التانين،صحه وهنا على قلب أبوهم الهمجى…طنط مهره مش هطيقهم وهتطرد رفعت قبل منهم.
تبسمت هبه وقالت:وماله أهو يبقى معانا راجل برضو.
نظرت زينب لهبه وقالت:بتتريقى يا مرات أخويا يظهر إنى أخدتك عليا،إنتى أكتر واحده مدلعه فينا بسبب ماما دى ساوت معاشها مخصوص من الشغل علشان تربى إبنك،فرحانه باول حفيد ليها يتولد على ايدها،وكمان معاها فى نفس المكان،بس فعلاً إبنى راجل زى باباه مش عيل سيس زى مجد أخويا،اللى بتلعبى بيه وهو برياله قال سندريلا قال..انتى أخرك كعب شوز السندريلا،يلا واحده فيكم تروح تجيبلى إبنى من طنط مهره بأى حجه وترجع بسرعه،هتصل على السواق فى السرايا يجيب عربيه لهنا نطفش بيها ونروح بيت الفيوم بتاع عمتى.
بينما بمكان أخر فى الحديقه قريب من مكان تجمعهن جلس الاربع رجال.
تحدث مجد يقول:قلبى مش مطمن للأربعه دول حاسس أنهم بيدبروا لحاجه…هبه قالتلى هتطفش.
رد رفعت:وزينب قالت كده
كذالك وسيم ورامى.
نظر الأربع لبعضهم وقالوا بنفس الصوت:رسايل الموبايل عالصبح بدرى.
تحدث رامى:كده اتاكدنا أنهم خلاص حسموا أمرهم،هنعمل أيه،هنسيبهم يطفشوا بجد.
تبسم رفعت وقال بدهاء:طبعاً لازم نسيب لهم مساحة حريه إختيار يا جماعه.
بطاولة النساء،آتوا لزينب بطفلها المولود،
لكن تفاجؤ بتلك الخادمه وضعت أمامهم أكواب العصير
تحدثت ليلى:كويس العصير ده جه فى وقته،نشربوا يكون السواق وصل وبعدها نطفش.
واقفنها الثلاث الاخريات وبدأن بشرب العصير.
بعد وقت
وقفت مهره الكبيره بين خمس صغار وتحمل السادس على يديها، وقالت لهم بهدوء تسمعوا كلامي وتلعبوا مع بعض بهدوء وبلاش تتخانقوا وأنا وجدو نعمان نجيب لكم شكولاته وألعاب كتير كتير.
أماء لها الصغار بموافقه.
قالت لهم شُطار،هدخل أنا أحضر الأكل وبعد ما ناكل نلعب سوا بالالعاب اللى جدو نعمان جابها من شويه
تبسم الأطفال لها بموافقه.
دخلت مهره الى داخل المنزل مبتسمه ورأت نعمان يقف خلف باب زحاحى مُطل على الحديقه
تبسم نعمان حين إقتربت منه وقال
تصدقى فكرة رفعت أنهم يحطوا للبنات فى العصير منوم وكل واحد ياخد مراته ويروح يقضى يومين فى أى مكان هادى، كانت فكره حلوه، كفايه سابو لينا العيال، هنلعب معاهم براحتنا لحد ما هما يرجعوا من الفسحه بتاعتهم
تبسمت مهره وهى تنظر للعبهم بالحديقه وقالت:
تفتكر يا نعمان لو القدر كان إتغير كان هيدينا سعاده أكتر من اللى أنا حاسه بها النهارده…حواليا ولاد صحيح مش ولادى،بس ادونى محبه وحنان زى ما يكونوا ولادى فعلاً، وكمان آمنونونا على ولادهم كأنى جدتهم الحقيقه، حتى الولاد نفسهم يمكن مشاغبين زياده عن اللزوم بس هما كمان أدونى سعاده كبيره وأنا وسطهم حسيت إنى رجعت طفله زيهم،وبيلعبونى معاهم بلعبهم كمان.
تبسم نعمان وإقترب من مهره وقال:
ده عوض ربنا لينا كان أكتر بكتير لو كان أتغير القدر، ربنا كافئنا بولاد وأحفاد، أكتر مما كنا نتمنى.
….. ـــــــــــــــــــــــــــــــــــــــــــــــــــــــــــــــ
مساءً
وضعت هبه يديها حول رأسها تشعر بخمول وهى تستيقظ،
الى أن فتحت عينيها تجول بالمكان
نهضت تقول بخمول: إحنا وصلنا الفيوم أمتى.
تبسم مجد الذى دخل الى الغرفه وقال: فيوم يا سندريلا، إحنا هنا فى الجونه.
الجونه!
هكذا ردد عقل هبه، وكيف هى مع مجد فآخر ما تتذكره هو صعودها لتلك السياره بصبحةالبقيه من أجل الذهاب الى الفيوم فِرارًا من مجد وطفلها، لكن مجد يقف أمامها بإبتسامته البلهاء التى تستفزها .
تحدثت هبه: جونة أيه وإزاي جينا للجونه وفين، أخواتى وزينب.
إقترب مجد من الفراش وجلس جوارها وقال:
الله أعلم هما فين كل واخد خد الموزه بتاعته وطفش بيها، وانا خطفت السندريلا وجيت هنا الجونه معايا دعوه بأجازه مفتوحه ليومين من الشركه اللى بشتغل فيها، يعنى هنقضى يومين فى الجنه وببلاش يا سندريلا.
نظرت له هبه وقالت: مش فاهمه، لما كان معاك الدعوه دى ليه مقولتليش قبل كده.
رد مجد: كنت عاملها ليكى مفاجأة بعد لقاء طنط مهره الشهرى كنت هخطفك ونجى على هنا وافاجئك زى ما حصل كده.
تبسمت هبه بداخلها وقالت: والولد فين؟
رد مجد بوقاحه: ولد مين يا سندريلا دى أجازه خاصه لأتنين وبس، انا مغفل أجيب معانا اللى منغص على أجازاتى، وكل ما أقرب منك زى ما يكون ظابط وقته، وأنتى تتحججى بيه، اليومين دول أنا والطبيعه والوجه الحسن اللى هى السندريلا.
تدللت هبه وقالت: مجد فى حاجه كنت عاوزه أقولك عليها بس مش عارفه هتعجبك ولا لاء.
تبسم مجد يقول: أى حاجه منك تعجبنى بس بلاش تقوليلى عاوزه أشتغل فى الشركه معاك.
مثلت هبه الخجل وقالت: لأ دى حاجه أكتشفتها صدفه من يومين كده.
رد مجد: وأيه هى الحاجه دى.
تبسمت هبه وقالت: أنا كنت حسيت بشويه أعراض مش غربيه عليا حسيتها قبل كده بسبب صفوت، وحسيت تانى بنفس الأعراض دى.
قاطعها مجد وقال: وأيه هى الأعراض دى إختصرى يا سندريلا بلاش لف ودوران.
ردت هبه: من الآخر أنا حامل..
تبسم مجد وقال: طب ما أنا عارف يا سندريلا وكان عندى شك من الأجازه اللى فاتت… وبدعى ربنا يرزقنى بسندريلا تانيه تدلعنى، بدل الاولى منفضه ليا، والبوسه عندها بألف دولار، سندريلا التانيه هتبوسنى ببلاش… وأدلعها.
نظرت له هبه قائله بغيره: سندريلا مين التانيه دى كمان، مفيش غير سندريلا واحده بس اللى هى أنا وممنوع تدلع واحده غيرى يا مجد فاهم.
غمز مجد عينيه وقال بمكر: دى غيره بقى، طب هاتى بوسه بقى يا سندريلا عربون إتفاق إنى مدلعش سندريلا غيرك.
قال مجد هذا وإقتنص الفرصه وقبل هبه قُبلات، ليس هذا فقط بل ذهب معها فى دروب الخيال
…… ـــــــــــــــــــــــــــــــــــــــــــــــــــــــــــــــ
إستيقظت ليلى تتمطئ بيديها، شعرت بخبط يدها بأحد نائم جوارها، كانت الغرفه مُظلمه فقالت:
إحنا وصلنا للفيوم والنور قاطع ولا أيه.
أشعل مجد ضوء أباچوره جوار الفراش وتبسم قائلاً: إحنا فى مرسى مطروح يا لولا.
نظرت ليلي ل وسيم وقالت بخضه: وسيم، وأيه اللى جابنا هنا مرسى مطروح،أنا مش فاكره إزاى جيت لهنا.
رد وسيم: ما أنتى كنتى نايمه يا حُبي طول الطريق.
تبسمت ليلى وقالت: طب وليه جينا مرسى مطروح.
رد وسيم: يومين عسل بعيد عن الدوشه أنا ولولتى وشط الهوا.
تبسمت ليلى قائله: ونعمان فين؟
رد وسيم: بقولك يومين عسل على شط الهوا أجيب فيهم نعمان ينغص عليا، نعمان مع جدته مهره، وأنا بقى هقضى يومين فى شط الهوا، مع لوللتى، نستعيد بداية جوازنا.
تبسمت ليلى وقالت: وسيم عندى لك خبر سعيد.
رد مجد بفضول: وأيه هو الخبر السعيد ده.
ردت ليلى: أنا من فتره كنت شاكه فى موضوع كده، بس أنا قطعت الشك باليقين وإتأكدت…..
تحدث وسيم بفضول: إتأكدتى من أيه.
ردت ليلى: إتأكدت إنى حامل، بصراحه أنا بعد ما خلفت نعمان كنت لسه فاضل لى سنتين فى الدراسه وخوفت أحمل تانى بسرعه عليه، وإنت عارف إنى كنت باخد مانع حمل حتى بعد ما خلصت دراسه وبدأت اعمل دراسات عليا، بس من سنه كده بطلت أخد أى مانع حمل، بس كل شهر كنت بعمل إختبار حمل، كان بيطلع سلبى وبصراحه مع الوقت خوفت يكون مانع الحمل آثر عليا ومخلفش تانى غير نعمان،وكنت بتعصب وبضايق، بس إتفاجئت من كم يوم بشوية تعب كده وعملت إختبار حمل وطلع إيجابي الحمد لله.
تبسم وسيم وقال: مبروك يا حبيبتى، والموضوع ده اللى كان معصبك ومضايقك الفتره اللى فاتت طبعاً، غلطانه ياقلبي
ليه تتعصبى وتتضايقى، ربنا عطانا نعمان نعمه كبيره فى حياتنا غيرنا مش لاقيها. وعطانا بزياده أهلاً، معطناش ، يبقى نحمد ربنا.
تبسمت ليلى وقالت: الحمد لله بس أنا عارفه إنك كنت وحيد وكنت عاوزه أجيبلك عزوه.
تبسم وسيم: أنا عمرى ما حسيت إنى كنت وحيد، كان فى رامى ورفعت زى اخواتى بالظبط، يمكن بينا علاقه أقوى من الأخوات كمان…
قال وسيم هذا ونظر لليلى وقال بمكر: بس قوليلى ليه لما كنتى بتتعصبى كانت خدودك بتبقى شبه الفراولة، وكان بيبقى نفسى أقطفهم كده.
قال وسيم هذا وقال بتقبيل عاشقاً يتوه معها بليالى العشق.
….. ـــــــــــــــــــــــــــــــــــــــــــــــــــــــــــــــ
إستقظت مروه كان هناك ضوء قمر بالغرفه
تمطئت قائله: القمر فى منور فى الفيوم
سمعت من رد عليها: لأ دا الجميله منوره بأسكندريه
نظرت مروه وقالت بذهول: رامى عرفت منين إنى فى الفيوم؟
ضحك رامي وقال: بس إحنا مش فى الفيوم إحنا فى بيت إسكندريه قال رامى هذا وأشعل ضوء الغرفه
نظرت ليلى حولها، بالفعل هذه هى غرفتهم بهذا المنزل، تعجبت قائله: أنا إزاى جيت لهنا، من غير ما أحس.
تبسم رامى وإقترب من الفراش وجلس جوار مروه قائلاً بخباثه: أيه حكاية الفيوم دى نفسك تروحى الفيوم.
تعلثمت مروه قائله: الفيوم، أنا قولت الفيوم مش فاكره، بس أنا آخر حاجه فكراها إنى كنت فى العربيه بعدها محستش الأ دلوقتي، فين الولاد
تبسم رامى وقال: الولاد مع عمتى مهره فى الزهار، أحنا هنا لوحدنا فى إسكندريه
المسخ خطف الجميله للقلعه بتاعته.
تبسمت مروه وقالت: فين المسخ ده أنا مش شايفه قدامى غير الأمير الوسيم اللى عشقته الجميله.
تبسم رامى وأقترب أكثر من مروه وجذبها يُقبلها، رحبت بقبلاته.
ترك رامى شفاه مروه
تبسمت مروه وقالت:
رامى هقولك على حاجه بس والله ما أعرف إزاى حصلت.
تبسم رامى وقال: أيه هى الحاجه دى؟
ردت مروه: أنا أتفاجئت إنى حامل، إزاى معرفش مع أنى كنت واخده إحتياطي.
تبسم رامى وقال: وفيها أيه لما تكتشفى إنك حامل، ربنا يزيد ويبارك…بس ليه حاسس إنك زى ما تكونى خايفه من الحمل ده
ردت مروه: بصراحه أنا بعد مروان إبننا قولت كفايه ولد وبنت نعمه من عند ربنا، بس إتفاجئت من كام، وبصراحه خايفه يقولوا إنى غيرت من سلفتى علشان خلفت للمره التالته إنى سيبت نفسى علشان ميبقاش عندها ولاد أكتر منى.
تبسم رامى وقال: تفكيرك غلط يا مروه الولاد والمال رزق من عند ربنا هو اللى بيبعته مش إحنا اللى بنتحكم فيه، وياريت كل الغيره تبقى كده
ربنا يرزق الجميع.
تبسمت مروه له
رد رامى عليها البسمه وإلتهم شفاها بقبلات شغوفه
تتراقص نغمات العشق بموسيقى رقصة الجميله والوحش.
……. ـــــــــــــــــــــــــــــــــــــــــــــــــــــــــــــــ
إستيقظت زينب على صوت بكاء صغيرها، نهضت تنظر جوارها لكن لم تجده، ومازال يبكى، نظرت أمامها تفاجئت برفعت يحمل الصغير يحاول إسكاته بوضع تلك اللهايه بفمهُ، لكن الصغير يرفضها،
شعرت زينب ببعض الخمول وقالت: عرفت إزاى إنى فى الفيوم يا رفعت، هات الولد زمانه جعان.
تبسم رفعت وهو يعطى الصغير لزينب وقال بمزح: زيان فتن عليكى.
تبسمت زينب وهى تنظر لطفلها وقالت له: كده يا زيان تفتن عليا، وأنا اللى سيبت الاوغاد التانين وجبتك معايا.
تبسم ذالك الصغير وهو يشعر بحنان صدرها حتى أنه إستسلم للنوم مبتسماً
تبسم رفعت وقال: بقى له أكتر من ساعه مغلبنى ووقت ما خدتيه ورفقتيه لصدرك نام… كويس أهو آخد وقت مستقطع معاكى، بقالى فتره كنت قاعد على دِكة الإحتياطى.
تبسمت زينب وقالت: أنا أزاى جيت لهنا آخر حاجه فكراها العربيه وبعد كده…….
توقفت زينب ثم قالت: العصير!
العصير كان فيه منوم.
تبسم رفعت وقال: كنت بساعدك يا حبيبتى إنك تطفشى، وأهو أنا كمان طفشت معاكى، بس مش لوحدنا زى البقيه البقيه كل واحد ومراته وبس إنما أنا معايا زيان بيه الزهار وده نومه خفيف لو نكشنا جنبه هيصحى من تانى وينهى الوقت المستقطع وأرجع لدِكة الأحتياطى من تانى…
تبسمت زينب ورفعت يمد يديه يأخذ منها الصغير بهدوء وقام بوضعه بتخت صغير معهم بالغرفه.
عاد رفعت وصعد جوار زينب على الفراش وقام بضمها لصدره مبتسماً يقول: كنتى عاوزه تطفشى منى، مش عارفه إننا فى بينا شعور موصول بقلوبنا.
تبسمت زينب وقالت: كنت عارفه إنك هتجى ورايا، بس إنت جيت معايا، أنا مقدرش أطفش منك يا رفعت خلاص مبقتش أقدر أعيش فى مكان من دونك…الولاد أكيد مع طنط مهره
تبسم رفعت وقال: مش بس ولادنا عمتى مهره هتفتح بهم حضانه بعد كده.
تبسمت زينب وقالت: وهتفرح قوى بالدفعه الجديده اللى جايه فى السكه زيان بيه حلف مبكونش آخر نسل الزهار ولا السمراوى.
تبسم رفعت يقول: قصدك أيه.
تبسمت زينب دون رد
تحدث رفعت: يعنى التلاته حوامل.
أمائت زينب رأسها بموافقه.
تبسم رفعت وقال: وأنتى.
ردت زينب: أنا أيه أنا مبقاليش شهرين والده، وخلاص على كده إستكفيت، رضا من ربنا قوى، أنا كان متوقع إنى مخلفش من أساسه بس ربنا كرمه عليا فاض بزياده.
تبسم رفعت وقال: وقسمة العدل، لازم يكونوا ولدين وبنتين.
تبسمت زينب وهزت رأسها بنهى
تبسم رفعت وقال: براحتك كلها سنه وأنتى اللى هتقوليلى عاوزه بنوته تانيه زى ما قولتى قبل كده نفسى يبقي عندى أكتر من طفلين.
تبسمت زينب وقالت: وقتها لكل مقام مقال يا رفوعه، دلوقتى ربنا يعينى على زيان بيه هو وألاوغاد التانين… وأبوهم الهمجى.
تبسم رفعت يلتقط شفاه زينب بقبلات عاشقه، ثم ترك شفاها وقال
الهمجى عشق الشرسه اللى عمره ما عرف طريقه يروضها بيها، بس هو عاشق شراستها
بحبك يا زينب ، بحبك يا شجرتى الطيبه اللى إستظليت بها.
أكمل رفعت باقى حديثه قبلات ينثرها على وجه وعنق زينب، يبث لها عشقه فى
ليالى إنطفئت فيها النيران و توهج العشق.
……….. تمت بحمد الله…….
الى اللقاء
مع
